أخبـار ابـن نـاصر

لا للتعديلات الدستورية

السبت، 31 مارس، 2007

أشرف الخلق




اشرف الخلق

خاتم المرسلين

بعثه الله رحمة للعالمين

له خلق لم يخلق مثلها الخالق

لدين الاسلام خدوم ,لله عاشق

روحه جميله لابعد الحدود
يحب السلام لدرجة الخلود

أشرف الخلق نبي الله لا سواه

نصر المظلوم بغير خوف

معه الله جل علاه

عندما بعث بالحق

اصبح المضل هاديا

والمريض شافيا

وللصدور معافيا

جاء بدين الله لكل العباد

جرد الخلق من الكبر والعناد

عاقب كل من كان مذهبه الاستبداد

وحد كل البشر علي راية واحده

ضد الفساد
.................

اللهم صلي وسلم علي سيدنا محمد

ابن ناصر

الخميس، 29 مارس، 2007

الاجانب ليهم الأولويه ,, حتي عند الاخوان كمان !!

جيت امبارح من نقابة الصحفين كنت رايح عشان احضر مؤتمر القاهره الخامس وهو عن مقاومة الاحتلال الامريكي والصهيوني وعن المحاكمات العسكره في مصر ورحت النقابه بعد ماعديت علي تلات عربيات أمن مركزي ولاقيت علي سلالم النقابه ناس كتير قوي قوي ومعظمهم بيسلموا علي بعض دخلت جوه لاقيت زحمه جدا وناس كتير منهم ناس شايلين يفط عليها لا للمحاكمات العسكريه وحاجات من الكلام ده وعلي اليمن وطبعا الواحد ماشي بالعافيه من الزحمه ,حزب الكرامه حاطط صور وكتيبات عن الحزب وكده وعلي اليمين جريده الاشتراكيون والاخوان هم اللي واقفين هم اللي منظمين الدنيا فجت اخش القاعه قاللي لأ لحاملي الدعوات فقط قلتلهم فين الدعوات دي قالولي بره طلعت بره لاقيت شباب حلوين لابسين بدل معاهم الدعوات قلتلهم عايز دعوه يعني انا جاي من اخر الدنيا وماقلوش انه بدعاوي قالي انت عايز تخش ليه؟؟ وبعدين احنا بندخل الصحفين الاجانب , ليهم الاولويه!! ولو عايز تتفرج اطلع فوق في شاشه !!-وافتكرت علي طول حديث المرشد اما قالك المسلم الماليزي اهم من القبطي المصري!! وعرفت انه كلام نتش كله - طبعا كنت متنرفز قمت ماشي ونازل وطبعاكان اذان المغرب بيدن بس السياسه أهم يعني!! معاني قلت هتلاقي الاخوان نازلين يصلوا!! وانا ماشي لاقيت كام واحد بيقولوا كده وسع يابني انت -مش ليا- طبعا ببص علي يميني لاقيت مهدي عاكف مرشد الاخوان كان لسه داخل وباين كا جاي في عربيه عاديه ومافيش اي حراسه معاه ولا حاجه بس ونزلت وروحت ,, ومنه لله اللي قالي رووح وشوف المؤتمر !! بس خلاص بقي أرزاق...
ابن ناصر

........................

تزوي الانتخابات في ميت غمر

الأحد، 25 مارس، 2007

الله الله اتفرجوا وادعولي واوعوا تدعوا عليا

اتفرجوا وقولوا لي ايه رأيكم في المهزله دي؟؟ ايه أيكم في اللي بيحصل؟؟؟


الصور دي انا خدتها من مدونة انسي





يالا روحوا قولوا نعم وخدوا من عمو الحلاوه هو احنا مش بنقول نعم بقالنا تلاتين سنه فيه ايه!!؟؟


...............................................................................


وبرضه خدت من مدونة انسي هذا الاعلان وانا بعتلهم عشان اعرف اكتر


...


