أخبـار ابـن نـاصر

لا للتعديلات الدستورية

الخميس، 24 يناير، 2008

لا لحصـار غزة ..

...
بعد أن استمر الحصار وانقطع الكهرباء ولا يوجد وقود والاطفال تموت ف المستشفيات والغذاء ينقص وينقص ..لا يوجد غذاء ولا طعام .. والعدة يفتك علي الشعب بالغارات والمذابح ..
قامت مظاهرة عند معبر رفح فضها الامن المصري وضرب نار من الجانبين لكنها فاتت علي خير ..
بعدها قال شيمون بيريز مصر حريصة علي السلام ..يعني مشاركة ف الحصار
ثم تدافع الشعب الفلسطيني عند المعبر قام بهدم الحائط بجرافات واحداث ثقوب.. أين الامن المصري؟؟ لا يوجد امن !
الجيش يساعد الفلسطينين بفقطع السلك الشائك!! لقد ظهر هذا بالصدفة في فيديو!
دخل الفلسطينين رفح بالاف يتسوقون ياتون بالماء والماؤن والوقود والامن يسهل لهم ..
خالد مشعل: نحن لم نفعل شيءا كفصائل ولكن كان الفعل والحيار للشـعب الفلسطييني..
اليوم امريكا تدعو مصر للسيطرة علي المعبر ..يعني يوم كفاية اقفل ياعم الحج!
اسرائيل:هذا سيساعد الفلسطينين علي ادخال الاسلحه والمتفجرات والمحاربين واذا استمر سنقطع كل صلتنا بقطاع غزة!! مش فهم الصراحه .
مصر :حريصة علي الشعب الفلسطيني وسمحنا لهم بالتسوق طالما ليس معهم اسلحه او ممنوعات(علي لسان مبارك)
...
لا اتخيل شيئا اكثر من هذا في ظل هذا النظام
يعني مش هتخيل مثلا اننا نحارب اسرائيل او ندعو لفك الحصار ..لكن ما قد حصل فهو شيء طيب من نظام سيء
وانا اعرف ان البعض سيستاء من كلامي..لكني كنت في حال سيء علي اهلنا هناك وما ان رياتهم افضل ..فهذا افضل.
وشكرا عمر سلـيمان
..
في وجود عبد الناصر هل كانت اسرائيل تجروء... هي التي كانت تحاصر من العرب!
الله يرحمنا
يا عرب
..
تحياتي
ابن ناصر

هناك 19 تعليقًا:

كريم عاطف يقول...

لا اعتقد أن السماح بدخول الغزاوية كان بتعليمات من مبارك أو برغبته، وإنما كان تعاطفا من أفراد الأمن المصري، والطريف أن سيادته قد صرح بأنه تم السماح بدخول الأخوة كما لو كان هو من فتح الحدود، وشدد على كلمة السماح كما أن الأمن كان سيدبيد إخواننا على الضفة الأخرى لولا عطف وكرم سيادته

محمود الدوح يقول...

يا جماعة الموضوع كلة تم عافية
يعنى مبارك كان بيقول كدا لحفظ ماء الوجة مش اكتر

هو لو كان علية مكنش هيخليهم يدخلوا ولو بعد 100 سنة

الموضوع مش من امبارح عشان يرد علية النهاردة

الموضوع قديم ولما اتفتح بالقوة قال دا بمزاجى

غير معرف يقول...

قوة الشعب
الشعب دخل غصب عن التخين
القوات المصرية المسلحة بالبنادق لا تزيد عن 300 عسكرى والغزاوية 500 الف
يعنى لا يوجد قوات مصرية على الحدود حسب اتفاقية كامب ديفيد
يعنى دخلوا غصب التخين
والتخين بيشخ على نفسة لما سمع تهديدات امريكا واسرائيل

ibn nasser - ابن ناصر يقول...

كريم عاطف
..
حضرتك ده جيش وفيش حاجه اسمها يتعاطف .. لازم تعليمات
تحياتي

ibn nasser - ابن ناصر يقول...

محمود الدوح
لا يا استاذنا مستحيل
لو مكنش عاوز يدخله مكنش دخلهم ..
لكن دي لعبة المخابرات ..عمر سليمان
انا شفت في الجزيرة مباشر افراد من الجيش وهما بيقطعو السلك الشائك !

ibn nasser - ابن ناصر يقول...

