أخبـار ابـن نـاصر

لا للتعديلات الدستورية

الخميس، ١ نوفمبر ٢٠٠٧

يوم مشتعل في جامعة عين شمس


اليوم هو الاربعاء 31 /10/2007 وفد كانت جامعة عين شمس مشتعلة بالاحداث سوا في حرم كلية حقوق امام قصر الزعفران-حيث رئيس الكلية- او في كلية هندسة .

بدأت الاحداث في كلية هندسة عين شمس في الساعه الحادية عشر والنصف حيث أعلن طلاب مستقلون عن مسيرة لرابطة تسمي(رابطة حقي) وقد كانت المسيرة بها عشرات الطلاب يرفعون شعارات ويلقون هتافات بتطالب بحقهم وقد بدأت من المسجد حتي مكتب عميدة الكلية.

وقد علمت ابناء مصر من احدي نشطاء رابطة حقي عن مطالبهم وهي تخفيض المصاريف بقدر ما تحددة الائحة التنفيذية لقانون تنظيم الجامعات وتخفيض سعر الكتاب الجامعي وتطوير المعامل واماكن التعليم وهذا بعد ان زادت المصاريف بشكل ملحوظ وبقت الجامعة كما هي وفي النهاية اعرب ناشط رابطة حقي انهم لا ينتمو الي تيار بعينة ولكنهم مجموعة من الطلاب يحبون جامعتهم ويعملون علي ان تبقي افضل جامعه وايضا لاسترداد حقهم المسلوب.
(منشور الاخوان في هندسة عين شمس حول ما يحدث)
(منشور الاتحاد الرسمي..

(منشور الاتحاد الرسمي)
اما في حرم كلية الحقوق وامام قصر الزعفران فقد تجمع مئات الطلاب بالسيارت والافتات ولكن هذة المرة كانت مظاهرة لاتحاد الطلاب الرسمي لم نفهم ما مطالبهم ولكن حصلت ابناء مصر علي المنشور الخاص بهم وهذا بعد ان رددوا شعارات تقو(ذكي يا بدر قول الحق..اتحادنا رسمي ولا لأ)وذكي بدر هذا رئيس الكلية! ومعظمها شعارت تقول انهم لا يريدون الاخوان المزورون للانتخابات! وان اتحادهم رسمي وريس الجامعه يشهد علي ذلك!!,وكانت المظاهرة مليئة بالشباب والانسات ,والذين يرفعون شعارات وعلم لمصر بحجم كبير جدا واغاني وطنية بسماعات كبيرة فوق السيارات وايضا ظباط الشرطة كانوا يمشون في المسيرة والكثير من الظباط والمخبرين بالملابس المدنية واستطاعت ابناء مصر الحصول علي بعض الصور التي تؤكد هذه المرة..
(ظ1) ظابط بملابس الرسمية يشارك في المسيرة مع الطلاب المؤيدين لرئيس الجامعة والاتحاد الرسمي

(ظ2)

الظباط المتخفين بالملابس المدنية وتري الا سلكي في يدة


وفي النهاية نؤكد ان ما يحدث في جامعات مصر ليس هو الا عبث فما فائدة رئيس الجامعه ان يحشد المظاهرات بالطلاب المغيبين والذي قال احدهم في المظاهرة(هو احنا حقيقي اتحادنا شرعي؟؟؟) ..
..
تحياتي
ابن ناصر

هناك ١١ تعليقًا:

kaed يقول...

واللة يا إبن ناصر فكرتنى بأيام الجامعة والعلقة اللى أخدتها من الامن المركزى فى المظاهرات
بس واللة كانت أيام حلوة على الأقل الواحد كان بيعبر عن ةنفسة وبيعمل اللى هو عايزة

Bella يقول...

تغطية ممتازة

ح استأذنك في وضع الموضوع في مدونتي عن التعليم

ولو ممكن استلف منهم صور اكون شاكرة

بس طبعا مع الاشارة للمصدر حفاظاً على الملكية الفكرية

ENAS يقول...

تغطية جامدة
هو دا الشغل ربنا يحميك ويبعد عنك اللى بالى بالك

Unknown يقول...

تحياتي ليك ابن ناصر علي الموضوع الجميل ده
غلاء المصاريف فعلا مبالغ فيه و التعليم زي ما هو
ولازم يراعوا ظروف بعض الطلبه
انا سعيده بالمظاهرات لأن ده معنا ان الطلبه مش سالبين و مش هايسكتوا عن اي حاجه رفضنها

احمد الجيزاوى يقول...

يا جامد يا جامد يا جامد يا جامد يا جامد يا جامد يا جامد يا جامد يا جامد يا جامد يا جامد يا جامد يا جامد يا جامد يا جامد يا جامد
فعلا تغطيه ممتازة
معلم من يومك
احمد الجيزاوى

ibn nasser - ابن ناصر يقول...

قائد
ههههه ماشي يا سيدي انتا كنت بتضرب عشان في مظاهرات
احنا هاو مظاهرات تأيد للجامعه والحكومة
اكتر من كدة ايه؟؟؟؟
انا من حرقتي سيبت الجامعه ومشيت !
نص الجامعه طالع ف مظاهرات للحكومة وهتافات بقي تنرفز
والنص التاني بيحب في الجناين !!
تحيــاتي

ibn nasser - ابن ناصر يقول...

بيلا
هههه مصدر ايه اولا انتي تاخدي الحاجه اللي عاوزاها من غير ماتستأذني وبراحتك تزدي تقللي
اعملي اللي انتي عاوزاة والله عيب
تحياتي

ibn nasser - ابن ناصر يقول...

ايناس
شكرا ليكي وربنا يبعدنا عنهم مع اني في المظاهرات دي ببقي قريب منهم دانتي لو عرفتي الظابط دخلني ازاي كلية هندسة قبل المظاهرة تضحكي
فاغشيناهم فهم لا يبصرون
ههههه
مدخلش غيري
!
تحياتي

ibn nasser - ابن ناصر يقول...

ايمي
بس اظن ان الكثير من الناس مقروش الموضوع كامل المظهارات الي في قصر الزعفران مؤيده وليست معارضه
شكرا ليكي
وتحياتي

ibn nasser - ابن ناصر يقول...

احمد الجيزاوي
معلم مين بس هو مين اللي معلم
دانتا المعلم بتاعنا كلنا
تحياتي

s يقول...

thank you ibn nasser