مؤتمر القاهرة الخامس منتدى القاهرة الاجتماعى الثالث
الخميس 29 مارس/1 أبريل 2007 - نقابة الصحفيين المصريين

الساعه السادسه مساء

"من أجل بناء تحالف عالمي بين القوى المقاومة للإمبريالية والصهيونية


"ها نحن نلتقي في القاهرة للعام الخامس على التوالي..
نحن المناضلون والنشطاء من مصر والبلدان العربية وأوروبا وآسيا وأمريكا.
نحن قوميون وإسلاميون واشتراكيون ومستقلون
شاركنا في مظاهرات التضامن
مع الانتفاضة الفلسطينية في أكتوبر 2000 وأبريل 2002
وفي انتفاضة التحرير يومي 20 و21 مارس 2003..
نحن أبناء الحركة العالمية التي نظمت مظاهرات 15 فبراير 2003 العظيمة
والتي وقفت ضد ظلم الرأسمالية واضطهاد الإمبريالية في سياتل وجنوة ولندن وباريس وبراغ وبورتو اليجري ومومباي ونيروبينحن مناهضو الإمبريالية والصهيونية والعولمة الرأسمالية والحرب، نلتقي في القاهرة مجددا لنواصل عملنا المشترك لبناء الجسور بين من يرفعون السلاح ضد وحشية الاستعمار والصهيونية في فلسطين ولبنان والعراق، ومن يناضلون ضد همجية الليبرالية الجديدة في فنزويلا وبوليفيا والإكوادور، ومن يحتجون على العولمة والحرب في باريس ولندن وروما وسياتلنحن ندعوك أن تشاركناشارك معنا في حوارات وسجالات ومناقشات مؤتمر القاهرة الخامس. خض حوارا مفتوحا مع المناضلين والنشطاء من العراق وفلسطين ولبنان وسوريا وتركيا وبريطانيا والولايات المتحدة وكوريا واليونان وكندا.. ناقش معنا كيف ندعم المقاومة ونواجه خطر الانقسامات العنصرية والمذهبية.. اطرح معنا الخطوات العملية لبناء حركة عالمية واحدة ضد الإمبريالية والعولمة الرأسمالية.. واستخلص معنا دروس الماضي وفكر في خطط المستقبل


وشارك معنا في منتدى وتجمعات مؤتمر القاهرة الخامس.


إذا كنت عاملا أو فلاحا أو طالبا أو مهنيا.. إذا كنت من رافضي الخصخصة أو مناهضي الصهيونية والديكتاتورية والقهر والحروب والتمييز العنصري والديني..


شارك معنا في تجمعات ومنتديات مؤتمر القاهرة.. شارك في تجمعات العمال والفلاحين، الطلاب، المهنيين، مناهضة التمييز الديني.الحملة الدولية لمواجهة العدوان على فلسطين والعراق تأسست الحملة الدولية لمواجهة العدوان على فلسطين والعراق عام 2002 بمبادرة مجموعة من القوميين واليساريين والاسلاميين المصريين،


وهي التحالف الدولي المنظم لمؤتمر القاهرة.اللجنة المنظمة المصرية لمؤتمر القاهرة الخامس


حزب الكرامة العربية


جماعة الإخوان المسلمون


حزب العمل


منظمة الاشتراكيين


الثوريين شخصيات مستقلة


لمزيد من المعلومات


02/ تليفون: 7923837/


بريد إلكتروني:cairoconference4@yahoo.com


>>>>>>>>>>>>>>>>>>>>>>>.
تحديث

قوات أمن مصرية في ملابس مدنية وعسكرية تمسك بمتظاهر مصري في مظاهرة نظمتها حركة كفاية المعارضة في القاهرة احتجاجا على التعديلات الدستورية يوم الاحد. تصوير: ناصر نوري - رويترز.

