أخبـار ابـن نـاصر

لا للتعديلات الدستورية

الأحد، 4 مارس، 2007

نهر الغضب

نهر الغضب

نهر الغضب فاض وانفجر
طاح بكل من أمامه من بشر
ظالمين للعباد مخلصين للأوغاد
هذه علامات الخونه ليس لغيرهم هذه السمات
"نسحق من يخون" يقولها المستبدون
علي الأحرار منا وكأنهم لا يعلمون
. انهم خونة البلاد ورعاة الفساد
نهر الغضب سيقوده العباد
ضد كل من طغي
أو له يد في الفساد
فليحذر الظالمون من جديد
فالثوره أتيه بالتأكيد
فليفروا هاربيين وليبتعدوا خائفين
من الشعب العظيم
الذي طال سكاته
وأصبح عارا علي الجبين
.....................................................
عندما يثور المصري علي الظلم, عندما يعلن الغضب علي الفساد والاستبداد
لا يمكن لأحد أن يوقفه ..هل نسوا من هو المصري؟؟؟؟ لقد نسوا من هوالمصري
من كثرة ما عذبوه وسرقوه وهو ساكت ؟
من كثرة ما وجه اعلاميا ؟؟
نعم لقد نسوا لكنهم يجب ان يروا عندما يغضب المصري ماذا يفعل؟؟
(قسم المنتزه-الاسكندريه)

هل هذه علامات الثوره؟؟ هل ممكن أن تأتي؟؟
.........................................
ابن ناصر

هناك 43 تعليقًا:

Diyaa' يقول...

ابن ناصر ..لو قصدك ناصر الثورة فأنا أحترم اختيارك لواحد كان أرجل بني أدم في العصر الحديث مسك مصر رغم أي خطأ حصل في عهده لأنه جنب مبارك والسادات يبقي ملاك
المهم نهر الغضب اللي بتحلم بيه أتمني أشوفه قريب إنشالله لو حتي حرق الأخضر واليابس لأن مبقاش في أخضر عدل ولا يابس عدل والنفوس اتشوهت والتربية انعدمت إلا من رحم ربي
متشكر لزيارتك مدونتي وأتمني تكون الأخيرة وأعذرني لأني اتأخرت
سلام عليكم وبحييك علي جهدك في المدونة وتوضيحك للبلاوي المستخبية
سلام عليكم

جبهة التهييس الشعبية يقول...

هو ده اللي تعالي وانت تضحكي؟

منك لله يا شيخ

Memo يقول...

ايه الجمال ده
الله كل مره نجيلك تعمل فينا كدا تحياتي

ibn nasser- ابن ناصر يقول...

diyaa'
مشلاقي حاجه اقولهالانك قولتي كل الكلام
وشكرا لكي

ibn nasser- ابن ناصر يقول...

جبهة التهييس الشعبه
هههههههههه ماهو مش كل مره انا كان قصدي عال بوست اللي فات والمره اللي جايه التاج ولا في ثوره ولا غضب يال هتبقي فرفشفهووبعدين ماهو ماينفعش علي طول تضحكوا ,لازم نعكننعكوا ,وانا رايح اشوف عندك نشرتي حاجه الواحد يضحك شويه ولا نفس النظام تاني
وشكرا

ibn nasser- ابن ناصر يقول...

memo
هههه مش معقول برضه عايزين تضحكوا علي طوول!! خلاص المره اللي جايه هدنه عشان التاج
شكرا

copa يقول...

ياااااااااه الحمد لله ربنا خلاني اعيش لما الائي حد فاهم نظريتي المستقبلية علي فكره انا كنت قلت قبل كدا عندي في مدونتي من زمان انهم بيعملوا الي بيعملوه ده لغايط لما هيحولوا الشعب كله لوحش هيلتهمهم في النهايه

7ntklm يقول...

