أخبـار ابـن نـاصر

لا للتعديلات الدستورية

الأحد، 25 مارس، 2007

الله الله اتفرجوا وادعولي واوعوا تدعوا عليا

اتفرجوا وقولوا لي ايه رأيكم في المهزله دي؟؟ ايه أيكم في اللي بيحصل؟؟؟


الصور دي انا خدتها من مدونة انسي





يالا روحوا قولوا نعم وخدوا من عمو الحلاوه هو احنا مش بنقول نعم بقالنا تلاتين سنه فيه ايه!!؟؟


...............................................................................


وبرضه خدت من مدونة انسي هذا الاعلان وانا بعتلهم عشان اعرف اكتر


...


مؤتمر القاهرة الخامس منتدى القاهرة الاجتماعى الثالث
الخميس 29 مارس/1 أبريل 2007 - نقابة الصحفيين المصريين

الساعه السادسه مساء

"من أجل بناء تحالف عالمي بين القوى المقاومة للإمبريالية والصهيونية


"ها نحن نلتقي في القاهرة للعام الخامس على التوالي..
نحن المناضلون والنشطاء من مصر والبلدان العربية وأوروبا وآسيا وأمريكا.
نحن قوميون وإسلاميون واشتراكيون ومستقلون
شاركنا في مظاهرات التضامن
مع الانتفاضة الفلسطينية في أكتوبر 2000 وأبريل 2002
وفي انتفاضة التحرير يومي 20 و21 مارس 2003..
نحن أبناء الحركة العالمية التي نظمت مظاهرات 15 فبراير 2003 العظيمة
والتي وقفت ضد ظلم الرأسمالية واضطهاد الإمبريالية في سياتل وجنوة ولندن وباريس وبراغ وبورتو اليجري ومومباي ونيروبينحن مناهضو الإمبريالية والصهيونية والعولمة الرأسمالية والحرب، نلتقي في القاهرة مجددا لنواصل عملنا المشترك لبناء الجسور بين من يرفعون السلاح ضد وحشية الاستعمار والصهيونية في فلسطين ولبنان والعراق، ومن يناضلون ضد همجية الليبرالية الجديدة في فنزويلا وبوليفيا والإكوادور، ومن يحتجون على العولمة والحرب في باريس ولندن وروما وسياتلنحن ندعوك أن تشاركناشارك معنا في حوارات وسجالات ومناقشات مؤتمر القاهرة الخامس. خض حوارا مفتوحا مع المناضلين والنشطاء من العراق وفلسطين ولبنان وسوريا وتركيا وبريطانيا والولايات المتحدة وكوريا واليونان وكندا.. ناقش معنا كيف ندعم المقاومة ونواجه خطر الانقسامات العنصرية والمذهبية.. اطرح معنا الخطوات العملية لبناء حركة عالمية واحدة ضد الإمبريالية والعولمة الرأسمالية.. واستخلص معنا دروس الماضي وفكر في خطط المستقبل


وشارك معنا في منتدى وتجمعات مؤتمر القاهرة الخامس.


إذا كنت عاملا أو فلاحا أو طالبا أو مهنيا.. إذا كنت من رافضي الخصخصة أو مناهضي الصهيونية والديكتاتورية والقهر والحروب والتمييز العنصري والديني..


شارك معنا في تجمعات ومنتديات مؤتمر القاهرة.. شارك في تجمعات العمال والفلاحين، الطلاب، المهنيين، مناهضة التمييز الديني.الحملة الدولية لمواجهة العدوان على فلسطين والعراق تأسست الحملة الدولية لمواجهة العدوان على فلسطين والعراق عام 2002 بمبادرة مجموعة من القوميين واليساريين والاسلاميين المصريين،


وهي التحالف الدولي المنظم لمؤتمر القاهرة.اللجنة المنظمة المصرية لمؤتمر القاهرة الخامس


حزب الكرامة العربية


جماعة الإخوان المسلمون


حزب العمل


منظمة الاشتراكيين


الثوريين شخصيات مستقلة


لمزيد من المعلومات


02/ تليفون: 7923837/


بريد إلكتروني:cairoconference4@yahoo.com


>>>>>>>>>>>>>>>>>>>>>>>.
تحديث

قوات أمن مصرية في ملابس مدنية وعسكرية تمسك بمتظاهر مصري في مظاهرة نظمتها حركة كفاية المعارضة في القاهرة احتجاجا على التعديلات الدستورية يوم الاحد. تصوير: ناصر نوري - رويترز.

