حد فاهم حاجه !!؟

في اعلان بيجي في التلفزيون مليون مره ..بيطلع فيه شريف منير ويقولك ايه علاقة السميط ..بالكورنيش والفرسكه.. بالبحر والفسيخ.. في شم النسيم والمناجايه اللي ماتتكلش ..غير في البيت واكلة حماتك اللي علي أي مراتك.. تاكل صوابعك وراها واما تكون نفسك تاكل.. وتجوع نفسك عشان عندك فرح بالليل..

انا هنا احب اسأل بس

ايه العلاقه بين
الفساد والحكومه ..والحكومه والنظام.. والنظام وفتح ...وفتح وحماس ...وحماس والاخوان.. والاخوان والقرأن ..والقرأن والسنه ...والسنه والشيعه ...والشيعه والامريكان ..والامريكان واسرائيل ..واسرائيل والارهاب ..والارهاب والداخليه ..والداخليه والتعذيب ..والتعذيب والمواطن ...والمواطن والفقر ..والفقروالفساد ...والفساد والحكومه ...والحكومه والنظام ...

حد فاهم حاجه !!؟

....

معلهش لسه راجع من اسكندريه وشوفت حاجات غريبه جدا ومغامرات عجيبه

في حاجات لازم ابقي احكيها لكم

بالذات حكاية العجله

لا طب انا هحكيها بقي بدال مالتهييس شغال ومحدش فاهم حاجه

كنت ماشي في الشارع في الاسكندرية المعمورة خاصة

لاقيت حاجه غريبة

بنت -مش صغيرة- راكبة عجلة وواقفة بيها

وحاطه مصاصة ! وبتعمل حركات روبي

ومامتها -اقطع دراعي مامته-

ست كبيرة وحججبة كده

وبتصورها بالموبيل ومبسوطة !!

..

في ايه يا حماده خلي البنت تدلع ههههه !! انا متخيل هتقول كده!

....

مدونتي الجديده المشتركه مع ياسمين

شعبين وألم واحد ارجو منكم زيارتها

تحياتي

ابن ناصر

وانتظرو الموضوع القادم مفأجأه وصور نادرة ووثائق سريه ..