لقد نسوا من هوالمصري ؟؟؟؟؟؟

المصرى التاريخة به محافل من الاحتلال والاستعباد والظلم وسلب جهودة للاجل مصالح اجنبية وستعمار وووووووو



وما زال بيقوم وعايش ....

ibn nasser- ابن ناصر يقول...

copa
يالا يا عم لاقيت الي ياكدلك نظريتك المستقبليه ,بس انت مقولتش حاجه هيحولوا الشعب ده مثلا لوحش امتي ؟؟بعد كام سنه؟؟
شكرا

ibn nasser- ابن ناصر يقول...

7ntklm
هاهاها اه مانا عارف تاريخه كله احتلال من بلد لبلد ايشي فرس علي رومان علي فراعنه كده وادينا في ظل ,,احتلال الحزب الوطني من اكثر من 25سنه,وعلي رأيك اهو مازال بيقوم ويعايش بس شوفت الفيديو شفت اما الناس غضبت عملت ايه ؟؟تخيل الشعب كله وعلي رأي السيده أم كلثوم للصبر حدود يا حبيبي..ولا ايه؟؟
تحياتي

sonsoneta يقول...

طبعا كلامك سليم و انا بحب ناصر و السادات برغم ان هما غلطوا بس مش زي الزفت ده و ده بيفكرني بقصيدة نزار قباني في رسالة لــ عبد الناصر
رسالة إلى جمال عبد الناصر

والدُنا جمالَ عبدَ الناصرْ:
عندي خطابٌ عاجلٌ إليكْ..
من أرضِ مصرَ الطيبهْ
من ليلها المشغولِ بالفيروزِ والجواهرِ
ومن مقاهي سيّدي الحسين، من حدائقِ القناطرِ
ومن تُرعِ النيلِ التي تركتَها..
حزينةَ الضفائرِ..
عندي خطابٌ عاجلٌ إليكْ
من الملايينِ التي قد أدمنتْ هواكْ
من الملايين التي تريدُ أن تراكْ
عندي خطابٌ كلّهُ أشجانْ
لكنّني..
لكنّني يا سيّدي
لا أعرفُ العنوانْ…
2
والدُنا جمالَ عبدَ الناصرْ
الزرعُ في الغيطان، والأولادُ في البلدْ
ومولدُ النبيِّ، والمآذنُ الزرقاءُ..
والأجراسُ في يومِ الأحدْ..
وهذهِ القاهرةُ التي غفَتْ..
كزهرةٍ بيضاءَ.. في شعرِ الأبَدْ..
يسلّمونَ كلّهم عليكْ
يقبّلونَ كلّهم يديكْ..
ويسألونَ عنكَ كلَّ قادمٍ إلى البلدْ
متى تعودُ للبلدْ؟…
3
حمائمُ الأزهرِ يا حبيبَنا.. تُهدي لكَ السلامْ
مُعدّياتُ النيلِ يا حبيبَنا.. تّهدي لكَ السلامْ..
والقطنُ في الحقولِ، والنخيلُ، والغمامُ..
جميعُها.. جميعُها.. تُهدي لكَ السلامْ..
كرسيُّكَ المهجورُ في منشيّةِ البكريِّ..
يبكي فارسَ الأحلامْ..
والصبرُ لا صبرَ لهُ.. والنومُ لا ينامْ
وساعةُ الجدارِ.. من ذهولِها..
ضيّعتِ الأيّامْ..
يا مَن سكنتَ الوقتَ والأيامْ
عندي خطابٌ عاجلٌ إليكَ..
لكنّني…
لكنّني يا سيّدي.. لا أجدُ الكلامْ
لا أجدُ الكلامْ..
4
والدُنا جمالَ عبدَ الناصرْ:
الحزنُ مرسومٌ على الغيومِ، والأشجارِ، والستائرِ
وأنتَ سافرتَ ولم تسافرِ..
فأنتَ في رائحةِ الأرضِ، وفي تفتُّحِ الأزاهرِ..
في صوتِ كلِّ موجةٍ، وصوتِ كلِّ طائرِ
في كتبِ الأطفالِ، في الحروفِ، والدفاترِ
في خضرةِ العيونِ، وارتعاشةِ الأساورِ..
في صدرِ كلِّ مؤمنٍ، وسيفِ كلِّ ثائرِ..
عندي خطابٌ عاجلٌ إليكْ..
لكنّني..
لكنّني يا سيّدي..
تسحقُني مشاعري..
5
يا أيُها المعلّمُ الكبيرْ
كم حزنُنا كبيرْ..
كم جرحُنا كبيرْ..
لكنّنا
نقسمُ باللهِ العليِّ القديرْ
أن نحبسَ الدموعَ في الأحداقْ..
ونخنقَ العبرهْ..
نقسمُ باللهِ العليِّ القديرْ..
أن نحفظَ الميثاقْ..
ونحفظَ الثورهْ..
وعندما يسألُنا أولادُنا
من أنتمُ؟
في أيِّ عصرٍ عشتمُ..؟
في عصرِ أيِّ مُلهمِ؟
في عصرِ أيِّ ساحرِ؟
نجيبُهم: في عصرِ عبدِ الناصرِ..
الله.. ما أروعها شهادةً
أن يوجدَ الإنسانُ في عصرِ عبدِ الناصرِ..

