أخبـار ابـن نـاصر

لا للتعديلات الدستورية

الأحد، 8 أبريل، 2007

يأس , بؤس , شقاء ...(مواطن مصري) علامه مسجله


يبدو وأن من أهداف النظام الحالي هو الحفاظ علي بؤس ويأس وشقاء الشعب المصري علي مر الأجيال لأن هذا في وجهة نظرهم كنز تاريخي , فالشعب المصري وللأسف مواطن طيب متحمل للالم وللظلم ولكن لاينسي --هو بينسي الجميل بس ههه لأ بهذر ليقولو عليا خاين ولا حاجه - والمواطن المصري علي مر التاريخ لم اراه ينعم بفتره مزدهره وطيبه علي مر تاريخه حيث ينعم بالامن والامان والحياه الطيبه المزدهره ,مواطن مظلوم فعلا وعلي مر تاريخه لا يعرف تاريخه شيء يسمي بثوره شعبيه ,وثوره شعبيه يعني ثوره يقوم بها الشعب مرة واده كوقفة رجل واحد ويسقط الحكم مثلا كالثوره الفرنسيه أو الثوره الاسلاميه في ايران وارجوكم حتي لا يأتي احدا ويقول ثورة 19 مثلا ان ثورة يوليو! , فثورة 19 ليست ثوره شعبيه في كل مصر هي مثل انتفاضه ليرجع سعد زغلول لمصر لكنها لم تهدم سجن او تقتحم مكان للحكم,وثورة يوليو هي ثوره قام بها بعض من ابناء الجيش المصري المخلصين وليس من عامة الشعب ! فعلي مر العصور حكمت جميع الاجناس مصر ويقبع الشعب المصري تحت حكم اي النظام دون ان يفعل شيء واليكم الدليل .....التاريخ

...فلنبدأ

مصر الفرعونيه (31اسره) -1

الاسكندر والباطلمه -2

الرومان -3

البيزنطيون-3

عهد الخلفاء الراشدين -4

عهد الدول الامويه -5

عهد الدوله العباسيه -6

الدوله الطولونيه -8

الدوله الاخشيديه -9

الفاطميون(شيعه) -10

الدوله الايوبيه (سنه) -11

المماليك -12

عهد الدوله العثمانيه -13

عهد محمد علي واسرته (11حاكم) -14

عهد الجمهوريه -15

وقريبا المللكيه...!؟

........
وطبعا عشان مابقاش ظلمت حد مش كل الناس في بؤس في ناس متظبطه جدا

اااااااااه مش رجليا اتكسرت يا جماعه ..ربنا مايوريكم الام العظام انا جلي تمزق في الاربطه وكسر في الكاحل ,,وانا اتحدث من الجبس ,, هههههه , اااااااااه
ابن ناصر


هناك 47 تعليقًا:

Iman يقول...

سلامت رجليك يا ابن ناصر...انشالله اللى يكرهك
وبالنسبه للتوبيك...انا معاك احنا شعب طول عمره عايش مذلول لحكامه
يلا عليه العوض ومنه العوض

بس والله كان نفسى اكتبلك على الجبس

7ntklm يقول...

تقرير بسيط وجيد

الف سلامة عليك

بس انت اتكسرت امبارح علشان انا دعيت عليك :P

باباى :K

david santos يقول...

Hello, my friend!
THANKS FOR YOU WORK AND HAVE A GOOD WEEKEND.

ibn nasser- ابن ناصر يقول...

ايمان
الله يسلمك شكرا قوي ليكي
تحياتي

ibn nasser- ابن ناصر يقول...

حنتكلم
الله يسلك مانا عارف انت كنت قائد مسيرة الدعاء عليا
اعنف تحياتي

ibn nasser- ابن ناصر يقول...

david santos
thank you my friend
my best regards

عاشقة الوطن يقول...

ابن ناصر

اولا الموضوع لاتعليق المصري معروف بالبؤس والشقاء مش محتاج تعليق

ثانيا الف الف الف سلامة على رجليك
ايه يابنى اللى حصلك وايه كسر رجليك
انت غاوى تعب كده
طيب اعمل حسابك هنلم بعضينا ونجبلك 2 كيلو قشر موز وعليهم كمان 2 كيلو قشر برتقال يالا غرامة بقي

بس انت تخف والف سلامة على رجليك
يامواطن يامصري ياابن ناصر

ibn nasser- ابن ناصر يقول...