ibn-nasser@hotmail.com

الأزمه الفلسطينيه من بدايتها حتي الان

نظره في تطورات القضيه الفلسطينيه

حماس وفتح لغزاً لم يحل منذ تسوية عام 1997 عندما عقدت التصالحات بين الفصائل الفلسطينيه حتي الأن وايضا عندما اتفقت فتح وحماس بعد انسحاب اسرائيل من غزة علي عدم الانفراد بالسلطه فيها وكيف تازم الموقف كذلك وتدمير معظم المؤسسلا الفلسطينيه او اقتحامها وسرقتها ؟ وما اسباب نشوب حرب اهليه –في وقت من الاوقات-بين فتح وحماس؟ ,لكننا يجب لنجيب علي الاسئله ان نلقي نظره للوراء واعادة التذكير بتطورات القضيه حتي يمكننا رؤية الموقف بشكل مختلف .
عندما قامت الانتخابات في فلسطين واشترطت الولايات المتحده الامريكيه "الديموقراطيه والشفافيه" في الانتخابات وبعد أن قال الشارع كلمته واختار حركة المقاومه الاسلاميه "حماس" وتشكلت الحكومه من حماس برئاسة اسماعيل هنيه ,فأصبحت الحكومه من حماس والسلطه من فتح -متمثله في أبو مازن – وبدأت المشكله فرفضت الولايات المتحده واسرائيل حماس وإعتبراها جماعه إرهابيه ومرفوض التعامل معاها نهائيا ,فوقف العالم ضد حماس ووقفت فتح مع العالم! وطبعا مع الحصار علي الشعب الفلسطيني وعدم دفع مرتبات الموظفين والضغط الدولي وانفلات الاوضاع الامنيه كانت فتح تتوقع ان حماس ستترك السلطه لكنها لم تتركها وظلت تتمسك وتتمسك حتي لم تستطع واصبح الضغط عليها من كل ناحية حتي انها لم تترك السلطه -او الحكومه بعني اوضح- فقامت بتشكيل حكومه وطنيه اي تجمع بين الفصائل الفلسطينيه, وتنفسنا الصعداء أن أخيرا حماس وفتح قد اتفقا علي شيء لكن سرعان ما اصبح كل يومٍ ساحه قتال واغتيالات بين حماس وفتح ويظهر قادة حماس وفتح يتصالحان ونري في اليوم التالي تفجيرات واطلاق صواريخ وعمليات اختطاف واغتيالات, حتي اني رأيت محمد دحلان في خطبه له وسط جموع غفيره من فتح وكنت اتخيل ان هذه الخطبه المندده الرهيبه –والتي كان يقول فيها رأس برأس وسنرد الصاع صاعين وهكذا-موجهه الي اسرائيل لكنها كانت موجهه لحماس! .
والان في القضيه الفلسطينيه وبعد سيطرة حماس علي غزه وفتح علي الضفه الغربيه بعد القتال العنيف وموت واصابة الكثير من الطرفين وهروب الاهالي وبعض من حركة فتح في أقوي اشتباكات تمت بين فتح وحماس, كلف أبو مازن الدكتور سلام فياض بتكوين حكومه الطواريء ,وتكونت الحكومه بالفعل وقامت بتأدية اليمين الدستوري في رام الله امام الرئيس ابو مازن وفي هذه الحكومه تولي 11 وزيرا لحكومة الطورايء" وهم سلام فياض لرئاسة الوزراء وزارة الماليه والخارجيه ,وعبد الرازق يحي وزارة الداخليه والشئون المدنيه , وزياد البندك وزيرا للحكم المحلي والزراعه, وخلود دعيبس وزيرا للسياحه وشئون المرأه ,ومحمد كمال حسون وزيرا للإقتصاد والاتصالات ,ولميس العلمي وزيرا للتربيه والتعليم العالي والثقافه ,وشمير عبدالله وزيرا لتخطيط والعمل ,وفتحي عبدالله مغلي وزيرا للصحه ,ورياض المالكي وزيرا للاعلام والعدل ,وجمال بواطنه وزيرا للأوقاف ,وأشرف العجرمي وزيرا لشئون الأسري والشباب والرياضه ,ومشهور ابو دقه وزيرا للعمل والمواصلات" ,ولكن حماس علي لسان متحدثها الرسمي اسماعيل رضوان قالت انها لن تعترف بحكومة فتح وانها حكومه غير قانونيه وغير دستوريه واصبحت المشكله في حماس ليست في عدم إعترافها بالحكومه الصهيونيه بل والحكومه الفلسطينيه ايضا! فيوجد من الفقهاء من يري ان هذا ضد الديموقراطيه ويوجد من يري ان طالما هذا من صلاحيات الرئيس فانه قانوني ودستوري, وبعد قرار ابو مازن بتشكيل الحكومه الجديده اعتبر مليشيات حماس خارجه عن القانون واتهمها بقيامها بالعصيان المسلح علي مؤسسات الدوله وعلي الشرعيه الفلسطينيه وبعدها جاء رد الفعل الدولي بالترحيب من الدول المجتمع الدولي مثل مصر والولايات المتحده الامريكيه معظم الدول الغربيه وهي تقريبا نفس الدول التي كانت معارضه لقدوم حماس للحكم وقال إيهود اولمرت رئيس وزراء إسرائيل انه سيعترف بالحكومه الجديده بشرط عدم وجود اي فرد من حماس فيها !.وقال الرئيس مبارك ان سيطرة حماس علي غزة انقلاب علي الشرعيه وقامت بنقل سفارتها من غزة الي رام الله!! فكان زمان ايام جمال عبدالناصر مصر هي التي تض الاشتباكات وتصلح اي خلافات لكن الان نقدر ان نقول لبتالعبير الشعبي-كل سنه وانت طيب- ينقلوا سفارا ويؤيدو مواقف امريكا واسرائيل.
والان أصبح الموقف متأزم جدا فالطرفين لايعترفون ببعض والمواجه المسلحه هي التي تتم بينهما بدل من التحاور والنقاش -الذي دار ولم يجدي نفعا- فيا تري ماذا ستكون التطورات في المستقبل ؟ وهل هذا العراك وقيام حرب اهليه بالفعل في وقت من الاوقات اساء الي القضيه الفلسطينه بصفه عامه؟ ام هذه لعبه لإذاحة حماس وتصفيتها ؟ فبعد سيطرة حماس علي غزة أعلن باراك ان الجيش الاسرائيلي يحاصر غزة ويستعد لشن هجوم عليها فهل هي مؤامره فعلا –ان جاز التعبير-؟ وكل هذه الاسئله لا يمكن الإجابه عنها ولا نملك سوي الانتظار ورؤية ماذا سيحدث, وندعو الله جميعا ان ينتهي الامر علي خير لان كل هذه النزاعات علي حساب المواطن الفلسطيني .
>>>>>