ibn nasser- ابن ناصر يقول...

sonsoneta
فعلا الله يرحم ناصروماحدش قال مالوش اخطاء ,فالانبياءفقط لا يخطئون لكن اللي بنشوفهدلوقتي ناقص الحلو بتاعنا يقف ويقول انا مع اسرائيل ,,,,وخلص فاض بينا يعني مش خاين ومظبط البلد خربانه من برهومن جوه ربنا يخلصنا يا أخي
تحياتي

7ntklm يقول...

العزيز ابن ناصر اختلف معك فى شىء

ما زلنا نعيش تحت الحكم الناصرى حتى الأن

وهذا تصنيفى ناصر 1 ناصر2 ناصر 3

ممكن اوضح لو مفهتمش كلامى

ahmEd_H يقول...

الكبت اخرتة الانفجار و احنا مكبوتين و اكيد حايجى اليوم اللى ننفجر فيه

fares يقول...

ازيك يابن ناصر عامل ايه ايه الجمال ده كله علي العموم اشكرك طبعا علي البوست الجامد ده

ibn nasser- ابن ناصر يقول...

7ntklm
لأ بص انا فاهم قصد واختلاف الرأي لا يفسد للود قضيه وهذا يعني اننا لن نختلف علي حقيقة مبارك مثلا..في الاول احب اوضحلك جمال عبد الناصر له اخطاء ومحدش بينكرها لانه ليس ملاك مثلا او نبي فهذا عادي لكن هذا التصنيف مع احترامي لك خطأ للغايه وفكر فيه كده بالراحه انت قد قارنت بين ثلاثة اشخاص ليس لهم اي صله بالاخر لا عن طريق التفكير او حل المشاكل او في أي شيء انا مش هاجيب مبارك لانه انت شايفه بيعمل بيكرم السفاح الامريكي قائد الجيش في العراق بيدخلوا الشرفاء مثل محمد خلف السجن عشان رافض اسرائيل مش هاقول حاجه عن مبارك غير ان عيب عيب عيب نقارنه بناصر ونقول ناصر ثلاثه ,,أما السادات فده حاجه لوحده يوم اما جمال مات اجتع مع الامريكان وعندي الشريط وطبعا السادات مختلف مع ناصر في كل شيء ده اشتراكيه وده راسماليه بصفي كل حاجه ده ع الخوان ده معاهم بص اختلاف تماما جذريا...اما بقي لو كان رايك ان ناصر هو المسؤل ان يجوا الاتنين دول فانا بقولك انه اه غلطان لكن مش مسئول وهو منقدرش نقولحكم ناصري لأ مش قوي كده اه هو جاب السادات والسادات جاب مبارك ,,ماشي بس مش حكم ناصري احنا في زمن حكم الخونه وطبعا انت عارف ..وشكرا للتواصل وعايزين نزور بعض علي طول وانا هتالاقيني عندك ..
تحياتي

ibn nasser- ابن ناصر يقول...

ahmed_h
الحق كل الحق معك فعلا الكبت اخرته الانفجار بس هوما مايعرفووش كده والحال وصل زي مانتا شايف بالمصرين اللي باعت ابنها واللي اجرة الرحم واللي باع كليته لا حول الله
وشكرا لك
وتحياتي

ibn nasser- ابن ناصر يقول...

fares
لا لا ماستحمل الكلم ده كله من واحد عسل زيك ومش عارف اقولك ليه احرجتني بس ده من زوقك وشكرا لييك قوي
تحياتي

7ntklm يقول...