عاشقة الوطن
شكرا ليكي قوي والله وكويس ان في حد بيسأل عليا اساسا
تحياتي

Ahmed Elmasry يقول...

أول حاجه الف سلامة على رجليك و ثانيا الثوره الي جايه ثوره جوع ثوره ناس جعانه وده الأمل الجعان هياكل الي مجوعه و علمتها ظهرت أضراب العمال الغلابه و أعتصامتهم


وارجع واقول لسه الطيور بتفن و النحلايات بتطنّ والطفل ضحكه يرنّ مع ان مش كل البشر فرحانين

Ahmed Elmasry يقول...

يا شغالين و محرومين

يا مسلسلين

رجلين و راس

خلاص خلاص

مالكوش خلاص

غير البنادق و الرصاص

ROMIL يقول...

أولا ألف سلامه عليك

ثانيا فعلا الشعب المصري طول عمره خاضع والتاريخ يشهد
حتى لو قام بثورات
بترجع الاوضاع لما هو أسوأ والدليل
ثورة عرابي
وثورة 19

وثورة 52
ومن هنا أحب احيي
ال19 نفر اللى عملوا ثورة 19
وال52 نفر اللى عملوا ثورة يوليو
صحيح الرجاله ماتت في الحرب
تحياتي

ROMIL

أمــانــى يقول...

الـف ســــلامة عليك
اللهى اللى يكرهك
ويارب اللى احنا بنكرهم وطبعا الناس عارفين مين
امال هيبقى مصرى ازاى لازم يكون يأس ومحبط وكل الحاجات الوحشة
لك الله يا وطنى الجريح ولكل المصرين

bentfalestine يقول...

الف سلامة عليك , سلامتك خيي
لا خيي البؤس و اليأس دي صفات عربية موجوده لدى الجميع و بنوزع ع العالم
تحياتي سلامتك, انشالله عدوينك

elgharep يقول...

أحييك ياناصرى على جرأتك
ولكن أتمنى الموضوعية أكثر فأكثر حتى
لا نصبح مثلهم من أصحاب الأصوات العالية
وقلة الفاعلية
الغريب

kaed يقول...

أخى العزيز بن ناصر الأول ألف مليون سلامة
مش كنت تقولى يا راجل علشان أخدم
اخوك بيحضر أرواح قصدى دكتوراة فى الأشعة و كان ممكن أعمل معاك الواجب و زيادة ومش عايز أقولك أخدمك مرة تانية أحسن تزعل ولاحاجة
المهم متنساش يا راجل إنتفاضة الحرامية فى عهد أبو السيس مش كدة ولا إية
دمت بخير

محمود سعيد يقول...

سلامة رجلك ألف سلامة
إن شاء الله رقبة اللى فى بالى

على فكرة التعليق بتاع ديفيد ده سبام مالى بيه المدونات
سبام فعلاً

شهيدة يقول...

أولا الحمدلله على سلامتك يا ابن ناصر
مش قلتلك بطل محاولات الانتاحار الفاشلة بتاهتك؟ هههه

بالشفاء قريبا

المهم موضوعك مهم جدا ومؤلم كمان
والحقيقة دي معاناة الشعوب العربية كلها مش الشعب المصري بس
يعني كلنا واللهم لااعتراض اتحملنا الانتداب والاحتلال والتدخل والخ الخ

الحمدلله على كل شيء

kitty يقول...

السلام عليكم

دى بقت ماركه عالميه

كل شم نسيم وزهور وربيع وتفاؤل وانت رجلك سليمه بأذن الله :)

ibn nasser- ابن ناصر يقول...

ahmed el masry
ياه جبت كام بيت لخصوا الحكايه كلها ,,وبالنسبه لثورة الجياع انا فكرت في الجكايه دي بس مصر عدت بظروف اسوأ من دي وعمر ما في اريخنا حاجه اسمها ثورة جياع اخي يا ريت ثوة جياع رعاع اي حاجه بس نخلص


تحياتي يا احمد

ibn nasser- ابن ناصر يقول...

