أخبـار ابـن نـاصر

لا للتعديلات الدستورية

السبت، ٣١ مارس ٢٠٠٧

أشرف الخلق




اشرف الخلق

خاتم المرسلين

بعثه الله رحمة للعالمين

له خلق لم يخلق مثلها الخالق

لدين الاسلام خدوم ,لله عاشق

روحه جميله لابعد الحدود
يحب السلام لدرجة الخلود

أشرف الخلق نبي الله لا سواه

نصر المظلوم بغير خوف

معه الله جل علاه

عندما بعث بالحق

اصبح المضل هاديا

والمريض شافيا

وللصدور معافيا

جاء بدين الله لكل العباد

جرد الخلق من الكبر والعناد

عاقب كل من كان مذهبه الاستبداد

وحد كل البشر علي راية واحده

ضد الفساد
.................

اللهم صلي وسلم علي سيدنا محمد

ابن ناصر

هناك ٤٥ تعليقًا:

Iman يقول...

الله ما صلى وسلم على سيدنا محمد وعلى اله وصحبه وسلم

ibn nasser - ابن ناصر يقول...

عليه الصلاة والسلام

7ntklm يقول...

عليه الصلاة والسلام

كل سنة وانت طيب احمد :K

ابقا فكرنى انزل بيك المولد وجبلك حصان من السكر :D

Iman يقول...

ابن ناصر لو حتروح مع حنتكلم المولد تجيبوا حصان...ابقوا خدونى معاكم اجيب عروسه حلاوه
وبعدين انا سمعت ان حصان المولد بقى تيس بمنسبه التعديلات الجديده

ibn nasser - ابن ناصر يقول...

ههههههه
حنتكلم علي فكره انا كاتب البوست مش من القاهره من المحله الكبري عندنا المولد بحق وحقيقي وفي حاجه اسمها الطيف بتعدي كده بتكون اكتر من 10 عربيات متزوقه ومربوطه في بعض
تعالا بقي انا اللي هخدك ورايا علي الحصان ههه
تحياتي

ibn nasser - ابن ناصر يقول...

ايمان ههههه بصي بقي انا شايف انك زودتيها هتروحي الماتش ولا المولد ههههههههه
وبعدين كل العرايس بقيت تغني مكارينا مافيش حلاوه دي
تحياتي

7ntklm يقول...

اوكى كويس انهم 10 عربيات متزوقين بس خالى بالك لتكون العربيات دى عربيات امن مركزى :D

فبنصحك يا احمد ابعد عن اى هتاف وطنى وكتفى بكلمة مااااااااادد

ههههه ايمان طلعت فقريا زينا وفى نفس الوقت عندها ضيق تنفس من التعديلات زينا برضه . :s

محمع الا لما وفق وبمناسبة التعديلات هتبقا مجمع الا لما فرق :S

khaled يقول...

صلى الله عليه و سلم
اللهم اسقنا من يده شربة هنيئة مريئة لا نظمأ بعدها ابدا

ROMIL يقول...

عليه الصلاة والسلام

جميل يا ابن ناصر

تحياتي

ROMIL

غير معرف يقول...

الله ما صلي علي سيدنا محمد وعلي اله وصحبه وسلم وعلي كل الانبياء تحياتي ليك

شهيدة يقول...

بلـغ العلى بكمالـه

كشف الدجى بجماله

حسنت جميع خصاله

صلّوا عليـه وآلـه

كل عام وأنتم بخير

Iman يقول...

ايه القهر دا يا ابو ناصر
الماتش من حقى اروحه تطبيقا لتعديل الدستورى الجديد
والمولد عشان انا عمرى ما رحته قبل كدا ونفسى فى عروسه حلاوه زى اللى شفتها مع شاديه فى فيلم نحن لا نزرع الشوك
واتعشمت فيك لوجه الله اننا نروح ونيجى سوا...يعنى اروح مع مين يعنى

شخبطة ملوكى يقول...

اللهم صلى عليه وسلم تسليما كثيرا
احمد
كلام جميل تسلم ايدك
بس ليا سؤال بس انا شايف ان صورة ناصر و جيفارا مع بعض كده بتقول انك ثورى يا باشا وممكن كده تكون يسارى
هههههههههههه بس البوست الجميل ده قلل قلقى كتير
تحياتى
طارق المملوك
مجموعة الفاجومى

Unknown يقول...

كل سنة وانت طيب.

مصر هى أمى يقول...

ابن ناصر

بوست حلو اوى نفسى نرجع نقتدى بالرسول الكريم
ان شاء الله

كل عام وانت بخير

ibn nasser - ابن ناصر يقول...

حنتكلم
هههههه خلاص ياباشا بعد يوم التحرير عربية أمن مركزي ايه اللي تخوفنا احنا عايزين علي الاقل عشر عربيات ههه ةبالنسبه لايمان غريبه انها مش عجباها التعديلات هو في فجمهورية ايمان تعديلات برضه!؟؟
تحياتي

ibn nasser - ابن ناصر يقول...

khaled
يارب ..
تحياتي

ibn nasser - ابن ناصر يقول...

روميل
لحسن يا روميل اعداء الاسلام بقو كتير قوي الواحد يخش علي اي سايت بالصدفه يلاقي بيشتم في الرسول ..لازم الناس تعرف عايزين حملة توعيه مره
تحياتي

ibn nasser - ابن ناصر يقول...

