أخبـار ابـن نـاصر

لا للتعديلات الدستورية

الخميس، 5 أبريل 2007

يا سلام عليك يا كايدهم

أعلن الرئيس الايراني محمود احمدي نجاد امس الاربعاء الإفراج عن البحارة البريطانيين بعد نحو اسبوعين من احتجازهم بسبب دخولهم المياه الإقليمية الإيرانية بصورة غير قانونية (وده طبعا بعد ما طلع عينهم لكن يحسب لي لانه شرف الاسلام بمعاملة الاسري الجيده اينعم لبس لست حجاب طول ماهيه في ايران لكن ده حقه وهو حر) , الرئيس احمدي نجاد قال إن قرار الإفراج هو هدية للشعب البريطاني بمناسبة المولد النبوي الشريف، وكشف عن تعهد الحكومة البريطانية بعدم انتهاك المياه الإقليمية الإيرانية (وطبعا كمان يعني هيقدروا يشوفوا ويخدوا الرهائن الي امريكا محتجزهم في العراق وهم دبلوماسين مع انه قال في الخطاب ان ده مالوش دعوه بده,,عادي بقي شغل سياسه واصل هم مايجوش غير الجذمه لازم تقبض علي ناس عشان يتعدلوا ) ,والتقى الرئيس الايراني افراد البحرية البريطانيين الخمسة عشر في القصر الرئاسي، وذلك لحظة الافراج عنهم، وأظهرت الصور الرئيس الايراني وهو يصافح الجنود ويتبادل الحديث معهم.واكد أحمدي نجاد أن العفو عن البحارة هو هدية من الشعب الايراني بمناسبة عيد المولد النبوي، نافيا وجود أي صفقة بين الإفراج عن البحارة وبين قضية المعتقلين الايرانيين لدى قوات الاحتلال الاميركي بالعراق.(سياسه بقي عادي),واستهجن احمدي نجاد تکليف السلطات البريطانية ام جندية بالقيام باعمال الدورية البحرية. وقال: بين عناصر البحرية المعتقلين هناك سيدة هي ام لطفل. لماذا يسندون لسيدة هي ام لطفل مهمة القيام باعمال الدورية في البحر.ودعا رئيس الوزراء البريطاني توني بلير الى عدم معاقبة البحارة الخمسة عشر لاعترافهم بالحقيقة، في اشارة الى اعترافاتهم بانتهاك المياه الايرانية. هذا وأكد مصدر رسمي ايراني أن البحارة البريطانيين سيسلمون للسفارة البريطانية في طهران، كما اشار الى أن افراد البحرية سيغادرون الاراضي الايرانية غدا الخميس عبر المطار الدولي بالعاصمة طهران( بس والله حاجه غريبه مديين دوريه لست وأم كمان ليه الرجااله خلصوا!! يا بلد مافيهاش راجل ؟), ومن ناحية أخرى أعرب أهالي الجنود المحتجزين عن سعادتهم بقرار الافراج عن الجنود,, هذا وقلد الرئيس الايراني ضباطا من خفر السواحل الايراني أنواط الشجاعة فيما يخص اعتقال البحار ة,يذكر ان قوات خفر السواحل الايرانية اعتقلت يوم الجمعة 23 اذار / مارس الماضي 15 بحارا بريطانيا كانوا على متن زورقين، قد دخلوا المياه الاقليمية الايرانية بصورة غير شرعية (قلدهم مش ادالهم ست شهور وعلي فكره حمد خلف تعبان وفي المستشفي ,ماعرفش حالته ايه دلوقتي ) ,من جانب آخر انتقد احمدي نجاد الأداء العام لمجلس الامن الدولي وأشار الى أن بلاده تدافع عن حقها في امتلاك برنامج نووي سلمي، وأكد التزامها بقرارات الوكالة الدولية للطاقة الذرية.كما انتقد صمت المجتمع الدولي حيال ما يجري بالعراق منذ الغزو الامريكي، داعيا الى إصلاح هيكلية الأمم المتحدة، واعتبر الرئيس الايراني أن مجلس الامن تلقى ضربة كبيرة في هيبته، خاصة فيما يتعلق بقراراته تجاه القضية الفلسطينية ,(عادي انه يذكر القضيه الفلسطينيه ,
.............