العزيز ابن ناصر هنتواصل وهنتناقش علطول وعلى فكرة انا حاطط كراسى عندى فى البلوج لليحب يرح هناك شوية وعن قريب هيكون فى مشاريب , وتكاوى وشغل عالى يعنى المهم نرجع للنقاش الهختلف معاك فيييييه تانى .
==================================
حضرتك بتذكر ان عبد الناصر ليه اخطاء وبتبسطلى الاخطاء على انها اخطاء مبهمة غير اعتيادية التأثير بنسبالى انا ومن خلال تعرفى على ناصر 1 الاخطاء اكبر من كدا بكتير وهذكرلك شىءواحد بس :

مع إزدياد الوعي الإبستمولوجي بتاع الأنا بدأت أدرك إن أنا عايش تحت مظلة تحجب عنى الكثير والكثير من الحقائق وأن أحسن حاجة الواحد يعتمد علي نفسه في الوصول للحقيقة حول ناصر1 وبالتأكيد قادني البحث إلي عم هيكل الوكيل الوحيد والمعتمد لسلسلة مطاعم ناصر1 يعني عايز ناصر1بانيه موجود عايز ناصر1 إسكندراني تلاقي ليك نفس في ناصر1محمر ماشي هفك الشوق لناصر1بالفريك طلباتك أوامر
الحقيقة رغم كل ماقيل عن عبد الناصر في تلك الفترة فقد كان كل إهتمامي أن أجد إجابة مقنعة حول مسألة المعتقلات والتعذيب في عهد ناصر1 ففي الصف الخامس الإبتدائي في منهج التاريخ وجعوا دماغ دين أمي بموضوع حادثة دنشواي ووحشية الإنجليز في التعامل مع أهالي تلك القرية ولكني بعد الإطلاع علي ماكتب عن معتقلات وسجون ناصر1 بدأت أتسائل إذا كان هذا هو أسلوب تعاملنا كمصريين مع بعضنا فلماذا نلوم الإنجليز علي أشياء تعتبر تافهة إذا قورنت ببشاعة ووحشية ماحدث في معتقلات ناصر1 وقلت لنفسي بالتأكيد عم هيكل عنده الإجابة ورحت شاري كتاب له إسمه لمصر لا لعبد الناصر ولم أقرأ الكتاب من أوله ولكني نظرت في الفهرس للبحث عن هذا الموضوع وبالفعل وجدته وكان أقصر باب في الكتاب ولايتجاوز الخمس صفحات علي ماأذكر ولم يذكر فيه سوي حادثة شهدي عطية وشوية كلام فاضي عن توفيق الحكيم وقصته بنك القلق والحقيقة أنا كنت قرأت كثيرا ومن مصادر مختلفة عن ذلك الموضوع لكني كنت دائما متشكك في مصداقية تلك الكتب ولكن رد هيكل قطع عندي الشك باليقين فمن خلال خبرتي الطويلة بهيكل أصبحت خبيرا في قراءة مابين سطوره وهيكل من الذكاء بحيث إنه لايورط نفسه في كدبة مكشوفة ولكنه عامل زي المضاد الحيوي عنده ال selectivity عالية يعني مايريد أن يثبته في عقل القارئ يسهب فيه ويطيل ومايريد أن يخفيه تلاقيه بيقصر ويلم الدور بسرعة وأدركت من رده إنه مش لاقي حاجة يقولها وبيطرمخ علي الموضوع
ودلوقتى اكيد هتقولى اياك اشوف وشك تانى هناا

وانا هقولك ماشى يا عسل :F

ibn nasser- ابن ناصر يقول...

