الله أكبـر وظهر الحق الله اكبر والسجن للخونة والمجرمين..
صورة من تصويري لاسلاك نبية-علي راي نوارة- ورا الاسلاك وطبعا محبوس في القفص لان في بعض الكلب لو طلعتها من القفص بتنهش في لحم الغلابة
...
سيظل قضاء مصر شامخا برجالها ...3 سنوات مع الشغل والالزام بالمصاريف ,,وسيصحبها العزل من الوظيفة للمجرم إسلام نبية الظابط الذي عذب المواطن عماد الكبير ,, النهاردة بعد مارجعت من المحكمة نمت نوم ياااااه كنت مرتاح قوي بس نبتدي معاكم من الأول
...
من الأول ..
جيت بدري جدا صاحي من سبة الصبح وكنت هناك تمانية ونص عشان المفروض تبتدي تسعه ! حسب ما نوارة قامت لكن طلع انها قايلة تسعه عشان الناس اليي مبيصحوش بدري المهم روحت واتقابلنا انا والجيزاوي(ان بحبك يا مصر) وايناس(الفكر السجين) ودخلنا وجيزاوي بجبروتو بيقعدنا في الصف الأول والجل يقول ايه يا بابا انتو صحافه ولا إية ؟ المهم انتهي بينا المظاف ورا !! وقابلنا مدونين كتير ومعظم اعضاء ابناء مصر ..
وصادف بيا الحظ اني قعدت جمب اتنين مخبرين ,كنت عارف انهم مخبرين سامع الظابط بيكلمهم وبيقولو معلهش ياباشا اتأخرنا امبارح المهم فبقول لواحد فيهم سلام عليكم فرد السلام قولتلو انتا جاي قضية ايه بقي تبع وشاورلي علي العساكر قولتو الدااخلية اه حبايبنا وقالي انتا جاي ليه شرحتلو قصة التعذيب قاللي اه عارفها وقال للجمبو يا واد اللي شوفناها علي الموبايل وقالي انتو جاين تنقلو الحاجات دي بقي للناس بره قولتلو اه قاللي ربنا معاكم ...
...
من الأول ..
جيت بدري جدا صاحي من سبة الصبح وكنت هناك تمانية ونص عشان المفروض تبتدي تسعه ! حسب ما نوارة قامت لكن طلع انها قايلة تسعه عشان الناس اليي مبيصحوش بدري المهم روحت واتقابلنا انا والجيزاوي(ان بحبك يا مصر) وايناس(الفكر السجين) ودخلنا وجيزاوي بجبروتو بيقعدنا في الصف الأول والجل يقول ايه يا بابا انتو صحافه ولا إية ؟ المهم انتهي بينا المظاف ورا !! وقابلنا مدونين كتير ومعظم اعضاء ابناء مصر ..
وصادف بيا الحظ اني قعدت جمب اتنين مخبرين ,كنت عارف انهم مخبرين سامع الظابط بيكلمهم وبيقولو معلهش ياباشا اتأخرنا امبارح المهم فبقول لواحد فيهم سلام عليكم فرد السلام قولتلو انتا جاي قضية ايه بقي تبع وشاورلي علي العساكر قولتو الدااخلية اه حبايبنا وقالي انتا جاي ليه شرحتلو قصة التعذيب قاللي اه عارفها وقال للجمبو يا واد اللي شوفناها علي الموبايل وقالي انتو جاين تنقلو الحاجات دي بقي للناس بره قولتلو اه قاللي ربنا معاكم ...
..
منظر القاعه من الامام
عساكر في كل مكان وظباط ومخبرين
الكلب داخل القفص ولابسلي احمر مبسووط قوي طبعا كان عامل حسابة ومطمنينو انه خارج وهيتفرج علي ماتش الاهلي يوم الجمعه مع اصحابة بقي !
مشهد من المحكمة
عماد الكبير قبل النطق بالحكم
الكلب وشو مش عاوز يجي في وش الكاميرة
قفز وهتف الله اكبر الله اكبر انا كدة حقي رجعلي
كنت هعيط !
الاستاذ المحامي العظيم ناصر أمين
المحامي العظيم ناصر امين يدلي بتصريحاتة الي قناة اوربت
>>>>
وطبعا كانت فرحتنا غامرة بالحكم وكان محامي السفاح اللي اسمو جميــل هيعيط ! تخيلو اما يصعب عليا اصورة !!!!! يبقي عامل ازاي
ههههههههههههههههههههههههههههه
....
تحياتي
ابن ناصر
هناك ٢٥ تعليقًا:
كلب من كلاب السلطة
كلب من كلاب السلطة المسعورة لما المدونون الاحرار فضحوا الحكومة بالصور - الحكومة احست انة كرت اتحرق وتخلصوا منة ورموة فى الزبالة
ودة درس لكل كلاب السلطة انة هييجى اليوم اللى هيترموا فية فى الزبالة ولا يبقى الا الانسان النضيف الشريف اللى بيخدم اهلة وناسة
سلام يا ابن ناصر العظيم
شكرا يا استاذنا وكلامك كله صح
تحياتي
انا قريت فى المصرى اليوم
ان قرار العزل من الشرطة مش هايتنفذ
مش عارف نظرا لصغر سنهم
ياريت تفيدنى فى دى
واحد مش فاهم حاجه
هو القاضي منطقش العزل
لكن قرار العزل قرار تكميلي لأنة بموجب صدور الحكم اصبح علي اسلام والاخر تهمة مخلة بالشرف ولهذا يتم عزلة من الشرطة ولا لحداثة سنة موضوع
فاطمئن يا اخي فانة معزول
تحـــياتي
السلام عليكم
عزيزى ابن ناصر
انا ايضا فرحان زيك و الله
بس هذا اقل حكم ممكن ان يحاكم به هذا المجرم كفايه ان نزلت العقوبه من جنايه الى جنحه .
