أخبـار ابـن نـاصر

لا للتعديلات الدستورية

الاثنين، 19 فبراير، 2007

مصر متقدمه والله يا جماعه !!! مش مصدقين؟؟؟


عارفين كلنا طبعا بدون الدخول في التفاصيل أن الحقبه المباركيه لم تأتي لمصر بمنفعه واحده وأي شخص يتحدي من يعطيه منفعه واحده أنا قبلت تحديكم وثاثبت لكم العكس وأن في عدة منافع !! فمصر لم تعد في مكانها وسط الدول العربيه كانت أيام ناصر
الشقيقه ألكبري دلوقتي حالها يصعب عالكافر فهي مش شقيقه بل أصبحت يتيمه بكل الطرق ولن نتكلم عن الديون المتلتله الداخليه والخارجيه ولا عن أصحاب الملايين الهاربين ولا عن الفساد والرشوه والمحسوبيه ولا علي استخدام البلطجه في الانتخابات وطبعا كلنا عارفين حقوق الانسان بره عارفين ان احنا دوله بوليسيه والديموقراطيه دي من المستحيلات فالنقطه اللي عايز أوصلهالكم اننا متخلفين في كل المجالات وده باين طبعا علي الاقتصاد وهذا طبعا بعيدا عن المصمصه أهه عفوا الخصخصه فالبلد اتبعات ولم يعد بها شيء فخلاص اكنها أحتلت بس مش عسكريا بل اقتصاديا وعلي العموم ده مش موضوعنا نرجع للموضوع, فحتي الكره صفر فاكرين صفر المونديال وطبعا لوحتي الكره كده يبقي بحث علمي ايه اللي بتتكلم عليه بقي يا راجل ده احنا حتي مطلعناش من أفضل 500 جلمعه في العالمّّّ!! شوف بقي اسرائيل كانت واخده السنه اللي فاتت خمس مراكز(خمس جامعات) والسنه دي سبعه عايز ايه بس انا لسه ما أقنعتكش بعد كل ده هتكتشفت أنك غلطان في الأخر وأن مصر متقدمه في عدة مجالات طبعا غير التقدم في السينما مثل أفلام محمد سعد الخالده وطبعا أنا ماحسبتش البرامج الهادفه اللي بتعكس حال المجتمع زي برنامج هاله شو !! وأكتشفت أخيرا مجال تحتل مصر فيه المركز الخامس علي العالم بجداره ومن غير منافسه وهي... انفلونزا الطيور ...-وهذا طبعا علي لسان المتحدث الرسمي لوزارة الصحه- هاا رفعت معنوياتكم يالا بقي يا رجاله كافحوا أشتغلوا زي ما قيادات الحزب الواطي الديموقراطي بتسهر علي راحتكم عايزين نبقي المركز الأول..يا رجاله

ابن ناصر


هناك 22 تعليقًا:

Sharm يقول...

موضوع انفلونزا الطيور ده البلد تعبت فيه بجد

يا جماعة متربوش طيور و بيلفوا يقتلوا كل الطيور في كل حتة


تيجي ام سعدية تربيلها جوزين بط تحت السرير و ام فوزية تربي جوزين حمام فوق الدولاب

يلعن ام الجهل

دي ثقافة شعب لازم يتغير و تعليم لازم يتغير

اما عن صفر المونديال فانا معاك
100 %
دي مسؤولية حكومة و غلطة حكومة و الشعب ما كانش هيقدر يعمل اكتر من اللى عمله .. ده احنا كنا بنبوس التراب عشان الموضوع ده و العالم شاف بنفسه اللى الناس عملته في كاس افريقيا و ما كانش هينجح النجاح ده لولا الناس و الجماهير


اما موضوع 500 جامعة ده فانا بصراحة مش عارف هما بيحسبوه ازاي


انا في كليتى في دكتور اكتشف معادلة كيميائية غيرت مفاهيم ثابتة و معروفة من سنين و بقاله سنتين في امريكا و غيره كتير

اكيد في سلبيات بس معرفش فعلا هما بيحسبوها ازاي

Sharm يقول...