7ntklm
هاهااها باين عليك مختار الأسم ده عشان كده هنقعد حنتكلم مش حنسكت وانت خرجت بره الموضوع بس ارجوك لو كنت بتقدر مشاعري قول سجون معتقلات ماشي اللي انت عايزه بس بلاش ناصر1 و2و3 دي بتنرفزني ارجوك وحكاية السجون هنتكلم فيها بس اعذرني مشدلوقتي لحسن صينية الغده علي رجلي وهاكل دلوقتي بعدين نبقي نتكلم ...وعلي فكره انا حاطيطك علي الفافوريت علي البلوج شوفت بقي ديموقراطيه..
تحياتي

مصر هى أمى يقول...

ابن ناصر
طبعا انا نفسى ان نهر الغضب ده ينفجر فى وش الظلم لكن من غير ما يأذى الناس الغلبانة لحسن ده الشعب المصرى بقى غلبان اوى

سؤال انت ليه غيرت صورة البروفيل بتاعك هيا اتغيرت بناء على تعليمات امنية ولا حاجة

7ntklm يقول...

لا والله مخرجتش بره الموضوع دا انا بتكلم عن اخطاء ناصر الذكرت انت فيه انها اخطاء اعتياديا بلاش واحد علشان احساسيك شفت بقا احترام الذات الانسانى :)

وتسلم على اضافة مدونتى فى الفوفريت بتعتك بس انت كاتب الينك بتاعى غلط وتفضل دى :k

ibn nasser- ابن ناصر يقول...

مصر هي أمي
هاهاهاها يمكن انا جاسوس مندس ولا حاجه اول حاجه انا ماكنش عندي صوره شوف التعليقات القديمه عندك ,وبالنسبه لنهر الغضب ينفجر ياخويه وخلاص انشالله في وشي انا بس ييالا
تحياتي

ibn nasser- ابن ناصر يقول...

7ntlkm
ماشي يا عم وبالنسبه للمدونه هصحح للينك وشكرا علي التواصل
تحياتي

ibn nasser- ابن ناصر يقول...

7ntklm
كاتبه صح يمكن بس حنتكلم ن باينه تيه لكن الوصله شوفتها صح والله

صاحب البوابــة يقول...

أقل ما يوصف به هذا النظام الفاسد , إنه يقيد حق مصر في التنفس , انه يصادر حق مصر في الحرية , ان هذا النظام بالضبط يعتقل مصر , يحبس مصر , يسجن مصر , يقيد مصر , يزج بمصر كلها في غياهب السجون , جميع من يعارضه يلقي به بلا أدنى رحمة في المعتقلات , يلفق له التهم , ويدلس له القضايا , ويخطط له الخطط , كل من يعارضه عنده سواء , الصغير قبل الكبير , الطفل قبل الشيخ , المرأة قبل الرجل , فكل من يقف ضد فساد هذا النظام , هو متآمر لقلب نظام الحكم , هو ارهابي يخطط لزعزة الأمن , هو فوضوي يزرع الفوضى والخراب , انها تهم جاهزة , في قوالب معدة سلفاً , لتناسب الجميع , بداية من الاخوان المسلمين , ومرورا بأيمن نور رجل الحرية وحزبه الغد , وحركة كفاية الشريفة , وحركة شباب من اجل التغيير , وحزب العمل , وحزب الوسط , والنقابات المجمدة , وانتهاءا بالسادة القضاء الشرفاء ...

صدقوني , انهم يعتقلون مصـــــــــر بأكملها ... لا فرق عندهم بين أي معارض !!!

-----------------------------

كلمات شعر بعنوان ( عُد يا أبي ) سمعتها مصادفة وانا اتابع اخبار اعتقال قيادين من شرفاء جماعة الإخوان المسلمين , هي أبيات شعر تلقيها ابنة احد المعتقلين ( حسن مالك ) , فوجدتها كلمات تخترق اذني كالسهام , كلمات رقيقة فطرت قلبي , وأسالت دمعتى , وأدمت فكري ...