غير معرف
بس في قوات امن مركزي مسموح بيها
كانو موجودين قبلها بيوم ضد المتظاهرين
راحو فين ؟؟
هو بس جبان فقلك خاليهم يكسروا بس مفيش واحد من المئات الفلسطيني كان معاه قطعة سلاح واحدة عكس قبلها بيوم اما حاولو يدخلو ومعرفوش
تحياتي

قومى الى الابد يقول...

والله يا ابن ناصر الحال لا يعجب لا عدو ولا حبيب وانا شايف ان الحل الاخير والجذرى للموضوع دا هوا الجهاد او ما تسميه امريكا الارهاب لم يبقى هناك من امل فى المفاوضات مع تلك الغوغاء المدججة بالسلاح اما فيما يخص زعيم امتنا العربية عبدالناصر انظر الى مظاهرات العراق ولبنان وفلسطين ومصر كل يرفع صورة عبدالناصر كفانا بهذا الزعيم فخرا ان يعيش فى وجدانان ما يفوق التسعين عام وسيظل كذلك

كريم عاطف يقول...

موضوع عمر سليمان ده ممكن جدا يكون صحيح بس ما تنساش انه جزء من نظام مبارك وأنه ما يملكش التصرف لوحده وكمان هو مالوش أوامر على الجيش أو الشرطةاللي ماسكين الحدود، صحيح المخابرات بتلعب دور وطني بس احنا مانعرفش عمر سليمان ده كويس ولا لأ، خصوصا أنه بقاله سنين في منصبه وساكت على اللي بيعمله مبارك في أمن مصر القومي
لك مني كل التقدير

لعبيدي يقول...

أنا تونسي أود أن أشكر الأخوة المصريين وقفتهم مع أهالي غزةوأود أن أحيي بوتريكة الرياضي و من خلاله كل الرياضيين في مصر على حركته الواعية

مصر هى أمى يقول...

فعلا
الله يرحمك يا عبد الناصر

عاليا حليم يقول...

انا فعلا لما بشوف مواقف مصر فى الازمات الى زى دى بخاف يا ترى صحيح لو اسرائيل جت هنا و لا امريكا حكومتنا حتقفلها و لا الحال ساعتها حيبقى عامل ازاى ، ربنا يستر

جميز يقول...

مبارك لقى نفسه فى وضع لا يحسد عليه , و قال بركة يا جامع , و من ناحية يقول لأمريكا و اسرائيل أنا مش مسئول عن اقتحام المعبر , و من الناحية التانية يقول للسعب المصرى أنا المسئول و ينسب الفضل لنفسه .

يعنى باختصار مخلوق جبان و معندوش قدرة على مواجهة اصدقائه بالخارج - امريكا و اسرائيل - ولا مواجهة اعدائه بالداخل - الشعب المصرى - و عموما اللى بنقراه دلوقتى فى مقالات هتيفة النظام يدل على تحضير لمؤامرة على غزة و حماس

ibn nasser - ابن ناصر يقول...

قومي إلي الأبد
أنا معاك فعلا
بس انا هنا كنت بحلل الموقف فقط ولم اعطي له حلولا فالحلول معروفه عند الجميع ..
تحياتي

ibn nasser - ابن ناصر يقول...

كريم عاطف
انا عارف اكيد جزء من النظام
لكن اعتقد انه يعني ممكن يبقي كويس
تحياتي

ibn nasser - ابن ناصر يقول...

العبيدي
شكرا لك ونحن قلوبنا دائما مع غزة
وكانت حركة ابوتريكة جريئة فعلا وتستحق التحية واعجبت من رد الفعل الغريب عليه من الحكم واتحاد الكرة الافريقي!!
تحياتي

ibn nasser - ابن ناصر يقول...

مصر هي أمـي
الله يرحمه ..شتــان
بين الذي حاصر اسرائيل
وبين الذي يشارك في حصار فلسطين!
تحياتي

ibn nasser - ابن ناصر يقول...

عاليا حليم
ده هما مسلمــين وهما هناك
اومال لو جم هنا
هيجرواا جرييي
تحياتي

ibn nasser - ابن ناصر يقول...

جميز
فعلا كلامك كله مظبوط
تحياتي

s يقول...

thanks