شفت .. من اندماجي في الموضوع نسيت اشكرك عليه

!!

ibn nasser- ابن ناصر يقول...

اول حاجه بالنسبه ان البلد وأنفلونزا الطيور أنا ماكونتش باتكلم علي تقصير من البلد أو أي حاجه أنا كنت بقول مكانه في معظم المجالات من الكره للتعليم مرورا بالحريات ,, الخ وان احنا مش متقدمين في حاجه خالص غير في أنفلونزا الطيور !!! و بتقولي الدكتور بتاعك أكتشف أنا ما شككتش عمري في مواهب المصريين المصريين - في وجهة نظري -من أذكي شعوب العالم لكن لو أتوظفوا صح ,, ومتشكورنيش علي حاجه خالص

مصر هى أمى يقول...

ابن ناصر
موضوع الانجازات الخطيرة للحزب الوطنى حلو اوى
بخصوص صفر المونديال انا اعتقد ان ده احسن استفتاء على مكانة مصر العالمية وهيا مصر تسوى ايه عند العالم فطبعا نسوى صفر
ام حكاية الشقيقة الكبرى وان البلاد العربية بتشتمنا ونقول سماح علشان احنا الشقيقة الكبرى ده كلام فارغ هما لو كانوا بيحترمونا مكنوش شتمونا فى الاصل زى ايام ناصر

المنفعة الوحيدة لهذه الحقبة
انى لسه عايش لحد دلوقتى

ibn nasser- ابن ناصر يقول...

طبعا أنا مقولتش ان المنفعه الاحده في الحقبه أنك عايش لأن دي حاجه معروفه مش لازم تتذكر , وعلي فكره أه كنا ساعات بنتشتم بس انت عارف رد الفعل بيبقي أيه يعني ايام الحسين ملك الاردن أما كان بيلعب بديله شوف ناصر قاله ايه وطبعا كلنا عارفين حاجات كتير كانت بتتقال أنا كان قصدي بس ان مصر فقدت أو بدأت تفقد مكانتها -ومكانتها ثابته علي طوول يعني لو جه بس واحد عدل هترجع تاني- ولازم نشكر ربنا ان المنفعه موجوده وعايشه أهو ,, اوعه تسافر يره مصر ولا حاجه

hend يقول...

احنا اجدع ناس نيجى فى الهايفة ونتصدر ونحاول نركب القطر بعد ما يطلع من المحطه

ibn nasser- ابن ناصر يقول...

اه والله هايفين أوي احنا بس هو مين أنا مش فاهم انا اللي جاي في الهايفه ولا الحكومه ,, ااه وبالنسبه للقطر في مصر القطر محروق يعني مش هيفووت حد لانه مش هايمشي اساسان

عاشق مصر يقول...

سيدى اعزرنى على المداخله لكن ايه موضوع ناصر ده ماافتكرش حد فينا حضر ايامه انا اللى عارفه انه كان زى امريكا دلوقت وبيدخل فى الشؤن العربيه زى حرب اليمن اللى دفع فيها 40 مليار جنيه اغلبها رشاوى لمشايخ القبائل وده كله عند فى الملك فيصل ده غير اللى اتصرف فى الجزائر والجنوب الافريقى ضيع سيناء مرتين مره فى 56 ولمدة سبع شهور ومرة فى 67 وانتوا عارفين الباقى ده غير التعزيب وصلاح نصر وغيرة السلع ماكنتش متوفرة ومش عايز حد يقول انى عميل لكن راى احنا كنا اولى بكل ده بدل مانصرفه على العرب وشوف هما دلوقت بيعملوا فينا ايه واخرها فى السودان
مع احترامى للجميع وانا مش عميل وما بحبش حسنى مبارك

عاشقة الوطن يقول...

والله يابن ناصر الواحد فعلا شاف كتير وهيشوف اكتر
بدام احنا عايشين فى العصر الذهبي(اقصد العصر الصفيح)ربنا معانا
ويقدرنا على اللى احنا عايشين فيه دلوقتى
وربنا معانا
احنا مش عارفين ايه القادم

بس الموضوع حلو جداااااا
وكلامك جميل
وطريقتك فى السرد حلوة جدا

الوردة السودة يقول...