احببت ان اسمعكم اياها , لتعلموا مدى قسوة هذا الطاغوت الذي يحكمنا , ولتشعروا بمدى الظلم الذي اصبحنا فيه ...


http://www.youtube.com/watch?v=X9-54aYbhtY&mode=related&search=


http://www.youtube.com/watch?v=N2vzxQ_el6c&mode=related&search=

Sharm يقول...

كمان عندنا في بورسعيد ناس اتلموا على ظابط في قهوة و عدموه ضرب عشان مرتشي

حكاية قسم المنتزه دي نتيجة استهتار الظباط الصغيرين و عنجهيتهم الزيادة عن اللزوم لدرجة تجعل ظابط يقتل مواطن برصاصة في الرأس في خناقة في المنتزه

!!!

شهيدة يقول...

سلام ابن ناصر

ايه أخبارك

انا أولا ما فهمتش ايه اللي في الفيلم بس هو باين انو مظاهرة قوية قدام قسم أو ادارة رسمية
على كل الأحوال أتمنى الناس كلها تصحى ان أول خطوة نحو الانسانية الحقيقية أن نتمرد على قيودنا ونكسرها
على فكرة انا عندي نصائح مهمة جدا لكل الطلاب على مدونتي حتفيدك اكيد
سلام

ibn nasser- ابن ناصر يقول...

صاحب البوابه
انا مش عارف اقولك ايه انت قولتكل حاجه وهخوش اشوف الفيلم دلوقتي
تحياتي

ibn nasser- ابن ناصر يقول...

sharm
يا نهار ابيض يا صديقي للدرجه دي انا انا مش عارف بعد كده ايه اللي هيحصل بقي ؟؟
تحياتي

ibn nasser- ابن ناصر يقول...

شهيده
اولا اللي في الفيلم ده انفجار غضب سكان الاسكندريه(المنتزه)تحديدا وهذه لم تكن مظاهره بل تجمع ابناء المنطقه ليهاجموا قسم الشرطه وهذا لما رائوه من اهانات وتعذيب وانتهاكات ظباط هذا القسم وانشاء الله كل العرب يفوقوا علي الظلم بس اما يصحوا من النوم !! او من التنويم
تحياتي

ذو النون المصري يقول...

في مصر كثير من الاحداث التي تؤكد بانها مجرد ثورات مصغره و في نفس كل مواطنالان ثورات لكنها للاسف غير موجهه لذلك فالمواطن في حالة ثوره مكتومه في انتظار انفراجه كي تنهي حالة الكتمان
اعتقد ان حالة الانفراج قريبه
اكيد قريبه

ibn nasser- ابن ناصر يقول...

ذو النون المصري
والله كلامك صح فعلا كل انسان عنده ثوره مصغره مكتومه في مستني تتفتح بس ,وكمان الشعب المصري مابقاش الشغب بتاع زمان لأ احنا اكتسبنا صفات تخلينا نقوم بميت ثوره
تحياتي

sonsoneta يقول...

يا جماعة ناصر مــــــــــــــــات
و الســـادات مــــــــــــــــات
الله يرحمهم
انما في بلوة عندنا هنا و ابتلاء من عند ربنا لازم ننجح فيه و نعديه و لنكون اقوياء و اشداء و ربنا ينصر الحق و العدل

ibn nasser- ابن ناصر يقول...

sonsoneta
المشكله ان الواحد لو قالك جمال عبد الناصر مات هتلاقي في ناس طالعه يقولك احسن وبتاع وبالنسبع للسادات يلاش دلوقتي عشان انا مخنوق من اسرائيل ومش عارف مين من اقرباء السادات بيقولك لازم النظر في معاهدة الاستسلام مع اسرائيل ,الفكره لازم الناش تفوق الخطر بقي متربص بينا بكل الاتجاهات من الداخل والخارج
تحياتي

Sharm يقول...

ابن ناصر يا صاحبي

اتقي شر الحليم اذا غضب

ibn nasser- ابن ناصر يقول...

حبيبي شارم
سؤا واحد هل اتقي شر الحليم اذا غضب؟؟ ولا شر النايم اذا صحي ؟؟ الشعب ناااايم بنقولوه فووووق وشكرا لك
تحياتي

shady يقول...