ابن ناصر - القاهره
http://ibnasser.blogspot.com
ibn-nasser@hotmail.com
.....

زوروا حركة ابناء مصر

سخرية القدر !

من سخرية القدر ان يرسل لي حزب الغد الليبرالي رساله لاشترك في منتدي الحزب! ويعرفني بالليبراليه!بعد كل الهجوم عليها ,, واشكرهم جدا جدا لانهم عرفوني باشياء فعلا لم اكن اعرفها عن الليبراليه وانا لاتحدث عن ايمن نور خالص .. والرساله لا قربها اليكم... الرساله بعنوان حزب الغد اليبرالي ومعها شعار الحزب ومكتوب في داخل الرساله Elghad news letter -
المنتدى الليبرالى
وتحتها بعض المواضيع واللينك بتاعها والمره دي يا جماعه من منتدي الحزب الليبرالي مش من موقع اسلامي ولا غيره
...

وسأضع لكم بعض المواضيع وارجو ان تقرأوها

.....

الليبراليه والاسلام

(لا يوجد ليبرالية اسلامية كا تحاولون ان تقنعوا انفسكم انما هناك مسلم فقط فاختار إما لقب ليبرالي او مسلم)

اتيت بكم بهذه المقوله من هذا الموضوع .
......

هل الليبرالي علماني

(نعم الليبرالى علمانى فاليبراليه تعتمد فى تكوينها على الليبراليه بشكل مؤثر فنرى أنا إذا أنتزعنا فكره العلمانيه من الفكر الليبرالى فسيتغير هذا الفكر من كلمه ليبرالى إلى هبلاوى كما يقوم الكثيير من المعتنقين فكره الأسلام السياسى

(اتيت بمقوله من الموضوع ).

......

يجب ان يقرأ كل الناس هذا المقال (ارجوكم اقراو هذا الموضوع) .. بالله عليكم ماذايقول هذا الرجل ***

اذا كنت ليبرالى ومسلم فهل تتحمل هذا المقال؟


(ذلك الحال بالنسبة للحركة الارهابية التي ظهرت بشبه جزيرة العرب منذ 14 قرن من الزمان و لبست لباس دين أسمته اسما مخادعا .. مشتقا من السلام - اسلام !!- وملأت الدنيا مذابح وقهر وسلب ونهب واغتصاب بزعم نشر دين جاء من السماء ! وبزعم اعلاء اسم رب السماء ورسول سماء !! تلك الحركة الارهابية البدوية التي أسسها راعي غنم وتاجر جمع في رأسه أخبث و أسوأ ما يمكن أن يجمعه عقل راعي وتاجر ).. استغفر الله العظيم لكن فاليظهر الوجه اللعين

.....

لليبرالي المتأسلم أشد خطورة من الإسلامي التكفيري !!!!!!!

(وآخر يقول: صحيح أنا ليبرالي.. لكن الدعاء للمجاهدين هو أبرز خصالي...لذلك.. يجب الحذر من هذه الفئة الجمبازية التي تمارس دورا خبيثا للقضاء على الليبرالية بطريقة ماكرة.).