فى ايه
هو انا كل مادخل مدونة الاقى الناس بتلعن فى ام النظام
وام البلد
هنعمل اه يعنى
دى حاجة تسد النفس

kaed يقول...

إزيك يا أبن ناصر
يا بنى إحنا خرجنا من التاريخ و الجغرافيا مع بعض و إحنا برة اللعبة من يجى 25سنة و هذا الرقم بالذات لة معنى المهم إنت عامل إية
على فكرة المدونة تحفة

ibn nasser- ابن ناصر يقول...

عاشق مصر
اول حاجه مهما اختلفنا اهلا بيك ,, ولازم نختلف فكلنا مش هتبقي افكارنا واحده تاني حاجه مهما فعل ناصر من اخطاء -رغم معظم ما قلته ليس حقيقي أو حقيقي لكن ليس بالصوره دي وعلي فكره افكارك عن ناصر مشوشه فناصر لم يعطي لقائد الجيش الامريكي في العراق وسام الجمهوريه امبارح زي مبارك ولم يبيع العرب بعد ما وقفه معاه في الحرب وشراء ضعف بلده بالمعاهدات زي السادات يعني ممكن تقولي بند من بنود كامب دايفيد بيتكلم عل القمح ليه هو ماله بالسلام مانزرع زي ماحنا عايزين-وانا اعطيك مثال واحد ومش هقولك ايلات ولا غيره- فناصر في أخطاء مثلا حرب اليمن لكن انت جاوبن علي نفسك قلت احنا معيشناش زمانه فالواحد ماكنش بيتخيل ايه اللي بيحصل عارف الامام بتاعهم كان بيعمل ايه -ده ماكنش صدام عشان ماتقولش تدخل في شؤنهم-كان بيقول التعليم حرام الراديو حرام كله حرام وكان بيدهن نفسه فسفوري ويطلع في الضلمه انا بقولك حال دوله شقيقه وعربيه في القرين العشرين ناس ضربوا النووي خلاص والتاني داهن فسفوري وشعبه متخلف مية سنه لورا ,, هل تري دعم ناصر لثورة الجزائر وكل الثورات العربيه تدخل في شئونهم وضياع سيناء؟؟ ماذا عن المشاعر هل الدين يأمر بهذا أخوك في احتلال والاخر في ضياع ونسيبوا ,الرسول لم يفعل ذلك ابدا ,,ومعني هذا ان انت مع السياسه الخارجيه لحسني وهي افغانستان واحنا مالنا عراق ياعم يتحرقوا , فلسطينين دول خخونه ,,ولبنان ,,وووالخ يكفي لك انك تبقي لديك كرامه وعزة نفس فانت مصري عربي يقدر حد يدوسلك علي طرف شووف دلوقتي وانت أكيد اتفرجت علي الصور اللي عندي هنا ؟!!!؟
وبالنسبه لصلاح نصر والمعتقلات والتعذيب ,, انت عارف السادات لما مسك مصر عمل ايه في المعتقلات السياسيه وكده عارف عمل ايه فتحها كلها عارف يعني ايه ؟؟؟؟ يعني اي واحد بيخشها يبقي بعلمه اما ناصر فكان في تكتل عليه وهذا مايسمي بمراكز القوي اللي دخلهم السادات السجن فكان بيحصل الكتير دون علمه واشياء بعلمه ومايقدرش يعمل حاجه يعني مثلا عبد الرحمن الابنودي الشاعر قال هو دخل السجن ايام ناصر وهو مازال يحبه عرف بعد ماطلع ان ناصر لم يكن يعلم شيء عن سجنه ؟؟؟ وعلي العموم طولت عليك ومشكور وياريت تبقي تزورنا وانت علي فكره ولا خاين ولا عميل ولا حاجه انت باين عليك وطني لكن الاعلام انت عارف..

ibn nasser- ابن ناصر يقول...