انا لسه جاي من الميدان ماحدش يجيبلي سيرة الامن ولا المعارضه لو سمحتوا من كتر اللي شفتوا وكان معايا
(يساري مصري) و(حنتكلم) ومش قادر احكي لاني لسه جاي دلوتي حالا
تحديث
............................................................................................
...
مظاهرة كفاية يوم 25-3-2007 أمام نقابة الصحفيي
ابن ناصر

الاثنين، 19 مارس، 2007

التعديلات الدستوريه لجمهورية مصر البوليسيه


صوره لها معني كتيره قد تبكيك عن حال مصر وقد تفرحك بنذير ثوره من جميع طوائف الشعب

والله انا كنت ناوي أنشر مقاله تعبت فيها قوي قوي بقالي أكتر من ستة اشهر بقرأ عشان اعرف اكتبها لكن لاقيت حكاية التعديلات الدستوريه دي مايتسكتش عليها ..وعلي رأي المثل اللي اختشوا ماتوا خلاص ,قاعدين يعملوا في تعديلات في الدستور بمنتهي الوقاحه ولا همهم حد ويوم الثلاثاء هيتم التصويت علي التعديلات الدستوريه ف مجلس الشعب ومش الشعب اللي هيصوت لأ ده اعضاء الحزب الوطني لأن مائة عضو من المعارضه من كتلة الاخوان والكرامه والوفد والمستقلين اعلنوا رفضهم للتعديلات والانسحاب من جلساتها وقاموا بوقفه احتجاجيه اليوم وهنتكلم مع بعضنا في التعديلات ويا ريت الكل يوضح وجهة نظره ,,شكرا

لا للتعديلات الدستوريه الجديده ,التعديلات التي تسيء لكل مصري في مصر ,التعديلات التي تضعف قوة لبرلمان وقالك ايه لعدم تعطيل سير الحياه السياسيه في حل الحكومه اله مالو الحكومه ظالمه ماتتحل ,,والماده 88 التي تبعد القضاه عن الاشراف علي الانتخابات وتجعل الاشراف لمحامو الدوله في مجلس الدوله وقالك ايه عشان القضايا بتتعطل ,ووضع قانون الارهاب الذي تحال قضاياه الي محاكم خاصه ويمكن بأمر من الرئيس ان يعتقل أي شخص ,لدرجة ان انا دلوقتي بأتمني وجود قانون الطواريء بس بدل من ابقاءحالة الطواريء ووضع قانون ارهاب ,اللي يهدد اي حد بالقبض عليه بدون اي سببغير انه بيفكر نه يعمل عمل ارهابي ,علي فكره انت بتفكر اقبضوااا عليه ,,بالذمه ده كلام وغير طبعا تغير المواد ووضع حاجات غامضه وغريبه زي يقولك الغاء المكاسب الاشتراكيه ووضع مكانه الحفاظ علي البيئه !!!! ومنظمة حقوق الانسان وجريدة الاندبندت هاجمت التعديلات بكل ضراوه و علي العموم لازم انتصدي لهذه التعديلات بس ازاي ده لسه قابضين علي اللي كانوا في المظاهره ضدها وقال ايه انا كنت رايح !!! ولي العموم لا للتعديلات
الدستوريه ويجب يكون موقفنا اجابي ويجب علينا كمدونين ان نوسع الحمله ضدها ..شارك معنا




معلهش لو كنت بتكلم بأسلوب غير لائق أصلي متنرفز قوي دلوقتي من حاجات كتير

....................................................................................


تحديث

علي فكره فينقطه نسيت اتكلم فيها ان تم مسح كل الكلمات الاشتراكيه من الدستور -ما عدا 50%عمال وفلاحين-وكل حاجه اتشالت يعني مثلا دلوقتي ممكن يجي اصحاب الااضي اللي كانت الثوره مدياها للفلاحين هييجوا دلوقتي يخدوها وبالدستور ,زي قضية البدراوي باشا دلوقت الليعايز ياخد مائة فدان من الفلاحين اللي الثوره كانت مدياهالهوم يعني نفسي اسال بدال مالحكومه تكرم الفلاحين اصحاب الاراضي اللي فضلوا معتنين بيها ولا جرفوها عشان ياخدوا الملاين -يتم تجريف اتريبه السطحيه للأرض لانها تستعمل في صناعة الطوب الأحمر مقابل الملاين من جنيهات- او ماتبناش عليها وتم تجريفها زي 60,000