شوفتوا وزير الخارجيه ابو الغيط امبارح في برمانج حالة حوار قالك العراق فيها حرب فيها فتنه فيها انقسامات ومقالش في احتلال!!وقالك في مجمل الكلام ان احنا مع الامريكان لانهم بيقولوا انهم هناك للحريه والديموقرطيه وفرض الامن و السلام وبناء العراق وقال احنا مع القول وليس الفعل!!! وقالك انا ماليش دعوه ده الرئيس اللي بيحط السياسه الخارجيه هههههه !! انشاءالله تولع واعلن انهم قفلوا الباب قدام العراقين يعني مافيش عراقين يجوا مصر وعقب وقال اصل ناقص نلاقي مدارسنا مافيهاش اماكن للمصرين ونلاقيها كلها عراقين عشان هم جاين عاله علينا ,,الله قال كده بالفظ عاله! )وطبعا نمت وانا متنرفز بعد في البيت بيتك اللي عملوا في عادل عد العال وكلام وزير الخارجيه الغريب جدا وكان بيزعق قوي ومحموق ,,علي ايه ياراااجل ,, وشكرا







صوره نادره للرئيس الايراني يبكي لوفاة والده السنه الماضيه
وهنا تحميل ملف عن الرئيس الايراني نجاد لمن لايعرفه (سيرة الذاتيه وأشياء عنه)...تحياتي



البحارة البريطانيون يغادرون طهران الى لندن وبلير يطالب بتوسيع الحوار مع ايران



ابن ناصر

هناك 35 تعليقًا:

قنديل في قلبي يقول...

شفت الدنيا والزمن
وعرفت الخاين والمؤتمن
وقابلت الشجاع واللي جبن
واستعجب أنا ليه في بلدي ماليش تمن
وعجبي

Iman يقول...

ايران اخير اجتلها الفرصه اللى قدرت بيها تبين للعالم كله النيه الامروبريطانيه الشريره لافتعال حرب مع ايران
احمد نجاد زعيم اسلامى له من كل مسلم على وجه الارض كل احترام وتقدير

نفسى اشوف وش بوش وبلير دلوقتى ...اكيد عماليين يرفصوا ويعضوا فى الارض من الغيظ

ادى الزعمه يا عم ناصر مس بتوعنا الله يحرقهم نفر نفر

ibn nasser- ابن ناصر يقول...

يا سلام ياسلم ادينا اكتر ,,اهلا بشاعر المدونات
تحياتي

ibn nasser- ابن ناصر يقول...

هههههههه طبعا يا بنتي نجاد مش اي كلام طبعا ,,وبالنسبه للزعماء عندنا ههه زعماء مييين هه ابو الغيطالوزير الحقل هههه
تحياتي

ibn nasser- ابن ناصر يقول...

في استفساريا ريت اي حد يجاوبني لو سوحتوا عندي فايل ورد عايز احطه في البوست بحيث الناس تعملوا داونلود ازاااي؟؟؟؟؟
تحياتي

أمــانــى يقول...

والله بأستغرب على مواقف ايران
وايران على ما اعتقد لعبت كويس فى موضوع البحارة وممكن يكونوا ليهم دور فى الملف النووى كل شئ جايز او كانت عايز توصل رسالة مهمة للعالم انها طيبة وغرضها شريف من التجارب النووية
:D
واكيد الايام القادمة ستوضح الكثير من الاوراق واللعب على المكشوف
اما بقى للوزير السكرة بتاعنا اكيد اخد موافقة علشان يتكلم اصلا
قولوا يااااااااااارب ارحمنا من العالم دول احسن الواحد خلاص هيفرقع

ibn nasser- ابن ناصر يقول...

اماني
ايران اه ماشيه صح مش سبهلله وارجوكي ماتفكرنيش بالوزير ههههههه ده كان ضحك جدا دا انا قلت حته من البلاوي اللي قالها بس
تحياتي

shreef يقول...

الراجل ده دماغة تقيلة..صبر لغاية اما المضوع يشعلل شويه و بعد كده سبهم و قال ايه كهدية للشعب البريطاني بيعرف يلعبها ازاي..و سيبك من كلام ابو الغيط الناس ديه يا عم دلوقتي مع نفسها كلامهم اجوف..و بالنسبة للملف اللي عايز ترفعه ممكن تددخل على مواقع استضافة و ترفع عليها الملفات اللي انت عايزها و بعد ما ترفعها هتديك لينك اللي الناس هتعمل بيه داونلود من امثلة المواقع دي

4shared

بس اعمل اكونت الاول و التسجيل فري..تحياتي ليك و لمدونتك الجميلة..سلام

zenzana يقول...

