أخبـار ابـن نـاصر

لا للتعديلات الدستورية

الثلاثاء، 1 مايو 2007

العمال الطبقه الكادحه

عيد العمال


كل عام عمال مصر بخير ,, رغم سوء احوالهم وعدم الاهتمام بهم واهدار اموالهم المستحق

....

انت عامل فهذا وسام علي صدرك


لمحه من الماضي





قد تسلم عبد الناصر قيادة مصر وكل انتاجها في الزراعه والصناعه لا يتجاوز 695 مليون جنيه .. فقفزت القيمه الكليه للإنتاج الي 1500 مليون جنيه سنه (63-64) ..ورغم النكسه فقد زاد الانتاج سنة (67-68) عن السنه السابقه بنسبة 8% ,وزادت الصادرات الصناعيه والبتروليه من 82,1 مليون جنيه سنة (66-67) .. الي 87,4 مليون جنيه سنة (68-69).. وفي السنه الاخيره تحقق لاول مره فائض في النقد الاجنبي في ميزان المدفوعات بلغ 7 ملاين جنيه !..
..وكانت مصانعنا يوم رحيل عبد الناصر تبكي دخانا أسود







بدعوكم لقرائة هذا الموضوع -الكبير- حلقة الجزيره عن الصناع في مصر زمان .. الصناعة المصرية1
موضوع اخر صغير رائع عن الصناعه في عهد عبد الناصر..الدكتور عزيز صدقي يبكي علي حال مصر هنا
موضوع اكثر من رائع للدكتور العلامه جلال أمين يشرح الصناعه المصريه من سنة 1922 حتي 2006

......
تحياتي
ابن ناصر

هناك 35 تعليقًا:

ibn nasser - ابن ناصر يقول...

يجب ان تروا هذ الفيديو
http://www.youtube.com/watch?v=OZ1GBb7hic8

غير معرف يقول...

انت عارف انت عامل زى بتوع لا تقربوا الصلاة ويسكتوا على كده انت زيهم تقول ناصر عمل وتسكت اولا هو سبب السلبيه والرشاوى والفساد الموحكومى والعامل كان بينام فى مصنعه او مكتبه لان مادش يقدر يرقدهوكان بيعين الشباب عشان الناس تفضل محتاجه الحكومه وساكته ............. الخ وبعدين الفلوس دى كلها راحت فين شويه على اليمن وشويه فى السلاح اللى بترمى على السعوديه وكتير
انا عارف رده تضحك ومن غير رد
صح ياريت تفوق من اللى انت فيه

ibn nasser - ابن ناصر يقول...

ههههههه
تعليق مجهول وتفكير مجهول واراء مجهوله
من شخص مجهول
تحياتي

fares يقول...

ابن ناصر ياغالي اشكرك انك افتكرت العمال في عيدهم صحيح الناس دول هم الطبقه الكادحه في المجتمع وربنا معاهم فعلاا اعتصمات اليومين دول ومفيش فايده برده يارب فوضنا الامر اليك

Mohamed A. Ghaffar يقول...

إن تعمل فهذا وسام على صدرك

إن

أمــانــى يقول...

كل سنة وهما طيبين
ربنا يصلح حالهم ويصلح حال الامة
تحياتى لك
:D

مصر هى أمى يقول...

ابن ناصر

والله فكرتنا بالعمال المصريين اللى شالوا البلد ديه على ايديهم وعملوا فيها خير كتير اوى
اللى الحكومة عمالة تبيع فيه دلوقتى
انا نفسى اسال سؤال امال المصانع ديه لو مكنتش اتعملت الحكومة كانت باعت ايه دلوقتى

ومتقوليش الناس علشان الناس دلوقتى متساويش حاجة

sokoothansawat يقول...

عمال مصر...هيييييييييييييييييه تنهيدة طويلة قوي...عبد الناصر فعلا قدر يخدع مصر كلها بشعارات رنانة...وادي النتيجة..ما تنكرش يا ابن ناصر ان الي احنا فيه ده...من فضلت خير عهد عبد الناصر...الي كرس الديكتاتورية..و رفض التنازل عن السلطة للمدنيين...اول من اخرج مظاهرات ضد الديموقراطية...تخيل خلى الناس تخرج في الشارع تقول لا للديموقراطية..وجاي تكلمني عن العمال...

ibn nasser - ابن ناصر يقول...

