أخبـار ابـن نـاصر

لا للتعديلات الدستورية

الاثنين، ٧ مايو ٢٠٠٧

مجرد حلم


بعد عناء يوم مرهق وبعد الشعبطه في الاوتوبيسات ,اخيرا الواحد رجع البيت .. قعدت علي الكنبه ارتاح وفتحت التلفزيون علي قناه اخباريه ولقيت مكتوب اكبر الايام تصعيدا في الاراضي الفلسطينيه ..وفي شريط الاخبار مكتوب .. تدمير دبابه ياسين 7 تابعه للجيش الفلسطيني من قبل متمردين يهود والرئيس الامريكي يدعو حماس لضبط النفس ..-تجمد ارصدة اسرائيل في البنوك والحصار علي الشعب الاسرائيلي..-هنيه يوضح للمجتمع الدولي خطورة اطلا صواريخ هيكل 1 و2 علي السياحه في فلسطين ..-12 ما بين قتلي وجرحي يهود في غاره فلسطينيه علي موقع للمستوطنين اليهود ..-هيومان رايتس واتش تحذر من عمليات الاباده اجماعيه لليهود ..واليونسكو تستغيث من تدمير الاثار العبريه من قبل الجرافات الفلسطينيه..-جائزة نوبل في الادب للكاتب البريطاني ه.سمبسون عن كتابه الهولوكوست بين خيال اليهود وتصديق الغرب..-إغتيال وزير الأسري الاسرائيلي باربع صورايخ من طائره أباتشي تابعه للجيش الفلسطيني..-نشطاء اسرائليون تفجر فضيحه في مجلس الأمن عن تعذيب اسري اسرائلين مصريه بعد خطفهم من علي الحدود ويرجح عدد الاسري في السجون الفلسطيني ب20 الف اسير..-توغل للجيش الفلسطيني في بقايا تل ابيب واعتقال 8 يهود بدعوي انهم مطلوبون -أبو مازن يهاجم حسن نصر الله بعد سيطرته لمزارع شبعا ودخول شمال فلسطين بدون إذن..- شريط جديد لما يسمي بأمير دولة العراق الموحد بعد تحالف العناصر الشيعيه والسنيه وهدد ما اسماهم بالصليبين والخونه وخروجهم خارج البلاد .. -وفجأه طلع علي الشاشه عاجل: مقتدي الصدر يعدم اثنين من الشيعه لتعذيبهم لرجل سني وقتل أخر وطيييييييي التلفزييون ايه اتطرشت في وداانك اه انتبهت ووطيت التلفزين وركزت في شريط الاخبار ..استشهاد فلسطينيان برصاص الاحتلال الاسرائيلي..انتحاري يفجر نفسه في مسجد شيعي ..الخ ,,,
...
انا عارف سامع الشتايم دلوقتي ايه العبيط ده !! بس لنحل فهو الشيء الوحيد الذي لم يؤخذ منا بعد ..الحلم
الصوره دي عشان افكركم وارجعكم للحقيقه
...

ابن ناصر
ibn-nasser@hotmail.com

هناك ٢٢ تعليقًا:

yasmina يقول...

انا اول ما بديت اقرا قلت اكيد يا تجننت يا بتحلم
الله ستر طلعت بتحلم
اهون من الجنون يعني

يا ريت مرة تصحى من الحلم تلاقيه حقيقة
اضم حلمي لحلمك

تحياتي لقلمك ولاحلامك

قنديل يقول...

كلامك وجعني يا صاحبي وخرج الكلمات من صدري

والله لو صرخاتنا طالت السماء
ومهما أجهش عيوننا البكاء
لن نسير في أوطاننا بكبرياء
حتي نخلص من فساد الأمراء
فهبوا من غفلة طالت أيها الأشقياء
أنفضوا عنكم الظلم أيها التعساء
كيف ترضون عن حياة الأذلاء
فالله لا يرضي عن عباد جبناء

micheal يقول...

ههههه...و الله أكيد لازم فعلا ده يكون حلم بس للاسف وجعني أوي
تحياتي لك يا مبدع

ibn nasser - ابن ناصر يقول...

yasmina
هههه اه حلم بس كان جامد قوي ..بس حلم يقظه يعني لحس نا الاحلام عندي بالليل كوابيس ..بس اكتر حاجه بتضحكني وتبكيني إزاي مش عارف!! هي يقولك القبض علي 8 بدعو انهم مطلوبون هههههه ايه مطلوووبون ديه ..بس تخيلي فعلا لو ديه الحقيقه واسرائيل هي اللي بتضرب الصواريخ البلاستيك دي ..
تحياتي

ibn nasser - ابن ناصر يقول...

قنديل
شاعر المدونات
يااااه لو انا كلامي وجعك يبقي اللي انت بتقولوا ده ايه
يا كل ما استطع ان اقوله لك
كلماتك وصلت قلبي
تحياتي

غير معرف يقول...

