أخبـار ابـن نـاصر

لا للتعديلات الدستورية

الاثنين، ١٩ مارس ٢٠٠٧

التعديلات الدستوريه لجمهورية مصر البوليسيه


صوره لها معني كتيره قد تبكيك عن حال مصر وقد تفرحك بنذير ثوره من جميع طوائف الشعب

والله انا كنت ناوي أنشر مقاله تعبت فيها قوي قوي بقالي أكتر من ستة اشهر بقرأ عشان اعرف اكتبها لكن لاقيت حكاية التعديلات الدستوريه دي مايتسكتش عليها ..وعلي رأي المثل اللي اختشوا ماتوا خلاص ,قاعدين يعملوا في تعديلات في الدستور بمنتهي الوقاحه ولا همهم حد ويوم الثلاثاء هيتم التصويت علي التعديلات الدستوريه ف مجلس الشعب ومش الشعب اللي هيصوت لأ ده اعضاء الحزب الوطني لأن مائة عضو من المعارضه من كتلة الاخوان والكرامه والوفد والمستقلين اعلنوا رفضهم للتعديلات والانسحاب من جلساتها وقاموا بوقفه احتجاجيه اليوم وهنتكلم مع بعضنا في التعديلات ويا ريت الكل يوضح وجهة نظره ,,شكرا

لا للتعديلات الدستوريه الجديده ,التعديلات التي تسيء لكل مصري في مصر ,التعديلات التي تضعف قوة لبرلمان وقالك ايه لعدم تعطيل سير الحياه السياسيه في حل الحكومه اله مالو الحكومه ظالمه ماتتحل ,,والماده 88 التي تبعد القضاه عن الاشراف علي الانتخابات وتجعل الاشراف لمحامو الدوله في مجلس الدوله وقالك ايه عشان القضايا بتتعطل ,ووضع قانون الارهاب الذي تحال قضاياه الي محاكم خاصه ويمكن بأمر من الرئيس ان يعتقل أي شخص ,لدرجة ان انا دلوقتي بأتمني وجود قانون الطواريء بس بدل من ابقاءحالة الطواريء ووضع قانون ارهاب ,اللي يهدد اي حد بالقبض عليه بدون اي سببغير انه بيفكر نه يعمل عمل ارهابي ,علي فكره انت بتفكر اقبضوااا عليه ,,بالذمه ده كلام وغير طبعا تغير المواد ووضع حاجات غامضه وغريبه زي يقولك الغاء المكاسب الاشتراكيه ووضع مكانه الحفاظ علي البيئه !!!! ومنظمة حقوق الانسان وجريدة الاندبندت هاجمت التعديلات بكل ضراوه و علي العموم لازم انتصدي لهذه التعديلات بس ازاي ده لسه قابضين علي اللي كانوا في المظاهره ضدها وقال ايه انا كنت رايح !!! ولي العموم لا للتعديلات
الدستوريه ويجب يكون موقفنا اجابي ويجب علينا كمدونين ان نوسع الحمله ضدها ..شارك معنا




معلهش لو كنت بتكلم بأسلوب غير لائق أصلي متنرفز قوي دلوقتي من حاجات كتير

....................................................................................


تحديث

علي فكره فينقطه نسيت اتكلم فيها ان تم مسح كل الكلمات الاشتراكيه من الدستور -ما عدا 50%عمال وفلاحين-وكل حاجه اتشالت يعني مثلا دلوقتي ممكن يجي اصحاب الااضي اللي كانت الثوره مدياها للفلاحين هييجوا دلوقتي يخدوها وبالدستور ,زي قضية البدراوي باشا دلوقت الليعايز ياخد مائة فدان من الفلاحين اللي الثوره كانت مدياهالهوم يعني نفسي اسال بدال مالحكومه تكرم الفلاحين اصحاب الاراضي اللي فضلوا معتنين بيها ولا جرفوها عشان ياخدوا الملاين -يتم تجريف اتريبه السطحيه للأرض لانها تستعمل في صناعة الطوب الأحمر مقابل الملاين من جنيهات- او ماتبناش عليها وتم تجريفها زي 60,000

فدان اللي بيتجرفوا سنويا ,,,,, ايه هتاخد لاراضي ليه يا بدراوي باشا اه الثوره عصرها انتها ماشي في دي معاك حق هما قضوا علي الثوره فعلا ..... ولازم كلنا نقول لأ للتعديلات مع انها تمت في مجلس الشعب وهتبقي استفتاء علي الشعب ,يالا يا جماعه ده دورنا نعترض قبل ماينزل قانون اارهاب ويخلي ماحدش يفتح بقي ,, يالا نقوول لأ كلنا لأ