فدان اللي بيتجرفوا سنويا ,,,,, ايه هتاخد لاراضي ليه يا بدراوي باشا اه الثوره عصرها انتها ماشي في دي معاك حق هما قضوا علي الثوره فعلا ..... ولازم كلنا نقول لأ للتعديلات مع انها تمت في مجلس الشعب وهتبقي استفتاء علي الشعب ,يالا يا جماعه ده دورنا نعترض قبل ماينزل قانون اارهاب ويخلي ماحدش يفتح بقي ,, يالا نقوول لأ كلنا لأ

(ابشروا هذا تكرار لما حدث في الماضي الثوره قادمه انشاء الله)

تحديث تاني (بس مهم جدا جدا ) لكل مواطن

سيكون الاستفتاء علي التعديلات الدستوري يوم الاثنين الموافق 26-3-2007 والباب مفتوح من الساعه الساعه السابعه صباحا الي السابعه او السادسه مساء وسيكون الاستفتاء بالبطاقه الشخصيه اذا كان في الشخص سيذهب لدائرته اما اذا كان المواطن يريد ان يذهب للاستفتاء في مكان أخر فهذا يتطلب البطاقه الانتخابيه ..يا جماعه يالا نروح يالا خليهم يسمعوا صوتنا ..المقاطعه معني السلبيه هنروح ونقول لأ كلنا...>دعوه الي كل مصري حقيقي< ..هتروح؟

وقع علي عريضه شعبيه ترفض التعديلات الدستوريه

المقاطعه = سلبيه

يزوروا ماشي بس نبقي عملنا اللي علينا مش نعد في البيت احط رجل علي رجل واتفرج علي التلفزيون وأقول انا وطني أنا مقاطع بعدين كده كده الشعب مقاطع خلقه
لازم نروح ونقول لأ وأنا مش عارف اتواصل مع بتوع كفايه خالص....

والله انا مش عارف أعمل ايه انتوا لخبطوني كل واحد يعمل اللي علي بالوا لو رحنا هيزوروا وهيقولك قالو اه لو مروحناش كل عاده هو عمرنا رحنا ! وهتطلع النتائج كده برضه والله مش عارف انا اللي بقيت عايز شوري أمر يجنن.....لاقيت بعض الناس مش عارفه قوي عن التعديلات الدستوريه اضغط علي هذا اللينك وهتلاقي كل حاجه عن التعديلات الدستوريه وعشان تلخص خش علي التعديلات التي تم اقرارها

ابن ناصر

الجمعة، 9 مارس، 2007

والتاج علينا حق وماحدش يقوله لأ

والتاج علينا حق وماحدش يقوله لأ
التاج للجمييييع
والتاج ده جالي من روميل وأحب اشكره جدا والحمدلله الحمدلله ده التاج السهل مش بتاع اسمك ايه والكلام الغريب
ده ... وهيييا لننطلق فليبدأ التحقيق والسين والجيم
أسم مدونتك؟؟

أنا أسم مدونتي ابن ناصر وأظن يعني ده واضح قوي

لماذا اخترته.. ماذا تقصد به؟

اقصد به ابن جمال عبد الناصر لأني أحب هذا الزعيم للغايه ولقيته انسب اسم ليا يبقي كأسم حركي وانا ماكتبتش اسمي عشان خايف لا والله لكن عشان اما يتقبض عليا مش انا بس هبقي متضرر لكن والدي ووالدتي فامش عايز اوط حد بعدين ابويا مش بتاع مشاكل اللي هو يلاقيني ببعت مايل لبريد الاهرام بهاجم الحكومه هههههه يقولي هيعرفوا ايمايلاك كده اومال لو عرف الهباب اللي بيحصل ده واللي انا باكتبه ههه خليها علي الله