هههههههههه ايوه اللي انتي بتقوله صح هي دي الحقيقه احنا ياصاحبي بقينا مفترين اوي حتي اسال اليهود تحياتي ليك

Esmeralda يقول...

تعرف ايه عن سانتوس؟؟؟
http://azmiralda82.blogspot.com/2007/05/david-santos-am-sorry.html

مصر هى أمى يقول...

تفتكر بعد الانقسام اللى حاصل للعرب وان محدش عارف فى فلسطين مين بيضرب مين ولا حتى فى العراق السنة ضد الشيعة ووبقايا البعث ضد الاكراد والشيعة مع الامريكان ولشيعة ضد الاكراد والامريكان مع الاكراد

انا افتكر ان احنا عايشين دلوقتى فى

مستشفى المجانين وجميع نزلائها من العرب

واحد مصرى يقول...

بما أن الحلم الجميل لا يتفق و موضوع الشعبطة في الاوتوبيسات سرح خيالي في التالي:

بعد يوم عمل لطيف قضيته وسط مناخ اسري دافئ يجمع بين بين كل الموظفين و المدراء تسلمت راتبي للمرة الرابعة على التوالي خلال الشهر تقديرا لجهودي المستمرة للمواظبة على الحضور اليومي بالشركة و حوالي الساعة الثانية عشرة ظهرا قدت سيارتي المرسيدس موديل السنة عائدا لفيلتي الكائنة بضاحية مش عارف ايه لاخذ قسط من الراحة قبل مداومة العمل مرة اخرى لفترة مسائية بشركتي الخاصة التي تدر بعض الملايين ... قليلة هي.... لكنها تكفي مصروفات المنزل و..............

يا ترى ده حلم والا فيه ناس كدة؟

أسوور يقول...

أنا قلت انت هتصحى من النوم فى نهاية البوست لأن دة مش ممكن يكون غير شريط اخبار أحد أحلامك

تحياتى على البوست
واشكرك على التهنئة بعيد ميلاد الصغيرة جنى

الزعيـمة يقول...

طبعا لازم يكون حلم
وطول ما حكامنا الطرابيش فى مكانهم وكاتمين على انفاسنا حيفضل حلم

نفسي احلم مرة ان جمال وعلاء
!!! اصبحوا ايتام

يا سلااااااااااام



صحي النوم يا ابن ناصرنا وزعيمنا

تحياتي لك

ibn nasser - ابن ناصر يقول...

te le maria
مش فاهم اي حاجه يا استاذه ماريا
شكرا

ibn nasser - ابن ناصر يقول...

فارس
هههههه اه ده لو شافوا احنا مفترين ازاي ..ما هو لسه حالا اولمرت مرعوب من الصورايخ البلاستيك اللي بتعمل حفره في الارض....

واحنا مايهمناش
وجيش مصر مستعد
هههههههههههههه
تحياتي

ibn nasser - ابن ناصر يقول...

واحد مصري
اولا انا فاهم قصدك ان الموقف اللي كنت فيه من شعبطه وكده مايتفقش مع الحلم لأ ليه ممكن نعتبروا هروب من الحقيقه...وبالنسب لحلمك ..:كلامك صح يا تري هو حل ولا في ناس كده ..هو حلم واحد مصري..وفي نااس كده
..بس للأسف عمري ماحلمت بالمرسيدس والمرتب ,,مش ده حلمي أنا
ايه فقري؟؟ أنا !! ماشي شكرا اوي

تحياتي

ibn nasser - ابن ناصر يقول...

ازميريلدا
مش قولتلك قبل كده !! علي العموم هشوف الوصله بتاعتك
تحياتي

ibn nasser - ابن ناصر يقول...

مصر هي أمي
هههههه طب كويس يعني لاقينا سكن في مستشفي المجانين!!! ده دلوقتي الحكومه بتسرحهم عشان مصاريفهم كترت!!!
تحياتي

ibn nasser - ابن ناصر يقول...

ياسيمن
مم اه صحيت ..كان لازم اصحي
وبوسي لي جني من اطعم البنوتات .. بوسه علي الخد اليمين والشمال ..الله اكبر وماشاء الله من عيني
تحياتي

david santos يقول...

Thanks, Ibn Nasser!

My life is to make to exceed the barrier of the languages against the lie and the evil

david santos يقول...

Thanks, Yasmina.

My life is to make to exceed the barrier of the languages against the lie and the evil

ibn nasser - ابن ناصر يقول...

الزعيمه
هههه أيتام طب وايه المشكله ,,رئيس جمهوريه يتيم ههه

وبقولك يا زعيمه ابقي كلمي ولادك عن جمال عبد الناصر لحسن هيبقوا ايام هيثم جمال مبارك ..وهيبقي امتداد طبيعي للثوره
هههههههههه
تحياتي

ibn nasser - ابن ناصر يقول...

david santos
my friend >>we all aginst evil >> and i hope you see the pics of the isriele and american terrorists >>
thank you

Esmeralda يقول...

قلت ليه و امتى ؟؟؟؟؟؟