فارس
تسلملي
تحياتي

ibn nasser - ابن ناصر يقول...

محمد باشا عبد الغفار
هههههههه فعل إن
ناس مبتشتغلش وحكومه مابتديش فلوس !!!؟ بلد غريبه
تحياتي

ibn nasser - ابن ناصر يقول...

أماني
انشاء الله
تحياتي

ibn nasser - ابن ناصر يقول...

مصر هي أمي
والله كلامك جميل
تحياتي

ibn nasser - ابن ناصر يقول...

سكوت هنصوت
ههههههههههه
ساكته وشايله في قلبك كل ده .. عارفه احنا مشكلتنا ايه !؟؟ اكلمك عن العنال وارقام حقيقيه ..تشتمي الراجل وتتكلمي في موضوع تاني خالص !!! ايه علاقة الممظاهرات ,وديموقراطيه ايه اللي بتكلميني عليها قولليلي بلد واحده فيهاحريه ولا ديموقراطيه!!؟
ارق تحياتي

عمر الشرقاوى يقول...

يا ابن ناصر انت شخص معاصر اتمنى للكان تنظر الى الامام نهج عبد الناصر كان نهج عظيم ولكن زى ما له نهج عظيم له اخطاء عظيمه
وعمر ما نهج عبد الناصر هايرجع تانى لان الناس بتنسى واعتقد انت كمان لازم تنسى وخد من نهج عبد الناصر حلاوته وسيبك من اللى عدا وراح

BeLiEvEr يقول...

عزيزى إبن ناصر
كل سنة و إنت طيب يا سيدى
أنا طبعا مش هعلق على الكلام اللى إتقال على عبد الناصر علشان هنكون زى الساقية عملين نلف حولين نفسنا

أنا بس عايز اقولك غن الارقام ممكن تستخدم كيفما تشاء، و الدليل على كده إن ممكن اجبلك أرقام عن مصر دلوقتى تحسسك إن كل واحد ماشى و فى جيبه فلوس ملهاش أول من آخر
:)

بخصوص الفيديو بتاع الأخ العقيد (ناصرى زيك اهوه)
انا شفت الفيديو ده من كام إسبوع و مت على نفسى من الضحك، حتى انا كتبت تعليق عليه.
بجد الراجل ده أكتر واحد مسلى فى الدنيا، و بعد كده لذيذ و أفكارة خلاقة
:)))))

ibn nasser - ابن ناصر يقول...

عمر الشرقاوي
صح والله معاك حق انا بس كنت يترحم علي الماضي .. اي نعم في اخطاء ومشاكل بس اليومين دول بقيت الحكايه بزياده
تحياتي

ibn nasser - ابن ناصر يقول...

عزيزي بيليفر
ههههههههه بص ماتقوليش علي القذافي ناصري احنا كلنا منه براء ده الرجل قالك انا افريقي !! مش عربي يبقي ناصري مين بقي !!؟

وتحياتي

zenzana يقول...

طيب عاوز تحتفي بعمال مصر
تقوم لاطع بادج اتحاد عمال مصر المعين م الحكومة
يا اخي حرام عليك

انت بتحسسني ان ف عهد ناصر كانت كل حاجة حلوة والدنيا بمبي
هل دا لا يثير شكوكك؟
هل ممكن فعلا فترة تاريخيه طويلة اللي هي طول فترة حكم ناصر تبقي كلها كدة بمبي من غير اي حتة كحلي؟

david santos يقول...

Thanks for you work and have a good day

My next work goes to be made in Arab. The heading is: Egipto, the mother of the World.

sokoothansawat يقول...

لأ لأ لأ لأ حقة مالكش حق يا بن ناصر...طبعا عندك حق..انا فعلا بتكلم في موضوع تاني...اصل انت بتتكلم عن العمال ايام احمس...أما عن البلد الي فيها حرية و ديموقراطية لشعبها بجد فخد عندك...امريكا..كندا..الإتحاد الاوروبي..دول السكندنافية..موريتانيا..أكمل ولا كفاية كده...كل دي دول كان عندها رؤساء عظام جدا...حكموا شوية و عملوا اصلاحات كتيرة لشعوبهم و بعدين نزلوا عن الحكم و مسك غيرهم..منغير ما ينضرب عليهم نار...ولا يتسجن نص الشعب بسببهم...والأهم منغير ما تهتفلهم الناس وهما مهزومين و مودين البلد فداهية...معلش يا صاحبي ...صحيح ده مالوش علاقة بالعمال...بس اصل الكلام بيجيب بعضة

yasmina يقول...