صورتك ف المدونة، رمزيتها؟

والله انا كنت هايز احط صورة الزعيم ناصر بس حاطيط فنديتا مش عارف ليه يمكن عشان غامض مش عارف مستخبي وراء قناع مش عارف برضه

طبيعة كتابتك في المدونة بشكل عام.. سياسة.. قصة.. عبث.. كلام فاضي؟

السياسه أساسي طبعا مافيش غيرها لكن ممكن اكتب حاجات تاريخيه حاجات علميه بس بتبقي متجمعه مثلا زي مقالة تكريم الانسان وانشاء الله بعد التاج هكتب عن تاريخ أمريكا لكن حتي لو ماكتبتش حاجه سياسيه بتبقي حاجه بتخدم الإغراض السياسيه .. بس

التعليقات بالنسبة لك.. أهميتها؟

انا بالنسبه لي أهم حاجه التعليقات يعني اجي الاقي مثلا عشرين واحد زارني طب وبعدين لأ لازم اعرف راي اللي قدامي التواصل لأزم ومهم جدا

أحلى بوست كتبته.. ضع اللينك.. ثم اذكر لماذا؟

السؤال ده صعب بس فيه كام بوست بحبهم ليهم عندي معزه خاصه فيهم واحد اول حاجه كنت اكتبها ورفضوه في الجامعه مش عارف ليه وده بعنوان (التغيرات الجذريه في الشخصيه العربيه) والتاني بتاع (العدوان الاسرائيلي علي لبنان) وفي بتاع (فن التعذيب) مش عارف حلو ولا لأ كتبته كده علي طوول ومقرأتهوش حتي ومحديش قالي حلو ولا وحش والحاجه الل انا لاحظتها ان كل حاجه بكتبها في المره الل بعدها بتبقي أجرأ من التانيه

أفضل مدونة قرأتها.. يمكن اختيار عدة مدونات؟

كل مدونه مسجلهاعندي تبقي بالنسبه لي افضل وباخشها كل يوم لكن الفضل كل الفضل يرجع لي مدونة ابن بهيه هي اللي ابتديت التدوين علي ايدها اول مدونه قرأتها وتابعتها يوم بيوم حتي عملت مدونه وتاثرت بها كثيرا لأن برضه افكار صاحبها العزيز مثلي والمدونات الجميله كتير بس انا خايف لا انس حد يعني مثلا شارم,الزعيمه,واحد من الناس يمصرهي أمي,ذو النون المصري,يسقط الواد وأبوه,شهروزه ,قائد,شهيده,قوميون الي الأبد ,ملك المصريه ,جبهة التهييس الشعبيه ,فارس,احمد المصري,الغزالي,بنت النيل,ارانجنج ماي بابير ,هنادي,الغريب,يوتوبيان (رغم ان في ناس كتير افكارهم لا تتفق مع افكاري بل تتعاض كمان ) بس عادي

أفضل بوست قرأته.. يمكن اختيار أكثر من بوست.. ومتنساش اللينك؟

والله مش فاكر بس هتلاقيه حاجه من المدونات ديه يعني

هل خسرت صديق بسبب كتابة هنا؟

الحمد لله لأ بس بلاقي حد يجي يطفش مثلا ويشتم في ناصر وكده خلاص اهلا بيه لكت هو بيفضل حاسس ان فيه حاجه مع ان انا شايف عادي لازم الاراء تختلف مش معقول كلنا نبقي لوون واحد يعني

حد قل أدبه ف التعليق.. إيه رد فعلك؟

هههههه مانساش اليوم ده انا حد قا ادبه بس الحمدلله مش في التعليق لكن في منتدي عشرينات في البلد اتفرجوا شوفوا بس اول واحد شتمني بزوق قاللي ابن عبد الخائن وكلام ظريف, تاني واحد هههه كان غريب جدا

