أخبـار ابـن نـاصر

لا للتعديلات الدستورية

الثلاثاء، 17 يوليو، 2007

القراءة للجميع ولكن!

صورة من الشارع
...

ولدت فكرة مهرجان القراءه للجميع خلال مؤتمر الاتحاد الدولى للناشرين الذى عقد فى لندن عام 1991 حيث نوقشت به ظاهرة مكتبات الأطفال فى مصر والدور الاجتماعى والثقافى الذى يمكن أن تلعبه فى حياة الطفل ، تحولت الفكرة الى مشروع ماجستير للسيدة / سوزان مبارك بعد أن تنبتها بنفسها .
*كان أول احتفال لهذا المهرجان عام1991 فى مكتبة عرب المحمدى وتحت شعار "القراءة للجميع".
(موقع الهيئه العامه للأستعلامات المصريه ) - (القراءه للجميع).
...
كلام معقول وموزون,, فنحن أمام تجربه تبنتها سوزان مبارك وقالت انها تتبني مشروع يهدف الي كتاب لكل مصري , مبادرة جميله لكن لي بعض الاسئله والاستفسارات .. هل هذه التجربه للشعب المصري فعلا أم لها شخصيا؟- للحصول علي جوائز او تكريم دولي او شهره؟- فلو للشعب المصري لماذا يجب ولابد ان تكون صورتها وكلامها المعتاد في خلفية كل كتاب ,حتي في بعض الكتب القيمه والمهمه لا يهم ان ت وجد صورة المؤلف لكن لابد من صورة السيدة الفاضله! .
تعلو الاصوات مناديه بالقرائه للجميع ولم اسمع كلمة حق الكتابة للجميع فلكل شخص الحق في ان يقرأ ما تنتجة مكتبة الاسره لكن ليس لحق اي مواطن ان يكتب ما يريد ! ففي مرة قرأت ان أحد أنشطة المهرجان تنظيم مسابقة "افضل قاريء"!! .. وهذا نفس نظام بداية بث الافكار الشيوعيه في مصر عندما كان الشيوعيون في الجامعات المصريه يعطوا الطلاب القادمون من الأرياف كتيبات عن الشيوعيه ويقولو له سأسالك بعض الاسئله في هذه الكتيبات لابد ان تفهمه وتذاكره جيدا لكي تحصل علي الجائزه الماليه !.
وفي هذه الأونه ..كل مكان أذهب إليه في شوارع القاهره او كباريها المعروفه أري شعارات كثيره جدا ومكلفه جدا "للقرائه للجميع" أليس من المفيد ان ننتج بها كتب ..ولكني أشبه هذا الموقف بمثال تسخير كل وسائل الاعلام الممكنه ودفع مبالغ باهظه في الدعايه كل ذلك من اجل بناء كشك مثلا ! .. فلماذا الوفات الشعارات والافتات علي الكباري! وعندما تذهب الي معرض الكتاب تدخل كل المكتبات تري الجيد من المكتبات والسيء منها لكنك مستحيل تري مكتبة اسوأ من مكتبة الاسره! في النظام والكتب موضوعه علي الارض وكلها مكرره وبلون واحد ومعظمها كتب غريبه وغير مفيده بالمره ومن الصعب ان تظفر بكتاب مفيد في اي من المجالات ..
منذ زمن في فترة الخمسينيات والستينيات كان يوجد كتاب عٌظام وكانت الدوله تهتم فعلا بان تكون القرائه للجميع دون شعارات او لافتات , ومثلا فالننظر لمستوي جريدة الاهرام مثلا في الستينيات ومستواها الان! فرئيس تحرير جريدة الاهرام كان العظيم محمد حسنين هيكل الأن أسامه سرايا !والاخبار ممتاز القط !و صراحتاً انا لم أسمع عنهم من قبل ولم اقرأ لأحد منهم كتاب او مقاله حتي! فلهذا فالمستوي القائم سينعكس علي الكتب والموضوعات التي ستنشر للشعب ,فكل ما نعيشه الأن من كتابات العظماء في السابق كالاستاذ الكبير هيكل وتوفيق الحكيم وغيرهم لكن الان من من الكتاب سيترك كتب مفيده او ثروة ثقافيه ..كمال جبر او عبدالله كمال!!
