ســادس الخلفــاء الراشديــن!!! يا رب إرحـمنا
...
هذة الوثيقة عمرها 27 عاماً كانت موجودة في احدي مضابط مجلس الشعب في مكان سري واستطاعت جريدة "صـوت الأمـة" الحصول عليها ..
الوثيقة تقول ان محمود ابو وافية رئيس مجلس الاقتراحات والشكاوي بمجلس الشعب تقدم باقتراح استفتاء شعبي لمنح الرئيس انور السادات لقب "ســادس الخلفـاء الراشديــن" !!!
وتخيلوا انور السادات بعد العظماء الخمس ..ابو بكر الصديق وعمر بن الخطاب وعثمان بن عفان وعلي بن ابي طالب وعمر بن عبد العزيز -رضي الله عنهم- .. !
وطبعا مات السادات او قتل ان صح التعبير قبل حدوث هذا الاستفتاء الكارثي ! للرئيس المؤمن !...
وفي 15 مارس 1981 .. وافقت عليه مجلس الاقتراحات والشكاوي تمهيداً لحدوث الاستفتاء ..
والوثيقة ورقتين في الاولي مكتوب فيها الاتي :
تحت شعار النسر كتب.. جمهورية مصر العربية.. مجلس الشعب..الفصل التشريعي الثالث..دور الاتعقاد العادي الثاني .. لجنة الاقتراحات والشكاوي ..
السيد الدكتور رئيس مجلس الشعب
تحية طيبة وبعد ,اتشرف بان ارفع لسيادتكم مع هذا ,تقرير لجنة المقترحات والشكاوي عن العرائض التي ناظرتها اللجنة في اجتماعها يوم الاحد الموافق 15-3-1981 ,رجاء التفضل بعرضه علي المجلس ..
وقد اختارت اللجنة السيد العضو عبد العزيز مصطفي محمود ,مقررا لها فيها امام المجلس وتقبلوا سيادتكم بقبول فائق الاحترام
محمود ابو وافية ..
وطبعا اجتمعت اللجنة في مجلس الشعب واتوافق عليها وشوفو الوثسقة او حاولوا تشوفوا ناحية الشمال مكتوب فيها ..
أولاً العرائض:
1- في مجال التشريع
-تقترح دعوة الناخبين علي الاستفتاء علي منح السيد رئيس الجمهورية لقب سادس الخلفاء الراشدين
2-تطبيق الشريعه الاسلامية
-اعتبار جرح الشعور الديني ضمن الجرائم الجنائية
..
في مجلس الشعب الناس وافقت !وده فكرنا بالعضوة التي طالبت منح الرئيس السادات الحكم مدي حياة ..لحكمتة!!!
...
وطبعا السادات مات قبل الاستفتاء وكلنا عارفين نتايج الاستفتاء ! وسادس الخلفاء هيطبق علينا الشريعه ازاي يا تري بقي !!
...
ربنا كارمنا بأشيــك رئيس في العالم كما قالت الصحف الامريكية والاسرائيلية
...
تحياتي
ابـن نـاصر
هناك ٢٤ تعليقًا:
عادي يا عم
مزعل نفسك ليه
هو انت متعرفش
عملوا استفتاء ان حسني يبقي من العشرة المبشرين بالجنة
المصيبه مش فى كده
هما معتقدين انهم لهم حساب تانى غيرنا
ومش عارفين ان التمانين مليون هيوقفوهم ويسالوهم الله يعينهم على حالهم بالقبر والاخر
انا اضفتك لقائمه مدوناتى الاليكترونيه ولاتزعل ياعم
هذه نتيجه اجتماع الجهل و السذاجه و النفاق...و لكنى لن اقبل مثل هذا الكلام لو قيل لاى رئيس مصرى ....فهى مبالغه لا يمكن قبولها ايا كان المقصود
هع هع هع هع
الله يحظك يا ابن ناصر
والله الناس عاشت حداشر سنة في مسرحية كوميدية بس بذمتك مش كان مسلي؟ مش احسن ان الفيلم الممل اللي احنا قاعدين فيه بقالنا سبعة وعشرين سنة ده؟
ده انا كنت ميت من الضحك لما قريت الموضوع في صوت الامه
هههه
أهو ده اللي كان ناقص
بس هما بينشروا الكلام ده ليه دلوقتي
يمكن عايزين حسني يبقى السابع ولا ايه؟
الساداااات سادس الخلفاء و مش هايكون من العشره المبشرين بالجنه كمان
ده ايه التهريج ده
الله يرحمك يا ناصر
مش عارفا ليه السادات مقدرتش اني احبه ولا اقتنع بيه لا بطل ولا زعين ولا رئيس خاااالص
تعرف صديق انجليزي قالي جمله فعلآ اقتنعت بيها جدآ
قالي جمال عبد الناصر كان عملاق فأي حد هايجي بعده و يقعد في مكانه هايكون قزم
تحياتي
Excellent, my friend, excellent!