طب ليه حر ف انه يلبس الست حجاب اجباري؟ طبعا مش جدعنة منه
انه يتم اجبارها عليه

كمان فكرة انها واحدة ست وام وبتقود دورية بحرية ايه الازمة فيها؟
هو في مهن ستاتي ومهن رجالي؟
زي الجزم يعني
ههههههههههه

محمود سعيد يقول...

الراجل فعلاً كادهم

وبسطنا جداً

واجمل حاجة أنه من إسلامنا
(شيعى ولا سنى)
أهو نبوى وخلاص
(يعنى طاعة للنبى وإقتداء بيه وخلاص)

Ahmed Elmasry يقول...

رحم الله أمرأن عرف قدر نفسه" .
"
سنرى و سيري العالم غدا أنه مهما فعلت أيران لن تنجو من خطر الحرب
اللهم عليك بالشيعى فهم أشد أهل الأرض كذب و كرهه للسنه

ibn nasser- ابن ناصر يقول...

شريف
والله كلامك مظبوط وفي حكاية ابو الغيط ياعم ده ينرفز قوي ,,وشكراعلي وعلومتك بخصوص الشاير شكرا جدا ابقي شرفنا
تحياتي

ibn nasser- ابن ناصر يقول...

زنزانه
ههههههههه اه الستات بقي ربناياخد قاسم امين ,,لا هو ماحجبهاش هما حاجبوها احترما يعني له كل ماتيجي تقابله وحكاية الدوريه في البحر لأ مايصحش يعني تخيلي والدتك او والدتي اما تعمل دوري في البحر وواحد يمسكها ,,احمدي ربنا انهم ايرانين لو كانو عالم تانيه كانت الحكاية اتغيرت ده شوفي بتوع خفر السواحل هنا ...
تحياتي

ibn nasser- ابن ناصر يقول...

صح والله يا محمود احسن حاجه انه مسلم وشرفالاسلخيل لوكانوا اتعذبوا مثلا ولا صل فيم حاجه كانوا استغلوها اعلاميا في تشويه دينا الحنيف
تحياتي

ibn nasser- ابن ناصر يقول...

احمد المصري صديقي
بص انا مابتكلمش عن المعتقدات او الخفايا انا بتكلم عن الافعال ناسبتشتغل وبتنتج عندهم اكبر برنامجتنظيم اسره اسلامي دول ناس وصلوا انهم عايزين يعملوا قنبله نووي احنا لسه بنحرق الزباله والحكايه حكاية مواقف وليس مذاهب فعندك حسني مبارك الوغد ماهو سني!!!
تحياتي

Sharm يقول...

البحارة طلعوا النهاردة قالوا ان تم اساءة المعاملة معهم في طهران

؟؟؟؟

ibn nasser- ابن ناصر يقول...

لأ مش معقول مين قالك كده انا لسه شايفهم بالهدايه النارده
تحياتي

smraa alnil يقول...

بص بقي
بالنسبة للرئيس نجاد واللي الناس بيحاولا يشوهوا صورته
لكن الراجل دة انا بحترمه جدا جدا جدا
يكفي انه مش بيخاف

بالنسبة لتقليد الجنود اللي قبضوا علي البحارة فدة لان نجاد راجل بيحترم شعبه
وبيحب بلده

وبالنبسة لكلام ابو قردان


الله يرحم ايام حرب الكويت والعراق
بيتونا ومدارسنا كانوا قاعدين فيها الكويتا
واكلين شاربين متعلمين ببلاش كمان

لكن طالما مش في مصلحة هتطلع من ورا العراق يبقي بلاها
ارحمنا يارب
بقولك ايه
جيبلي حد يغطيني ويصوت عليا

esraa يقول...

طول عمري بقول ان ايران دوله رافعه راسها, وان مفيش حد كاسر عينها وعشان كده أمريكا مش قادره عليها.

micheal يقول...

كل يوم اعجابي بالرئيس نجاد بيزيد لدرجه أني بصنفه من ضمن الابطال مع عبد الناصر و حسن نصرالله
تحياتي لك

ibn nasser- ابن ناصر يقول...

