أخبـار ابـن نـاصر

لا للتعديلات الدستورية

الجمعة، 9 مارس، 2007

والتاج علينا حق وماحدش يقوله لأ

والتاج علينا حق وماحدش يقوله لأ
التاج للجمييييع
والتاج ده جالي من روميل وأحب اشكره جدا والحمدلله الحمدلله ده التاج السهل مش بتاع اسمك ايه والكلام الغريب
ده ... وهيييا لننطلق فليبدأ التحقيق والسين والجيم
أسم مدونتك؟؟

أنا أسم مدونتي ابن ناصر وأظن يعني ده واضح قوي

لماذا اخترته.. ماذا تقصد به؟

اقصد به ابن جمال عبد الناصر لأني أحب هذا الزعيم للغايه ولقيته انسب اسم ليا يبقي كأسم حركي وانا ماكتبتش اسمي عشان خايف لا والله لكن عشان اما يتقبض عليا مش انا بس هبقي متضرر لكن والدي ووالدتي فامش عايز اوط حد بعدين ابويا مش بتاع مشاكل اللي هو يلاقيني ببعت مايل لبريد الاهرام بهاجم الحكومه هههههه يقولي هيعرفوا ايمايلاك كده اومال لو عرف الهباب اللي بيحصل ده واللي انا باكتبه ههه خليها علي الله

صورتك ف المدونة، رمزيتها؟

والله انا كنت هايز احط صورة الزعيم ناصر بس حاطيط فنديتا مش عارف ليه يمكن عشان غامض مش عارف مستخبي وراء قناع مش عارف برضه

طبيعة كتابتك في المدونة بشكل عام.. سياسة.. قصة.. عبث.. كلام فاضي؟

السياسه أساسي طبعا مافيش غيرها لكن ممكن اكتب حاجات تاريخيه حاجات علميه بس بتبقي متجمعه مثلا زي مقالة تكريم الانسان وانشاء الله بعد التاج هكتب عن تاريخ أمريكا لكن حتي لو ماكتبتش حاجه سياسيه بتبقي حاجه بتخدم الإغراض السياسيه .. بس

التعليقات بالنسبة لك.. أهميتها؟

انا بالنسبه لي أهم حاجه التعليقات يعني اجي الاقي مثلا عشرين واحد زارني طب وبعدين لأ لازم اعرف راي اللي قدامي التواصل لأزم ومهم جدا

أحلى بوست كتبته.. ضع اللينك.. ثم اذكر لماذا؟

السؤال ده صعب بس فيه كام بوست بحبهم ليهم عندي معزه خاصه فيهم واحد اول حاجه كنت اكتبها ورفضوه في الجامعه مش عارف ليه وده بعنوان (التغيرات الجذريه في الشخصيه العربيه) والتاني بتاع (العدوان الاسرائيلي علي لبنان) وفي بتاع (فن التعذيب) مش عارف حلو ولا لأ كتبته كده علي طوول ومقرأتهوش حتي ومحديش قالي حلو ولا وحش والحاجه الل انا لاحظتها ان كل حاجه بكتبها في المره الل بعدها بتبقي أجرأ من التانيه

أفضل مدونة قرأتها.. يمكن اختيار عدة مدونات؟

كل مدونه مسجلهاعندي تبقي بالنسبه لي افضل وباخشها كل يوم لكن الفضل كل الفضل يرجع لي مدونة ابن بهيه هي اللي ابتديت التدوين علي ايدها اول مدونه قرأتها وتابعتها يوم بيوم حتي عملت مدونه وتاثرت بها كثيرا لأن برضه افكار صاحبها العزيز مثلي والمدونات الجميله كتير بس انا خايف لا انس حد يعني مثلا شارم,الزعيمه,واحد من الناس يمصرهي أمي,ذو النون المصري,يسقط الواد وأبوه,شهروزه ,قائد,شهيده,قوميون الي الأبد ,ملك المصريه ,جبهة التهييس الشعبيه ,فارس,احمد المصري,الغزالي,بنت النيل,ارانجنج ماي بابير ,هنادي,الغريب,يوتوبيان (رغم ان في ناس كتير افكارهم لا تتفق مع افكاري بل تتعاض كمان ) بس عادي