روميل حبيبي
ههههه انشاء الله تبقي ثورة السبعين ههه بس انت نسيت حاجههم قاموا بيه
وكانوا 19 فش يوم 19 سنه 19 شهر 19
تحياتي

ibn nasser- ابن ناصر يقول...

أماني
هههههه لا لا دول مابيحصلهمش حاجه دول الاسياد ....
تحياتي

ibn nasser- ابن ناصر يقول...

بنت فلسطين
مهو ده العادي بؤس وشقاء ,بس والله انا مبسوط ان اللي عليقائمة حماس في مبادل الاسري مروان البرغوثي من فتح ,,
وتحياتي

ibn nasser- ابن ناصر يقول...

الغريب
اهلا بيك اولا ثانيامش فاهم ماذا تقصد اول حاجه الموضوع ده مافوش اي جرائه يا دوبك سرد تاريخي وعندي موضوع قبل كده تحرض لي ثور يا دوبك 5 سنين ,, ومش فاهم موضوعيه وفاعليه اولع في نفسي مثلا !!
تحياتي وارجو التواصل وتفهمني

ibn nasser- ابن ناصر يقول...

محمود سعيد
ماحناقولنا اقبل كده مابيحصلهمش حاجه هههه بس ربنا قادر ..اه وبالنسبه لموضوع دايفد اه يمكن لاني بلاقي كاتب نفس الكلام لكن الفكره ان حصل بني وبينو تواصل قل كده وترجمت له حاجات ,, والله يا محمود انت شخصيه ظريفه وانا حاببها هههههه مع ان اول مره جيت كنت بهاجم الاخوان وكانت اول مره تحياتي

ibn nasser- ابن ناصر يقول...

شهيده
انتي فين يا بنتي مختفيه بقالك فتره ,,اوعي تكوني سوقتي العربيه برضه
تحياتي

ibn nasser- ابن ناصر يقول...

كيتي

شكرا لكي جزيلا وشكلك بتوع التفاؤل هه انا بالعكس مش متشائم بس واقعي
تحيياتي

يساري مصري يقول...

الف سلامه عليك يا ولا
عشان تبطل تتشاقى
هههههههههههه

قنديل في قلبي يقول...

سلامتك يا بن ناصر
سلامة رجلك والمفاصل
ياللي في قلوبنا حبك واصل
وكلامك قوي ومعاصر
عن اللي كان واللي حاصل
ربنا يهديلك كل عاصي
ويجعل بينك وبين البعدا فاصل
من بحر اسكندر لبحر ناصر

ahmEd_H يقول...

ايه يا عم انت انت لاقيت رجلك اتكسرت قلت لما انكد على الناس

طيب الف سلامة يا يدى و يا رب ترجعلنا بالسلامة و دى اخرت النط من الاوتوبيسات

بالمناسبة ثورة يوليو كانت أنقلاب عسكرى و ليست ثورة من الاساس

sokoothansawat يقول...

ابن ناصر الف سلامة عليك....انشاالله الأعادي يا رب...شوف الزمن الشباب ينكسر...وامك قاعدة...(امك سوزي طبعا) يلا هيروحو من ربنا فين...موضوعك هايل...احييك

غير معرف يقول...

بص فى التعليقات اللى فوق شكلك نسيت حاجة مش كدة ولا إية

العــــراق يقول...

السلام عليكم اخي الكريم
سلامات اتمنى من الله ان يشفيك والله يااخي انا تفاجأت لما رايت التعليقات واتمنى ان يعجل الله في شفائك
اما بالنسبة للبوست انت عارف ليه هم يعرفوا جيدا ان هذا الشعب هو رصيد هذه للامة ولما يكون الرصيد مجمد يعني اي ولو حصل العكس ستكون النتيجة اي كارثة على رؤوسهم ورؤوس العملاء وهذا لايتحقق الا فيكم انتم ومنكم ومن غير ذلك صعب

ibn nasser- ابن ناصر يقول...

يساري مصري
ههه مبسوط انت قوي هه ,ماشي
تحياتي يا صديقي

ibn nasser- ابن ناصر يقول...

