مـصــر تـشـتـكي
...ظهرت بعد تطور شائعة موت حسني مبارك موضوع في جريدة الأهرام بالبنط العريض عن عمل نشاط سياسي مكثف للرئيس وبعدها بيوم
ظهرت تصريحات مبارك مع أسامة سرايا لنفي الشائعات عن موتة إكلنيكيا
قال مبارك: إن شغله الشاغل هو توفير الحياة الكريمة لأبناء مصر والتركيز علي حل مشاكل المواطنين وأشار إلي أنه يوجه الحكومة دائما للاهتمام بمحدودي الدخل وموظفي الدولة .. وقال الرئيس أنه مطمئن للوضع الاقتصادي الجيد الذي تمر به مصر وأكد أن التحدي الرئيسي أمام الشباب المصري هو اكتساب مهارات وتقنيات العمل الجديدة والمتطورة حتي يكون قادرا علي تلبية احتياجات السوق وبشكل خاص الشركات الكبري التي تسعي للعمل في مصر وأوضح الرئيس أن فرص العمل ستتوافر كما أن الأسلوب الذي يسير عليه اقتصادنا حاليا سيؤدي إلي ارتفاع مستوي المعيشة, وعن انتخابات الحزب الوطني الداخلية قال الرئيس إنها شهدت منافسات حية وصحية وإنها أسلوب سياسي فعال لتطوير الأحزاب وتقويمها وأشار إلي أنها جرت في الصيف رغم أن الآخرين في إجازة ويجب علي الاحزاب ان تقتدي بالحزب الوطني,
وطالب الرئيس الأحزاب الأخري بحل صراعاتها ومشكلاتها من خلال التنافس في الانتخابات, وأشار الرئيس إلي أنه لا تهمه الشائعات ولكنه يعرف مصدرها وأغراضها وانها من التيارات الغير شرعية التي تريد تدمير انجازات مصر وشعبها
وطالب الرئيس الأحزاب الأخري بحل صراعاتها ومشكلاتها من خلال التنافس في الانتخابات, وأشار الرئيس إلي أنه لا تهمه الشائعات ولكنه يعرف مصدرها وأغراضها وانها من التيارات الغير شرعية التي تريد تدمير انجازات مصر وشعبها
...
كيف أعلق وماذا أقول؟؟
!!بعد خمسة وعشرون عاماً يعد بأن تكون المواطن حياتة كريمة
هل تذكر فجأة وجود مواطنين في البلاد!
هل الطريقه الواحيدة لخلق وظائف هي المشروعات الخاصة ؟
لماذا لا تبني الحكومة مشروعات بدلا من الخصخصة والتفكيك!
هل الحزب الوطني قدوة ؟؟
اذا كان يقصد في التزوير والبلطجه
فنعم هو قدوة فعلاً!
تيارات غير شرعية ! لا يريد ان يعترف بوجود شيء يسمي الإخوان إنة يدفن رأسة في الرمل
وعن أي انجازات يتحدث ؟؟ اين الانجازات ؟؟ عن توشكي !؟ ولو اراد اي شخص تدمير انجازات مصر وشعبها لن يستطيع !
طالما نحن موجودين
يداَ بيد
أبناء مصر
بجميع طوائفها
فحتي الأن وبعد خمسة وعشرون سنة لا يستطيع مبارك تدمير مصر بالكامل
ولن يستطيع بتزويرة وبلطجيتة وخصخصتة وتفكيكه للبلاد وبيعها الي الخواجات بعد سرطنتها وتلويثها
أن تدمر بالكامل
...
تريد أن تعدنا -حتي لو كذباً
أعدنا بكوب ماء نظيف
بصرف صحي
بمرتبات تكفي
غلاء الأسعار
بقوة إقتصاد
بكرامة للمواطن
بكف التعذيب
بحياة أدمية
أعدنا بشيءٍ واحد
بجزءٍ
نريد جزءٍ ولو صغيــر
منها
من
مصـــر .. بلدنا التي نعرفها
فالسؤال هو
هل مصر تشـتكي .. من أبنـائها
أم تشـتكي .. لأبنــائها
؟؟؟؟
...
