أخبـار ابـن نـاصر

لا للتعديلات الدستورية

الخميس، 7 يونيو 2007

يوم الاغاني الوطنيه


نفسي اعرف اليومين دول الاغاني الوطنيه شغاله علي ودنه لي افتح الاولي وطني التانيه التالته حتي النايل تي في اكيد ناويين علي مصيبه وعشان خاطر كده النهارده هنتكلم علي الاغاني !!

اخترناااااه وبايعناااه ........ علشان كده احنا اخترناه
... مش عارف برضه علشان ايه بس عرفت مش احنا اللي اخترناه , ده هو اللي اخترنا

الصوره دي احنا ليه اخترناه اصلي عرفت بعد كده



...


بس عشا اكون محايد هو عمل انجازات قويه برضه يا جماااعه ده كل حاجه عمله ليها مضمون واصل وخد عندك ايه 25 سنه كباري ..


رئيس الكباري

عندك كوبري 6 اكتوبر ..يعني الحرب يعني الضربه الجويه

عندك كوبري 15 مايو .. يعني الثورة يعني ثورة التلبيخ والتلطيخ

عندك كشك مبارك مدينة مبارك الجامعيه مكتبة مبارك مشروع مبارك مباركيات كتيره لدرجه ان جامع نادي اتحاد الشرطه منحوت عليه مبارك مصر.. طبعا وللأمه الاسلاميه


اغاني شبابيه ميه في الميه


كنت بسمع اغنيه لتامر حسني بيغنيها لحبيبته وهو يفارقها لكن بعد ماسمعت اول كلماتها افتكرت ان اللي بيغنيها مش تامر حسني لأ ده بابا حسني لحبيبته مصر وهو بيفارقها ((انا عارف ان كده ده خيال علمي)) لكن .. الاغنيه بتقول " إعتذري للي هايجي بعدي خليه يسامحني اصل انا اخذت كل حاجه في عهدي وشوفي عهدي كان كام سنه !!!"


فعلا ياه كااام سنه واه موت واخذت كل حاجه فعلا !!


...


وعندك اغنية شرين الجديده بتغني فيها وبتوجه كلامها المفروض لينا لأ قوليها لرئيسك يا ماما ..وبتقول في الاغنيه (بلدنا امانه في ايدينا نعليها مدام عايشين نعيش فيها سنين وسنين (مين اللي البلد في ايده انا!! ومين العايش علي الكرسي سنين وسنين والمفروض يزودوا نعيش سنين وسنين من غير معارضين)..ماشربتش من نيلها (لأ من حنفيتها!اكيد يعني هشرب منين! ومين اللي ماشربش من نيلها وبيشرب ميه معدنيه !!)..طب جربت تغنيلها (اه اربعه وعشرين ساعه ,مين اللي سياسته بتغني لبلاد تانيه) ..جربت في عز ماتحزن تمشي في شوارعها وتشكيلها (اه جربت في حراسه مشدده وقناصات وهيلكوبترات واجرائات امنيه ..اه ده انا)..مامشتش في ضواحيها (رجلي ورمت ..اه من الهيلكوبتر قصدي)..طيب ماكبرتش فيها (اتولدت وعشت وهموت فيها وهو موجود!)..طب ولا ليك صوره علي الرمله كانت علي الشط في موانيها (اه عندي صوره مع بوش وكوندي في شارم والضفادع البشريه تطوق المكان...تمام يا فندم )...ومش عارف ايه ذكري القلب شايلها (اه عندي حتة ذكري اما شارون مات وقلت عليه فقدنا رجل السلام ده انا واخدين بالكو!!) وكلام من نظام وحشاك وحنيلها وااااه اااه ترلملم اااه

وغاليه علينا وفي عنينا واحنا اللي هنعليها وهي الصحبه والاهل (اعلي ايه قاعدين يخصخصوا ويبيعوا في الارض قالك استثمار وتقولي اعاليها ..اعلي مين بس!! وعلي فكره شرين قصدها بالصحبه ظباط الجيش وبالأهل طبعا حبايبنا الشرطه !)

...

تحياتي

ابن ناصر


Ibn-nasser@hotmail.com


....

هناك 44 تعليقًا:

yasmina يقول...