فعلا ياعاشقة الوطن ماهو ده العصر
الصفيح وربنا وندعي ربنا مش يبقي معانا لأ لكن ربنا يرحمنا بقي وشكرا
علي زيارتك نورتي ويا ريت تكرريها وانا زورت مدونتكك في غاية الجمال

ibn nasser- ابن ناصر يقول...

الورده السوداء
علي فكره انا دخلت مدونتك وهي جميله اوي وكلها رومانسيه ده واول حاجه تاني حاجه انا مش كل موضوعاتي بتلعن في النظام بس أؤكد لك كله علي حسب الموود يعني انا ليا اشعار روملنسيه_غزل يعني_ بس اما اقلاقي وقتها هنشرها كده وانا بحاول ما أتمش في كلامي وعلي العموم المره دي سديت نفسك المره الجايه هتتحسري !!!؟

ibn nasser- ابن ناصر يقول...

قائد
اول حاجه اشكرك علي الزياره الحلوه دي لأن انا زورت مدونتك وعجبن أسلوبك اوي اوي وتحليل الموقف والمشكله ان احنا خرجنا من 25 سنه المشكله هيحصلنا ايه بعد كده ال25 سنه اللي جايه ايام هيثم جمال مبارك

عاشق مصر يقول...

اخى ابن ناصر اشكرك على هذا الاسلوب المهذب فى الرد انا عايز اضيف حاجه بس انا الاعلام مش ماثر فيا انا كنت ناصرى جدا ومؤمن بالقوميه العربيه حتى قبل ثلاث سنوات قبل ان انتقل الى العيش فى الخليج مارايته هنا والله الذى جعلنى اغير جميع افكارى اما اليمن التى تتكلم عنها فانا لم اقابل يمنى الا لعن فى مصر وعبد الناصر وبيولوا ياريتها كانت دامت ايام الامام انتوا جيتوا خربتوهاوللمعلومه ناصر ماكانش بيحارب مع اليمن اوكل اليمن كان مع اليمن الجنوبى اللى كان اقليه ضد اليمن الشمالى اللى كانت بدعمه السعوديه وفيصل وكانت المشكله لمن الزعامه على العرب ناصر ولا فيصل
ياريت تتاكد من حرب اليمن
واخيرا اشكرك سيدى على اسلوبك الشديد التهذيب
مع حبى واحترامى

ذو النون المصري يقول...

صانا قرات الحوار بينك و بين عاشق الوطن و انا اولا اعلن انني محب جدا لناصر و ايضا عاشق من عشاق السادات و اؤمن ان كلاهما اراد لنا الخير لكن لكل منهما منهج مختلف عن الاخر
ناصر كان له منهج قومي لا وقت للتطويل في شرحه لكن ما حدث انه للاسف كان وحده بلا اي سند فالنتيجه ان مصر في عهده شالت علي اكتافها الكل الي ان ارهقها الحمل فوقعت
و كان يجب عليه ان يوفق اوضاعنا و مصالحنا مع اوضاع و مصالح العرب حتي لا يضيع علينا الاموال و الرجال و الارض في النهايه
كان يجب ان يصل لعمل دستور عربي ان تدافع مصر بالرجال مثلا مقابل المال من العرب حتي تعيش مصر ايضا في رخاء مثلهم
او صيغه اخري ان تقدم كل الدول العربيه جيوش و مال حسب نسبة اموالها الي المال العربي ككل و الرجال حسب نسبة سكانها الي السكان العرب ككل
فتكون الخسائر موزعه علي الجميع لا علي مصر وحدها كما حدث
اعتقد ان السادات فهم هذه النقطه
ان مصر ستظل تحمل العرب وحدها دون اي مساهمه عربيه فتركهم كي يفلت بمصر من هذه الخسائر الدائمه و انا لا الومه ولا اري انه ارتكب خيانه حسب وصف الكثير من المثقفين له
خان من؟
خان العرب؟
ماذا كان لهم عنده من حقوق؟
يجب ان نعرف ما هي حقوقنا عند العرب طالما هم يعرفون حقوقهم عندنا
للجميع تحياتي

إبن بهيه يقول...

