أخبـار ابـن نـاصر

لا للتعديلات الدستورية

الثلاثاء، 13 نوفمبر 2007

الحرية للأحرار.. الحرية لسـمينة مالك

اليوم الواقعة مختلفة سمينة مالك.. ليست من الاخوان المسلمين ولا المعارضه
لم يقبض عليها أمن الدولة !
الموضوع مختلف
سمينة مالك فتاة انجليزية مسلمة قبض عليها بموجب قانون الإرهاب ..
هل لانها تحمل سلاح او متفجرات؟؟ لأ ... لأنها تكتب الشعر!!!!!!
أي حرية يتكلمون عنها وديموقراطية ان يقبضو علي فتاة لانها تكتب الشعر !
وتعتبر هي اول فتاة يقبض عليها بموجب هذا القانون الظالم -وان شاء الله تكون الاخيرة ويفرجون عنها-
فانهم دعاة حرية دعاة ليبرالية دعاة ديموقراطية دعاة كذب
هذة هي الليبرالية التي تصدر لنا وبكرة بعد اعداد قانون الارهاب يعملو كدة ولا هي انجلترا احسن يعني!
يقبضون علي الشعراء !! ويتهمونة بكتابة الشعر الإرهابي!
لا فعلا كدة هما زودوها قوي يعني وعلي المكشوف
اللعب بقي عالمكشوف خلاص
دول بتوع الامبراطورية التي لا تغيب عنها الظلم
ده اتذكر حكايات والدي وذكراياتة التي يحكيها لي عندما كان في لندن
ويحكي لي عن الحرية وان حديقة الهايد بارك فيها مكان مخصص للخطب والشعر يسمح لأي احد ان يقول ما يريد حتي بمهاجمة المللكة وليس للشرطة اي حق للقبض عليه!
الله يرحم بقي هنلاقيها من جوة ولا من برة
لا خلينا هنا احسن ده انا لو كنت هناك ولقو مثلا شعري "كلب الروم" كان زماني خدت إعدام!
وكان مثلا الواحد يبقي خايف لو شايل معاه سلاح ولا متفجرات لا يتمسك
دلوقتي تلاقي واحد بقي خايف ومرعوب ليه؟ شايل بيت شعر ولا مقالة في الشنطة!
واهو العد التنازلي وقانون الارهاب بيتعد كلو يحرق الشعر بتاعه زي البحتري كدة!
واخيرا للي لسة بيتكلم عن ديموقراطيتهم اهم بقوا علي المكشوف وانكشفت لعبتهم
وانا اكتشفت معني كلمة انتا حر هما
قصدهم مش حر من الأحرار ..لأ
حر في اللي هيحصلك
... نرجع ونقول
الحرية لسمــينة مالك الحرية للأحرار
....
ده التوقيع ..صوتك هيروحلهم امضي ووقع بالانجليزية
http://www.petitiononline.com/poetess/petition.html
التوقيع لازم يكون الاسم بالانجليزي عشان مبعوت للحكومة الانجليزية والأمم المتحدة
ونوجه الشكر لنوارة نجم لإثارة الموضوع والحديث عنه
...
تحــياتي
ابن ناصر
........
فعاليات يجب ان تشارك

مصريون ضد التعذيب

هناك 13 تعليقًا:

شبابيك عربية يقول...

الحرية و الديمقراطية لشعوبهم هما بس ، لكن أى واحد عربى مسلم ينسوا الحرية والديمقراطية وحقوق الأنسان
أنا وقعت ،لكن ليه التوقيعات قليلة
تحياتى

cinderella يقول...

سبحان الله
يعني حلال هناك حرام هنا
ربنا ينصرها عليهم

ibn nasser - ابن ناصر يقول...

شبيابيك عربي
طبعا الحرية عندهم ليهم
مش عندنا ولا لينا
وبالنسبة للتوقيعات القليلة
عشان الموضوع ده لسة حاصل دلوقتي
وقت مانتا وقعت كدة بشوية
تحياتي

ibn nasser - ابن ناصر يقول...

سنديريلا
اه حلال ليهم وحرام لينا!!
وياريت بلدنا بتعمل كده
دي بتعمل حرام لينا وحلال ليهم
يعني احنا حرام في كل حال!
تحياتي

yasmina يقول...

الله يكون بالعون بس

على هالحال بلاش اكتب شعر ابدا

هههههههههه

سلام

ibn nasser - ابن ناصر يقول...

ياسمينا
فاكرة كنتي بترضي علي كل حاجه بشعر
لاااا بلاش احسن
هه
تحياتي

shams يقول...

يا ابن ناصر انت صدقت انها ديموقراطية بجد
دي قلة ادب
الديموقراطية دي قناع للارهاب اللي هما صنعوه و اللي هيدمرهم

خفاقات قلب لكل البشر يقول...

انا ياجماعة بقى شايفة ان الحقيقة الحرية مش لينا والا ليهم للى فى مزاجهم بس يعنى هما كمان معندهمش حرية، حرية ايه دى دول الى يضايقهم ويشوه صورتهم يموتوا والقتل عندهم شغال على ودنوا اصلا مفيش اى بلد فيها ديمقراطية كلها كلام فى كلام الوقت الوحيد الى كان فى ديمقراطية حقيقية بمعنى الكلمة كان فى عهد الرسول عليه الصلاة والسلام ياريت بس الناس كلها تفهم ده جايز ساعتها يقتضوا بالرسول مش يستهزئوا بيه. ربنا يرحمنا ويرحم جميع المسلمين.

صانعة الحرية يقول...

جزاكم الله خيرا
وحسبنا الله ونعم الوكيل

ibn nasser - ابن ناصر يقول...

شمس
اه والله بلطجة
تحياتي

ibn nasser - ابن ناصر يقول...

خناقات قلب لكل البشر
ماهي كلها حاجات بيتحكو علينا بيها
تحياتي

ibn nasser - ابن ناصر يقول...

صانعة الحرية
لا شكر علي واجب
الشكر لله
تحياتي

s يقول...

thanks