تحليل رائع لكلمات الاغاني يا ابن ناصر
الحقيقة فعلا لو بس ظلينا نقول كلام ما راح يصير شي
بدنا افعال ومش زي افعال اللي قاعد بقاله سنين وسنين

الاغاني اليوم صارت افيون العرب بيغنوا وبيرقصوا علشان ينسوا الهموم والبلاوي

على فكرة بس شارون لسه بيتعذب ما مات ربنا بيدفعوا التمن

سلامي ومرحبا بعودتك
مقالاتك كانت مفتقدة

ibn nasser - ابن ناصر يقول...

يسمينا
انا اللي رحا ان جيت اقرء مقالاتك واسمع رودودك
واديكي شايفه الاغاني !!
تحياتي

esraa يقول...

بقي شرين كانت تقصد كده في الأغنيه؟
طب كويس انك فتحت عنيناوعرفتنا
بعد كده كل أغنيه نسمعها لازم ناخد بالنا اللي بيغنيها بيكلم مين وقاصد يقوله ايه؟

hapasa يقول...

حمد الله على السلامة
خلصت الامتحانات ولا زوغت وعملت البوست ده فى الخباسة

وانت بكده دبست المغنيني والمغنيات والراقصين والراقصات فى تهم تودى فى داهية
دول والله مش قدك
دول مش بيجوا بالحبسة
فاهمنى طبعا
بالنجاح ان شاء الله
عاوزين نشاط وصور وحاجات لوووووووز

غير معرف يقول...

اغانى الفقر

انت عارف المرتزقة والهليبة واللى بيعملوا حاجة علشان يقبضوا وهم بيرددوا اى كلام هايف والسلام -المهم يدخلوا على الشباك ويقابلوا الصراف ويقبضوا الفلوسات ويعملوا من الوكسة نصر والهزيمة انتصار
انا اسمع عن اكتوبر
قريت كل انكتب لقيت اننا انتصرنا فى اول الحرب اليومين تلاتة الاولين وبعدين اليهود فاقوا وانتهت الحرب بالاتى
اليهود على الكيلوا 101 طريق القاهرة السويس
2- الجيش الثالث محاصر وبيستعطفوا الامم المتحدة علشان يدخلوا لة اكل وشرب
3- صاحب الضربة الجوية والطيارات فى خبر كان والسويس محاصرة والسادات بيتخانق مع رئيس الاركان والثغرة وحصار السويس وطلب وقف القتال والقنابل التلفزيونية وتدمير الوية مدرعة
وكلهم يا صاحبى خيانات وخيانات
وبعدين بيغنوا
بيغنوا للنكسة والوكسة وبيع البلد وتركيعها وجعلها عزبة للحرامية والخونة وكل الموبقات
والناس جوعانة وعاطلة عن العمل والبية فى الشرم قاعد يصيف على طول

واحد من المخروبة

مصر هى أمى يقول...

ابن ناصر
حمداالله على السلامة من الامتحانات

معلش انت معذور كنت بتمتحن ومخدتش بالك ان احنا فى فترة انتاخبات مجلس الشورى وطبعا الاغانى ديه لتذكير الناس بانجازات الحزب الوطنى علشان نجرى بسرعة ننتخب مرشحى الوطنى
عرفت ليه بتتذاع الاغانى الوطنية
اجرى بسرعة انتخب مرشحى الوطنى لحسن تكون عميل وتنتخب حد من الاخوان او مستقل

ضد الظلم يقول...

تحيه قوميه عربيه ناصريه

فعلا تحليل اكثر من رائع وايه رايك فى لو سالتك انت مصرى تقولى ايه ( هتقول ايه يا ابن ناصر )

تحياتى

shayma يقول...

والله الى انا استغربتله برضه انهم بيزيعوا اغانى وطنيه عشان يوم النكسه خمسه يونيو وبرامج بقى وكل ماحول الاقى واحد مزنوق فى البدله كدا وقاعد يحكى ايه سبب النكسه من وجهة نظره
ياسلاااااااااام
طب محدش عنده ليه سبب النكسه الى احنا فيها دلوقتى فى القدس وفى حاجات تانيه بقى
هااااااا
بس حلو التحليل بتاعك
سلام

ibn nasser - ابن ناصر يقول...

اسراء
شوفتي بقي شرين تقصد ايه !؟؟
تحياتي

ibn nasser - ابن ناصر يقول...

hapasa
هههه لأ خلصت وان شاء الله الجامد جاي
تحياتي

ibn nasser - ابن ناصر يقول...