......
وانا اعرض عليكم الان حوار د.اسامه حرب لاني كنت من المتحمسين لحزبه وكان لدي استماره للاشتراك فيه ومدونه علي موقعه لكني فعلا كنت مخدوع ... فلتقرأوه حواره

أرجو منكم أن تقرأو حوار أسامه الغزالي حرب رئيس حزب الجبهه الديموقراطي
قاللك طوال عمره مش في الحزب الوطني بس , لأ عضو بارز في لجنة السياسات كمان! ورئيس تحرير مجلة السياسه الدوليه الصادره عن مؤسسة الاهرام وأنا مش مع الحكومه...هي المجله دي بالتعين ولا الانتخاب يا حرب!
قاللك عايزين نستفيد من توشكي ! ده مصدق توشكي *
قاللك الحزب الوحيد اللي اتقبل عشان موافق علي التطبيع*
قاللك يجب عدم التفريط في العلاقه القويه مع الولايات المتحده*

,,,

تحياتي
.... ابن ناصر
ibn-nasser@hotmail.com
......

زوروا حركة ابناء مصر

مختطفات من أخبار مستفزه مضت والي الان

حسني مبارك بعد قانون الارهاب: لن نسمح للإرهاب ان يعتدي علي حقوق المواطن .....احنا هنسمح للظابط بس اصله اولي!!!

...

مصر تطالب الفصائل الفلسطينية بوقف إطلاق الصواريخ !...ايوه اومال اما تضرب اسرائيل الفلسطينين نندد ونشجب ازاي طيب!!؟

...

بعد قطع المياه: قالك شركة المياه ماكنتش بترد علي التليفونات بعد انقطاع المياه .... ولا قبل

...

نصحوا عبد الناصر باحضار اخصائي علاج طبيعي من النمسا فتمسك وقال يكفيني اخصائي علاج طبيعي من الجيش المصري!

... نصحوا حسني مبارك باحضار اخصائي علاج طبيعي من المانيا فتمسك وقال يكفيني اخصائي علاج طبيعي من أمريكا !!

...
حسني مبارك في افتتاحه للدوره البرلمانيه الجديده : لا انحني الا لله .... وأمريكا
...
المشير في تصريحاته :جيش مصر مستعد ... يعني لضرب ايران مثلا مش اسرائيل!

...
قالك عملنا اتفاقيات مع امريكا ..عراق مين يا عم (واحنا مش عملاء) ,, قالك عملنا معاهدات واتفاقيات مع اسرائيل ... فلسطين مين يا عم
(واحنا مش عملاء)
,,قاللك عندنا نوادي ماسونيه في مصر...جت علي دي يا عم مش فارقه(واحنا مش عملاء).. قالك عندنا سفاره في قلب القاهره لفرسان الصليب في مالطه.. مسلمين وعرب مين (واحنا مش عملاء).... عندي بس سؤال صغير نبقي عملاء ازاي !!؟

...

حبيب العادلي قالك صرفنا ملاين لرعاية السجون والمساجين...دلع عيني دلع نفس رعاية المتظاهرين !

.....

منع فيلم لهاني رمزي يحمل اسم "ضابط الفور كاتس" ...يااه قالك يسيء لضابط الشرطه

.....
حماس تحرر غزه وفتح تستولي علي الضفه الغربيه -الله اكبر انتصرنا حررنا فلسطين من الاسرائلين ..... لأ من الفلسطينين!

......

اربعة ملايين دولار من الولايات المتحدة لتنظيم مؤتمر المصالحة في الصومال... ياه قلبهم علينا كل ده عشان مايخلوش المحاكم الاسلاميه يمسكوا الحكم ! ديموقراطيه بقي

.....

قصر بكنجهام الملكي يعطي سلمان رشدي مؤلف "أيات شيطانيه" لقب فارس!....نفسي اشوف واحد عندنا يتكلم يهاجمهم يقاطعهم

......

يحصل الحزب الوطني علي تسعه وستون كرسي من اصل واحد وسبعون في انتخابات الشوري !!..ده ايه الديموقراطيه والشفافيه قوي بس وسعت الشفافيه قوي !

.....

أرجو منكم أن تقرأو حوار أسامه الغزالي حرب رئيس حزب الجبهه الديموقراطي

قاللك طوال عمره مش في الحزب الوطني بس لأ لجنة السياسات كمان! ورئيس تحرير مجلة السياسه الدوليه للأهرام وأنا مش مع الحكومه...هي المجله دي بالتعين ولا الانتخاب يا حرب!