(ابشروا هذا تكرار لما حدث في الماضي الثوره قادمه انشاء الله)

تحديث تاني (بس مهم جدا جدا ) لكل مواطن

سيكون الاستفتاء علي التعديلات الدستوري يوم الاثنين الموافق 26-3-2007 والباب مفتوح من الساعه الساعه السابعه صباحا الي السابعه او السادسه مساء وسيكون الاستفتاء بالبطاقه الشخصيه اذا كان في الشخص سيذهب لدائرته اما اذا كان المواطن يريد ان يذهب للاستفتاء في مكان أخر فهذا يتطلب البطاقه الانتخابيه ..يا جماعه يالا نروح يالا خليهم يسمعوا صوتنا ..المقاطعه معني السلبيه هنروح ونقول لأ كلنا...>دعوه الي كل مصري حقيقي< ..هتروح؟

وقع علي عريضه شعبيه ترفض التعديلات الدستوريه

المقاطعه = سلبيه

يزوروا ماشي بس نبقي عملنا اللي علينا مش نعد في البيت احط رجل علي رجل واتفرج علي التلفزيون وأقول انا وطني أنا مقاطع بعدين كده كده الشعب مقاطع خلقه
لازم نروح ونقول لأ وأنا مش عارف اتواصل مع بتوع كفايه خالص....

والله انا مش عارف أعمل ايه انتوا لخبطوني كل واحد يعمل اللي علي بالوا لو رحنا هيزوروا وهيقولك قالو اه لو مروحناش كل عاده هو عمرنا رحنا ! وهتطلع النتائج كده برضه والله مش عارف انا اللي بقيت عايز شوري أمر يجنن.....لاقيت بعض الناس مش عارفه قوي عن التعديلات الدستوريه اضغط علي هذا اللينك وهتلاقي كل حاجه عن التعديلات الدستوريه وعشان تلخص خش علي التعديلات التي تم اقرارها

ابن ناصر

هناك ٤٩ تعليقًا:

الزعيـمة يقول...

كلامك كلة صح يا زميلي الفاضل
تخيل ماده واحده عدلوها التسمي بالماده 76 محتاجة تعديل اخر دليل على انها لم تكن بالكفاءة كما يجب

فما بالك بهذا العدد الغير مسبوق بالقوانين المطالب بتعديلها ؟

وطبعا كلة حيتمرر من خلال المجلس الموقر اللاغلبية فية تبع الحزب الوطني
وهو الحزب الاعتبر خروج نواب المعارضة والاخوان ورفضهم للتعديلات خروج عن النظام العام ومحاولة فرض الامر بالقوة!!!

فماذا يقال على ما يفعلونة
من محاولة تمرير كل تلك النصوص القانونية دون موافقة شعبية عليها

ولكن كالعاده حتمر زي غيرها
ماهى البلد بأت عزبة ليهم

مقدرة احساسك يا ابن ناصر
لانة نفس احساس كل مواطن اصيل

والله المستعان

ibn nasser - ابن ناصر يقول...

معاكي في كل حاجه بس ممكن يمرروا أي حاه لكن ده لأ حرااام أنا بعد قانون الارهاب ده مش عارف الواحد يعملايه اصل ده قانون بلطجه وتعذيب تحت مظله قانونيه شرعيه
تحياتي

شهيدة يقول...

معاكم يا ابن ناصر
ما تتصروش موضوع التعديلات ده ليه آثار خطيرة على المنطقة مش بس على مصر
يمكن كلامي غريب
بس أمريكا عايزة تسيطر على كل بلد بطريقة معينة
والتعديلات في مصر أنجح طريقة لقيتها أمريكا عشان تحكم سيطرتها على مصر

يارب تنولوا مطابكم
ونقدر احنا الشعوب العربية نحقق مطالبنا ونحطم قيودنا الداخلية والخارجية ان شاء الله

ibn nasser - ابن ناصر يقول...

شهيده
مفيش فايده اهو برضه بيعملوا الجلسات في مجلس الشعب من غير المعارض وطز في الشعب وفعلا هم فعلا في الاخر بينتصروا
حسبي الله ونعم الوكيل
اه بالحق انتي عملتي ايه في الامتحانات
تحياتي

Unknown يقول...

