أخبـار ابـن نـاصر

لا للتعديلات الدستورية

الثلاثاء، ٢٤ أبريل ٢٠٠٧

أيام السادات 1/3



محمد أنور السادات الرئيس السابق لمصر ..سنتحدث عنه في ثلاتة حلقات منفصله ...وفي هذه الحلقه لن نخوض معركه في السياسه .بل كيف يقضي السادات يومه العادي ...لنري بعض من ملامح حياة السادات الانسان.

وكان برنامج الحياه اليوميه للسادات يؤكد تفاصل هذه العزله عن العالم الخارجي . كان يستيقظ في الصباح متأخر -ما بين الساعه التاسعه والتاسعه والنصف عادة -وعندما يفتح عينيه كان يمد يده الي مائدة بجوار السرير فيتناول ملء ملعقه من العسل مزجت بقليل من رحيق الملكات, ثم كان يطلب فنجانا من الشاي الساخن يحتسيه بعد العسل والرحيق. ثم تأتيه صحف الصباح القاهريه , فيلقي نظره عليا مركزا اهتمامه علي ما يتصل به :العناوين الكبيره المتصله بأخبار نشاطه في اليوم السابق ,ثم صوره. ثم يدخل خبير التدليك الخاص به -(1) كان المدلك الخاص بالرئيس السادات وضع رسمي في البروتوكول. وقد دهش احد سفراء مصر في عاصمه اوروبيه حينما وجد الي جواره علي مائدة العشاء الرسمي شخصا من حاشية الرئيس لا يعرفه.وعندما سأل اكتشف عنه انه المدلك الخاص للرئيس. فيبدأ معه في القيم ببعض التمرينات الرياضيه ,ثم يجيء دور التدليك والحمام ,ويكون ذلك كله استغرق أكثر قليلا من ساعه . وبعدها تجيئه صينية الافطار, وهي مكونه عادة من طعام خاص خفيف يحتوي علي بعض الجبن والخبز الخالي من أي سعر حراري والمصنوع من دقيق خاص مستورد من سويسرا (كان هذا الدقيق الخالي من السعرات الحراريه يستخدم في صنع كل انواع الفطائر والحلوي التي تقم للرئيس السادات ,بما فيها الكنافه -حتي ولمعكرونه ايضا خاليه من أي نشويات,وكان الرئيس السادات يقبل عليها ويسميها ضاحكا "مكرونه خشب") .