قاللك عايزين نستفيد من توشكي ! ده مصدق توشكي *

قاللك الحزب الوحيد اللي اتقبل عشان موافق علي التطبيع*

قاللك يجب عدم التفريط في العلاقه القويه مع الولايات المتحده*

....
ابن ناصر

ibn-nasser@hotmail.com

منارة الليبراليه وشعاعها الأسود

بعد ان قامت الجامعه الامريكيه بمنع دخول الدكتوره ايمان الزيني من مكتبة الجامعه الامريكيه لأنها ترتدي النقاب ! ويجب لتدخل ان تخلع النقاب نهائيا ! فقامت برفع دعوي ضد الجامعه لان هذا حقها وقد فصلت المحكمه الاداريه العليا في الموضوع وقضت حق السيده في الدخول بالنقاب وقامت الجامعه الامريكيه بالطعن في الحكم والمحكمه رفضت الطعن نهائيا , وقال مسئول من الجامعه ان بروتوكول الجامعه يقول انها يجب العمل بقانون الدوله وهذا بعد ان بلغت المحكمه الجامعه ان هذا الحكم واجب النفاذ ....

وها هنا نري بعد ان سقط القناع وظهر الوجه الحقيقي من دعاة الحريه والديموقراطيه والليبرليه

ومن أين!؟ من قلعة الليبراليه من المناره وهاهي الليبراليه حرية العري فقط , حرية الراي الواحد وهذا بعد ان قال مسئول في الجامعه حجاب نعم ونقاب لا .-بيختار علي مزاجه بقي- فبإمكانك ان تدخلي وانتي في عري ها ستوماك وخلافه -ليبراليه بقي- لكن نقاب ده مش حريه ,,والحكايه كمان ان في طالبات كتير كان بيتم معهم هذه الحكايه ويرفض دخولهم لكنهم كانوا بيحولوا جامعه تانيه لكن الدكتوره ايمان رفضت ورفعت دعوي

وسؤالي هنا هل يمكن لهذه السيده المنقبه ان تكون ليبراليه ام الليبراليه تتعارض مع النقاب ! ام مع الدين! او الحريه اللي هما عايزنها

....

صورة هيفاء في الجامعه الامريكيه .. هي دي الحريه ولا بلاش

....

وبقول للجمامعة الامريكيه المحترمه اه انتوا مستقلين وبلدكم بتأكلنا وبتبعذق كرامتنا لكن ماتنسوش انتوا في بلدنا
. ..

وبعد الحكايه دي تلاقي ناس بتعمل احزاب ليبراليه ! ويقولك حريه (حرية الاختار علي مزاجه وادينا عندنا مثال بيقولك حجاب اه ونقاب لأ.. حريه تمام وفالسياسه هيقولك حزب ده اه وده لأ والاستاذه سكوت هنصور قالتلي علي مثال قالكي الحزب هناك حزب مدنيه أه احزاب دينيه لأ ده باين هيعملوا فينا زي اتاتورك ! ) عداله (يعني شفت اما يجي يحكم بين الناس علي مزاجه ) دوله مدنيه (مش فاهم يعني ايه ! اومال احنا في ايه ! قوول علمانيه هتستعبط ) ولا إيه!؟

وها هم الأن يعملون علي شيء يدعي

اليوم العــالمي لخلع الحجــاب !!

سبحان الله !

>>>>

وانا مش عارف هنلاقيها من مين ولا مين

من الليبراليون الغربيون اصحاب الافكار الوهميه والادعائات الكاذبه من الحريه وخلافه

ولا من الواطيين الديموقراطين بتوع الفكر الجديد

...

اعرف كل شيء عن الليبراليه

واخترت لكم هذه المقاله من اللينك الي فوق يا ريت تقرأوها علي مهل

دعاة اللبرلة .. عقول محتلة... أم ولاءات مختلة ؟

..

تحياتي

ابن ناصر

ibn-nasser@hotmail.com

النهارده كوكتيل

النهارده كوكتيل وصور مالهاش علاقه ببعض

>>>

السؤال الثالث من الفقرة «ب» في امتحان التاريخ للصف الأول الثانوي العام بإدارة المنيا التعليمية في نهاية الشهر الماضي، علي النحو التالي: «صلي الله عليه وسلم، قام الرئيس مبارك بمبادرة ديمقراطية مهمة بتعديل المادة ٧٦ من الدستور المصري بشأن الانتخاب المباشر لرئيس الجمهورية صلي الله عليه وسلم».