ولكنني اقتنعت بأن الدوله تبنت شعار "الكتابه للجميع" لأنهم تركو أناس مثل عبد الله كمال وكمال جبر وأمثاله يكتبون!.. ويقولون ما يريده النظام .
وأتذكر من اصدارات المكتبه السنه الماضيه والتي كان شعارها (ثقافة السلام) ولن اعلق عن الشعار المستفز طبعا لانه قد يأخذ مقاله او اكثر , لكني سأقول إن في مهرجان القرائه للجميع يقولون عن اصدارات المكتبه و شعار (ثقافة السلام) انه الذي سيعكس الدور الرائد لثقافة التسامح والتنوير من خلال الجمع بين الحفاظ على التراث الحضاري لمصر ومواجهة قوى الظلام!...
سؤال واحد فقط .. من هي قوي الظلام التي سنواجها بثقافة السلام؟ هل الارهاب متمثل في التطرف الاسلامي؟ أم في تطرف الكيان الصهيوني؟ ام إرهاب الولايات المتحده الامريكيه ؟ لكن بعد ما عرفت اوائل الاصدارات ايقنت من هم قوي الظلام وستعرفوا لكن بعد ان تقرأو اوائل الاصدارات.
1-(سقوط الحلم الشيوعى ) لعبد الستار الطويلة –طبعا لكن هل يمكن ان تاتي سيرة الولايات المتحده ! هي راعية السلام الاولي والعراق خير شاهد !.
2- (الإخوان المسلمين والتنظيم السرى) لعبد العظيم رمضان- نعم طبعا اكيد وكالعاده وهل يمكن أن ينسوا ذلك ! -.
3-( الطريق إلى الكواكب ) لسعد شعبان.-لا تعليق-
4-( طابا مصرية ) لخالد القاضى –طابا مصريه هم يوجهون الكتب لمن ؟ نحن نعرف انها مصريه اكيد!.
5- ( الكاتب المصرى ) لسيد كريم –تقصد القاريء المصري اكيد-.
6- ( الليزر ثورة فى طب العيون ) لمدحت الحناوى-نعم ثورة رهيبه!-.
نعم فلنبقي في الليزر والكواكب والكاتب المصري وهذا الكلام ! لكن هل يمكن كتابة كتاب عن جرائم الصهيونيه.. لأ لا يمكن طبعا لأن هذا ضد ثقافة السلام فاسرائيل دوله راعيه للسلام وشارون السفاح كان رجل "محب للسلام" كما قال عنه الرئيس مبارك!..
وفي موقع الهيئه العامه للاستعلامات اثناء تصفحي وأخذ معلومات عن مهرجان القرائه للجميع ,, رأيت صفحه باسم "شخصيات وأعلام مصريه" و الأعلام والشخصيات المصريه المرموقه الموجوده هي من الرموز التي أثرت في هذه الأمه وفي ثقافة السلام طبعا والصفحه مقسمه الي شخصيات في مجال "السياسه والعلوم والادب والدين والموسيقي والفن التشكيلي والشعر والمسرح والسينما والرياضه "..-وكل الصفحات مفعله ماعدا الدين والرياضه- وطبعا هذه هي الشخصيات التي اثرت في مصر والتي سيتم التركيز عليها في الكتب ووسائل نشر ثقافة السلام ,ولن اقول لكم ان هذه الشخصيات بها الرئيس حسني مبارك والرئيس انور السادات وحتي عادل امام ! ولم يذكر فيها الزعيم جمال عبد الناصر ! وكأنه لم يأتي! وهذا طبعا لانه كان معادي لمواقف أمريكا والدول المحبه لثقافة السلام كالدوله الصهيونية والدول المسانده لها كالعاده! ..
فلم يسعهم التعليم المخرب للعقول والاعلام الموجه الفاسد بل يريدون السيطره علي أفكار الشعب وبث افكار سوداء وغريبه فيه وفي الاطفال خاصة ! ..
...
تحياتي
ابن ناصر
http://tha2er.bogspot.com/

