أخبـار ابـن نـاصر

لا للتعديلات الدستورية

السبت، 30 يونيو 2007

حد فاهم حاجه !!؟


في اعلان بيجي في التلفزيون مليون مره ..بيطلع فيه شريف منير ويقولك ايه علاقة السميط ..بالكورنيش والفرسكه.. بالبحر والفسيخ.. في شم النسيم والمناجايه اللي ماتتكلش ..غير في البيت واكلة حماتك اللي علي أي مراتك.. تاكل صوابعك وراها واما تكون نفسك تاكل.. وتجوع نفسك عشان عندك فرح بالليل..


انا هنا احب اسأل بس

ايه العلاقه بين
الفساد والحكومه ..والحكومه والنظام.. والنظام وفتح ...وفتح وحماس ...وحماس والاخوان.. والاخوان والقرأن ..والقرأن والسنه ...والسنه والشيعه ...والشيعه والامريكان ..والامريكان واسرائيل ..واسرائيل والارهاب ..والارهاب والداخليه ..والداخليه والتعذيب ..والتعذيب والمواطن ...والمواطن والفقر ..والفقروالفساد ...والفساد والحكومه ...والحكومه والنظام ...

حد فاهم حاجه !!؟

....

معلهش لسه راجع من اسكندريه وشوفت حاجات غريبه جدا ومغامرات عجيبه

في حاجات لازم ابقي احكيها لكم

بالذات حكاية العجله

لا طب انا هحكيها بقي بدال مالتهييس شغال ومحدش فاهم حاجه

كنت ماشي في الشارع في الاسكندرية المعمورة خاصة

لاقيت حاجه غريبة

بنت -مش صغيرة- راكبة عجلة وواقفة بيها

وحاطه مصاصة ! وبتعمل حركات روبي

ومامتها -اقطع دراعي مامته-

ست كبيرة وحججبة كده

وبتصورها بالموبيل ومبسوطة !!

..

في ايه يا حماده خلي البنت تدلع ههههه !! انا متخيل هتقول كده!

....

مدونتي الجديده المشتركه مع ياسمين

شعبين وألم واحد ارجو منكم زيارتها

تحياتي

ابن ناصر
وانتظرو الموضوع القادم مفأجأه وصور نادرة ووثائق سريه ..

هناك 21 تعليقًا:

Bella يقول...

الاعلان بتاع شريف منير على مااتذكر بيعلن فيه عن رايب جهينة

حسب معلوماتي الاعلانية الاولية بعد مااتفقعت مرارتي اول ماباشوف الاعلان ده في اي قناة باغير جري قبل مايكمل رصة الحاجات بتاعته دي

اما بقى العلاقة بين الاعلان والحاجات الكتيرة اللى قلتها علاقة واضحة وضوح الشمس

علاقة رايب جهينة برضه
يعني حسب الاعلان الناس تاكل وتعك وتشرب رايب جهينة حياتها تبقى فل الفل ولا احسن من كده

برضه الحكومة تعك معانا ومن غير ماتشربنا حتى رايب جهينة بتعتبر حياتنا فل الفل ولا أحسن من كده

فتح تعك مع حماس وتتقلب الدنيا في غزة وبرضه ديتها يشربوا كوبايتين رايب في مؤتمر شرم الشيخ
يووووووه نسيت
اربع كوبايات رايب جهينة برضه والحياة تبقى حلوة في غزة ولا احسن من كده

وقيس عليها بقى كل الحاجات اللى بعد كده

هي العملية ديتها كوباية رايب جهينة وبالشفا

ح تلاقي خريطة الشرق الاوسط الجديد اتقسمت لوحدها والحياة ولا احلى من كده

تاخد كوباية رايب؟؟

هههههههههههه

ibn nasser - ابن ناصر يقول...

هههههههههه
انا هشرب رايب
عشان انسي!!؟
هه
تحياتي

أمــانــى يقول...

اعلان ايه ده
وطب اللى مش بيشوف التليفزيون يعنى يشوفه مخصوص ولا ايه
مممممممممممممم

ذو النون المصري يقول...

الرئيس مبارك

ذو النون المصري يقول...

دا اللي انا فهمته من الاعلان بتاع شريف منير
ههههههههههههههههههههههههههه

micheal يقول...