بس يعني بحسن نيه هقول غلطه مطبعيه

...

..كتاب للأطفال

طبع زي مانتو شايفين علي الشمال في اول فقره الرئيس مبارك-أمد الله في عمره- يارب مد كمان وكمان ..طبعا فاكرني بضحك لا والله اصل كله تكفير زنوب من اللي علينا

بوش يمسك بطفل ..يعني حتي الاطفال كرهاه ومش مرتحاله

لا ماهو لازم تطفي الشمع !

مقابر الجنود الامريكان اثناء وصولهم لأمريكا

بطاله!! مين قال كده دي مظاهره من القله القليله المندسه العميله المعارضه

اللي بيقولوا عندنا بطاله !

علي رأي كمال الشاذلي وهو بيقول للإعلامي عمرو أديب يا عمرو مصر بير وبلدنا كويسه قوي قوي

...

يعني اسرائيل قاعدين علي جوحل ايرث وبيتفرجوا علينا لأ وكاتب هذه المعلومات يمكن العدو ان يستخدمها ضدنا ده علي اساسان العدو هيضرب شبرا الخيمه -كلام في سيركم تحتها مفاعل شبرا اتنين-... وطبعا دي بناء علي تعليمات امنيه مشدده !

..

الصوره دي مصيبه فعلا دي "انت والنجوم" يعني برجك اليوم ... يوم الاستفتاء المشؤم

اتفرج وادعيلي

...

سفارة فرسان الصليب والشعار فوق يافطتة الاداره المركزيه للمبيعات

وده زعيمهم فكروني اعملوا تمثال

..

وبنقول التعليم ليه متخلف

صوره من كتاب الصف السادس الابتدائي

بص مكتوب ايه !!

..

طابع سابق للجمهوريه العراقيه عام 1980

...

رجل يسجد لأم كلثوم

...

كلمات القرءان علي اجساد واحذية السفله والعاريات

استغفر الله العظيم ..وبرضه بنشتري منتجاتهم

...

اربعون بالمائه من جيش الاحتلال الاسرائيلي يتكون من مرهاقات ذو 18 عاما !!

...

خديجه الجمال زوجة جمال مبارك وسط سوزان مبارك وزوجة علاء

...

تحياتي

ابن ناصر

مدونة ثائر

ibn-nasser@hotmail.com

...

بدعوكم للدخول علي

موقع حركة ابناء مصر

يوم الاغاني الوطنيه

نفسي اعرف اليومين دول الاغاني الوطنيه شغاله علي ودنه لي افتح الاولي وطني التانيه التالته حتي النايل تي في اكيد ناويين علي مصيبه وعشان خاطر كده النهارده هنتكلم علي الاغاني !!

اخترناااااه وبايعناااه ........ علشان كده احنا اخترناه

... مش عارف برضه علشان ايه بس عرفت مش احنا اللي اخترناه , ده هو اللي اخترنا

الصوره دي احنا ليه اخترناه اصلي عرفت بعد كده

...

بس عشا اكون محايد هو عمل انجازات قويه برضه يا جماااعه ده كل حاجه عمله ليها مضمون واصل وخد عندك ايه 25 سنه كباري ..

رئيس الكباري

عندك كوبري 6 اكتوبر ..يعني الحرب يعني الضربه الجويه

عندك كوبري 15 مايو .. يعني الثورة يعني ثورة التلبيخ والتلطيخ

عندك كشك مبارك مدينة مبارك الجامعيه مكتبة مبارك مشروع مبارك مباركيات كتيره لدرجه ان جامع نادي اتحاد الشرطه منحوت عليه مبارك مصر.. طبعا وللأمه الاسلاميه

اغاني شبابيه ميه في الميه

كنت بسمع اغنيه لتامر حسني بيغنيها لحبيبته وهو يفارقها لكن بعد ماسمعت اول كلماتها افتكرت ان اللي بيغنيها مش تامر حسني لأ ده بابا حسني لحبيبته مصر وهو بيفارقها ((انا عارف ان كده ده خيال علمي)) لكن .. الاغنيه بتقول " إعتذري للي هايجي بعدي خليه يسامحني اصل انا اخذت كل حاجه في عهدي وشوفي عهدي كان كام سنه !!!"

