أخبـار ابـن نـاصر

لا للتعديلات الدستورية

الثلاثاء، ١ أبريل ٢٠٠٨

6 إبريــل... يوم الغضــب .. يوم الإضـراب ..العـام

لا تذهب لأي مكــان..


أن أوان العصــيان


أن أوان التحــدي
...
إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر



كلـــنا ايــد واحــدة




يوم 6 إبريل خليك قاعد في البيت


أوعي تنزل


ماتروحشي الشـغل



ماتروحشي الجـامعه



ماتروحشي المـدرسة



ماتفتحشي المـحل



ماتروحشي الشركه



ماتفتحشي الصـيدليه



ماتروحشي القـسم



ماتروحشي المـعسكر



عايزين مرتبات تعيشنا



عايزين نشـتغل



عايزين تعليم لأولدنا



عايزين مواصلات أدمية



عايزين مستشفيات تعالجنا




عايزين دواء لأطفالنا



عايزين قضاء منصف



عايزين أمـن وأمـان



عايزين حـرية وكـرامه



عايزين شقق للعرسان






مش عايزين رفع أسعار



مش عايزين محسوبيه



مش عايزين ظباط بلطجية



مش عايزين تعذيب في الإقسام



مش عايزين أتـاوات



مش عايزين فسـاد



مش عايزين رشاوي



مش عايزين إعتقالات



مش عايزين تلفيق قضايا...


الإضراب هـو الحــل


6أبريـــــــــــــــــل> > أضراب عام في مصر سلمي> > أبعت رسايل لخمـسة من أصحابك> > ولو كل واحد بعت لخمسة> > في ظرف يومين البلد كلها حتعرف> > بالموبايل> > بالأرضي> > بالأيميلات> > أو حتي رسايل عالشات في قنوات التليفزيون> > أنسخوا رسالتنا وأبعتوها تعليق على كل المقالات ألي بتقروها> > بيكوا وبينا البلد دي حتتغير أنشاء الله..
فانه يوم الإضراب.. يوم مصـر




صورة من انتفاضة77


...


فليضرب جميع المصرين في هذا اليوم علي كل المهازل


في الزمن الذي غاب فيه الزعيم


غابت فيه شمس الكرامه والعزة


واصبح للذئاب مكان في البلاد




_____

تحياتي
ابـن نـاصر

هناك ٧ تعليقات:

غير معرف يقول...

Dear Ibn Nasser,

I really wish and deeply hope that every sincere Egyptian will join the protest. Since I am not living in Egypt, I will not be able to share the protest with you, but be sure I am mentally with you. I wish and pray that this action will succeed. This will be the first step to show the ruling gang how angry the whole nation is. Brother araise your head, the slavery time is over.

مصر هى أمى يقول...

انا عن نفسى هاضرب ومش هاخرج من بيتنا ياريت الناس كلها متخرجش من بيوتها علشان الحكومة تحس ان الناس ممكن تتحرك وانها ممكن تعترض على الانهيار اللى حاصل
ان احنا ممكن المرة اللى جاية ممكن ننزل الشارع ونعيد ايام انتفاضة 77

غير معرف يقول...

Dear Mr. Ibn Nasser:

I hope you can help me. Since two weeks I cannot open the site of Dr. Abdel Wahab El-Messiri and the server has a message saying that the account has been suspended. If you can find any possibility to over come this malheur, I would be much obliged. Thanks in advance and i wish to congratulate you to your excellent posts.

غير معرف يقول...

احييك سيدي

وفقك الله

Unknown يقول...

انا مخرجتش لما نشوق حيحصل أيه ؟
بس يا ريت يكون العدد الى اضرب كبير عشان الموضوع يأثر

مودتى و احترامى

Ahmed Al-Sabbagh يقول...



أنا ليه هعمل الاضراب ؟؟


لما الفســـاد وقــّـفوه حـارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما البشر والحجر
ووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبير
قالوا كفاية مش عايزينــة
كفاية علينا حكم سنين
تخرج الواحـــــد من دينـه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم

تحياتى
أحمد الصباغ


s يقول...

thanks