والله يا سمراء انا معاكي في كل كلمه قولتيها ,,بس بالنسب للكويتين يعنياخواتنا وعرب برضه
تحياتي

ibn nasser- ابن ناصر يقول...

اسراء
اه دوله ترفع راسك مش المنكوبه
تخياتي

ibn nasser- ابن ناصر يقول...

مايكل
والله زيي بالظبط وانت اخترت ابطالي المفضلين فعلا
تحياتي اليك

SoRsaRaa يقول...

أحمدى نجاد..عصر البقاء للأقوى والأصلح والأشجع.

الحمد لله انه مش عربى..العرب اليومين دول اصبحو وصمة عار:(

تحية كبيرة اوى للى عرف يجيب حقه من فم العقارب ويوريهم مقامهم.

وشكرا على مرورك

خالد وليس بخالد يقول...

بصراحة يا جماعة
بعد ما ثبت ان ايران كانت السبب الاول والاخير في
مقتل الرئيس البطل صدام حسين -رحمه الله-
والمفروض ان ليس لها من الا الضرب بالجزم

حد يقول لي من اللي تسبب في سقوط افغانستان والعراق الا ايران؟؟
بشهادة نائب مرشسد الثورة ..او نائب الرئيس..مش فاكر بالظبط مين هو

حد يقول لي ازاي -بالعقل كدخ-
يكون يفرج احمدي نجاد عن البحارة البريطانيين..وبدون مقابل؟؟؟
حد يقول لنا
كده الشيعة بيجاهدوا في العراق ولا ايه؟.؟؟اه بيجاهدوا...بس بيجاهدوا اهل السنة الاشراف
الا لعنة الله على اعداء الاسلام
يا اخواننا ...كل يوم بينكشف شئ جديد...
بلاش نمجد نجاد ده..حفيد الخميني المجوسي...
زي ما مجدنا حسن نصر الله...واتضحت نواياه في الاخر والاجندة الايرانية اللي كان ماشي عليها
يا أهل السنة...ليس لكم الا اهل السنة
اللهم عليك بالرافضة

هبطتوني
ونسيت اسلم على صاحب المدونة اللي اول مرة ازورها...
ازيك يا صاحب المدونة؟؟
شخبارك؟؟
تحياتي يا اخي
و د م ت م ب ع ا ف ي ة

نور العظماء يقول...

ألاخ خالد حرام عليك يا راجل ايران بلد محترمه واحسن من اى بلد عربي انا معاك ان صدام بطل وشهيد العروبه ولكن له غلطات مع ايران بالزات لان امريكا في هذا الوقت ارادت تحقيق سياستها وهى سياسه المحافظين الجدد بمعني ضرب قطب من اقطاب الشر بواسطة قطب آخر وللاسف الشديد المخابرات الامريكيه لعبت دورا كبيراااااااااااا في الحرب الايرانيه العراقيه فقد كان صدام واهم واهم في هذا الوقت ان المخابرات الامريكيه معه ولكن الحقيقه ان صدام انزلق في هذه الحرب واتدبس فيها بالمصري يعني وامريكا فرحانه لانها شايفه رمزين من رموز الشر بياكلوا في بعض وده معلش سورى يعني من حماقة صدام علي فكره انا بحب صدام جدااااااا بس برده ده كانت حماقه منه لو جينا يا استاز خالد لوقتنا الحالى هنلاقي ان ايران بد محترم ولها موقف تجاه القضايا العربيه الاسلاميه احسن من اى بلد عربي فعلا هي مهزله ان البلدين الوحيدين الفي العالم لهم موقف قوى تجاه قضايا العرب والمسلمين مش دول عربيه (فينزويلا - ايران) بزمتك مش مهزله؟ ان العرب واقفين كده والقواعد الفي الخليج ربنا ياخدهم في النهايه احيي القائم علي هذة المدونه علي هذا الموضوع وياريت متصدقش يا اخ خالد الكلام المغرض العن ايران لان ايران بلد محترم ولها مواقف قويه تجاه قضايا العرب والمسلمين وبلاش الفتنه المسلمين شيعه سنه مسلمييييييييييييين وعدونا واحد يا اخ خالد وكفايه بقي غبااااااااااااااااااء وكفايه اقتتال داخلي سيبنا نقاتل اعداء الاسلام الامريكان والصهاينه سويا شيعه وسنه ولك مني التحيه ويا ريت مش اى حاجه تتبعتلك علي الاميل تاخدها كميثاق ومرجع لانها كلها اشاعات و دعايا صهيونيه لكره ايران و لنشر الكراهيه بين المسلمين شيعه وسنه وعاش نصر الله ناصر العرب والمسلمين وعاش نجاد وعاش جمال عبد الناصر مش مبارك :) وعاش كل عظيم ورحم الله كل شهيد من اول عهد الانبياء مرورا بكل عظيم جاهد واستشهد كالمختار مرورا بجيفارا وهتلر وصدام حسين وكل عظيم وعظيمه كجميله بوحريد وفي عصرنا هذا الشيخ ياسين وعبد العزيز الرنتيسي وتحيه مني لكل من بزل الجهد في تحرير وطنه و لانور السادات الرئيس الخائن الف لعنه وانا اعلم انه الان في الدرك الاسفل من النار والسلام عليكم ورحمة الله