فارس
عليه الصلاة والسلام,, وعايز بقي اشوفك مفرفش كده مش عايز نكد هه ولا انت بتحتفل في الفالنتاين بس !!؟

ibn nasser - ابن ناصر يقول...

شهيده
الله شعر جميل قوي قوي\
تحياتي

ibn nasser - ابن ناصر يقول...

هههه بصي يا ايمان خلاص ماشي بس قي حاجه هو انتوا عندكم تعديلات في جمهورية ايمان برض!؟ بعدين قولتلك عايز التقشيره اجي الجمهوريه عندك بعتيني ,,وخلاص يا ستي حقك عليا علي الماتشات في كتيير والمولد يالا اجهزي انا جاي اعدي عليكي ,,وعارفه في ايدي ايه؟؟؟؟ عروسه حلاوه يالا ياستي لس لو حد خدها منك ماليش دعوه ههههه
تحياتي

ibn nasser - ابن ناصر يقول...

طارق
أهلا بيك يا باشا علي فكره انا انضميت لمجموعة الفاجومي لاني من عشاقه فعلا وتاني حاجه يعني واحد بيحب ناصر جيفارا ,بقي كافر يعني ههههه يعني لو الاخوان مسكوا الحكم دلوقتي مافيش ياما ارحميني هههه ,وعلي فكره يا جماعه انا مسلم وكمان متعصب
تحياتي

ibn nasser - ابن ناصر يقول...

esraa
وانتي طيبه ,بس تصدقي مجتليش رساله واحده قد اللي جاتلي في الكريسماس !؟
تحياتي

ibn nasser - ابن ناصر يقول...

مصر هي أمي والله نبقي خير الامم بس يعني مش هاقولك حاجه غير واحد قريبي قالي وهي معلومه موثقه ان ظباط الجيش اللي بيصلوا في الجامع لهم ملفات في امن دوله !!!اسرائيل مابتعملش كده!؟
تحياتي يا صديقي

جبهة التهييس الشعبية يقول...

كل سنة وانت طيب

-_- يقول...

اللهم صلى على سيدنا محمد صلى الله عليه وسلم

غير معرف يقول...

اللهم صلىوسلم على اكرم الخلق

Unknown يقول...

أنا دبستك في تاجين كده جمال خالص.
أدخل عندي وخدهم.

bentfalestine يقول...

اللهم صلي ع كامل نور النبي العربي ...كل سنة و انت طيب
ممكن توخدوني معكم المولد .:-( بس مسافة الطريق يعني بجي بمكيروباص عابر القارات
كل عام و انتو بخير

أمــانــى يقول...

اللهم صلى وسلم على اشرف الخلق سيدنا محمد عليه افضل الصلاة والسلام يااااااارب اكرمنى بزيارة بيتك وبيت الحبيب يااااااااارب امين

IBN BAHYA - إبــن بهيـــــــــــــة يقول...

كل عام وأنتم جميعا ومن تحبون بكل خير

وصلى الله وسلم وبارك على خير الخلق وسيد المرسلين

أرق تحياتي

Memo يقول...

اللهم صلي وسلم علي سيدنا محمد

ibn nasser - ابن ناصر يقول...

جبهة التهيس الشعبيه
كل سنه وانتي طيبه
تحياتي

ibn nasser - ابن ناصر يقول...

شارم
عليه الصلاة والسلام
,,بس كنت متوقع ان الناس تعمل للرسول حاجه اكتر من كده بس مش مهم الحكومه قامت بالواجب وحطط فيلم الرساله
تحياتي يا صديقي

ibn nasser - ابن ناصر يقول...

esraa
يا لهوي هاجي عندك ماشي ,,شكرا ليكي
تحياتي

ibn nasser - ابن ناصر يقول...

بنت فلسطين
ياستي ولا كبيره ولا حاجه يدوبك تعدي الحدود وتنطي الجدار الفاصل وتهربي من المعبر وتزغي وتنفتي من وابل الرصاصات وتيجي مصر ,,يالا عادي
تحياتي

ibn nasser - ابن ناصر يقول...

تحياتي الي ابن بهيه ابن الغاليه حبيبي
تحياتي تاني

ibn nasser - ابن ناصر يقول...

اماني
عليه الصلاة والسلام....
ياه نفسي ازور بيت الرسول يالا يا جماعه نروح مع بعض كلنا ,,ادعو والله
تحياتي

ibn nasser - ابن ناصر يقول...

ميمو
عليه الصلاة والسلام
تحياتي

Rania Lelah يقول...

اللهم ما صلى على سيدنا محمد عليه افضل الصلاة و السلام
خير خلق الله

kaed يقول...

الرائع إبن ناصر
اللهم عد علينا و عليك هذا اليوم بالخير و اليمن و البركات آمين
تقبل تحياتى

أحمد العربي يقول...

عليك أفضل الصلاة والسلام يا خيلا من أنجبت البشرية

ibn nasser - ابن ناصر يقول...

رانيا
صلي الله عليه وسلم
تحياتي

ibn nasser - ابن ناصر يقول...

قائد حبيب قلبي انت اللي رائع والله
تحياتي

ibn nasser - ابن ناصر يقول...

احمد العربي
تحياتي واهلا بك