أفضل بوست قرأته.. يمكن اختيار أكثر من بوست.. ومتنساش اللينك؟

والله مش فاكر بس هتلاقيه حاجه من المدونات ديه يعني

هل خسرت صديق بسبب كتابة هنا؟

الحمد لله لأ بس بلاقي حد يجي يطفش مثلا ويشتم في ناصر وكده خلاص اهلا بيه لكت هو بيفضل حاسس ان فيه حاجه مع ان انا شايف عادي لازم الاراء تختلف مش معقول كلنا نبقي لوون واحد يعني

حد قل أدبه ف التعليق.. إيه رد فعلك؟

هههههه مانساش اليوم ده انا حد قا ادبه بس الحمدلله مش في التعليق لكن في منتدي عشرينات في البلد اتفرجوا شوفوا بس اول واحد شتمني بزوق قاللي ابن عبد الخائن وكلام ظريف, تاني واحد هههه كان غريب جدا

أسوأ مدون.. ما هو حاتجاوب حاتجاوب؟

انا أكتشفت حاجه ان كل الناس فلتت من السؤال ده لكن أن هاجاوب في مدنو كتير وحشين وان بتكلم فكريا مش اسلوا هتقولي تصنيف مين فكريا هاقولك انا اول واحد اسمه طبيب نفسي تاني واحد اسمه احمد مش عارف ايه بتاع مركز المضروبه الشفافيه هههه كاتب كلام عن جيمي هو اللي هينقذنا من الظلام والهلاك والكلام ده

أقوم بتمرير التاج لمين ؟؟؟؟؟؟

مصر هي أمي

جبهة التهييس الشعبيه

شارم

الزعيمه

شهروزه

قائد

واحد من الناس

سونسونيتا

ذو النون المصري

ذا لوست برينسيس

بنت النيل

هنادي

ارانجنج ماي بابير

وأي حد دلوقتي زار مدونتي

هناك 40 تعليقًا:

35L يقول...

أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى

ذو النون المصري يقول...

ابن ناصر
احب اعبر لك عن سعادتي اولا ان مدونتي من المدونات التي تفضلها و تتابعها دائما
و احب ايضا اشكرك علي تذكرك لي في التاج لكن انا جاوبت عليه قبلك
ههههههههه
عموما كل تاج و انت طيب
تحياتي

kaed يقول...

عزيزى إبن ناصر
شكرا جزيلا إنك إفتكرتنى
ربنا يكرمك و يجيلك تاج تانى و تالت ورابع و تربيهم فى عزك
سلام أخى العزيز

7ntklm يقول...

اتمنى لك النجاح الدائم بمدونتك عزيزى ابن ناصر

:k

إبن بهيـــــــــــــــــــــــــــه يقول...

الله يبارك فيك ويحفظك .. لا أستحق منك كل هذا يا أخي .. لكنه من لطفك وكرم أخلاقك ونفسك السامية .. الف شكر

وأما بقية الكلام فهو كعادتك صريح وواضح .. إبن ناصر بجد مش أي حد تاني .. ربنا يحفظك ويحفظ ولاد ناصر الحقيقيين مش التايواني وولاد بهيه كلهم .. برضه الحقيقيين مش اللي كده وكده

أطيب وأرق تحياتي

الزعيـمة يقول...

زميلي الفاضل ابن ناصر
بشكرك جدا على تفضلك بذكر مدونتي
فى قائمة المدونات التى تقرأ لها

واشكرك ايضا على تمرير التاج ليا
بس مش عارفة لية بكسف من موضوع التاج دا ولما عملت اول واحد كنت مضطرة عشان الناس تعرفني اكتر


واسمحلى احييك على كل موضوع بتكتبة
انا مش اشد المعجبين بقلمك وفكرك
ننتظر ما ستكتبة عن تاريخ امريكا

لك ارق التحية

مصر هى أمى يقول...