يا ابن الغالى
الثورة جاية ده امر اكيد

غير معرف يقول...

محمد خلف للذين لايعرفونه هو امين شرطة اسكنرانى جدع ابى ان يحمى السفارة الصهيونية بالقاهرة فحبسوه 6اشهر فله هذه التحية
محمد خلف

اسم يفكرك بالشرف

يصحى فيك معنى الوطن

لما يقول لأه

عارف تمام

أمتى يزق الزقة

فيهز عرش الخيانة

و الذل و الاستكانه

يحط فى نعش النظام مسمار

و يدقه ميت دقة

مش همه ياكلها حاف

و لاّ ياكلها بدقة

الكيل طفح م الذل

و النهب و السرقة

المصرى جىّ

جايب لمصر الضى

المصرى حى

ضميره صاحى

عقله نىّ

ما قدر يطبخه خاين

و لا عدو

و لا حدى بدى

المصرى طالع

من شواشى الشجر

و من النخيل

المصرى عمره

ما كان عليل

و لا كان عويل

عارف العدو فى ( إسرائيل )

المصرى عمره

ما كان ذليل

و لا ركع للأمريكان

و لا عمره كان أبدا جبان

ساعة الأدان

تلاقيه ف قلب المعركة

وسط الميدان

المصرى عارف من زمان

مين اللى صان

و مين اللى خان

و يوم يجد الجد

المصرى يحد الحد

و ينفجر بركان

يطهر كل شبر

واللى فاكرين ان مصر

خلاص بقت ملكهم

هيشوفوا يوم

إسود ..

على كل ظالم

أبيض ..

على كل مظلوم

و اللى فاكرين ان مصر

عزبة يورّثوها

بكرة هيعرفوها

بكرة هيتعلموها

درس مصر الجىّ

طول عمرها ملهاش

فى الصبر زى

و لا فى القومه

فى الفجرية ضىّ

المصرى عربى

عارف تاريخ أمته

و عارف سكته

مدرك تماما

إن النظام بلوته

وحكام المذلة قضيته

و (إسرائيل ) عدوته

المصرى عربى

و النبى عربى

و الجرح يصرخ يقول

أنا عربى

و النصر من جنوب لبنان

ينطق حروف عربى

و فى العراق و فى فلسطين

الدم يروى ترابنا الـ عربى

المصرى زهرة

فى بستان الأمل طالعة

قلبه جسور

و عزيمته ساعة الحسم والعة

فى الضلمة شمعة

و فى النهار

غيط و مصنع و جامعة

المصرى يصبر آه

يسكت و يتهيألك انه

سلم مصيره لسلطة محتكرة

للنفوذ و للفلوس و الجاه

سلطة عميلة ذليله

ما تعرفش غير ملذات الحياه

سلطة بلا مبالاه

لا ف ذهنها شعب و لا أمة

تركع لأمريكا

و تبعد عن طريق اللـــــــه

و المصرى عارف انها ساعة

و هتعدى

دا ياما بحرك يا مصر

بيحدف و بيودى

و المجد دايما للشرف

المجد لمحمد خلف

المجد دايما للشرف

المجد لمحمد خلف
من موقع لقطات
مصرى

جبهة التهييس الشعبية يقول...

القصاص للأسرى المصريين

ibn nasser- ابن ناصر يقول...

shady
يسمع من بوقك ربنا يا حبيبي لحسن خلاص فاض بينا ودم المصري مالوش تمن في هذا الزمن اللعين
تحياتي

ibn nasser- ابن ناصر يقول...

ياه شعر في منتهي الجمال ويعيش محمد خلف ويسقط كل الخونه العملاء وعلي الفكره محمد عبد القدوس مره اتحبس عشان راح ينزل علم اسرايل اما كانت مشتركه في معرض في مصر ومحمد خلف هما بيقولوا لأي حد يعني ان هما خونه وخونه جدا جدا
تحياتي

ibn nasser- ابن ناصر يقول...

يجب القصاص للأسري المصريين بأي طريقه ممكنه..
تحياتي