انا لسه جاي من الميدان ماحدش يجيبلي سيرة الامن ولا المعارضه لو سمحتوا من كتر اللي شفتوا وكان معايا
(يساري مصري) و(حنتكلم) ومش قادر احكي لاني لسه جاي دلوتي حالا
تحديث
............................................................................................
...
مظاهرة كفاية يوم 25-3-2007 أمام نقابة الصحفيي
ابن ناصر

هناك 49 تعليقًا:

david santos يقول...

Hello, ibn nasser! Great man.
Thank,s for you work and have a good weekend

أحمد سلامة يقول...

لا
لن نقول نعم
لا
لا
لا
لا

أحمد سلامة يقول...
أزال المؤلف هذا التعليق.
hend يقول...

فكرتنى بايام ما اخويا كان فى الكلية وكانوا بيوزعوا على الطلبة فى المدينة الجامعية تى شيرتات معدومة علشان يأيدوا اعطاء الريس الحكم مدى الحياة العيال قالوا نعم وتانى يوم باظ التى شيرت قبل ما يفرحوا بيه

شهيدة يقول...

ابن ناصر

ازيك؟
اتمنى تكون بخير وتكون رجعت من الاعتصام بخير

kaed يقول...

صاحبى إبن ناصر إنت لسة شفت حاجة دا لسة يوم الإثنين حتشوف العجب علشان يعدوا التعديلات الدستورية وسلملى على المصريين

مصر هى أمى يقول...

ابن ناصر
انا زيك كنت فى ميدان التحرير وشوفت منظر العساكر المستفز بصراحة معتقدش ان اسرائيل حتى بتعمل كده فى الفلسطنيين ال واحنا زعلانيين على حقوق 250 اسير ماتوا فى الحرب والحكومة مطالبتش بحقهم طب نتكلم على 70 مليون اسير دلوقتى وملهمش اى حقوق

احلى حاجة الخطاب بتاع الوحدة المحلية ان الموظف لازم يقول نعم فعلا قمة الحرية
والديموقراطية

ibn nasser- ابن ناصر يقول...

david santos
thank you for coming to my blog
my regards

ibn nasser- ابن ناصر يقول...

أحمد سلامه
احيك علي موقفك موقف كل وطني ورجل وشجاع
تحياتي

ibn nasser- ابن ناصر يقول...

هند هههههه هما عملوا كده لاخوكي التي شيرت باظ ههه طب كانوا يدولهم حاجه خامتوا محترمه بس ليه محترمه ماهو مابيحترموش الشعب مش انتي القائله!؟؟

ibn nasser- ابن ناصر يقول...

شهيده الحمدلله انا بخير
اشكرك

ibn nasser- ابن ناصر يقول...

قائد
علي رأيك كل سنه واحنا طيبين بقي
سلاااام
تحياتي

ibn nasser- ابن ناصر يقول...

هههههههههههه 70مليون أسير والله وشوف كام معتقل ,,بس كده يا راجل ماقابلكش ,, يالا انشاء الله نتقابل في ظروف أحسن من كده
تحياتي يا صديقي

tamer يقول...

حاجة تقرف وتخنق

مش عارف لحد امتة هيفضل يتحكم فينا ناس لاضمير ولااخلاق ولامبادىء عندها

ربنا يعدلها من عندة

ولكل ظالم نهاية

ibn nasser- ابن ناصر يقول...

والله ما عارف دي باين عليها سنه سوده
تحياتي

الزعيـمة يقول...
أزال المؤلف هذا التعليق.
الزعيـمة يقول...