فعلا ياه كااام سنه واه موت واخذت كل حاجه فعلا !!

...

وعندك اغنية شرين الجديده بتغني فيها وبتوجه كلامها المفروض لينا لأ قوليها لرئيسك يا ماما ..وبتقول في الاغنيه (بلدنا امانه في ايدينا نعليها مدام عايشين نعيش فيها سنين وسنين (مين اللي البلد في ايده انا!! ومين العايش علي الكرسي سنين وسنين والمفروض يزودوا نعيش سنين وسنين من غير معارضين)..ماشربتش من نيلها (لأ من حنفيتها!اكيد يعني هشرب منين! ومين اللي ماشربش من نيلها وبيشرب ميه معدنيه !!)..طب جربت تغنيلها (اه اربعه وعشرين ساعه ,مين اللي سياسته بتغني لبلاد تانيه) ..جربت في عز ماتحزن تمشي في شوارعها وتشكيلها (اه جربت في حراسه مشدده وقناصات وهيلكوبترات واجرائات امنيه ..اه ده انا)..مامشتش في ضواحيها (رجلي ورمت ..اه من الهيلكوبتر قصدي)..طيب ماكبرتش فيها (اتولدت وعشت وهموت فيها وهو موجود!)..طب ولا ليك صوره علي الرمله كانت علي الشط في موانيها (اه عندي صوره مع بوش وكوندي في شارم والضفادع البشريه تطوق المكان...تمام يا فندم )...ومش عارف ايه ذكري القلب شايلها (اه عندي حتة ذكري اما شارون مات وقلت عليه فقدنا رجل السلام ده انا واخدين بالكو!!) وكلام من نظام وحشاك وحنيلها وااااه اااه ترلملم اااه

وغاليه علينا وفي عنينا واحنا اللي هنعليها وهي الصحبه والاهل (اعلي ايه قاعدين يخصخصوا ويبيعوا في الارض قالك استثمار وتقولي اعاليها ..اعلي مين بس!! وعلي فكره شرين قصدها بالصحبه ظباط الجيش وبالأهل طبعا حبايبنا الشرطه !)

...

تحياتي

ابن ناصر

Ibn-nasser@hotmail.com

....

النكسة بين الماضي والحاضر والمستقبل

كان للنكسه يوم 5 يونيو عام 1967 اثر أليم في نفوس المصرين والعرب جميعا ولم يختلف احدا علي ذلك وكان الحديث حول اسباب النكسه ومن المسئول وكيف وقعت , لكننا سنتكلم هذه المره عن شيء مختلف وهو ماذا بعد النكسه ؟ ,وهل كانت النكسه عسكريه فقط ام شامله في جيع المجالات؟ ولماذا يبرم الناس معاهدات ؟ هل من اجل تجنب ويلات الحرب فقط ام من اجل صحوة شامله في الاقتصاد وكافة المجالات ؟؟