سمك لبن تمر هندي
هي د يالعلاقه
تحياتي لك

ibn nasser - ابن ناصر يقول...

ذو نون
عييب
هههههههه
نحياتي

ibn nasser - ابن ناصر يقول...

مايكل
فعلا سمك لبن تم هندي
تحياتي

yasmina يقول...

انا مثلك بالضبط مش فاهمة اي حاجة
بين كل حاجة وحاجة في مليون سؤال

ويا ريت فيوم من الايام لو تتضح الصورة اكثر لكلنا

على فكرة انا مش عارفة ما فائدة الاعلانات غير مسح العقول والافكار من الناس

ibn nasser - ابن ناصر يقول...

يسمينا
المجانين ي نعيم صح؟؟

تحياتي

Monzer يقول...

انت كنت قاعد فى اسكندرية
واحنا كنا مطحونين فى الحر
فجاي فايق علينا أوى

وعاول تعقدنا
ماشى يا عمونا

أنا شايف إن العلاقة اوجدها عدو واحد ن وهو عدو لكل ما هو عربى ومسلم، فجعل منا فتات سنة وشيعة وفتح وحماس والاخوزان والنظام والشرطة والمواطن والمواطن والحاكم جعلت من كل فريق من هؤلاء خصم للآخر
ودمت يا ابن ناصر

أحمد المصري يقول...

حد فاهم حاجة؟
ماهي المشكلة السودا إن احنا مش عايزين نفهم0
احنا عايزين ننساااااااااااااااا
وربنا يستر0
ويحيا اللبن الرايب0

ibn nasser - ابن ناصر يقول...

منذر
هههكن فاي مبقتش خلاص
تحياتي

ibn nasser - ابن ناصر يقول...

أحمدالمصري
احنا مش فاهمين ومش عايزين نفهم والي مش فاهمينو عايين ننساه
تحياتي

مريم يقول...

هحاول افتكر كده واحلها بطريقتى
الفساد ابن شرعى للحكومة
الحكومة ابنة غير شرعية للنظام
النظام يوالس مع فتح
فتح غير موافقة على الديمقراطية التى اتت بحماس
حماس هم اخوان فلسطين
القرآن دستور الاخوان ومتسألنيش ازاى
السنة والشيعة غصون بتتخانق على شجرة واحدة
الشيعة رهان الامريكان على تصعيد الفرقة وطبعا دى فرقة سهلة..سهلة اوى
اسرائيل مسمار امريكا لتثبيت المنطقة
اسرائيل هى الارهاب
الارهاب صنيعة الداخلية
التعذيب ماء الحياة للداخلية
المواطن لو حاول يبقى مواطن هيتعذب..تسألنى طب احنا ايه دلوقت اقولك..علوج يا باشا
الفقر صديق المواطن
الفساد صانع الفقر
الحكومة اس الفساد
وشكرا
والنبى بقى كوباية عصير قصب عشان ريقى نشف

عازف الناى يقول...

والفرخه ولا البيضه والبيضه ولا الفرخه

Bossy يقول...

السلام عليكم

الناس اللي كانت بتصيف
عارف اما تكون متضايق من حاجه والحاجه دي سبحان الله تتكر في حياتك بشكل غير طبيعي دا علشان اسكندريه


اعلان شريف منير احلي حاجه بتعجبني فيه _قال ايه انت بتسال عن راي فيه
عزومه المراكبيه

مين قالك بقي اني عايزه افهم دا نعمه من ربنا انك تكون مش عايز تفهم
عايزين نعرف حكايه العجله اصل انا بكره العجل مووووت

ibn nasser - ابن ناصر يقول...

مريم
ههههه مانتي اهو شغاله معانا .. وبالاش حكاية عصير القصب دي خديلك كوباية لبن رايب

تحياتي

ibn nasser - ابن ناصر يقول...

عازف الناي
الارهاب الاول ولا الداخليه! الداخليه ولا الارهاب !!!!!!!
تحياتي

ibn nasser - ابن ناصر يقول...

بوسي
هههه لا بلاش حكاية العجلة دي انا غلطان اني جبت سيرتها ! هههه
تحياتي

s يقول...

thanks