واحد من المخروبه
ههههه اه لناس في الضياع وهو في شارم في عالم من خيال علي راي الاستاذ هيكل
تحياتي

ibn nasser - ابن ناصر يقول...

مصر هي امي
ههههه لأ انا مش عميل وبحب الحزب الواطي الديموقراطي
تحياتي

ibn nasser - ابن ناصر يقول...

ضد الظلم
تحيه ثوريه لك
واقول لك انا مصري لكن ليس مباركي ..انا مصر الحقيقيه ليست الوهميه الان
تحياتي

ibn nasser - ابن ناصر يقول...

شيماء
هههههههههههه
اه والله بالظبط ومفيش فيهم واحد قال علي النكسه المهببه دي
تحياتي

جبهة التهييس الشعبية يقول...

وربنا وربنا وربنا وربنا
النهاردة اول مرة اسمع اغنية تامر حسني وربنا وربنا اول واحد جه في بالي حسني مبارك
ههههههههههههههههههههههههه

رينـــــــــــا يقول...

السلام عليكم
تصدق وانا كمان استغربت اوى
لا دا مش اغانى بس
وكمان افلام وطنيه
هما اليويمن دول بقوا يحتفلوا بالنكسه!!!
يالهوى
هى بقت محض احتفال
خييييييييييييييييييييير
الظاهر ان احنا مش لاقين حاجة نعملها الا كدااااااااااااااااا
تحياتى

ذو النون المصري يقول...

الاغاني دي كلها هي مجرد طعام من لا يجد طعام ياكله
حكومه بلا انجازات طالب منها ايه ؟؟؟تسكت؟؟؟
مش ممكن
الانسان يتكلم و يدح كلام عن الشيء الغير موجود عنده
يعني واحد بيتكلم عن غزواته النسائيه زي الملك فاروق مثلا تجده شبه اعجز جنسيا و هكذا
و هكذا ايضا حكوماتنا
هي بلا انجازات و هم يعرفون اننا نعرف ذلك
لكنهم فقط يتحدثون عن ماعجزاو عنه
تحياتي

ibn nasser - ابن ناصر يقول...

جبهة التهيس الشعبيه
هههههههه
يعني انا عندي حق بقي !!
تحياتي

ibn nasser - ابن ناصر يقول...

رينا
هههه اه ماهو ده اللي ناقص ربنا يستر علي اللي احنا فيه
تحياتي

ibn nasser - ابن ناصر يقول...

ذو النون المصري
والله عندك حق في كل ما قلته

تحياتي

amy lee يقول...

رااااائع اوي البلوجر ده
والموضع كمان جميل
حلو حكايه الاغاني الوطنه دي
اول مره اخد بالي
الامتحانات وخداني وكده
بس مش احسن م الغم والتفاهه الي بيعرضوها

خلينا ف الوطني احسن

sokoothansawat يقول...

حمد لله على السلامة....أخيرا خلصت امتحانات...افتقدتك يا ولد على الفضاء السيبري...تصدق انك غيرت رأيي عن تامر حسني...أول ما سمعت الأغنية المستفزة دي كنت هنتحر من الغيظ...لكن بعد ما قريت البوست بتاعك ده أدركت انه مناضل ثائر بس احنا الي مش عارفين...تسلم ايدك

مروة عوض يقول...

شكرا لزيارتك مدونتى ودي فرصه حلوة عشان اشوف مدونتك الرائعة
بصراحة اغنية تامر دي كانت مستفزة جدا بالنسبة لى لكن بعد ما قريت موضوعك هسمعها من وجهه نظر تانية وهضحك عليها ضحك كالبكاء
تحياتي لك

أمــانــى يقول...

أبــن ناصر
عودآ احمد
ما تهدأ يابنى وبالراحة على الناس ههههههههههههه
اخترناه وقلوبنا معاه لمشاء الله
ههههههههههههههههههههههههههههههههههههههههههههههههههههههههههههههه
ســـــــلام

أمــانــى يقول...
أزال المؤلف هذا التعليق.
إنـســانـة يقول...