هناك 56 تعليقًا:

أمــانــى يقول...

اول مرة اكون اول تعليق
بص بقى هى فعلا ماما سوازن اللى عملت كده كتر الف خيرها وطبعآ لازم صورها يكون موجودة دى شئ اساسى علشان تفضل ذكرى ايه الحقد ده يابنى فى ايه
هى جات على الكتب احنا اللى ما فى مدرسة ولا مكتبة ولا حديقة ولا مكان والا بيكون بأسم سوازن مبارك وحسنى مبارك وال مبارك
بس ضيف على أسئلتك
هل هذا الكتاب فعلآ يقراها كل الاطفال طبعآ لا لان اغلب الاطفال حاليآ بيشتغلوا فى الصيف علشان يقدروا يجبوا مصاريف تعليمهم
انا اول كنت بأجيب الكتب بس خلاص اتخنقت لانهم مش بيقولى اللى انا عايزاها
بس عايزة اقولك كلمتين على ايام عبد الناصر برضو
كان بيكون مكتوب عليها
شعار مش فاكرة بس اكيد هاروح البيت واشوفها يعنى كلهم واحد
كل واحد فيهم عايز يكون هو المسيطر فقط
تحيــاتى لك يا ابن ناصــر

ibn nasser - ابن ناصر يقول...

أماني اول تعليق ياسلم ده شرف ليا انا
انا حقود عارف
وبالنسبه لايام ناصر هو كان اسمو اشتراكية الثقافه او القرائ
حاجه جميله يعني
ايام الكتاب الحقيقين
مش الكلاب

تحياتي

.:.-=- ELGaZaLy-=-.:. يقول...

جميلة اوى المقال يا ابن ناصر بس فكر شوية...


امهم سوزان مش امى ولا هاتكون لا مؤاخذة يعنى...بتعمل بروبا جاندا حضرتك
اى كلام فى الهوا ياليل لزوم الفرقعة وكدة واديك قايل مين بيكتب...؟؟

القراية للجميع صح بس هيقرو لمين دة السؤال يا عمنا وكل الكتب ممنوعة وكل الطيور محبوسة

ibnyosry يقول...

طبعا القرءاة للجميع
بس مين بيكتب
يعنى نفسى تنزلل كتب محترمة لكتاب محترمين
الحاجة الوحيدة الى استفتها من الفيلم ده من يوم مقالوا القراءة للجميع
مرة روحت قلت اشوف
فلقيت كتاب الاستاذ الرافعى وحى القلم طبعا من غير ما أفكر جيبته
وبعد كده كلة فى الهجايس

صاحب البوابــة يقول...

مقال جميل يا عزيزي

ولكم لفت نظري اشارتك لكم اللافتات الغالية الثمن التي تملئ كوبري 26 يوليو كمثال

يا عزيزي ان كل هدفهم هو التغطية الاعلامية

والاشادة المستمرة بالمستوى الحقير الذي اوصلوا له ثقافة الشباب

تحياتي اخي

ibn nasser - ابن ناصر يقول...

الغزالي
فعلا معك كل الحق كلها ممنوعة
وحبوسة
ويقولك مسابقة احسن قاريء
يحشرو في دماغو أفكار !!

تحياتي

ibn nasser - ابن ناصر يقول...

ابن يسري
هههه
وادي جزاء اللي بيشتروا من مكتبة الاسرة!
فعلا قليل وشبة نادر اما تنزل كتب محترمة !

تحياتي

ibn nasser - ابن ناصر يقول...

صديقي صاحب البوابة
ثقافة االشباب !
ماذا فعلو بالمجتمع بالله عليك
لو وضعت خطة لمحو الثقافة والهوية كذلك لن يستطيع أحد !
لكن
هم فعلوا!

تحياتي

3rby يقول...

انا مستغرب جدا
ازاي ماقرتش للاستاذ ممتاذ القط
ماقرتش مقاله الشهير اللي بيحسد فيه الرئيس الاستاذ الدكتور المهندس مبارك علي انه بياكل ملوخية في اي وقت منغير مايسمع صوت الطشة
طيب قريت مقال اسمه ايهده مدير تحرير الاهرام (هو اقرب لان يكون موضوع تعبير في ابتدائي)عن اهمية الفراخ للمصريين لانها تؤكل مسلوقة ومشوية في الافراح والجنائز والناس بتاكلها اكتر من اي لحوم تانية
خسرت كتير
طيب قلي سمعت حلقة العاشرة مسائا بتاعة امبارح؟
واحد اسمه سمير الجمل عامل 30 كتاب ماكنتش مركذ في انهبيقول عناوينهم فحسيت انه بيقول كلام خناقات
اسمع العنوان ده:كان زمان يا مان
الحقيقة مش فاكر عناوين تانية بس الباقيين اهبل
لا والاهداء:لسه هاقعد اعمل اهداء...من الاخر الصفحة ديه محجوزة للعيال وامهم
انت متخيل تلاتين كتاب فيهم نفس الاهداء
حاجة تشل
وبعدين مين قالك ان طابا مصرية
انت تعرف انا ماعرفش
طابا ديه زي العيل المسلم اللي يتسمي باسم مسيحي او العكس عشان مايمتش بس فعليا فيها يهود اكتر من المصريين حتي اسرائيل هي اللي تولت الاغاثة