و لكن اريدك ان تفكر معى فى تلك الظاهره الجديده
هل يستحق ان نهلل و نفرح برجوع الحق الطبيعى لاصحابه بمعنى اننا اصبحنا نفرح كثيرا اذا رجع حق لصاحبه ... مع انه من الطبيعى ان يرجع الحق
تحياتى اليك
ابو مفراح
هذا الموضوع اثلج قلبي وشعرت ان هناك امل لايزال يلوح برايته كذلك لا تتخيل مدى السعاده التى شعرت بها عندما قمت وشرفتني بوضع مدونتي عندك واشكرك على وصفك للمدونه
بالتوفيق
وانتظر مني هديه قريبه لك اشكرك تامر مبروك مدون الحقيقه المصريه
بلطجة الشرطه زادت ولازم تنتهي
الشعب ليه كرامه البواب زي اللوا مافيش حد علي راسه ريشه
الحكم لكل مصري و بجد تحيه ليك علي التغطيه الجميله
السلام عليكم
مبارك الحكم
بس ان شاء الله يكون وعظ لغيره
تحياتي اخي الفاضل
السلام عليكم
المدونه جميله جدا و جزاك الله خيرا علي الفرحة التي ادخلتها في قلوبنا بالحكم
احنا مجله طراطيش كلام نحبك تشاركنا و كمان احنا عندنا موضوع عن عب الناصر في باب ولاد بلدنا نحبك تشاركنا برأيك
www.trateeshkalam.com
أبو مفراح
أنا معك يا صديقي فأولا فهذة اقل عقوبة وهي قررت لمراعاة حداثة سنة ! وانا معك ان هذا حقة الطبيعي والعدل الطبيعي وكان المفروض ان يزيد الحكم لكن انت تعلم نحن في دولة لا عدالة من الاساس فجزء صغير للعدالة مع بصيص أمل جعلتنا نفرح جميعا فرحة شديدة
يكفيك ان تري منظر عماد الكبير عندما حس ان حقة رجعله ,,فألان يستطيع ان ينام مرتاح ...
تحـــياتي
البورسعيدي تامر مبروك
أولا عزيزي انا اتابع مدونتك منذ زمن فهي حقاًَ رائعه لما تكشفة من حقائق وفضح للفاسدين وليس كثير عليك ابدا هذا
وشكرا لك ونتمني التواصل
تحياتي
ايمي
اخيرا بقي فعلا
وشوفي بعد ما الكلب يطلع من السجن
ويمشي في الشارع زيو زي عماد الكبــير ولا بقي يعدي من الاشارات ولا يتبلطج يبقي كلب محترم عصبا عنة
تحياتي ولا شكر علي واجب
مهند
الله يبارك فيك
وان شاء الله
مش وعظ لغيرة
رعــــب لغيرة !
تحياتي
جهاد
حاضر هاجي وازوركم وعلي فكرة
طراطيش كلام ده اسم الديوان بتاعي انا هرفع عليكم قضية هههههههههههه
لا مبروك لينا كلنا الحكم
تحياتي
و الله يا عزيزي ابن ناصر انا عايز اقوللك لو تتبعت شوية المحامي اللي اسمه جميل ده ههتلاقي انه محامي السفاح ممدوح اسماعيل و يا سلام لو شفته عالعاشرة مساء تاني يوم
الراجل ده موش بيستزبل نفسه و هو بيحامي لاعداء الشعب
ده بالنسبة للحقير
اخي المواطن عماد الكبير ارفع راسك
عايز اقول حاجة يا ابن ناصر
مع احترامي لعموم قضاة مصر ماحدش فيهم جاب حق ضايع لعماد الكبير في نظري ان المنتصر هو كبرياء و كرامة هذا الشاب و تمسكه بحقه و ربنا وقف معاه بس لانه متمسك بحقه جدا
و كافئه انه فضح ظالمه
و لو هتعارضني احب اقولك ان قضاء مصر هو اللي حكم على صحفيين شرفاء بالسجن و هو اللي دارى بلاوي كتير قبل كده يا صديقي
يا جماعة نفسي نشوف ان البلد كلها بما فيها القضاء محتاجة تغيير
القضاة موش ملايكة و الباقي شياطين وده مايتعارضشي مع انهم من اطهر الفئات في المجتمع
و مسك الختام السلام
الف مبروك وعقبال الباقي باذن الله
بس 3 سنين مش قليل عليه
انا كان نفسي ياخدله يجي خمناشر سنه سجن
يلا اول الغيث قطره
انا منتظرك علي الفيس بوك عشان الجروب انا مش عارف فيه حاجه
اخر بوست عندي
المواطن المطحون: نسمات
ملك الكبدة
انا معاك في كل ما قلتة
عشان قضية راي عام
معظم القضاة فجيوبهم اساسا
بعض الشرفاء هما اللي واقفين في ظورهم
تحياتي
عصفور
هههههههههه حاضر اوكي
تحياتي
واد يا غبن ناصر
عفارم عليك واللة
أيوة كدة علشان يعرف ولاد القديمة دول إن مصر لسة فيها قانون ما ماتش
تانى مرة تحياتى وتقديرى على المجهود
سلام
مبرووووووووووووووووووووک
وان شاء الله الحق يعم كل بلادنا يا رب،ربنا يتمم عليكم فرحتكم
إسراء
سلام
قائد
يا باشا لا شكر علي واجب
هنفضحهم وهنوريهم
تحياتي
imagine
اه انشاء الله
بس تعم بس علي ربعها
تحياتي
صانعة الحرية
ههههههه بنتفائل ونرجع نقول مفيش فايدة
تحياتي
thanks
إرسال تعليق