هم العمال فعلا اتصنعت على اكتافهم دول عظمى
وصعد عليها رؤساء كثيرون
جيد انك تذكرتهم

Esmeralda يقول...

يا ساتر دا انت شكلك ناصرى طحن
انت عندك كام سنه؟؟؟؟؟؟؟
و بعدين المصلحه الوحيده من العيد هو الاجازة

هو عيد على ايه عايزه افهم
الناس حتفرقع من الانبساط فى حياتها فبيحتفلوا؟؟؟؟؟

ربنا ينور قبرهم بحريقااااااااااااه

ويففههووووووو

ibn nasser - ابن ناصر يقول...

زنزانه
الاول تحيه لرندا باشا التانيه بالراحه عليا شويه ..التالته مولتش ان عصر جمال عبد الناصر كان بمبمي ومكنش في كحلي لأ كان فيه نقط سوده كمان
تحياتي

ibn nasser - ابن ناصر يقول...

ههه امريكا وديموقراطي ..بقولك يا سكوت هنصوت .. انا عايزك تشوفي البوست الجاي هتعرفي الديموقراطيه الامريكيه ..وعلي فكره مافيش بلد في العالم فيها ديموقراطيه .. جزء من الديمو..
تقبلي تحياتي

ibn nasser - ابن ناصر يقول...

david santos
ooh this is very good my friend >> iam waiting it >>
my best regards

ibn nasser - ابن ناصر يقول...

يسمينا
اه العمال هم ..ينضهون المجتمع او يعطلونه
تحياتي

ibn nasser - ابن ناصر يقول...

ezmerelda
ههههههه طيب يا ستي خلا اعتبريني بتكلم علي عيد العمال عشان الاجازه بس!

هيء هيء
أعيط ولا اولع في نفسي !؟

تقبلي تحياتي

غير معرف يقول...

شوية عيال بصحيح

بتتكلموا بجهل عن ناصر

انا بعد ما اتخرجت من الجامعة قعدت شهرين فى البيت وجالى التعيين واشتغلت فى الحكومة ومن مرتبى حوشت الشبكة والمهر واتجوزت وكان المرتب بيخليك تعيش ملك كل دة ايام ناصر
اشبع بقى يا خويا انت وهو بالديمقراطية والبطالة والعنوسة وخليكوا قاعدين فى البيت واشتموا فى الزعيم اللى نضف مصر من الاحتلال

رجل عجوز

غير معرف يقول...

شوية عيال بصحيح

بتتكلموا بجهل عن ناصر

انا بعد ما اتخرجت من الجامعة قعدت شهرين فى البيت وجالى التعيين واشتغلت فى الحكومة ومن مرتبى حوشت الشبكة والمهر واتجوزت وكان المرتب بيخليك تعيش ملك كل دة ايام ناصر
اشبع بقى يا خويا انت وهو بالديمقراطية والبطالة والعنوسة وخليكوا قاعدين فى البيت واشتموا فى الزعيم اللى نضف مصر من الاحتلال

رجل عجوز

شهيدة يقول...

سلام يا ابن ناصر

ازيك؟
انا آسفة اني ما بزورش المدونة بقالي فترة
بس بصراحة حاسة اني مش متحمسة اليومين دول

عموما موضوعك مهم زي العادة

وعلى فكرة انا حطيت قصيدة للإمام علي على اربعة عشر نور زي ما وعدتك

قصيدة جميلة جدا
تحياتي

ibn nasser - ابن ناصر يقول...

رجل عجوز
هههه
حرام عليك يعني كل ده وتقوللي بشتم فيه ده هو زعيم الامه .. وياريت لو دخلت البلوج تاني تبقي تكما اكتر عن حقبة ناصر
تحياتي

ibn nasser - ابن ناصر يقول...

شهيده
وجاي عندك اهو
شكرا لكي
تحياتي

واحد من الناس يقول...

استعير بيت من قصيدة مفترق طرق لصلاح جاهين
ضاع الي ضاع ماعدش فاضل كتير

ibn nasser - ابن ناصر يقول...

واحد من الناس
شكرا لمداخلتك
تحياتي

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情