أه والله ويقولولك بنعدله عشان مصلحة الشعب , أهي دي بقي الحاجه اللي تحرق الدم صحيح, أعتقد ان جه الوقت بقي اننا نقول لأ واننا مش موافقين علي التعديل, ولما التعديل يتطرح للتصويت لازم كلنا نروح نقول لأ؟

عاشقة الوطن يقول...

ابن ناصر
كلنا حزانا على اللى احنا فيه ومعظم فئات الشعب بيرفض التعديلات الدستورية اللى هى ضد الشعب نفسه

ربنا معانا

Bossy يقول...

مجلس الشعب يوافق بالاغلبيه علي التعديلات الدستوريه
نواب الجماعة المحظوره يحاولون افساد عملية التصويت بالموافقة
موافقة 315 عضو علي تعديل المادة
34
من الاخر احنا احسن ننتظر الاستفتاء واللي نتيجته ان شاء الله 99.9%

مصر هى أمى يقول...

ابن ناصر

التعديلات الدستورية مع ان الناس كلها بتطالب بيها من زمان لكن للاسف ترزية القوانيين اللى مبيخافوش ربنا ظبطوها لحساب الريس والوريث وفعلا زى ما قالوا بتوع الاخوان البقاء لله فى الحريات وفى كرامة الانسان
بص يا سيدى ادخل عندى وشوف البوست الجديد بتاعى
انا بقول ان بتوع الحزب الوطنى عمالين يقولوا احنا لازم نضحى علشان خاطر الاجيال القادمة والمصيبة انا مش عارف احنا بقالنا 25 سنة بنضحى علشان الاجيال القادة والمصيبة انهم مش عايزين ييجوا طب نعمل ايه اكتر من كده

ibn nasser - ابن ناصر يقول...

esraa
ما هو كله كذب في كذب وده العادي من امته في حاجه لمصلحة الشعب!!!

ibn nasser - ابن ناصر يقول...

عاشقة الوطن
بس ايه مافيش فايده برضه؟؟؟؟!!!؟
تحياتي

ibn nasser - ابن ناصر يقول...

bosy
قرأتها في الجورنال وياقلبي لا تحزن
تحياتي

ibn nasser - ابن ناصر يقول...

مصر هي أمي
هاقول ايه بعد اللي انت قلته يعني مافيش حاجه
تحياتي

micheal يقول...

دستور يا سيادي....سامحوووه سامحوووه
هو ده منطق الدستور المصري و ربنا يكفينا شر الترزيه
تحياتي لك يا ابن ناصر

7ntklm يقول...
أزال المؤلف هذا التعليق.
7ntklm يقول...

يا شباب التعديلات الجديدة بتمس الواقع بـ الاضافة للواقعية بشكل اجبارى غصب عنكم ,

بمعنى الانتهاكات والفساد التى كانت تحدث لا تمس بنود الدستور القديم فى شىء

وطلبتم بتغير وتعديل الدستور .

والان بقا وستجابة ابو جمال لكم بيقدملكم تعديلات دستوريا تمس الواقع حتى تتم كل الافعال الكيديا الفاسدة من انتهاكات على المواطن والقيام بخطفة وتعذيبة والاشتبه به تحت نطاق القانون وكله معتمد على الدستور الجديد.

حتى لا تخرج اى معارضة بمعارضة هذه الافعال فى يوم لان القانون فى الدستور يسمح بنتهاك حرمة البيوت من قبل طيور الظلام فى اوقات الفجر والتجسس على اتصلاتهم وانفاسهم وما يدور بفكرهم وغيره وغيره

هذا هو الفكر الجديد فكر فاسد ينطوى للاحتكار السلطة وحتكار الروح الانسانية للمواطن .

ibn nasser - ابن ناصر يقول...

ههههههههه اه لازم يسامحوني وبعدين الاسياد لو غضبوا ومعاهم قانو الارهاب ههه بقينا احنا الكلاب فعلا
تحياتي يا micheal

ibn nasser - ابن ناصر يقول...

معك حق يا صديقي ولازم نتصدي له بكل الطرق لازم لازم فكر مهبب بستين نيله
تحياتي يا حنتكلم

غير معرف يقول...

لا مش هنقاطع هنروح وهنصوت ضد التعديلاات الدستوريه بكل جراءه لازم كلنا نكون لينا دور

ibn nasser - ابن ناصر يقول...

صح يا فارس وهويجب ان يكون موقف كل مصري

david santos يقول...