إعتذري للي هايجي بعدي خليه يسامحني اصل انا اخذت كل حاجه في عهدي وشوفي عهدي كان كام سنه
ههههههههههههههههههه
لا فعلا تنفع بالمعنى ده

على فكرة لو حد بيصحى بدرى وبيبقى فى البيت يفتح صباح الخير يا مصر الساعة 9 الا ربع كدة بيجيبوا اغنية شرين يوميا

بصراحة بحط ايدى على قلبى وبقول استر ياااااارب

اجرى على النيل للأسرة والطفل مثلا الاقى صوتك أمانة ولازم تصوت وتقول يالهوى للإنتخابات التشريعية

ساعتها بعرف السبب وإذا عرفت الأسباب الإنتخابية بطلت الأغانى الوطنية

:D

ودمتم

ibn nasser - ابن ناصر يقول...

amy lee
شكرا ليكي ..وفعلا خلينا في الوطني بس لو بحق وحقيقي
تحياتي

ibn nasser - ابن ناصر يقول...

سكوت هنصوت
هههههه ايوه تامر حسني مناضل ثائر طبعا !!
وبقوليك يا سكوت ليا كلام معاكي في حاجه مهمه بس غم ههههههه
تحياتي

ibn nasser - ابن ناصر يقول...

مروة عوض
ان شاء الله نتفاعل مع بعض وانت اللي مونتك رائعه وبالنسبه اشمعني تامر مالها شرين طيب !!
تحياتي

ibn nasser - ابن ناصر يقول...

أماني
هههههه لقد عدت مش هنيمو الليل
ههههههه يا ستي بالراحه علي مين هو ده ينفع معه حاجه !!!
تحياتي

ibn nasser - ابن ناصر يقول...

أنسانه
ههههههه اه فعلا اذا عرفت السبب بطل العجب بس ده كده بيحتفلوا بالنكسه !! وطبعا مع وجيهات اريس كله تمام !!
تحياتي

عمرو غريب يقول...

يا عم لازم الاغاني الوطنية تشتغل امال ازاي ها يحمسو الشعب

david santos يقول...

Nasser, as you go? All good with you? Have a good weekend.

reri يقول...

ههههههههههههه
لأ نظره جديده للأغاني الوطنيه
تعرف إني كنت ناويه أعمل البوست الجاي عن الأغاني الوطنيه وكنت هتكلم إن الأغنيه الأكثر إنتشارا في جيلنا هي إختارناه
بس إنت سبقت بقي
وكان السبب أغنية شيرين الجديده علي فكره

سلاماااااااااااااات

غير معرف يقول...

اغنية وطنية غناء المتهبب


سنين فى الحكم ملهاش عدد
وكل يوم شغال فى البيع والهدد

ومع اليهود ارنب واسد مع السود
ومطلع دين الاخوان وبانى المعتقلات
وليا فى الشرم والبرم والغردقة انجازات
وايامى كلها نوم وافراح وكلها اجازات


عايزين ملحن محترم

منة الله يقول...

ابن ناصر


ادعوك للمشاركة في استفتاء اكثر 10 مدونات تاثيرا في قرائها

عل مدونتك تكون واحدة منهم

اليك الرابط

http://www.6ef.blogspot.com/

مروة عوض يقول...

هههه مش استقصاد لشرين لكن تامر ليه بعض اغاني بتستفزني زي "اعتذري للي هيجي بعدي"فعشان كده حلو اني اسمعها بوجه نظر تانية
لكن حلو تعليقاتك على كل الأغنيات

ibn nasser - ابن ناصر يقول...

عمرو غريب
هههه حماس حماس مين ده الناس علي اخرها
تحياتي

ibn nasser - ابن ناصر يقول...

david santos
thank you my friend
and my best regards

ibn nasser - ابن ناصر يقول...

reri
ههههه اه تخاطر افكار بقي
لا بسبرضه عايزين نشوفنظرتك في الاغاني ورينا بض حاجه
تحياتي

ibn nasser - ابن ناصر يقول...

مجهول
ههههههههههه
لا انا الحنهلك علي مزاجي بقي
دي اغنيه جامده طحن
تحياتي

ibn nasser - ابن ناصر يقول...

منة الله
شكرا علي دعوتك وهخش علي الرابط
اكرر شكري
تحياتي

ibn nasser - ابن ناصر يقول...

مروة عوض
ههه ماشي يا ستي
وشكرا ليكي وانا مارضتش امسك باقي الاغاني قلت كفايه كده الناس هتتخنق من سخافتي
تحياتي

غير معرف يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人