ibn nasser- ابن ناصر يقول...

sorsara
اه والله مين يسمعمنك دول بقوا وصمة عاار علينا
,,تحياتي

ibn nasser- ابن ناصر يقول...

خالد وليس بخالد
بص الواحد بيحاول يتغاضي عن الكلامده دلوقتي والعراق دي حرب عرقيه صدقني اكتر نها سنه وشيعه يعني اشيعه والسنه بيضربوا في بعض مش عشان دين هي عرقيه تحولت لطائفيه ده انا بشوف فيدوهات سنه بيحاربوا بعض وشيعه بيحاربوا بعض ,,,بعدين انت عار الامه الاسلمي عامله ازاي تخيل كمان لو اقسمناها هيحصل !! بوش هيزعل!! ولا ايه
تحياتي

ibn nasser- ابن ناصر يقول...

الف تيحيه لنور صحب موقع العظماء وهو منهم انا وقفت الان تحيه لك
تحياتي الي صديقي الذي لخص تاريخبعض الشخصيات ووضح حقائقهم ,,,
تحيه أخري

يساري مصري يقول...

نجاد من صفوة الساسه التقال قوي
و احترمه لإحترامه لهويته و لشعبه
ولكن
حضارة الفرس دائماً ابداً كانت قائمه على رقاب العرب
و و جود الفرس بقوه منفرده في المنطقه ليس بالمطمئن و طبعاً مش ذنبهم الذنب على اللي نايمين في ميت البطيخ

و لازال نجاد من الصفوه المحترمين

ibn nasser- ابن ناصر يقول...

يساري مصري
انا معك فهو رجل من التقال فعلا ...لكن يعني انت شايف الناس دول بيسعوا لنووي وحنا بنعمل ايه,,,يستحقوا الاترام ولا,, لأ ؟؟

ذو النون المصري يقول...

موضوع جميل جدا
نجاد محترم من يوم ما مسك الحكم في بلاده و ده رجل يحسد عليه الشعب الايراني
طبعا لانه اتي للحكم باراده شعبيه
مش زي مبارك حبيب الشعب
و اخترناه و لاخر المشوار وياه
تحياتي
انا علي فكره نسيت اقراء الموضوع السابق هقراه و اعلق عليه الان

ibn nasser- ابن ناصر يقول...

ذو النون جبيبي
عامل ايه؟؟ , وبالنسبه لموضوع نجاد ومبارك هههههههه لا تعليق
تحياتي

شهيدة يقول...

سلام يا ابن ناصر

آسفة على التأخير

بس أنا كنت كتبت تعليق على الموضوع ده وما قدرتش أبعتو

المهم موضوعك طبعا جميل جدا
وبس بحب أركز على نقطة مهمة وهي حكاية اطلاق سراح البحارة في المولد النبوي الشريف
دي أكبر رسالة على ان الاسلام دين السماحة ودي كانت حركة سياسية مهمة جدا على رأيك ههههه

بس للأسف بعد اطلاق سراحهم قال البحارة انهم تعرضوا لاسءة في المعاكلة وانا برأيي ان الكلام ده مش صحيح

الجماعة دول عارفين بيعملوا ايه والاسلام علمهم كويس ازاي يتعاملوا مع الأسرى ودي مش أخلاقهم أبدا

تحياتي والله يقويك

ibn nasser- ابن ناصر يقول...

طبعا دي لعبه سياسيه ,, وماطمرش فيهم
تحياتي يا شهيده