ابن ناصر
سعادتك التاج ده انا كاتب اجاباته من اكتر من اربع ايام لانه اتحدف عليا من اسراء قبل كده لكن عموما شكرا جدا انك بعتهولى وعايزين نشوفك فى الاجتماعات بتاعتنا
ماشى

hend يقول...

حلو الرد
بس يا خسارة مفيش حرب من غير مصابين وانا منهم
ليه كده مكفاية التاج اللى قبل كده

ibn nasser- ابن ناصر يقول...

35l
جااي اشارك معاك

ibn nasser- ابن ناصر يقول...

ذو النون المصري
وانت طيب وفعلا مدونتك مميزه

ibn nasser- ابن ناصر يقول...

kaed
هرابيهم ازاي بس ,ههههه كفايه واحد
تحياتي

ibn nasser- ابن ناصر يقول...

حنتكلم
شكرا لك اخي العزيز

ibn nasser- ابن ناصر يقول...

ابن بهيه
لأ بجد انا كل ماقلته اعنيه ,,وانا مش عارف اقولك ايه علي المجامله دي
تحياتي

ibn nasser- ابن ناصر يقول...

الزعيمه
اه والله مدونتك من اول الحاجات اللي بتابعها ,,وانشاء الله نشوف التاج ده

ibn nasser- ابن ناصر يقول...

hend
هههههههههه معلهش بقي مستقصدك
لا والتاج ده اتحكم عليكي بيه لازم تنفيذيه
تحياتي

جبهة التهييس الشعبية يقول...

هههههههههههههه انت مرر لي التاج الصعب ده؟

انا مش باعرف ارد على اسئلة

عموما عشان خاطرك ح اعمله

بس يومين كده

ibn nasser- ابن ناصر يقول...

جبهة التهيس الشعبيه
ههههههه اول حاه التاج مش صعب تاني حاجه خلاص اصبح حكم عليكي ههه شرفتيني
تحيياتي

hebaz يقول...

ibn nasser- ابن ناصر
مفاجأة يا سلام المفاجأة أن حد يقول على أوراقى الملخبطة أن بيحب يقراها و يبص عليها باستمرار شكرا ليك بجد:) ديه حاجة بجد فرحتنى
أما مفاجأتى ليك أنى تبت توبة نصوحة عن التيجان و لا تاجز بعد اليوم :)
تحياتى

ibn nasser- ابن ناصر يقول...

hebaz
اول حاجه لأبجد بحب اقرا حاجاتك باستمرار تاني حاجه ماشي ماشي انتي حره اهربي من التاج مع انه حكم صدر عليكي وهيطاردك لطول العمر يعني المره الجايه هلاقي البوست بتاعك صورة جمجمه وشعر رعب هههههه لا لا ربنا مايجيب رعب
تحياتي

مصر هى أمى يقول...

ابن ناصر
شكرا جدا ليك بس معلش انا كنت عملت التاج ده قبل ما تبعتهولى
على فكرة مدونتك من المدونات الجميلة اللى انا بتابعها

ibn nasser- ابن ناصر يقول...

مصرهي أمي
لأ مفيش مشاكل يا باشا بس انا منسيتكش اهو !! هه وبقولك لا انت فعلا اللي مدونتك جميله جدا
تحياتي

شهيدة يقول...

ابن ناصر
ازيك؟
التاج حلو جدا واجاباتك صريحة
على فكرة كويس انك حطيت لينك موضوع حرب لبنان عشان ما عرفتش ألاقيه لما قلتلي عنو
أنا حقراه بس مش دلوقت
انا عندي امتحان بعد ساعة تقريبا
ادعيلي
تحياتي

ibn nasser- ابن ناصر يقول...

يا نهاار ابيض بعد ساعه يا رب تنجحي يا شهيده يا بنت ..؟؟ يا بنت لبنان ,, كده ينفع ؟؟
وشكرا ليكي
تحياتي

fares يقول...

اين تاصر شكر ليك اوي علي الكلام ده وعلي فكره مدونتك من المدونات المضله عندي تحياتي ليك

esraa يقول...

