أخبـار ابـن نـاصر

لا للتعديلات الدستورية

الأحد، ٢٩ يوليو ٢٠٠٧

الخواص الأساسيه .. للأنظمه الديكتاتوريه

الكل يعلم ان لكل دوله طريقه في الحكم وتشترك الدول الديكتاتوريه في النظام الديكتاتوري فقط ككلمه



لكن كل دوله اسلوب مميز عن الاخري في وسائل الديكتاتوريه ..فلنري بعض من الوسائل المتبعه عندنا ...
...

- في الكثير من الانظمه الغربيه يتم النصب علي الشعب بوعدهم بامال واحلام كاذبه ووعود وهميه لكن هل عمرك رأيت "البجاحه" في الديكتاتوريه ان لا يوجد وعود من اساسه يعني يقعد حاكم 25 عاما كده من غير هدف ولا اوعاد كاذبه يضحك علي الشعب بيها حتي ؟؟.
...
- لترسيخ قواعد الديكتاتوريه ولتعميقها يتم وضع جميع مشروعات-الكبيره والصغيره- باسم الرئيس مثال معهد مبارك ,اكاديمية مبارك ,مكتبة مبارك مشروع مبارك, مدينة مبارك الطلابيه وهكذا حتي كل المشروعات وطبعا اساسي ولا يمكن ان ننسي فيجب صورته ان توضع فوق كل استاد وفوق كل لوحه في الشارع وايضا فمن الغريب جدا اني رايت تمثال يضم الفائزين من جائزة نوبل ومعهم مبارك! عافيه يعني !.
...
- في ظل الانظمه الديكتاتوريه توجد حريه ..نعم انا اتحدث بصدق فيوجد حريه اقتصاديه في خصخصة كل المشروعات وتفكيكها وبيعها وتكون الحريه الاقتصاديه واضحه جدا في ارتفاع الاسعار واستحالة خفضها ابدا ,ويوجد حرية رأي نعم ... فهي ان تكون مواليا او معارضا انت لك ان تختار كما لك ان تختار اي سجن تذهب اذا عارضت !.
...
- تتبع الانظمه الديكتاتوريه خطه تسمي " تجويع الشعب " وهي عباره عن او مضمونها انهم يقولو جوع الشعب سيظل يجري وراء الطعام-لقمة عيشه- لكن لو أكل هيفكر في الرفاهيه ولو فكر في الرفاهيه هيتدور ناحية السياسه وهذا ليس مطلوب !.
...

- من اهداف الانظمه الديكتاتوريه ضرب المعارضه اي معارضه وباي صوره ممكنه من التزوير والتلفيق والي الضرب مرورا بالحبس و التعذيب.
...

- من الاساليب المخترعه هي التفنن في أنواع التعذيب التي-من وجهة نظرهم - تقوي حكمهم فبتقيد حرية المواطنين يظنوا انهم المتحكمين والاقوي
....
أرجو تضامنكم في حملة "نقطة مياة تساوي الحياة"
فارس (لماذا نرحل) ,,ابن ناصر (ثائر) واشكركم
..

اللينك

هناك ٢٣ تعليقًا:

أمــانــى يقول...

هههههههههه
ايه انت عندك شك ان ده الديمقراطية ام صحيح شعب مينفعش الا ياخد على دماغه ههههههههههههههههه
بص بقى المدارس والشوارع والمستشفيات وكل حاجة كلتها باسم السد الرئيس حبيب الملايين اللى انا مش اختارته

شقاوة شعب يقول...

مصر الان يحكمها نظام امنى دكتاتورى تسلطى لا يقتصد فى وسيلة تقمع الشعب

يارب متى الخلاص

"ويقولون متى هو قل عسى ان يكون قريبا" سورة الاسراء

عصفور المدينة يقول...

أساسا الجوع صحة فالتجويع ده من باب الحفاظ على الصحة العامة
وكذلك بقية الحاجات دي كلها حاجات مضرة وهما بيخافوا عليك منها
تحياتي

ابن رشد يقول...

جواك غضب كبير اوي اوي
اتمنى انه ما يخرجش الا في الخير و في حب مصر

yasmina يقول...

مكونات الدكتاتورية اللي انت كاتبها كلها جميلة
انت عندك اعتراض على ايه
:))))))

موضوع حلو ومكتوب بطريقة جذابة
يا رب بس تخلصوا من الدكتاتورية بكل اشكالها

سلام

خالد حفظي يقول...

ذات مرة سألت صديقا لي : هل تستطيع توصيف النظام المصري توصيفا دقيقا؟فلم يستطع كما لم أستطع أنا وكم لا يستطيع أحد على ما أظن
هل هو ديكتاتوري؟
هل هو ديموقراطي ؟
هل هو رأسمالي؟
هل هو إشتراكي؟
هل هو علماني؟
هل هو ديني؟
هل هو برلماني ؟
هل هو جمهوري؟
إذا حاولت أن تجيب بنعم على أي صفة ستجد النظام يأتي بعكسها تماما
حفظ الله مصر
.....................
ندعوكم لمشاركة مدونة وطــــــــــني بإستطلاع الرأي
هل تؤمن بوجود فتنة طائفية بمصر؟

ibn nasser - ابن ناصر يقول...