The American terrorism no stop.
شيعة العراق العرب يثورون على الاحتلال الإيراني
http://www.aljazeera.net/NR/exeres/41236687-33E7-4507-883C-EF259B110165.htm
فـهد
هههههههه
والله مش بعــيدة ..!!
تحــياتي
دوار
ههههههههه لا احنا عاوزين بقي نشوف عذابهم في الدنيا قبل القبر !!
علي ايدي "هذا الشعب العظيـم.. "الذي طال سكوته".."وأصبح عاراً علي الجبين" ..
"بيت من قصيدة ثورة الغضب"
تحياتي
مهرة
ليه ماهو كان هيحصل اهو وقبلها تم تغير المادة الخاصه بزيادة فترة او مدة الرئيس ..والتي اقترحت تعديلها الاستاذة فايدة كامل
وقالت :احنا عاوزينك ياريس طول العمر
عاوزين حكمتك"!!!!!
..
حكمتك يا رب ارحمنا
تحياتي
جبهة التهيس الشعبيه
ههه هو ففعلا والله كان مثلي ويموت من الضحك ..لكن الضحك له وقت ويصحبه بكاء ..نحن في عصر البكــاء ..
تحياتي
محمد مفيد
انا مت فعلا من الضحك وقولت مينفعش يعدي لازم الناس كلها تشوفو !!!
تحياتي
كريم عاطف
ههه لاا حسني مش السابع عييب
ده العظيم أمير المؤمنين!! ..علي راي الرئيس بيسال واحد محافظ انتا محافظ ايه قاله زي ما تؤمر يا ريس!!! هو الذي يأمر وينهي !!!
والسادات قبل كده اعلن انه مثل عمر بن الخطاب "امام عادل" حتي تهكم عليه الشيخ كشك ووصفة بانه عندما يتلفت لا يجد حوله امام عادل بل يجد "عادل امام " !!!!!!!
تحياتي
ايمي
فعلا كلمه قوية جدا رائعه
أي شخص ياتي مكان ناصر العملاق يصبح قزما!
تحياتي
DAVID SANTOS
MY FRIEND >> THE AMERICAN TERRORISM NO STOP >> THIS IS REAL
كان أشيك رئيس
كان الرئيس المؤمن
كان رجل الحرب والسلام
طبيعي جدا يبقي سادس الخلفاء الراشدين
:) :) :) :)
تقبل تحياتي يا ابن الغالي
انا بحب السادات جدا
بس المهلبية ماتوصلش للدرجة دي يعني
بالمناسبة
انا ملك الكبدة كنت براسلك هنا بعلق يعني و بتابع البلوج باسم ملك الكبدة لو تفتكرني بس انا غيرت اليوزر و البلوج
تحياتي
mado
هههه طبعا اشيك رئيس وواخد نوبل في السلام يعني متظبط , هو في خليفة خد نوبل قبل كدة ؟
!
تحياتي
محمد الكومي
ازيك ؟يا رااجل طبعا فاكرك
وكنت بكلمك علي مصراوي بس مش باسم ابن ناصر فمكنتش بتعرفني!!
لازم ملك الكبدة يحب السدات اساسي !!
تحياتي :)
http://www.4shared.com/file/30737105/69af69ff/__online.html?dirPwdVerified=da17f0f5
كتاب بهجت عثمان
الديكتاتورية للمبتدئين
يلخص مصر في عهد السادات
انشره عندك
http://www.4shared.com/file/30737105/
69af69ff/__online.html?dirPwdVerified=da17f0f5
thanks
إرسال تعليق