أخبـار ابـن نـاصر

لا للتعديلات الدستورية

الأحد، ٢ سبتمبر ٢٠٠٧

إتحــاد الفراولــة ..بقيادة الزعيم مانجاوي -أبو شبر ونص

حكايتي النهاردة جديدة ..
في بلد من البلدان في زمن من الازمان
كان في مرة فريق له حارس المرمي -يسمي الخضري- شتم الحكم امام الكاميرات والناس
فلم يفعل نادية الوطني نادي الاخلاق والمباديء شيئاً ولا حتي اتحاد الفراولة فعل شيء ..
ومر الزمان وفي نفس المكان
جاء لاعب مهاجم من فريق أخر معارض سب الحكم امام الكاميرات والناس
وفجأة جائت صحوة الاخلاق وغرم الاعب خمسة الاف جنية وماتشين
فاعترض رئيس النادي وقال انه قبل كدة في واحد متعاقبش واحنا مش بس شايفين ان الغرامة كبيرة
فعاوزين نخفضها الي ماتش وندفع الضعف -عشرة الاف جنيه- ..وقامت الحرب
فقد قام الكابتن المحترم
الزعيــم مانجــاوي -أبو شبر ونص- ..نائب اتحاد الفراولـة
لاعب النادي الوطني السابق
والنائب في مجلس الشغب
ومحرر صفحه الرياضة في جريدة الفوجر
ومذيع لامع في قناة ارضيه في برنامج العمارة عمارتك
فقد سلط كل اجهزتة
و
قام الكابتن بالهجـوم
وفتح النار علي رئيس النادي وعلي النادي والاعب الذي سب الحكم
وبان من المفروض ان العقوبة تكون أكثر ونســي امر الاعب من ناديه
الذي سبة ولم يفعل ناديه او اتحادة شيئاً !!
فقام الشعب المعارض الزملكاوي
بمهاجمة الزعيم مانجاوي
وهل يوجد من يهاجم الزعيم؟؟؟
فالان تبحث غرامة علي نادي وبلد
الشعب الزملكاوي !!
...
من انجازات الدولة ..
يكسب النادي الوطني من ايام الاعب رضا عبد العال حتي حسني عبد ربة كل القضايا في اتحــاد الفراولــة ولكن يخسر في الفيفا
يكسب النادي الوطني كل الانتخابات احم عفوا المباريات لبقوة لاعيبتة المأخوذة والمسلوبة من النوادي اما باغراء بالاموال او ثغرات في العقود او تزوير مثل حادثة الاعب الاخير شريف
ويكسب ايضا بضربات الجزاء فانه اكثر نادي حصل علي ضربات جزاء علي مستوي الدولة وفي كل مسابقة دوري
ويكسب بالتحكيم
ويكسب ويكسب دائما فائز
دائما الاول
..يعيش يعيش الزعيم مانجاوي واتحاد الفراولة
يعيش يعيش النادي الاول
الفائز في القضايا والمباريات وكل شيء
نادي الاموال والعقارات
والاخلاق والمباديء
...
أرجو قراءة شعر.. حزب القرن
..
فيديو عن الاعب حارس المرمي المسمي الخضري وهو يسب الحكم

هناك ١٣ تعليقًا:

ahmed mefrh يقول...

يبدوا انك زملكاوى صميم و مبتحبش المنجا

Unknown يقول...

هى بقت مانجة وبطيخ

شهيدة يقول...

سلام يا ابن ناصر

ازيك؟ عامل ايه؟

انا بقالي كتيييير أوي ما زرتكش بس اعذرني اصلي انشغلت شوية لفترة طويلة

انا حبيت أطل واسلم عليك وعلى فكرة الموضوع ده حلو أوي زي العادة

ربنا يقويك ويوفقك

وتبقى ثائر مع الحق على طول

تحياتي

yasmina يقول...

موضوع حلو جدا يا ابن ناصر
المقارنة اللي بتعملها لها شكل مختلف وجريء

تحياتي لك يا ثائر
:)

أمــانــى يقول...

تـدق تـدق تـدق
مش تفتح يا واد ناصر فى ايه ولا علشان عامل خناقة
هههههههههههههههههههههههههههه
يابنى مالك بالراحة على نفسك والله صحتك اولى من البهدلة دى
وبعدين يعنى ما يشبعوا بالدولة باللى فيها
احنا خلاص هنعمل دولة صغيرة اوعى تزعل نفسك
ونعمل فرق جديدة كمان
ههههههههههههههههههههههههههههههههههههههههههههههههههههههههههه
اصل كلهم عفى عليهم الزمن
ده عدى عليه قـرن ويبقى سلميلى على المئوية البطيخية فى البطولات المزيفة
اللى بيسكبوا فيها السكة الصفيح طـوال المئة سـنة

***********
لى كلمتين
بـــص يا ابن ناصر القانون لا يسرى بأثر رجعى
صـــــــــح
يبقى ايه الكـل المدان بس هو حظه سئ ههههههههه اصله برضو يستاهل وعلى فكرة اخلاق اللاعبة بقت شـئ فظيع يبقى خليه يتعاقب بعيد عن العواطف الى تجاوز لازم اللاعب بيتعاقب
اوعى تزعل طبـعآ انت عارف انا زملكاوية
بس الســلوك سـلوك لو اخويا غلط لازم ياخد جزاه

أحمد المصري يقول...

واضح إن الموضوع له علاقة بالكورة..عشان كده انا مش فاهم حاجة
كده يبقى امسي عليك واقولك شد حيلك مستنيين التقيل 0سلام0

ibn nasser - ابن ناصر يقول...

ابو مفراح
بعيدا انا ايه
مبحبش المانجه فعلا
لكن الفاكهة اه!

تحياتي

ibn nasser - ابن ناصر يقول...

مش فاهم حاجه
فعلا وجوافه كمان!

تحياتي

ibn nasser - ابن ناصر يقول...

شهيدة
والله ليكي وحشة وكنت زعلان منك
بس يبدو ان ليكي الي يشعلك
ان شاء الله اشوفك تاني
تحياتي

ibn nasser - ابن ناصر يقول...

ياسمينا
فعلا هي مغــامرة غــير محسوبة!!
تحياتي

ibn nasser - ابن ناصر يقول...

أمانـــي
هههههه
معلش بس ده تفرقة
الزعيم مانجاوي بقي !!!
اه احنا عاوزين بلد لينا وفرق كمان!!
تحياتي

ibn nasser - ابن ناصر يقول...

احمد المصري
ماشي يا بطل
تحياتي

micheal يقول...

الاهلي نادي المباديء و القيم و سيظل كذلك حتي و لو كره الكاترهون لان التاريخ لا يكذب و لا يتجمل...أما عقوبه عمرو زكي فأنا أعارضها نظرا لتفاهتها الشديده..كان لازم 3 ماتشات و غرامه كبييره أما الحضري فهو غلطان و كان لازم يتعاقب وقتها..متعب اتعاقب من اداره الاهلي المحترمه لمجرد التشويح..انما عمرو زكي عملوه بطل قومي في الزمالك
تحياتي