تحياتي
ابن ناصر
هناك ٣٢ تعليقًا:
انا من بلدة لما ترى هذه الانجازات
وخصـوصــآ المجارى والكبارى اللى بيقولوا عليها
حتى الكوبرى اليتيم اللى اتعمل وبيقولوا عليه من اول الكبارى المعلقة فى الشرق الاوسط ليس لها اى فائدة تذكر لان المكان اللى اتغير واتعمل فى المكان الغير مخصص له بسبب تدخل جهات معينة مش مشكلة ماعلينا مش موضوعنا
انا بقى من بلد بتشرب مياه ملوثة وكمان مفيش صـرف صـحى
واحنا تم محاربتنا مباشرة فى سرقة ارضنا علنآ وبيع بحيرة ناصر اللى كان الضرر مباشر لنا
اننى لا احبهم وليا عداء مباشرة معاهم لما اعانيه من هموم ومحاربتنا فى كل شئ
يا عم نفض...مبعون أبوهم كلهم..دي عالم بتتنفس الكذب و عاوزينا نبلعه
ابقي شوف ردي علي بوست عمرو زكي
:)
تحياتي
قال مبارك: إن شغله الشاغل هو توفير الحياة الكريمة لأبناء مصر والتركيز علي حل مشاكل المواطنين وأشار إلي أنه يوجه الحكومة دائما للاهتمام بمحدودي الدخل وموظفي الدولة
وقال الرئيس أنه مطمئن للوضع الاقتصادي الجيد الذي تمر به مصر
ويجب علي الاحزاب ان تقتدي بالحزب الوطني,
لا تعليق
هو قال كل حاجة
ايه الحلاوة دى يا ابن ناصر
لا اعتقد ان احدا يستطيع ان يعبر ببلاغة عن واقعنا المؤلم كما فعلت
شكرا لك ولكل الشرفاء فى هذا الوطن المغتصبة فيه السلطة والحقوق والكرامة
اما حكاية ان حمارك بيهتم بالمواطن محدود الدخل فهذا لكى يطلع دينهم ويزيد من همومهم ويريته ينساهم مثلما هم عايزين ينسوا انه موجود على رؤاس عصابة لصوص يسميهم مرة حزب واطى ومرة اخرى لجنة النجاسات
عاش كفاح شعب مصر
عاش كفاح الناصريين
سلام يا ابن ناصر
كلامك جميل ومؤثر
معاك حق مصر بتشتكي لأبناءها
ويعدين مش كتير على بلد زي مصر انها تشتكي عشان أولادها اللي بيعانوا
ربنا يكون في عونكم وفي عونا كلنا الشعوب العربية
على فكرة اللي شاغلني كان خير وجميل ويارب عقبال الجميع بما فيهم انت
عرفت ايه اللي شاغلني؟
لو عايز تعرف اقرا البوست ده http://shehidah.blogspot.com/2007/08/blog-post.html
هههه
تحياتي ليك
طب وبعدين ؟ هل العيب في مبارك بس
ولو مبارك ساب الحكم مين اللي ينفع يمسك البلد مين اللي هيوعد ويوفي
انا مش موافقه انه راجل فاسد للنخاع
اذا كان هو كدا الحاشيه اللي حواليه اللي هما مصرين افسد منه
والحزب الوطني اي نعم هو الحزب الحاكم بس كام حزب طلع ومعملوش حاجه
يتري هيجي حد زي بعد الناصر يقولنا ارفع رأسك يا اخي انتهي عصر التعذيب والفقر والظلم والفساد وحاجات كتير اوي
وااذا كان مبارك فاسد فحنا كمان بجهلنا سعدنا حكامنا علي مدار 7000 سنه يسرقونا ويعذبونا
ومش الحل هو الوصول للسلطه الحل في
الاصلاح الداخلي ناس كتير اوي عايزه غسيل مخ عشان تعرف تمسك بلد وتنهض بيها
