الانطلاقه التانيه
الله أكبر وعبرنا.......
من الاسود عدينا للأسود
عبر بينا الاستاذ الأمين
قال"عالمستقبل علي طول داخلين"
قال"انطلاقتنا هي التانيه"
قلنا له"طيب..فين الأولي"
قال"هنبتدي علي طول من التانيه
خلاص انت العارف
انت وريثنا انت الشايف"
قال"انا زمني هيكون ولا أي زمان
وانطلاقتي هي الاساسيه
وهتبقوا الاول عالبشريه"
قلنا له"قول ازاي"
قال"هنبني مفاعلات نوويه
وهنحط تمثال للحريه
والامركه ده أساسي أكيد
شفتوا يا شعب ده فكر جديد"
والتطبيع ده مالوهش بديل
ومن غيروا كلكوا هتضيعوا
قلنا له"قول أكتر"
قال"والسكان أعداد بتزيد
هنقلل منهم بالتأكيد "
سواء بالسرطنه أو بالميه
كلها موته خلاص مش فارقه
والنيل واسع لأيوها زنقه
شفتوا يا شعب ده فكر جديد
والديموقراطيه عليكم فرض
قلنا له"شفت كفايه وهتك العرض
يا أخي أيدك منه والارض"
قال"يا جماعه كلامي حقيقي
والحريه لكل الناس
جربي اقلعي ملط في وسط الناس
قلنا له"بس الدين"
قال"حريه"
"وبطلوا بقي أفكار رجعيه
ده الغزو الفكري الارهابي متأصل في عقولكم
ودي عادات عربيه وبعضها بدويه
هنحط بدالهم حريه"
شفتوا يا شعب ده فكر جديد
أنا مسلم بالدين هحكمكم
وأطيعوني
أطيعوا ولي الامر منكم"
قلنا له"بنطيع والدك من زمان
وعمره ما شاف منا العصيان "
"كمل فكرك وانجدنا
لحسن والله ما بقي بأيدنا"
قال"هانشيل كل الفقر وأي بطاله"
قلنا له"ازاي"
قال"عالفقر وعندنا دولارات
ويد العون وهتكبر أكتر
كل ماصداقتنا هتكبر
مع الدول اللي خلافنا معاها زاد
واحنا اللي هنخسر
وفي حاجه نسيت أقولها لكم
الملكيه دي أحسن
ريحوا بالكم "
شفتوا يا شعب ده فكر جديد
والكل هيعيش شبعان
ومحدش بالجوع هينام
قلنا له"ازاي"
رد وقال"زهقــتـوني وقرفتــوني
وريحتكم وحشه قوي , ابعدوا عني
لهاتنتخبوني
لهاجي خلاص غصبا عنكم"
...............................................................................
ابن ناصر
ليست هناك تعليقات:
إرسال تعليق