أخبـار ابـن نـاصر

لا للتعديلات الدستورية

الخميس، ٢٩ مارس ٢٠٠٧

الاجانب ليهم الأولويه ,, حتي عند الاخوان كمان !!

جيت امبارح من نقابة الصحفين كنت رايح عشان احضر مؤتمر القاهره الخامس وهو عن مقاومة الاحتلال الامريكي والصهيوني وعن المحاكمات العسكره في مصر ورحت النقابه بعد ماعديت علي تلات عربيات أمن مركزي ولاقيت علي سلالم النقابه ناس كتير قوي قوي ومعظمهم بيسلموا علي بعض دخلت جوه لاقيت زحمه جدا وناس كتير منهم ناس شايلين يفط عليها لا للمحاكمات العسكريه وحاجات من الكلام ده وعلي اليمن وطبعا الواحد ماشي بالعافيه من الزحمه ,حزب الكرامه حاطط صور وكتيبات عن الحزب وكده وعلي اليمين جريده الاشتراكيون والاخوان هم اللي واقفين هم اللي منظمين الدنيا فجت اخش القاعه قاللي لأ لحاملي الدعوات فقط قلتلهم فين الدعوات دي قالولي بره طلعت بره لاقيت شباب حلوين لابسين بدل معاهم الدعوات قلتلهم عايز دعوه يعني انا جاي من اخر الدنيا وماقلوش انه بدعاوي قالي انت عايز تخش ليه؟؟ وبعدين احنا بندخل الصحفين الاجانب , ليهم الاولويه!! ولو عايز تتفرج اطلع فوق في شاشه !!-وافتكرت علي طول حديث المرشد اما قالك المسلم الماليزي اهم من القبطي المصري!! وعرفت انه كلام نتش كله - طبعا كنت متنرفز قمت ماشي ونازل وطبعاكان اذان المغرب بيدن بس السياسه أهم يعني!! معاني قلت هتلاقي الاخوان نازلين يصلوا!! وانا ماشي لاقيت كام واحد بيقولوا كده وسع يابني انت -مش ليا- طبعا ببص علي يميني لاقيت مهدي عاكف مرشد الاخوان كان لسه داخل وباين كا جاي في عربيه عاديه ومافيش اي حراسه معاه ولا حاجه بس ونزلت وروحت ,, ومنه لله اللي قالي رووح وشوف المؤتمر !! بس خلاص بقي أرزاق...
ابن ناصر

........................

تزوي الانتخابات في ميت غمر

هناك ١٧ تعليقًا:

قنديل يقول...

قالي يا قلب يا مجروح
فضفض.. إبكي.. بوح
إحكي عن المحظور والمسموح
قلتله إزاي أنطق يا لوح
ماانت سرقت صوتي وماعدشي حيلتي إلا النوح
ستين ألف داهية تاخدكم وتروح

-_- يقول...

انت اللى رحت برجليك

!!!

بلد بتشجع السياحة

شهيدة يقول...

يللا بسيطة يا ابن ناصر

اديك رحت واتفسحت

ههههه

عاشقة الوطن يقول...

معلش ياابن ناصر
الأولوية للأجانب
المصري أصلا خلاص مالوش لازمة
الله يرحمنا برحمته

تحياتى

محمود سعيد يقول...

يا راجل ده انت نفسك قصير قوى

انا روحت وانا مش عارف حاجة
وطبعاً معرفتش أدخل خالص لأن القاعة أساساً كانت مليانة أجانب وصحفيين

فضلنا واقفين بره بتاع ساعة لحد أول ما بدأ المؤتمر دخلنا وفضلنا واقفين لأن الكراسى مليانة

والمؤتمر 4 أيام
ممكن تيجى النهاردة والأحد كمان

وهتلاقى عندى على المدونة متابعة للمؤتمر

وأنا لا معايا دعوة ولا ليا واسطة ولا أى حاجة

أول يوم بس اللى كان زحمة
والباقى أى حد عاوز يحضر يحضر

محمود سعيد يقول...

بلاش بقى أقولك أنى زعلان من شوية كلام أنت كاتبه

وإتأكد كويس من اللى انت نقلته أن المسلم الماليزى أهم من المسيحى المصرى

وهما الصحفيين الاجانب كانوا من ماليزيا ولا حاجة

ibn nasser - ابن ناصر يقول...

قنديل في قلبي
يا سلام يا سلام ايه بس الكلام اللي جاي في وقته ده
تحياتي

ibn nasser - ابن ناصر يقول...

شارم
هههههههه والله عندك حق انا اللي رحت برجليا
تحياتي

ibn nasser - ابن ناصر يقول...

شهيده
ههههه
\حرام عليكي ده انا كنت اليوم ده مش قادر اقف ومع ذلك رحت
تحياتي

ibn nasser - ابن ناصر يقول...

عاشقة الوطن
ماشي الاولويه للاجانب لكن حتي من الاخوان!!! غريبه دي
تحياتي

ibn nasser - ابن ناصر يقول...

محمود سعيد اول حاجه انا روحت بدري قبل ماتتزحم تاني حاجه انا مابقولش ان المسلم الماليزي اهم من القبطي المصري ,انا بتريأ علي المرشد هو اللي قال كده في حواره مع روزاليوسف ,,لكن انا طبعا معنديش الكلام ده احنا أمه واحده
تحياتي

7ntklm يقول...

هو دا المؤتمر الكنت قولتلى عليه يوم متقبلنا فى الاعتصام تصدق انا ناسى خالص ومفتكرتش غير يوم الخميس بليل لما اتكتب عن المؤتمر دا فى البلوجز بس حتى لو كنت انا افتكرت او انت قولتلى قبلها بيوم مكنش هينفع احضر لان كان عندى ضغط فى الشغل ومكنش هيبقا فى مود للحضور المؤتمر

بس انا لو كنت موجود كنت هحضر برضه لو حتى هقف قدام شاشة العرض يعنى مش لزم احضر فى القاعة علشان احسس بنفسى جوا

يلا ولا يهمك يا احمد عقبال الجى واكيد الجى اهم

khaled يقول...

يا كنت هاتلك حاجة تاكلها احسن لك
كله بيمثل على كله
بيضحكوا على العبط اللى بيصدقوهم زينا
معلش بقى يا ابنى اكيد رجلك وجعتك من المشوار
الحمدلله ان انا ما روحتش كنت هارجع و قفايا يقمر عيش
:)

محمود سعيد يقول...

شوفت بقى إنت ازاى يعنى مش عارف حاجة كمان مرة

بقى المرشد عمله فى حياته ولا أى أعضاء الإخوان عمل حوار مع روز اليوسف

علشان تقول لى انه قال ان الماليزى المسلم أهم من المسيحى المصرى

:-)

ibn nasser - ابن ناصر يقول...

حنكلم
يا عم تامر دي طلعت بهدله بقي يقولي بندخل الاجانب بعدين ان عايز تخوش ليه !! ده كلام بالذمه يالا الجايات اكتر من الرايحات
تحياتي

ibn nasser - ابن ناصر يقول...

خالد
رجلي وجعتني!! ده انا يومها ماكنتش قادر اقف والله العظيم وروحت وضرب المشوار وجيت وانا متغاظ
تحياتي

ibn nasser - ابن ناصر يقول...

محمود سعيد لأ كانت مع روز اليوسف حتي انا استغربت ,, وسأله ميت سؤال ده الحوار اللي قال فيه طز في مصر وأبو مصر ,,مش فاكره علي العموم انا بس كنت متحامل عليكوا شويه بعد المقلب ده
تحياتي