تحياتي بوستك جميل ومدونتك اجمل
ياعم اسامة سرايا ده غبي غبي غبي لئلا بيستغبى ..نفاقه واضح ومكشوف بغباء ومقرف..الله يهده00تسلم ايدك عالسؤال
والإجابة الإتنين طبعا..مش كلنا حلوين ومش كلنا وحشين0
كان الله في عونكم
الاكيد ان مصر تشتكي من ابنائها الظالمين
وتشتكي لابنائها المظلومين
طول عمر الشعب المصرى ناكر للجميل بقى الراجل جاى يوفرلكم حياه كريمه و ايه يعنى ده جت متاخره دول يادوبك 25 سنه لا راحوا ولاجم وفى الاخر تقول لا صحيح شعب ما عندهوش دم
للاسف اخى العزيز مصر تشتكى افلاس شعبها و عدم احتضانه للتغيير و الاصلاح
و لكن ان شاء الله الفرج قريب
والله حكاية موته دي
حكاية ليها العجب
الراجل طالع بيستنكر بشدة انه ممكن يعيا زي بقيت الخلق و يموت
لا اله الا الله
والله الواحد بيفكر يدورلة على جزيرة صغيرة كده
مفيهاش سكان خالص
يلم فيها التمانين مليون مصري
ومعاهم حتة من مصر كده
و يهاجر على هناك
ويسيب لمبارك و عيالة البلد مخضرة
تفتكر ساعتها...عيالة هيفرحوا
ومصر هتبقى احلى
وتفتكر البلد الي هتبقى مصر الجديدة
هتبقى انضف و احلى
ولا المصري مصري ولو صحي من النوم
يمكن احنا اللى مش حاسيين بالتنمية ؟؟
أمانـــي
ههه
اه رئيس الكباري والبلاعات
لو فيه بلاعات اساسا
تحياتي
مايكل
علي رأيك
وبالنسبة بوست عمرو ذكي
هاين عليا ارد
باين عليك
اهلاوي
ومتعصب كمــان!!
تحياتي
شهروزة
هههههههههههه
اه الراجل فيه الخير يا مفتريين
شغله الشاغل
توفير حياة كريمة!!!
يارب يغور بقي
تحياتي
الحسيــني أبو ضيــف
فعلا لجنة نجاســـات !!
تحياتي وشكراً لك
شهيــدة ازيك عاملة ايه ؟؟
مبرووووووووك
تحياتي
كوكا
والله هو كلام معقول بس
الحل قبل الاصلاح الداخلي
هو قطع قاعدة الفســاد بمن عليها
والتي يرأسها مبارك
تحياتي
احمد المصري
لأ هما اتنين اغبياء
فعلا
!
تحياتي
ياسمينا
فعلا هكذا
تصبح المعادلة صحيحة
سلام یا ابن ناصر ازيك؟
انا عملتلك آد دلوقت
اقبل اوك
سلام
EGYPTIANOCD
لا ومش كدة عشان تعرف احنا مفترين قد ايه
ده كمان شغلة الشاغل
الرجل مش بينام الليل!
تحياتي
ابو مفراح
ان شاء الله الفرج قريب
تحياتي
سكـــوت هنصوت
لا
تحلي
بابنائها
الفايقين
وانتي عارفه كدة كويس
تحيـــاتي
شارم
لا احنا بننكر
ناكل وننكر
مش كدة برضو!!!!
تحياتي
لست متعصبا علي الاطلاق الا اذا شعرت بأن من يكتب متعصب
:)
تحياتي لك
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
مايكل
انا متعصــب
للحق
فقط!
تحياتي
صاحب البوابة
شكرا علي كلامك الجميل
وليــك واحشة والله
تحـــياتي
ازيك يا خالة امانى انا رجعت ارزل عليكم تانى واد يا ابن ناصر يارب اللى انت بتكرهه يموت يموت يموت
بالمناسبة طول عمره بيوعد ومش بينفذ توما تفهومونيش غلط لا سمح الله
thanks
إرسال تعليق