اجاباتك علي التاج حلوه, واكيد من حقك تكون بن اي حد انت عايزه, واللي مش بيحب جمال يهاجمك انت ليه؟
كل واحد من حقه يحب أي حد في الكون, ده حتي في ناس بتحب مبارك وابنه.
بالنسبه للتاج انا حليته في البوست قبل الأخير.

قاسم أفندي يقول...

آمل متابعة موضوع الأقصى علي مدونتي
توجد أخبار سعيدة
أشكرك

جبهة التهييس الشعبية يقول...

اتقبض على ناس في مظاهرة

اظن التظاهرة التدوينية مش شغب ولا حاجة

رجاء من كل المدونين وضع هذه الأغنية في مدونتهم:

يا قبضتي دقي على الجدار

لحد ليلنا ما يتولد له نهار

يا قبضتي دقي على الحجر

لحد ما تصحي جميع البشر

مش فاهم اللي حاصل

لكن بقلبي واصل

واللي مش فاهمه عقلي

بتشرحه السلاسل

يا قلوب بتنزف دم في العتمة

يا قلوب بتنزف دم وتغني

سجنوكي والكلمة

غصبن عنها وعني

طلعت من القضبان وم الاسوار


الاكواد بتاعة الاغنية اهه

رجاء تبقى شعار المدونين في الوقت اللي بيتعرض فيه كل صاحب رأي للظلم

الاكواد بتاعتها اهيه

كنت اخدتها من غزالي


"http://www.macromedia.com/go/getflashplayer"

جبهة التهييس الشعبية يقول...

تصحيح اللنك



http://www.mp3asset.com/swf/mp3/minime.swf?myid=1575758&f=3

شــهــروزة يقول...

أشكرك يا ابن ناصر على انك تذكرتنى فيمن ذكرت
ودة معناه كبير أوى عندى

معلش كان رد الطريق عندى صعب شوية لكن بأعتذرلك لأنه خطأ غير مقصود

عموما فى حالة قبلت اعتذارى
أشكرك
وأشكرك تانى على تذكرك لى وسك الكم الجميل اللى انت ذكرته

تحياتى

david santos يقول...

جيد عطلة نهاية الاسبوع

Sharm يقول...

كده يابن ناصر تمررلي تاج ؟

ده انا اخوك و حبيبك

عموما الحمد لله انا مجاوب التاج ده قبل كده

هع هع هع هع

ibn nasser- ابن ناصر يقول...

fares
شكرا فارس ده من ذوقك بس

ibn nasser- ابن ناصر يقول...

esraa
لأ يا اسراء ده مش يهاجمني انا ده يشتمني كمان ههههههه علي العموم قدرنا بقي
تحياتي

ibn nasser- ابن ناصر يقول...

قاسم افندي
داخل أشوف وعلي فكره انا كنت مشارك معاك في موضوع الاقصي واحب يا جماعه احيي هذا الرجل العظيم

ibn nasser- ابن ناصر يقول...

جبهة التهيس الشعبيه
ده لو علي القبض ماشي ده قبض بعد السحل والضرب
بس معلهش رجاء شرح أحط الاغنيه ازاي
تحياتي

ibn nasser- ابن ناصر يقول...

شهروزه
صح معاكي حق ,,انا مش عارف حصلي ايه ولا داعي للأسف خلاص لم يحن وقت للعبث فعلا انا اللي اسف في حق البلد
تحياتي

ibn nasser- ابن ناصر يقول...

david santos
مش فاهم حاجه

ibn nasser- ابن ناصر يقول...

شارم
ماشي يا عم نفت بجلدك
تحياتي

ibn nasser- ابن ناصر يقول...

معلهش يا جماعه ممكن اغيب كام يوم عشان النت عندي مش عارف في ايه وانشاء الله يجي بسرعه
تحياتي

ibn nasser- ابن ناصر يقول...

انا مش عارف البلوج في ايه ولا عايز يخش عشان ينشر حاجه ولا اي حاجه
هشوف هنشره بكره او بالليل