وبعدين ايه اللي ميدايقك من عادل امام ده حتي الممثل المصري الوحيد اللي حضر فرح الاستاذ جمال مبارك(كلام واحد قريبي اهله فاسدين وهو فاسد)
بس مدونة حلوة

Monzer يقول...

فعلا الشعارات مالية كوبى اكتوبر

هي الميزة الوحيدة انها رخيص

بقعد ادور ييجى فى ميت كتابة علشان أطلع بمسة ستة عليهم القيمة
وخلى بالك طالما الدولة هي الى بتطبع فالمحتوى هايكون يتماشى مع سياسة الدولة

فعمرهم مثلا ما هيطبعوا حاجة مثلا تكلم عن الصهيونية ولا أمريكا التوسعية ولا حاجة للمسيرى ولا لهيكل والحاجات ده
انسى يا عمرو

بجد لازم أشكرك على المقال الجميل ده،
بس بلاش والنبى اسامة سرايا وممتاز القط وعبد الله كلام
ده أخنق حاجة بيجيوا فى التليفزيون
اخنق حاجة بسح ان الجوه نقص منه اوكسوجين

تحايتى ليك يا جميل

fares يقول...

المقال جميل جدا جدا ولو ان كل ده معروف يعني
اما القراءه فيبقوللك اللي عملها ماما سوزان مع ان الناس دايما وابدا كانت بتقرا ومازاالت بتقري
تحياتي علي هذا الموضوع الجامد

yasmina يقول...

القراءة يجب ان تكون للجميع دون علاقة بسوزان او غيرها فشعاراتها عليها ان تبقيها لنفسها

كما انت الكتابة للجميع حسب رأيي طبعا دون الخروج عن الاداب ودون حرية مطلقة فيها نؤذي الاخرين او نتعدى على حرية الاخر

فالكتابة المختلفة فكريا تنمي الفكر وتوسع الافاق لدى القارئ وتجعله ينظر الى الطرف المختلف نظرة منطقية وفيها تفهم

اما بالنسبة لثقافة السلام فلا ارى بها شيئا مفيدا غير شعار واستعمال كلمة سلام اصبح استعمالا باهتا مملا فكل شيء ينسبون اليه كلمة سلام وكأنه عند استعمال هذه الكلمة سيحل السلام فعلا
السلام الحقيقي هو سلام النفس هو منح الشعب قراءة ما يريد ونشر جميع التيارات الفكرية وليس كتب معينة على حساب اخرى

تحياتي لمقال جميل
واسفة للإطالة

mariam يقول...

المشكله ان المشروع لم يحقق اى اهداف

المشكله الأكبر هى ان الكتب دى لازم تتماشى مع سياسة الدوله

و فى كل الأحوال برضه معظم الشعب و اغلبه حتى المتعلمين لا يقرأون

صاحب البوابــة يقول...

بالمناسبة

سعدت للغاية بمقابلتك

تحياتي

Reemo يقول...

هى فكره المشروع رائعه على فكره
بس العيب فى التنفيذ وفى ان الفكره مجرد اطار او تاج بيحاول يلبسوه على رؤسهم
لانى كنت من فتره من متابعين الكتب دى
وعندى مجموعه كبيره منها
بس عايزه اقولك انه للأسف الكتب دى دون المستوى الى جانب انها لا تواكب عقليه المجتمع حاليا
فى كتب احسن كتير موجوده وللأسف مش بتكون ضمن كتبهم
هما بينزلو نوعيه محدده للكتب بيتماشى مع سياستهم وده فى حد ذاته حد للتفكير
يعنى اللى بيهتفو بيه
مش بينفذوه
هو مجرد لوحه بيكملو الوانها علشان كل اللى يشوفها من بره يقول عليها رائعه فى حين انه لو دقق النظر شويه هيلاقى الألوان متداخله والخطوط مش سليمه ولا الرسمه تستاهل كل التصفيق ده
يمكن مش بعدى هنا كتير
بس موضوعك جميل ويستحق المشاركه بالراى فيه
تحياتى

ibn nasser - ابن ناصر يقول...