مش قولتلك يا ابني
وعايزني انزل انتخب واقول لا
لو 70 مليون قالوا لا
حتلاقي تانى يوم بيقولك اكتساح شعبي
كله بيقول نعم ونزولا على رغبتهم الصادقة تم تعديل الدستور
وابسط يا شعب


والنبي يا ابن ناصر خليني اعده ساكتة كفايا الشفتة ايام مظاهرات ضرب العراق والوحشية بتاعه الامن المركزي فى التعامل مع المتظاهرين

وبعدين ازاى نصوت على تعديل 34 مادة مرة واحدة؟ الشكل دا للتصويت غير دستوري اساسا

رايحين نصوت على دستور بطريقة غير دستورية يلا خليها تخرب

fares يقول...

انا كنت معتقل عندنا في كفر الشيخ من شويه ولسه طالع انا ببكي حاليا وعاوز اقوللك حاجه انا تعبان اوي ومخنوق ومش عارف اعمل ايه

iman يقول...

بقولك ايه...متيجى نقول نعم وناخد تذكرتين الماتش اجدع
اهو الواحد يتفرج على حاجه اجدع من القرف اللى احنا شايفينه
www.amonna.blogspot.com

ibn nasser- ابن ناصر يقول...

الزعيمه
عندك حق بس ماهما شوفتي مش زي ماشفت امبارح ,انا كنت في حالة رعب اول مره من زمان يجي لي رق في النوم تحياتي وربنا معانا

ibn nasser- ابن ناصر يقول...

فارس يا نهار اسود كنت معتقل حصل خير حصل خير كويس انك بالسلامه دلوقتي ويا صديقي صدقني شده وتزول وانت لو كنت في القاهره كنت قابلتك بس الحمدلله انك بخير وعن الحاله النفسيه كلنا والله كده
تحياتي

ibn nasser- ابن ناصر يقول...

ايمان قشطه يالا هستاناكي في الاستاد هههه
تحياتي

عاشقة الوطن يقول...

ياابن ناصر انا مقولتش نعم ولا قولت لا ماليش برضه حلاوة من عمو
ايهئ ايهئ ايهئ

يالا مش مهم يعنى احنا خدنا منهم ايه
ولا حلاوة لا يحزنون

وحمدلله على السلامة
كويس انك رجعت بالسلامة من المعركة الدامية

تحياتى

Hannoda يقول...

بعد ما تابعت كل برامج الفضائيات امبارح و اتفرجت على بلدي و شعبها و كلابها الي ماسكينها

صحيت انهاردة مليانة وهو وكسل.. واحباااااط

وجيت عند .. قريت و بكيت .. وقايمة مروحه .. بلاها شغل بقى
****

تيجي نتفائل؟؟؟

يمكن لما يمسخوها قوي يقوم عليهم الشعب اللي ياما قام وجاب عليها و طيها زمان

قول للزمان ارجع يا زمان

محمد صلاح العزب يقول...

لالالالالالالالالالالالالالالالالالالالالا
الليلة خلصت يا زعيم

Sampateek يقول...

75 في المية
ليه؟
هيا الصناديق بتتكلم عربي ؟؟؟

ibn nasser- ابن ناصر يقول...

عاشقة الوطن
أهو كده كده النتيجه طلعت والدستور اتعدل,,ماحدش واخد منها حاجه
تحياتي

ibn nasser- ابن ناصر يقول...

hannoda
انا كمان كده ببقي زهقان ومقروف بس يعني هنعمل ايه لازم نتأقلم علي كده ده احن لسه بنبتدي هو احنا لسه شوفنا حاجه

ibn nasser- ابن ناصر يقول...

اه
ماهي خلاص خلصت
تحياتي

ibn nasser- ابن ناصر يقول...

75 يا سلام يعني رقم عشان يقنعوكي ان النتيجه حقيقي بس انا شوفت الوفات رايحين ينتخبوا نعم ناس مش فاهمه وناس غصبن عنهم
تحياتي الي سامباتيك

7ntklm يقول...