أسوأ مدون.. ما هو حاتجاوب حاتجاوب؟

انا أكتشفت حاجه ان كل الناس فلتت من السؤال ده لكن أن هاجاوب في مدنو كتير وحشين وان بتكلم فكريا مش اسلوا هتقولي تصنيف مين فكريا هاقولك انا اول واحد اسمه طبيب نفسي تاني واحد اسمه احمد مش عارف ايه بتاع مركز المضروبه الشفافيه هههه كاتب كلام عن جيمي هو اللي هينقذنا من الظلام والهلاك والكلام ده

أقوم بتمرير التاج لمين ؟؟؟؟؟؟

مصر هي أمي

جبهة التهييس الشعبيه

شارم

الزعيمه

شهروزه

قائد

واحد من الناس

سونسونيتا

ذو النون المصري

ذا لوست برينسيس

بنت النيل

هنادي

ارانجنج ماي بابير

وأي حد دلوقتي زار مدونتي

الأحد، 4 مارس، 2007

نهر الغضب

نهر الغضب

نهر الغضب فاض وانفجر
طاح بكل من أمامه من بشر
ظالمين للعباد مخلصين للأوغاد
هذه علامات الخونه ليس لغيرهم هذه السمات
"نسحق من يخون" يقولها المستبدون
علي الأحرار منا وكأنهم لا يعلمون
. انهم خونة البلاد ورعاة الفساد
نهر الغضب سيقوده العباد
ضد كل من طغي
أو له يد في الفساد
فليحذر الظالمون من جديد
فالثوره أتيه بالتأكيد
فليفروا هاربيين وليبتعدوا خائفين
من الشعب العظيم
الذي طال سكاته
وأصبح عارا علي الجبين
.....................................................
عندما يثور المصري علي الظلم, عندما يعلن الغضب علي الفساد والاستبداد
لا يمكن لأحد أن يوقفه ..هل نسوا من هو المصري؟؟؟؟ لقد نسوا من هوالمصري
من كثرة ما عذبوه وسرقوه وهو ساكت ؟
من كثرة ما وجه اعلاميا ؟؟
نعم لقد نسوا لكنهم يجب ان يروا عندما يغضب المصري ماذا يفعل؟؟
(قسم المنتزه-الاسكندريه)

هل هذه علامات الثوره؟؟ هل ممكن أن تأتي؟؟
.........................................
ابن ناصر

الخميس، 1 مارس، 2007

أسبوع شباب الجامعات في المنوفيه , أتفرج وادعيلي !؟

أسبوع شباب الجامعات -كان أسبوع مهبب زي ما قال لي جماعه اصحابي اللي كانوا هناك وأنا مش هاتكلم عن مبارك اللي راح المنوفيه وقفلو كل الشوارع والمحلات وتسقيط شبكة المحمول في المنطقه ومش هاتكلم عن جيمي اللي فضل مجتمع برئيس الجامعه ثلاثة ايام في مقر الحزب وقعد مأجل افتتاح المعرض 3 أيام وفي الاخر جيمي مدخلش المعرض اجرئات امنيه بقي !!؟ ونفسي أعرف ايه حكاية المائه وعشرين مليون الحكومه اديتها للجامعه دي بالمستوي ده الحكومه اديتها مائة وعشرين قرش بقي! وهنتفرج علي الصور وعايزين مع بعض نتحسر علي مستوي التعليم مع بعض , وسأدع الصوره تتحدث بنفسها لن أتكلم
ولكن هل نستحق فعلا مركزنا الحالي وهو( لا مركز) بين 500 جامعه في العالم؟؟
رئيس جامعة المنوفيه يفتتح المعرض بالكامل وفي ايده ازازة فانتا ,عالميه بقي!!؟

.............................................................................................................

اتفرجوا علي مساكن الطلاب اللي الحكومه عملاهولهم وياتري هو ده مستوي التعليم؟ ولا تقدير الحكومه لطلاب الجامعه !؟؟






.........................................................................................................................
مستني الاجابه مستوي التعليم ولا تقدير الحكومه للطلاب الجامعيين
...................................................................
ابن ناصر