عربي
هههههههههههههه
يا راجل موتني من الضحك ..قالك ملوخية


تحياتي

ibn nasser - ابن ناصر يقول...

منذر
ازاي بس منتكلمش علي الظيم ممتاز القط
ده رمز لكل قطط الشارع
وعنك عبدالله كمال
رمز لكل كلاب الشارع !

تحياتي

ibn nasser - ابن ناصر يقول...

فارس
متهيالي
سوزان مبتقرش غير في الاعلانات
صح؟

تحياتي

ibn nasser - ابن ناصر يقول...

ياسمينا
فعلا لابد ان تكون للجميع القرائة والكتابة
طبعا بضوابط نعم
تحياتي

ibn nasser - ابن ناصر يقول...

مريم
فعلا لازم تتماشي مع سياسة الدولة فعلا !!!!
تحياتي

ibn nasser - ابن ناصر يقول...

صاحب البوابة
ازاي بس
انا اللي سعيد للغاية

تحياتي

ibn nasser - ابن ناصر يقول...

ريمو
..
يعنى اللى بيهتفو بيه
مش بيعملوة
...
سؤال هو ايه اللي بيهتفو بيه ؟؟


تحياتي

The Alien يقول...

كله ف الهجايص
وأهي أي حاجة بيعملوها عشان بس يبقي اسمهم بيعملوا
وأساسا فيه ناس بتاكل من ورا الموضوع دا بالهبل
أنا مش حارق دمي المرادي غير الأعلانات اللي ف كل حته
شوية ملايين يكفوا يروه العطشانين اللي مش لاقيين ميه
قال ويقلك مفيش فلوس نوصلهم ميه دلوقتي

تحياتي

alqassam يقول...

نتائج كفاح مؤسسات الدولة من اجل الوصول الى الرسالة العظيمة القراءه للجميع ........؟
لاتوجد جامعة مصريه ترتقى الى مستوى التعليم الدول تعليم فاشل يخرج اناس منعدمى الابداع وبالنسبه للقراءه فى مصر تكاد تكون منعدمه فى رايى مفروض الدولة تتخذ شعار الاكل للجميع لان معظم الشعب بسبب سياسه الافقار فااصبح يعمل ويسهر لكى يطعم اولادة فلذلك اهتمام الشعب بالاكل وليس بالقراءه ........موضوع رائع ابن ناصر
القسام

مروة عوض يقول...

مقال رااائع يا ابن ناصر فعلا استفزنى الاعلان لماما سوزان فى التليفزيون وكنت بسأل نفسي "ياتري هي مصدقة كلامها ؟!" واشمعنى الحملة دي اللى مصروف عليها كل الاعلانات دي ولا مصاريف ايه مهى البلد بلدهم !!
للأسف كل مشروع فى مصر فكرته بتكون هايلة لكن لما تتدخل الخلطة المصرية المعروفة بتبوظ كل حاجة ...مهم جدا ان يكون فى مشروع يشجع الناس على القراءة ...لكن لما تدخل المصالح الشخصية وحب الظهور ونسيان الهدف الاساسي بتبقى الفكرة كلها ملهاش لازمة
انا معاك ان لازم كمان زي ما نعلم الناس حب القراءة لازم الاول نوفرلهم حرية التعبير عن الرأي
تحياتي لقلمك

ibn nasser - ابن ناصر يقول...

alien
والله كلامك صح يعني مش احسن من ضياع الفلوس دي في الاعلانات يوصلو بيها ميه طب ده لوالقرائة للجميع كانو جابو بيها كتب حتي!

تحياتي

ibn nasser - ابن ناصر يقول...

القسام
يعني والله حاجه تضحك 50% مش بوصلم مية 40% قادين في عشوائيات
معظمالمصرين تحت خط لفقر
واقرائة للجميع لناس ميتين من الجوع والعطش !بلد النيل عطشانة! اومال لو
مكنش عندنا نيل

تحياتي

ibn nasser - ابن ناصر يقول...

مروة عوض
فعلا بيستخدموا شعارات بالخلطه بتاعتهم لحد ما يخربوها
زي خلطة الفكر الجديد في صناديق الانتخبات

تحياتي شكرا ليكي

مدونه انا بحبك يا مصر يقول...

حزبى الله ونعمه الوكيل
احمد الجيزاوى

محمد النجار يقول...