Hello, ibn Nasser!
Have good day
InsyaAllah is great

ibn nasser - ابن ناصر يقول...

hello mr.david santos thank you for visitinng my blog ,,
my regards

AbdElRaHmaN Ayyash يقول...

يا سيدي البلد دي متبهدله
انا بصراحة مش عارف فكرة الاخوان وكفاية في المقاطعة
انا هستفسر
واشوف
دعواتك يا سيدي .. لمصر ولينا
تحياتي
سلام

ذو النون المصري يقول...

فيه مشكله يا سيدنا
احنا لو رحنا هيقولوا ان الشعب كان مقبل علي التصويت و ان التعديلات تمت بموافقة الشعب
اما المقاطعه علي الاقل هتثبت للعالم ان الشعب رافض
يعني المقاطعه كدليل رفض الشعب ابلغ من التصويت بالرفض
تحياتي

غير معرف يقول...

أخى العزيز

صدقنى مش سلبية ان احنا مانروحش

على العكس ده قمة الايجابيه
أصل اذا رحنا السيناريو هايكون كالتالى

اقبال جماهيرى من الشعب
91% قالو نعم لتعديل الدستور
5% صوتهم باطل
4% معترضين

الكلام ده انا متاكد ميه فى الميه انه هايحصل من ساعت لما الأهرام قالت ان 89% من الشعب راضى عن اداء الحكومة

و11% بس اللى معترضيين وأغلبهم ستات

يبقى الواحد يفهم كده انهم خلاص قرروا انهم يمرروا التعديلات
فيبقى الاحسن مانروحش علشان على الاقل نبين للعالم ان هموا لوحدهم بس اللى عدلوا الدستور

والله ده رأيى والله أعلم

أنا كنت من أسبوع موافق انى أروح واٌقول لا
بس لما قريت أهرام يوم الاحد اللى قال ان الاغلبية راضيه على اداء الحكومة يبقى خلاص هايقولوا الأغلبية موافقه على التعديل

انا مش بدعى أنى شايف الغيب بس ده اللى حاسس ان الحكومة المصرية هاتعمله
لو رحنا هايقولوا ناس كتير راحت وكله موافق

وعايزك تصلح العنوان بتاعك
التعديلات الساطورية للدولة البوليسية

ودمت بكل خير

غير معرف يقول...

ابن ناصر انا عاوز اقوللك حاجه انا قلقان عليك مش عارف ليه بس حاسس بحاجه وحشه وان ظني مش بيخيب ابدا ابقي طمني عليك

shady يقول...

خلاص الفلاحين الكلاب حيطلعوا من ارض جدو الباش أغا
ربنا يخلى افندينا خسنى

ibn nasser - ابن ناصر يقول...

abdelrahman
انا والله كمان مش عارف يعني المفروض الاخوا ميقاطعوشده قانون الارهاب ده عشانهم مخصوص وانا كلمتكام واحد منهم مافيش فايده ومش لاقي حد من كفايه خالص
تحياتي لك

ibn nasser - ابن ناصر يقول...

ذو النون ولو ماروحناش وقعدنا في البيت هيجيبواصور الناس وهايقولا بنسبة 99,99 موافقه بص انا مقتنع تماما تخيل الشعب راح وقال لأ هنوصلكلمتنا وهيعرفا انهم زوروا
تحياتي

ibn nasser - ابن ناصر يقول...

حسن محمود
بص بقي مش عارف انتوا لخبطوني بص الانحار هو الحل الشعب كلوا ينتحر ولا نروح نصوت ولا نقاطع
وعلي العنوان ههههههه ممعاك حق
تحياتي

ibn nasser - ابن ناصر يقول...

فارس ايه يا عم انت هتخوفني ولا ايه ,, لا يا صديقي انا كويس , بس سؤال واحد هم ممكنيجيبونب كده من غير حاجه ولا ايه ؟؟ يا ريت تقوللي
تحياتي

ibn nasser - ابن ناصر يقول...

shady
يا لا خليهم يطبسطوا بقي اهو زمان راجع تاني وانا البوست انشاءالله الجاي علي الحكايه دي ..
تحياتي

غير معرف يقول...

الحمد لله اني اطمنت عليك الاول والرد علي سواللك طبعا فيه في التعديلاات حاجه اسمها ممكن يجيبك في اي وقت وفي اي مكان من غير حتي تصريح نيابه ولا اي حاجه وانتا كمان مش هتقدر تقول انتا رايح فين ربنا يسترها الايام الجايه دي تحياتي ليك

شهيدة يقول...