وليس سرا أن السادات كان يشرب بانتظام, وكان يقول ان ذلك بناء علي نصيحة الاطباء بعد عرضه لعارض قلبي في شبابه . وكان قب الظهر يفضل الفودكا , وكان يشرب منها كأسا واحدا أو كأسين قبل ان يبدأ مقبلاته عند الظهر. وكان تفضيله للفودكا قبل بدء عمله يرجع الي اعتقاده انها ل تترك رائحه في فم من يشربها , وكان يعتقد ان هذا القليل من الفودكا الذي يشربه قبل الظهر هو خير منشط لعمله الذي كان يبدأ في الاده علي شكل مقابلات (اتنين او تلاته في اليوم) تبدأ الثانيه عشر وتنتهي بعد ساعتين . وعندما تصبح الساعه الثانيه والنصف او الثالثه بعد الظهر يفرغ الرئيس السادات من العمل شاكيا في العاده انهم ( يريدون قتلي بكل هذا الذي ضعونه علي كتفي ). وتعود الفوتكا مره ثانيه الي الظهور , وتنتهي هذه الفتره فيالساعه الرابعه و الرابعه و النصف يتناول في نهيته غذاء خفيفا مكونا في العاده من بعض شرائح صدر الدجاج او اللحم البارد , وطبق من السلطه او طبق من الخضروات الطازجه بدون اي توابل, ويأوي الي فراشه لينا. ويسيقظ في العاده ما بين الساعه السابعه والسابعه والنصف شاعرا بالجوع ,فيطلب فنجانا من الشاي بالنعناع , ثم يطلب عشاءه ,وهو في معظم الاحيان من اللحوم المسلوقه او المشويه الي جانب بعض الارز او المكرنه الخاليه من الشويات ثم يتناول طبقا من الحلوي المصنوعه من الدقيق الخاص الخالي من اي سعر حراري . ثم يبدأ في اجراء بعض اتصالات تليفونهمع بعض المسئولين المصرين او مع بعض الاجانب خصوصا في الولايات المتحده(يكون الوقت في الولايات المتحده ساعتهحوالي الظهر). ثم يختتم اتصالاته التليفونيه بتلقي المكالمات من رؤساء تحرير الصحف المقربين منه , يسمع منهم ما لديهم من أخبار جديده ويزودهم بما لديه من توجهات , ثم يكون البند التالي من برنامجه هو طلب كشف افلام السينما الجاهزه للعرض في صالة السينما (كانت هناك صالة سينما في ك بيت من بيوته او استراحه من استرحاته , وكانت الافلام ترسل اليه حتي قبل عرضها علي رقابة الافلام لانه كان يعتبر السينما تسليته الاساسيه ). وعادة ما كان يلقي نظره علي كشف الافلام ثم يخط بالقلم اشاره الي اثنين او ثلاثه منها . وفي نحو الساعه العاشره مساء يتوجه الي صالة السينما ومعه من يتصادف وجوده من أفراد أسرته او من أصدقائه . ويبدأ عرض الفيلم الاول , خلال العرض فانه كان يتناول قدحا او اثنين من الويسكي, و يأخذ احيانا معه القليل من شطائر الجبن او اللحم . وبعد منتصف الليل بقليل (يكون الفيلم الاولفي العرض الليلي قد انتهي وبدأ عرض الفيلم التاني ) يشعر من حول الرئيس بانه قد بدأ يغفو لكنه يغالب النوم لبعض الوقت , ثم فجأه ينهض واقفا طالبا من الاخرين جميعا ان ظلوا حيث هم وألا يقطعوا مشاهدتهم للفيلم الذي يرونه وينصرف هو الي غرفة نومه لينام وهكذا ينتهي برنامج يوم من ايامه العاديه (كان البرنامج يختلف في شهر رمضان لان الرئيس لم يكن يتناول الشروبات فيه وكما انه كن يصوم ايامه كلها).


ولقد استطاع أن يحول عزلته الي فضيله . وعندما يكون عليه ان يتخذ قرارا في أمر من الامور فان الصحف كانت تعلن انه سوف يعتكف في احدي استرحاته البعيده (لكي يصل الي قراره) -كما لو ان القرار يجيئه بالوحي من السماء وليس عن طريق دراسات تحتويها اوراق الدوله او مشاورات مع كبار المسؤلين فيها او مع غيرهم من مستشارين. لقد ضاقت مع الايام دائرة من كان يتصل بهم ,واحصرت هذه الاتصالات بدائره قليله من الناس من كانوا علي استعداد لأن يقولو له ما يعرفون انه يرغب في سماعه . واصبح يصدق كل ما يقدم اليه من نتائج استفتائات , ويصر علي ان اكثر من99 في المائه من المصرين يؤيدون سياساته, وان لا احد يعارضه سوي قلائل من الارذال والمنحرفين, ولم يكن علي استعداد علي الاطلاق لان يعرف ان كل استمارات الاستفتاء في الرف تملأ بواسطة الاداره وبدون ما حاجه حتي الي شكليات عملية الاقتراع بما فيها عد الأصوات.

محمد حسنين هيكل -خريف الغضب

السادات وحسني مبارك وبعض القيادات في المسجد يصلون



صوره نادره للسادات وهو يضع المكياج قبل التصوير

....