اماني
طبعا السيد الرئيس
اسمو مكتوب في كل مكان

تحياتي

ibn nasser - ابن ناصر يقول...

شقاوة شعب
طبعا ومش اي ديكتاتوري
يا رب فعلا عسي ان يكون قريبا


تحياتي

ibn nasser - ابن ناصر يقول...

عصفور الميدنه
ههههه اه طبعا منا عارف كل ده عشان خايفين علينا عاوزين الشب يبقي خفيف كدة

تحياتي

ibn nasser - ابن ناصر يقول...

شمس
ههههه
هيخرج في وشهم
ربنا يستر بقي


تحياتي

ibn nasser - ابن ناصر يقول...

ياسمينا
نخلص ده ايه ده ما بيخترعو طرق جديده! للديكتاتورية
تحياتي

ibn nasser - ابن ناصر يقول...

وطني
انهو راسخلاطبيطي ..مش عارف والله ايه نظامه

حاضر هاجي دلوقتي اشاركك
تحياتي

Monzer يقول...

أكتر حته عجبتنى
هي ان حتى النظام الديكتاتورى الى بنعيش فيه ده
مابيدنيش ولا حلم كاذب
فأي نظام ديكتاتورى كان بيدى لشعبه آمال
زي موسولينى ولا هيتلر ولا ستالين
حلم القوة والسيطرة على الشعوب الاخرى
ولا حلم التوسع
الحلم الى بيرسخه النظام ده
حلم انك تاخد شهادة وتشتغل أي شغلة وياسلام لو عرفت تجوز هاتقعد لغاية ماتموت تخلص فى الأقساط الى انت اجوزت بيها
فمافيش وقت انك تحلم بأي حاجة

جميل انت يا ابن ناصر

alqassam يقول...

موضوع بنعيشه من زمان الى هو الديكاتورية وبحب اضيف عندك شويه خصائص للدكتاتورية الى هيا
1-الوصول الى الحاكم الى مصاف الالهه زى فرعون بالظبط حينما دعاه موسى عليه السلام الى عباده الله قال ماعلمت لكم من اله غيرى يعنى هو فى دماغو مش متخيل وجود اله او حاكم غيرو وفى مرة سئلوا الفرعون المعاصر لما كان فى لندن من فترة عن نيتك هترشح نائب ليك قال لم اجد شخص مناسب حتى الان نفس المنهج
2- صفه تانيه الامر الى هو من المستحيل يكون غلط يعنى دايما راى صح
3- حينما تظهر الدكتاتروية يرتيط بها شي وهو النفاق لانك لو ماكنتش منافق فى تعذيب وضرب فالنفاق من سمات الدكتاتورية
4-قسوة القلب يعنى لو شاف الدنيا ولعت وال70 مليون اتحرقوا مستحيل تحرك فى قلبوا اى شى ختم الله على قلوبهم
5-كل شى ملكى وهؤلاء لايمتكلون شى
6- انا السيد وهؤلاء عبيد فى مملكتى
7-الدكتاتورية ستنتهى حتما لان كل مازاد عن حده انقلب الى ضده
ونحن الان فى بداية مرحله انقلب الى ضده
اخوك القسام

غير معرف يقول...

عذرا للتحليق خارج السرب ارجو منكم التضامن معي في حمله نقطه ماء تساوي حياه
تحياتي

ibn nasser - ابن ناصر يقول...

منذر
اه مبيعطوناش حلم كاذب حتي !!

تحياتي

ibn nasser - ابن ناصر يقول...

الله عليك يا قسا سرد تاريخي رائع
تحياتي

محمد مارو يقول...

ايه يا عم انا حاسس كده انك بتلمح بالكلام ع مبارك هو احنا عيشين فى فقر و لا ديكاتوريه و لا تعذيب
لاء بجد ازاى تقول كده
ده انا من كتر الحريه بئيت مش عارف اعمل ايه و من كتر العز و الغنا ببرطع فى الشارع الان
ع العموم لنا الله
شكرا محمد مارو

ibn nasser - ابن ناصر يقول...

مارو تصدق زعلت
بقي انا اقدر اقول كده علي الريس !
ليه هو ديكتاتور! هو بقالو25 سنه !
يا رااجل عيب



تحياتي

اه يا دماغى يقول...

موضوع الميه دا فعلا
بالنسبة مهم جداا

وبزعل لما بشوف الناس بتفتح الحنفيةعلى الاخر
او بترشها على الارض

لسة من يومين بقول واحد حرام الميه النظيفة دى على الارض

فى ناس حتموت من العطش حرام
مش عايزة اقولك عمل فيا وبهدلنى

خالص تحياتى

ibn nasser - ابن ناصر يقول...

أه يا دماغ


هنعمل ايه فعلا !!!!


تحياتي

خالد منصور يقول...

لسة فية امل يا ان ناصر
على فكرة نفذتلك طلبك

s يقول...

thanks