أخبـار ابـن نـاصر

لا للتعديلات الدستورية

الاثنين، 21 أبريل 2008

هي الفكة راحت فين ؟؟!

عناوين الاخبار سنة 2097

(تتصدر العناوين ازمة الفكة)

هي الفكة راحت فين ؟؟!


- أزمة الفكة من ورائها؟ هل دولة حلف واشنطن -الولايات المتحدة سابقا- ام عصابات كفوتسات هنوكميم-دولة صهيون سابقاً- في جبال تل ابيب؟؟

- هل يرجع الاستقرار الي جمهورية مصر العربية بعد أزمة الفكة ؟

- بائع مصري:" انا ببيع كيلو اللحمة مقابل اي فكة بس حد يجي ومعاه فكة" –قناة المصرية-.
-مواطن غلبان لايملك الا مصنع صغير:" نفسي أروح في حتة مرة والاقي فكة مش فاهم الفكرة تلاقي الناس معاها ميتينات وميات وخمسينات ومفيش فكة جنيهات خالص!الريس بقي لازم يتدخل مش هو اللي خلي الناس متمتعين يتصرف بقي!".
- مفتي الجمهورية يفتي باهدار دم اي مسئول يتهاون عن اي حق لحقوق الشعب المصري وذلك بعد تصريح لشيخ الازهر باهدار دم ومطالبتة باقامة الحد علي الظابط الذي عذب وقتل مواطن.
- بابا الكنيسة المصرية يشكر مسلمي اسوان في مساعدتهم ببناء الكنيسة .
- المرشد العام للاخوان المسلمون يقول بانه يتعهد بالقضاء علي كل عصابات كفوتسات هنوكميمو بمساعدة الجيش الوطني الفلسطيني بعد اختراعه للطائرة قدس12.
- احتفال اللجنة الشعبية للثورة المصرية لمرور 10 سنوات عليها ونسف تمثال الدكتاتور السابق رمز العائلة المالكة .
- حزب الوحدة :يقيم ندوة في مقرة علي انجازات احزاب المعارضة بعد دمجها في حزب الوحدة من 15 عاما .
- ضبط امريكي وبريطانيان لمحاولتهما لتفجير شاحنة في الشرقية ,واعداد محاكمة عسكرية عاجلة..
- رفضت المحكمة الوطنية الشعبية الافراج الصحي لتيمور هيثم جمال مبارك .

- وزير الخارجية :إن لم يفرج عن المصري المحتجز في إنجلترا فستكون هي الخاسرة.
- محكمة العدل الدولية:الحكم علي المجرم كاتساف بيشوم لإنكارة مذابح- الدولة الصيهونية سابقا- في حق الفلسطينين, وهذا يعتبر ضد السامية .
- مصر تتدخل بحق الفيتو بوقف العدوان علي روسيا من أفغانستان بعد سماع اصوات افغانية تطالب بالحرب علي روسيا.
- نادي الترسانة يحسم الدوري بفوزة علي المنصورة ,والاهلي مهدد بالهبوط بعد اعلان إفلاسة.
____________________________________________
هههه أعتقد حاجات يستحيل حصولها وبالذات.. الأهلــي !
فلسطين اتحررت! مصر معاها فيتو ! حاجات غريبة نقول ايه بس!!
>>>>

تحيــاتي
إبـن نـاصر

هناك 8 تعليقات:

esraa يقول...

كنا ماشين حلو اوي

ليه تغلط في الأهلي وتبوظ الجو الشاعري ده ها؟

انت ماقرتش عدد الأهلي في سنة 2030 ولا ايه؟

علي العموم الأمل في ربنا كبير

في كل حاجه الا أخر حاجه دي طبعا

ibn nasser - ابن ناصر يقول...

اسراء
ههه يعني حرام عليكي
يعني انتي عاوزه الحزب الوطني ميقعدش يكسب علي طول وعاوزة الاهلي يكسب علي طول
ايه الظلم ده
:)
تحياتي

مجموعة الشباب القوميين الناصريين يقول...

والله يا ابو حميد انا مستغرب يعنى الاهلى ( الحزب الوطنى ) الاهلى اللى بيمثل الاغلبية العظمى اللى هو الحزب الوطنى برضه عايز يقعد على طول فين الزمالك الغلبان ( المعارضة) وفى اخر الكلام عايز اسئلك سؤال مهم انتا جيبت الجنيه الجديد ده منين عايز اعرف
تحياتى لكم
ابن النيل

micheal يقول...

ههههههههه..حلوه بس ماعدا جزئيه الاهلي طبعا
:)
علي فكره الاهلي غير الحزب الوطني خالص و الزمالك برضه ليس القله المعارضه
و بعدين يا عن خليك متفائل شويه
ما الاهلي كسب الدوري و الزمالك كسب الكأس
:)
تحياتي

ibn nasser - ابن ناصر يقول...

أبن النــيل
هههههه
الجنيه الجديد ! فعلا مفيش جنيهات جديدة خالص
بس اصلها مصادر بقي !!
ومش عارف الناس كلها معموله علي الاهلي !
تحياتي

ibn nasser - ابن ناصر يقول...

مايكل صديقي ..
الزمالك مش معارضه منا عارف
وهو منجرف في ادراة من رجال الاعمال زي الاهلي وليس رياضين ! اصبح نادين مشروع استثماري
ولكن واحد ناجح والاخر فاشل .. واحد كان يقولي الزمالك ومش عارف ايه قولتو كلمه واحده ..
يعني انتا عاوز الاهلي يكسب علي طول !! يا خي حرام عليكي ..طب يخسر علي سبيل الظلم !!!
بس فريق تاني يكسب !
..
استغربت من حاجه ناس اهلاوية كتيرة عاوزين الزمالك ياخد الكاس !
طبعا الي مش عاوزينو اكتر
بس حاجه ملفته للنظر !
تحياتي

كريم عاطف يقول...

ماعدا حكاية حزب الوحدة دي عشان انا مش بالعها، وحكاية الأهلي طبعا
يسمع من بقك ربنا،وبالذات موضوع تيمور ده

s يقول...

thanks