فعلا مقال رائع
واكتر حا جة حكاية الكتابة للجميع دى بصرا حة اقتراح ممتاز خاصة واحنا اقل الدول فى العلم انتاجا للكتب!!!

ibn nasser - ابن ناصر يقول...

الجيزاوي
لا يوجد لدينا شيء ! غير الدعاء فعلا
والتحسر
تحياتي

ibn nasser - ابن ناصر يقول...

احمد النجار
لااااا
ازاي تقول كده ماما سوزي قالت احنا كجامدين
بأمارة ثقافة السلام
عمر شوفت ثقافة كده
ننضرب علي قفانا ونقول سلاام

تحياتي

غير معرف يقول...

أنا اعتقد انك لو فتحت باب الثلاجة فى منزلك ستجد صورة لأحد أفراد الأسرة الحاكمة يطلعلك ويقولك منين حاتروح ستجدنا وراك
وبعدين انتم اقل ضررا مننا فى اسيوط لماذا لنه فى مثل هذا الوقت من كل عام تجد مؤتمرا معقودا فى جامعة اسيوط يحضره اعضاء هيئة التدريس والمحافظ للأحتفال بدور المرأة وخصوصا سوزان وفى العام الماضى قال المحافظ الحقير المسمى بنيل العزبى ان سوزان امه وام المصريين جميعا فيما تهامس الحاضرون بأنها ام اربعة واربعين
الحسينى ابوضيف مدون مدونة الثورة هى طريق الحل وعلى فكرة يا ابن ناصر انته ليه مطنشنى ومش بتتصل بيه على العموم رقم المسرة الخاص بى هو 0102781877

huda gamal يقول...

مقال جميل ومفيد...
بص انا معاك فى كلامك كله بس ده ما يمنعش اننا نقرأ...للاسف احنا فعلا كشعوب عربيه و مصريين مش قارئين جيدين وده غلط جدا وعكس حتى دعوة الاسلام لينا بالقراه والعلم..

ومع ذلك انا ارفض انى أقرأ كتب بتوصيه واترك كتب اخرى لان النظام يرى انها ليست مفيده..
انا الحكم الاول والاخير ولى الحريه كامله فى اختيار ما اريد ان أقرأ ومتى أقرأه....
للاسف اظاهر ان الناس ومن كتر كرهها للحكام كرهوا اى حاجه تيجى من ناحيتهم ولو حاجه مفيده ليهم..
اسفه على الاطاله
تحياتى

ibn nasser - ابن ناصر يقول...

الحسيني أبو ضيف أنا اقدر اطنشك برضو
ده انتا حبيبي
تحياتي

ibn nasser - ابن ناصر يقول...

هدي جمال
لا فهمتيني غلط لا ادعو الناس لعدم القراءة او المقاعه
نحن نفسر فقط لماذا ماغرضه ومن هم الكتاب

تحياتي
وشكرا لكي

david santos يقول...

الشكر لك العمل وعلى درجة جيدة في عطلة نهاية الاسبوع

أحمد المصري يقول...

مشروع القراءة للجميع ومكتبة الأسرة مشروع رائع والمكاتب اللي تبع الهيئة العامة للكتب راااااااائعة وسعرها أرخص بكتيييير من لو لقيتها في حتة تانية 00المشكلة في الدعاية الساذجة الغبية اللي المفروض تتغير,بالنسبة بقى لتيزة سوزان فلازم يكون ليها الدور القيادي الإنبعاجي والحاجت دي كلها بس هوا ياسيدي بس المشروع يفضل على حاله و ميغلوش الكتب أكترماهي غالية0

ibn nasser - ابن ناصر يقول...

david santos
thank you my friend


my best regards

ibn nasser - ابن ناصر يقول...

أحمد المصري
ماشي رخيصه وفيها كتب قيمة بس صعب اما تلاقيها صعب فعلا
شوف زمان ايام اشتراكية الثقافة كتاب بحق وحقيقي مش زي التافهين دول

تحياتي

أفنـــــدينا يقول...

أخي الكريم ابن ناصر
مع إتفاقي مع أغلب ما أدرجت لكن ألا تظن أنه في وطن لا يجد فيه الناس كوب ماء نظيف لمدة خمسة سنوات ولا يستطيع فيه الشباب الزواج ....وطن إنتشر فيه الفساد لدرجة أن مقياس ريختر للزلازل على وشك الانفجار يصبح فيه الحديث عن القراءه للجميع أشبه بالسخريه ...... وفروا لقمة العيش لمصر أولا يا ظلمه ....تحياتي وسلاااااامي لك دائما

ibn nasser - ابن ناصر يقول...