ابن ناصر

انت قريت اللي كتبتو؟

انت باين عليك مزعوج جدا

لدرجة ان كلامك مش مفهوم

يللا يا ابن ناصر
والله معاك حق انك تنزعج جدا
والانزعاج اقل شيء ممكن يشعر فيه الانسان في وضع زي ده

الله يصبركم

ibn nasser - ابن ناصر يقول...

fares
يالا يا عم سيبها علي الله
تحياتي

ibn nasser - ابن ناصر يقول...

شهيده معلهش والله انا اسف بس انتي لازم تقدري اللمصايب السوده والمره دي مش زي كل مره ده دستور لمدي الحياه بس اللي انا عاييز اوصلوا ان رجعنا تاني زي ايام الملكيه البوليس السياسي والااراضي الزراعيه للبشوات والكلام دهه
تحياتي

محظوظة يقول...

من هنا من عند الاخ ناصر

اعلن واقول من كل قلبى انى رافضة للدستور النفصيل

بس يعنى اية دستور

يا مراكبي يقول...

إحنا بره مصر مالناش في التصويت ولا المشاركة وكأن البلد لا تعنينا .. وإحنا أصلا لا نعنيهم

لكن المهم إني معاك في إن السلبية مرفوضة

إنزل وقول رأيك أحسن ما تقعد في البيت

ibn nasser - ابن ناصر يقول...

محظوظة
ههههههههههههه
بمنتهي البساطه أما حد بيجي يخش علي حد بيقول أحم أو دستور لكن هما بقي ادوا الحق لظباط الشرطه يخشوا علي اي حد ويجيبوا من افاه من غير إحم أو دستور ههههه
تحياتي

ibn nasser - ابن ناصر يقول...

يا مراكبي
انا معاك في كل ما قلته لازم نعترض ونقول رأينا وبعدين معلهش تسمحلي اقولك حاجه لو كان احنا اللي في البلد أمرنا لا يعنيهم امر اللي خارج البلاد هيعنيهم!!! الاجابه واضحه
تحياتي

شــــمـس الديـن يقول...

يا جماعة لازم كلنا نروح و نقول لأ

لانها هتبقي اخر وقت نستطيع اننا نقول لأ بعد كدا القبض علي اي حد هيبقي قانوني بحكم الدستور و مش هينفع نعمل اي حاجة

انا هتجنن من السلبية اللي الناس فيها لو 20 مليون بس من ال 75 مليون خرجوا و قالوا لأ ...و الله العظيم تلاتة هتفرق

اعمل ايه بس ...نجحوا انهم يطبقوا علينا نظريةالقرود الخمسة

*********************************

نظرية القرود الخمسة لمن لا يعرفها

أحضر خمسة قرود، وضعها في قفص! وعلق في منتصف القفص حزمة موز، وضع تحتها سلما. بعد مدة قصيرة ستجد أن قردا ما من المجموعة سيعتلي السلم محاولا الوصول إلى الموز. ما أن يضع يده على الموز، أطلق رشاشا من الماء البارد على القردة الأربعة الباقين وأرعبهم!! بعد قليل سيحاول قرد آخر أن يعتلي نفس السلم ليصل إلى الموز، كرر نفس العملية، رش القردة الباقين بالماء البارد. كرر العملية أكثر من مرة! بعد فترة ستجد أنه ما أن يحاول أي قرد أن يعتلي السلم للوصول إلى الموز ستمنعه المجموعة خوفا من الماء البارد.

الآن، أبعد الماء البارد، وأخرج قردا من الخمسة إلى خارج القفص، وضع مكانه قردا جديدا (لنسميه سعدان) لم يعاصر ولم يشاهد رش الماء البارد. سرعان ما سيذهب سعدان إلى السلم لقطف الموز، حينها ستهب مجموعة القردة المرعوبة من الماء البارد لمنعه وستهاجمه. بعد أكثر من محاولة سيتعلم سعدان أنه إن حاول قطف الموز سينال (علقة قرداتية) من باقي أفراد المجموعة!

الآن أخرج قردا آخر ممن عاصروا حوادث شر الماء البارد (غير القرد سعدان)، وأدخل قردا جديدا عوضا عنه. ستجد أن نفس المشهد السابق سيتكرر من جديد. القرد الجديد يذهب إلى الموز، والقردة الباقية تنهال عليه ضربا لمنعه. بما فيهم سعدان على الرغم من أنه لم يعاصر رش الماء، ولا يدري لماذا ضربوه في السابق، كل ما هنالك أنه تعلم أن لمس الموز يعني (علقة) على يد المجموعة. لذلك ستجده يشارك، ربما بحماس أكثر من غيره بكيل اللكمات والصفعات للقرد الجديد (ربما تعويضا عن حرقة قلبه حين ضربوه هو أيضا)!