بعد النكسه وقيام الرئيس جمال عبد الناصر بالتنحي والعوده لصفوف الجماهير-في خطابه الرسمي- تندفع الجماهير الي الشوارع هاتفه بعودته حتي نزل البعض بملابس النوم! وايضا من الحكايات الطريفه وهي عندما جاء زكريا محي الدين –النائب الاول للرئيس- الي الرئيس جمال عبد الناصر يستغيث بعد ان قامت الجماهير في الشوارع بضربه لانها لا تريده بل تريد الرئيس عبد الناصر ! ولم يستطع عبد الناصر رفض مطلب الجماهير فظل في القياده وبدأت نقطة التحول في بناء الجيش وفي كافة المجالات فيجب ان نوضح ان النكسه كانت نكسه عسكريه فقط لم تكن نكسه اقتصاديه او فكريه او في مجالات اخري قد تكون فقط انعكست ظلال النكسه العسكريه علي باقي المجالات.. فمثلا قد تسلم عبد الناصر قيادة مصر-بعد الثوره- وكل انتاجها في الزراعه والصناعه لا يتجاوز 695 مليون جنيه .. فقفزت القيمه الكليه للإنتاج الي 1500 مليون جنيه سنه (63-64) ..ورغم النكسه فقد زاد الانتاج سنة (67-68) عن السنه السابقه بنسبة 8% ,وزادت الصادرات الصناعيه والبتروليه من 82,1 مليون جنيه سنة (66-67) .. الي 87,4 مليون جنيه سنة (68-69).. وفي السنه الاخيره تحقق لاول مره فائض في النقد الاجنبي في ميزان المدفوعات بلغ 7 ملاين جنيه !..وبعد النكسه بأقل من شهر بدات عمليات الجيش المصري واسعة النطاق ففي الاسبوع الثالث من النكسه تم تفجير مخازن الذخيرة الاسرائيلية وقطار الاجازات على سيناء وبعدها معركة راس العش واغارات القوات الجويه المصريه علي مواقع العدو بالضفه الشرقيه للقناه واغراق المدمره الاسرائيليه ايلات وبعدها بدأت حرب الاستنزاف والتي قام العديد من المصرين ببطولات فيها وقد خسرت اسرائيل فعلا الكثير والكثير وتعد هذه الخسائر 40 طيارا و 8371 قتيلا و 3141 جريحا واسيرا, وفقدت البحرية الاسرائيلية المدمرة ايلات ومعها سبعة زوارق وسفن متنوعة, وخسرت القوات البرية 72 دبابة و 119 مجنزرة و 81 مدفع هاون وكان لهذه الانجازات البطوليه شيء مهم وهو تحطيم الحاجز النفسي بين الجنود لمصريون وجنود العدو والاحساس با المصري قادر علي تحقيق الانتصار.
فدعونا نفكر معا اذا كنا في نكسه والاقتصاد والمعارك العسكريه هكذا فيكف نسمي واقعنا الاليم المليء بالنكسات بداية بصفر في الاقتصاد وصفر في المونديال وصفر في الرعايه الصحيه وصفر في الامن –ماعدا الامن السياسي بالطبع – وصفر في جميع المجالات..و يجب ان نفكر في هدف ابرام المعاهدات فهل الدول تبرم المعاهدات للنهضه ام لترجع للوراء وخشية الحرب فقط !وتري احد المسئولين يقول أن من انجازات الرئيس مبارك انه لم يقع في عصره اي حرب !-اي المحافظه علي معاهدة السلام- فنحن لا نحب الحرب بل نحب السلام لكن وما المقابل ؟ المقابل كل هذه النكسات ! فمثلا يوم تعديل الدستور اهل لان يصبح نكسه فعلا في تخريب الدستور وتقويض الحريات وجعل الدوله بوليسيه, ويوم توقيع معاهدة السلام مع اسرائيل التي بها الكثير من التنازلات واقل التنازل بها التنازل عن قرية ام الرشراش (ايلات) والتي قيل انها فلسطينيه وهذا عندما رأو استحالة رجوعها مع المعاهده لانها الميناء الاساسي لاسرائيل ولن نتكلم عن ارجاع طابا بالتحكيم ليس بالمعاهده! ومعاهدة الاستسلام هذه هي سبب كل المشاكل التي تعيشها مصر الان وليس نكسة 67 فمعاهدة التنازل عن الاراضي العربيه والوحدده العربيه وحق شعب فلسطين واتمام الصفقات مع اسرائيل للتربح ووضع شروط في المعاهده علي مصر تذل اي مصري مثل ممنوع دخول اي عسكري ذو اسلحه ثقيله في سيناء قبل الحدود الاسرائيليه ب 30 كيلو ووضع مراقبين الدولين وكان نحن نفعل اي شيء حتي ننال رضاهم بأي ثمن وكل هذه حتي لا يحاربونا ! فما هو شعور اي مصري عندما يري السفاره الاسرائيليه في البلاد او الرئيس المصري يقبل ويحضن بشده سفاح من سفاحين الكيان الصهيوني؟ او يري –والمشهد يتكرر كثيرا-حراس الحدود المصريون يقتلون ولا يهتم احدا !

فأيهم نكسه حقيقيه في وجهة نظرك نكسة 67 العسكريه أم معاهدة 77 بداية النكسه الحقيقيه ام عصرنا الان وهو النكسه الشامله في كل المجالات ؟

ابن ناصر
ibn-nasser@hotmail.com