صياح المهزلة عليكم يا مصرين

Supermamá يقول...

Ibn Nasser
Again here reading your vey intresting post...
I´m so sorry for the resolts, people lost another oportunity for freedom. And I asck my self...for how many time more should humans live ander opretion?
Best regards..

BeLiEvEr يقول...

لك الله يا مصر،
أنا بقول إن كده احسن لينا يا جماعه.
كل ما بيطولوا الناس دى فى الحكم، إحنا السيئات بتاعتنا بتتشال.
يعنى كله بثوابه.
:)

شهيدة يقول...

جميل جدا هههه

آخر التفننات

ما حدش سبقهم عليها

يا ريتني مصرية كنت كسبت تذكرة ورحت اتفرجت على الماتش
ههههه
ربنا معاكم
انتو مستحملين كتير والله

شهيدة يقول...

بالمناسبة أنا بكتب موضوع عن مصر
لو تحب تطلع عليه
هههه

دوللي يقول...

نعم فاهمين او مش فاهمين نعم عايزين او مش عايزين نعم عايشين او مش عايشين نعم والمشكله اننا عارفين

mesh2dra يقول...

السلام عليكم

بالنسبة لصورة الورقتين

إن لم تستحى فافعل ما شئت
:S


احتراماتي

ibn nasser- ابن ناصر يقول...

حنتكلم
صباح الخير
المهزله بتصبح عليك
انت في مصر اهلا بييك
تحياتي

ibn nasser- ابن ناصر يقول...

super mama
هو ده اللي احنا عايشن فيه كبت حريات ,فساد ,ظلم ,قدرنا بقي
وتحياتي

ibn nasser- ابن ناصر يقول...

يا شهيده
يالا مستنيكي تحت البسي تيشرت الاتحاد وهنروح نشجع
هههههههههههههههه
هتكتبي عن مصر هههههه ليه بس ماتخليكي في المشاكل الصغيره بتاعت لبنان هه هاجي اشوفه اهو
تحياتي

ibn nasser- ابن ناصر يقول...

دوللي
يا سلام علي السجع ده
احنا مش عايشن
مين اللي قا كده ماحنا زي الفل تزوير مش مهم فساد مش مهم سرقه مش مهم كبت الحريه مش مهم جوع وفقر وقهر ,,المهم بيزرعزا شمام ومانجه وكانتالوب بيظبطوا الشعب
بيظبطونا
تحياتي

ibn nasser- ابن ناصر يقول...

مشقدره
مرحلة عدم الاستحياء عدت من زمان احنا في مرحلة البجاخه ونظام
في حااااجه؟؟؟

تحياتي

قنديل في قلبي يقول...

قول يا ابن ناصر
خليك شاهد ومعاصر
علي كل فاسد ولدينه خاسر
اللي فاكرني لسه قاصر

micheal يقول...

دوله الظلم ساعه و دوله الحق الي قيام الساعه
تحياتي لك

david santos يقول...

Nasser, my friend! please translat for me this text in Arabic, please!

A tyrant wants war
A tyrant makes guns
A tyrant is afraid
Of his own claws

today if possible. Thank you. Can in my blog coments.

ibn nasser- ابن ناصر يقول...

قنديل في قلبي
يا سلام يا سلام ايه الفن ده كله لأ والله العظيم فنان
تحياتي

ibn nasser- ابن ناصر يقول...

michael
والله معاك حق
تحياتي

ibn nasser- ابن ناصر يقول...

david santos
hello my friend i have translate it to you:
طاغيه يريد الحرب
طاغيه يصنع أسلحه
طاغيه يخاف
من مخالبه
>>>>>>
my best regards

ibn nasser- ابن ناصر يقول...

قنديل في قلبي
علي فكره انا هشيلها عندي بيتين الشعر الجامدين دول ههههههه وعل فكره انا كمان بكتب شعر عايزين تبادل بأه
تحياتي