أفندينا
ههههههه والله كلامك مظبوط فعلا من السخرية الحديث عن القرءة اساسا الناس مش لاقيه تاكل !
قراية مين !!

تحياتي

micheal يقول...

يا عم دلوقتي الاتهتمام اكتر علي كتب الجنس الرخيصه و العفاريت اللي بتربط الرجاله ليله دخلتهم و بتخلف من الستات ده غير كتب بنات الليل
:)

mohand يقول...

السلام عليكم
لا يا عم محدش بيقراء اساسا
هو بس ميديا واعلانات وشكل وهمبكه واديها كلام تديلك فلوس وكده
ربنا يرزقنا بمهرجنات تانه ان شاء الله
تحياتي

مريم يقول...

المشروع شيك جدا عشان كده يليق بتيتة سوزان
المخجل ان احنا عندنا نسبة امية عالية جدا
ياريت يمحو الامية اولا وبعد كده يروجوا للقراءة

ياسر سليم يقول...

انته ما تعرفش اد ايه منظر اللافتات بتاع القراءة للجميع دى استفزتنى

وبعدين قلت يعنى بدل المصاريف دى كلها مش كانوا يكتبوا فى نهاية كل لافته معلقه معلومة مثلا

تبقى على سبيل الإفاده

يعنى هو المواطن اول ما هيشوف القراءه للجميع فى كل مكان هيجرى على البيت يمسك الكتاب ويقرأ !!!!

نيفين عمر يقول...

عجبنى جدا جدا موضوعك والجديد فى تناولك له
وعجبنى رد الاخت امانى
اين هم الاطفال نصفهم تحت عجلات العربيات بيصلحوها
والنصف التانى فى الساحل الشمالى بيصيفوا
صديقى ادعوك لزيارة مدونة الكاتب علاء الاسوانى وقراءة قصته الجديدة انا اغشيناهم والتعليق عليها وستجد يا صديقى فى سياق الاحداث ما ينبىء عما يحدث فى عصرنا الحالى بكل اسف

ibn nasser - ابن ناصر يقول...

مايكل
والله كلامك صح فعلا !

تحياتي

ibn nasser - ابن ناصر يقول...

مهند
معروف طبعا

تحياتي

kaed يقول...

أخى ناصر
انا واحد من الناس اللى إستفادوا شوية من موضوع القراءة للجميع
علشان انا كنت بحب القراءة جدا
والمصروف بتاعى زماااان ماكنش بيكفى ثمن الكتب
المهم
أنا كنت كل ما أشترى كتاب و أشوف صورة الست كنت بموت على روحى من الضحك ويجى فدماغى على طول فيلم الشيطان يعظ
هاهاهاهاهاهاها

ibn nasser - ابن ناصر يقول...

قائد
ههههه
خلاص اعمل بوست دافع عن حملتها بتاعت القراءة وابقي هاجمني وول اني من القلةالقليله الهدمه المتزمرة
هههههههه
تحياتي

smraa alnil يقول...

يا ابني الفكرة بتاعت القاراءة للجميع دة طلع فشنك اصلا
جميع مين دول اصلا
هي الناس لاقية تاكل ولا تشرب
لما تقرا
صلي علي النبي

راحت عليكي يا دنيا
وراح زمن القراية

Monzer يقول...

آسف على أن تعليقى خارج الموضوع ، وأرجو ان تغفر لى ذلك

ولكن ما يعوض ذلك

ثقتنا الكاملة فى وطنيتكم وحرصكم على سلامة شباب الامة
ندعوكم للانضمام فى حملة افضح تجار الكيف
وهي تهدف إلى تقديم كل ما تعرفه من معلومات عن من يقومون ببيع هذه السموم سواء كانوا فى منطقة إقامتك أوعملك أودراستك أو ناديك

http://elbawaba.blogspot.com/

والتفاصيل والبانارات على هذا الرابط

وجزاكم الله كل خير

ibn nasser - ابن ناصر يقول...

سمراء النيل
فعلا احنا عايزين الاكل للجميع والمياة طبعا

تحياتي

s يقول...

thanks

s يقول...

thanks