استمر بتكرار نفس الموضوع، أخرج قردا ممن عاصروا حوادث رش الماء، وضع قردا جديدا، وسيتكرر نفس الموقف. كرر هذا الأمر إلى أن تستبدل كل المجموعة القديمة ممن تعرضوا لرش الماء حتى تستبدلهم بقرود جديدة! في النهاية ستجد أن القردة ستستمر تنهال ضربا على كل من يجرؤ على الاقتراب من السلم. لماذا؟ لا أحد منهم يدري!! لكن هذا ما وجدت المجموعة نفسها عليه منذ أن جاءت!

هذه القصة ليست على سبيل الدعابة. وإنما هي من دروس علم الإدارة الحديثة. لينظر كل واحد منكم إلى مقر عمله. كم من القوانين والإجراءات المطبقة، تطبق بنفس الطريقة وبنفس الأسلوب البيروقراطي غير المقنع منذ الأزل، ولا يجرؤ أحد على السؤال لماذا يا ترى تطبق بهذه الطريقة؟ بل سيجد أن الكثير ممن يعملون معه وعلى الرغم من أنهم لا يعلمون سبب تطبيقها بهذه الطريقة يستميتون في الدفاع عنها وإبقائها على حالها!!

ibn nasser - ابن ناصر يقول...

شمس الدين
ههههههههه موضوع جامد جدا بتاع القرود الخمسه وانا معاك في الاستفتاء وياريت تبقي تشرفنا

Supermamá يقول...

Hi Ibn Nasser

سعيده جدا بزيارتك
أجل أتكلم العربيه والدي كان عربي الاصل ومن أبناء ناصر.
لذا أنا أكيدة بأننا سنكون أعز الاصدقاء وأتمنئ أن تستمر في زيارتي

liberty to the end
Best regards

ibn nasser - ابن ناصر يقول...

supermama
شكرا لكي جزيلا واشاءالله نكون اصدقاء
تحياتي

-_- يقول...

عمرها ما حصلت في اي دولة ان يتم تغيير 30 مادة من الدستور مرة واحدة

ibn nasser - ابن ناصر يقول...

ومين سمعك يا شارم وايه اربعه وتلتين مره واحده ,,
تحياتي

كلبوزة لكن سمباتيك يقول...

انا حقاطع رغم انفي
لاني مغتربة
و لو كنت موجودة في مصر كنت



حقاطع برضه

لاني عارفة اني لو صوت حيزوروا تصويتي و ابقى ساهمت في الموافقة

دول محدش يقدر عليهم الا ربنا

شهيدة يقول...

sampateek

طريقة التفكير دي هي اللي بتخليهم أقوى
الله سبحانه وتعالى بيلعن العبد المتخاذل اللي ما بيطالبش بحقو

يا جماعة فكروا فيهم على اتهم بلاء او امتحان من الله

حتفضلوا قاعدين لجد ما تسقطوا في الامتحان

ولو ما طالبتوش بحقكم حيفضلوا حاسين انكم ضعفاء وانتو مش كدة

تحياتي يا ابن ناصر

وانت غايب بقالك كتير
انت فين؟

ibn nasser - ابن ناصر يقول...

sampateek
بصي انا معاكي في حكاية التزوير لكن ماذل لو لم يزوروا؟؟؟ او بيزوروا في لجان عينه؟؟ ماذا يحدث لو كلنا نزلن وقفنا امام اللجان قلنا لأ ودخلنا قلانا لأ ,,, الفكره اللي مش عايزه توصلوكوا ان لو الشعب كلوا قاطع ماشي لكن اللي هيحصل إن ان المعارضه هتقاطع والشعب اساسا مقاطع خلقه فمش هتبان هتبان زي الاستفتئات بتعت كل مره ده يمكن كمان العدد يزيد وصلتك رسالتي؟؟
تحياتي

ibn nasser - ابن ناصر يقول...

شهيده
والله موجود اهو بس ادعيلي زي مادعيتلك انا رايح المظاهره النهارده ودي اول مه ليا ووزير الداخليه بيقول عقوبات رادعه للمشاغبين يا رب استر
تحياتي