قنديل في قلبي
الالا ده انا لو كنت اعرف ان حد هيهديلي شعر كنت اتكسرت كل يوم, طب والله انا فرحان دلوقتي ,
تحياتي يا شاعر المدونات

ibn nasser- ابن ناصر يقول...

احمد
اول حاجه اه عكننه بعكننه تني حاجه يعني اه ممكن نقول انقلاب حافل بتقدير شعبي ,,
تحياتي

ibn nasser- ابن ناصر يقول...

وفي حاجه اقولهالك مافيش حد بينقلب علي الاستعمار ممكن تنقلب علي نظام الحكم ماشي لاكن انقلاب علب استعمار انت كده بتديلوا الشرعيه
تحياتي

ibn nasser- ابن ناصر يقول...

سكوت هنصوت
ههه هيا جت علي سوزي ده جيمي هيتجوز وانا فقاعد في البيت ,, وللعلم دي مش احقاد ولا حاجه ده واقع
تحياتي

ibn nasser- ابن ناصر يقول...

مش معقول
بس انا رديت علي قائد ...ازاي

ibn nasser- ابن ناصر يقول...

قائد
قائد الاحرار انشاء الله ازيك يا باشا عامل اايه ؟ بالنسبه لانتفاضة الحراميه ههه ده عمك بيبو (حبيب العادل) قالكعلي نقابة الصحفييين نقابة الحراميه ,,يبقي احنا بقي انتفاضة الخونه ولا ايه !؟
اغلي تحياتي

ibn nasser- ابن ناصر يقول...

العراق
شكرا لك يأخي وفعلا انا معك في كل ما قلته فعا ,وانشاء الله الموضوع الجاي علي العراق بس موضوع ايه دماار هفجر فيه البلوج
تحياتي يا اخي الكريم

خالد وليس بخالد يقول...

سلامة رجليك
امال شاطر بس عاملي فيها ملثم ومجاهد في سبيل الله
وانا اقول الجدع ده انا لو قابلته في الشارع اكيد هلف واجري من الشارع التاني
في الاخر رجلك تكسر؟؟؟
ياخبر ع الرجالة

على فكرة السيارة موديل حمارسيدس

جميلة
هي بتاعتك؟؟؟

ibn nasser- ابن ناصر يقول...

خالد وليس بخالد
ههههههههههه مانا نسيت اقولك اتكسرت من ايه ..صارووخ توما هوك
تحياتي

barbie girl يقول...

الف سلامة على حضرتك..
انا اتكلمت فى الموضوع دا مع اصحابى قبل كدا وكنت دايما باتضايق لما يقولولى نفس تعليق حضرتك وان المصريين شعب سلبى ومش بينطق وواخد على انه ياخد على دكاغه ولايقة عليه السياسة دى..وقالولى كمان ان الديموقراطية لا تتماشى مع الجهل..دا باعتبار ان شعبنا جاهل وعمره ما مافع عن حقه (بغض النظر عن حرب اكتوبر يعنى)..
وان عمره ما بيعرف يقول لاءة..والدليل كان منظر الناس اللى جابوهم على الفضائيات ايام التعديلات..واللى منهم من قالوا طبعا موافقبن على التعديلات هو يعنى احنا هنفهم اكتر من الريس!!!!!!!!

بس انا بردوا مبحبش كتر الاهانة فى الشعب المصرى ..دى مهما كان بلدى..

elgharep يقول...

الفاعلية مش قصدى بيها أنك تولع فى نفسك
ولك أنك تمسك موضوع تناقشه مناقشة تحليلية تخلوا من الأنطباعات الشخصية والفاعلية أنك فى الأخر تتكلم عن حل فى رأيك للى حاصل
الغريب

ibn nasser- ابن ناصر يقول...

الغريب
يا أخي انا مش بولع في نفسي ولا حاجه لكن ان بقول تاريخ بحكي حقيقه ,, حقيقة شعب مقهور ..حل ايه اللي احطوا لتاريخ قد مضي
تحياتي

واحد من الناس::طارق:: يقول...

الف سلامة يا باشا على رجليك

ibn nasser- ابن ناصر يقول...

شكرا
يا طارق قوي
تحياتي