أحييك يا إبن البطل

بلاش كده
شوف اللي بتكتبه الصحف الأجنبية عن دور مصر الإقليمي وضياع أ يوزن لها في المنطقة وصعود دول أخرى غيرها كالسعودية وقطر التين تلعبان دورا مميزا أكثر من الدور المصري على المستوى الإقليمكي والدولي

طيب سيبك من المجلات الأجنبية الوحشه اللي بتكرهنا

خليك في اتفاق مكه اللي فات مش برضه دليل على ضياع دور مصر نوهائيا بغير رجعة إلا إذا بدأنا من جديد بعد التخلص من العميل؟
ربك معانا
أرق تحياتي

ibn nasser- ابن ناصر يقول...

ذو النون المصري
أول شيء كلامك حلو وكل حاجه بس انت عارف ان مصر هي مفتاح الحرب والسلام وهي اللي بتقود العرب وده بحكم موقعها الجغرافي وحاجات كتير والتاريخ مليان علي ما أظن ,والنقطه اللي عايز أوضحهالك بس أن الحاجه اللي بتنرفذني هي ان الراجل ده -جمال عبد الناصر - ماكنش بيحكم ليزل الناس اول لمصلحته الشخصيه عشان الواحد يكرهه !! ونا مش بتكام عليك ,,وانت أ:يد عارف بما انم رجل مثقف-وهذا يظهر في اسلوب كلامك وحوارك-ان ناصر ماكنش بتاع لبس مثلا اوحفلات او شرب احنا بنشوفوا وهو مسافر في الطائره وراه علب الجبنه البيضه !! وعارفين انه مات مش معاه حاجه ده علي شخصه طب انا كنت بكلم علي شحصه ليه عشان تتاكد بعد كده في اي موقف ناصر كان عمله كان لمصلحة الشعب سواء كان صح او غلط لأن احنا بنحكم علي حاجات زي حرب اليمن من ستين سنه!!!!! وأحب افكرك باتحاد الجمهوريات العربيه اللي كان لو اكتمل ,,هاها مش عايز أطول عليك اتحاد قال أصلي بأفتكر حال العرب دلوقتي!!! هما عملين ايه صحيح مش صاحبك أول امبارح كرم قائد القوات الامريكيه في العراق -اصل الموضوع ده منرفزني برضه- وشكرا علي مداخلتك

ibn nasser- ابن ناصر يقول...

الحق..معاك كل الحق اهو مش هنتكلم علي المجلات الاجنبيه -العدوه الشريره وأي كانت هذه المجلات لكن اسرائيل وأمريكا مش شريره-وبالنسبه لاتفاق مكه انا استغربت يومها يعني الوساطه المصريه دي فشنك وأي كلام وانا بزعل فعلي الجميع ان يفخر انه من ارض هذا البطل وشكرا لك علي مداخلتك الرائعه ومش عارف مصر ايحه علي فيين بعد كده؟؟

ذو النون المصري يقول...

ياسيدي انا مش معترض علي ان ناصر كان تفكيره كان عن مصلحة العرب ككل لكن هو فكر في العرب بامكانيات مصر لوحدها و ده عمل عندنا مشاكل
كان المفروض يفكر في صيغة تعاون تشمل كل العرب كما قلت
هي دي الغلطه
اما العرص ابن العرص ............فده مش صاحبي دا عندي العن من الصهاينه و لاد الكلب
انا دمي فار لما قريت بنفسي الخبر الملعون ده
يكرم ابو زيد
ده اللي ناقص
الله يلعنه

ibn nasser- ابن ناصر يقول...

ذو النون المصري
معاك حق ومش مختلف معاك لكن برضه ناصر كان بيعمل اتحاد الجمهوريات العربيه لكنها فشلت عشان النكسه وبافتكر هنا مقولة ناص علي العرب وهي "أتفقوا علي الا يتفقوا" وطبعا بالنسبه لحسني فالكلام منتهي ده عدي حدوود المسموح بيه ..طب فين الدم مافيييش دم؟؟؟!! مش عارف وعلي رأي ابن بهيه طب يراعي شعور المصريين