تعقيبي
هل يا تري حسني مبارك يعتقد ان 75 في المائه يريدون التعديلات الستوريه!؟؟ وان لا احد يعارضه وهم حبه من الارذال والمنحرفين علي رأي السادات !!؟؟ ام يعلم تماما الحقيقه !؟ وكل هذا وان حسني بقالوا في السلطه قد السادات تلاته مرات !!؟



صوره يظهر فيها الرئيس مبارك يحيي الجماهير-80 الف- التي هتفت له واستقبلته بحراره فور وصوله , مثل ما استقبلت الجماهير السادات فور وصوله من اسرائيل ..هل يعلم حسني مبارك الحقيقه كما قلنا !!؟



تحياتي

ابن ناصر
ibn-nasser@hotmail.com

هناك ٣٠ تعليقًا:

غير معرف يقول...

حبيبي وحبيب قلبي عظيم جداااااااااا الموضوع ده لان السادات ده كلب كلب ولازم نكشفه لانه خااااااين وليس ببطل كما يقول التارخ احييك يا بن ناصر يا عظيييييييييم وليا الشرف انى اكون اول معلق علي هذا الموضوع العظيم احييك

ibn nasser - ابن ناصر يقول...

العظيم نور ..
والله انا في التلاتة بوستات اللي هاقدمهم , هاكون محايد واسيب الناس تحكم , بس البوست الجاي ده هيعجبك قوي سياسه بقي وكلام علي هواك
تحياتي

مصر هى أمى يقول...

ابن ناصر
انا طبع معرفش حكاية انه كان بيشرب ديه صحيحة ولا لأ مع انى سمعتها كتير


بس برده كل رئيس ليه عيوب ومميزات كفاية ان السادات خد قرار زى بتاع الحرب صحيح هوا دمره بعد كده بمعاهدة كامب ديفيد بس عموما خد قرار الحرب ومننساش ان فى عهدة كان الاقتصاد المصرى قوى جدا وكان فى مصانع بتتبنى ومدن بتتعمل وحركة تطوير فى اللاقتصاد المصرى محدش يقدر ينكرها برغم انه كان خارج من فترة حروب كبيرة
الانصاف ان احنا نجيب عيوبة ومميزاته
بس مع انى ناصرى جدا وبحب عبد الناصر لكن مثلا انا بكره سياستة الادخلية بتاعت التعذيب وزوار الفجر وتلفيق القضايا والمعتقلات لكن فى نفس الوقت معجب جدا بسياسته الخارجية وانه كان عامل لمصر هيبة كبيرة فى العالم كله مكناش ملطشة زى دلوقتى

تحياتى ليك

ibn nasser - ابن ناصر يقول...

مصر هي أمي
ازيك يا صديقي
هههههه هو الهجوم من دلوقتي ... والله مابهاجمش السادات ,انا بقول بيقضي يوم ازاي بس عيوب مش عيوب انا ماعلقتش علي حاجه غي اللي انت شوفوا بس البوس الجاي واللي بعدوا هيبقي مختلف
تحياتي

yasmina يقول...

انا يمكن مليش هنا رأي خاص لكن كأن محمد حسنين هيكل كان معه وهو يصفه
وعلى العموم الرؤساء دائما لديهم عادات غريبة ليست لغيرهم
بس اللي اقدر اقوله انه تركنا وراءه ننزف في كامب ديفيد
تحياتي

أمــانــى يقول...

الله عليك يا سادات الراجل كان مظبط نفسه كويس اووووووى
وانت يابنى اذكروا محاسن موتاكم
ايه ده الله يرحمه ويرحمنا جميعا
تحياتى لابن ناصر قائد الثورة القادمة
:D

ibn nasser - ابن ناصر يقول...

yasmina
لسه الكلام عن كامب دايفيد جاي ,, احنا ماشين واحده واحده
تحياتي

ibn nasser - ابن ناصر يقول...

اماني
طبعا اخر تظبيط ,,ومانا بذكر محاسن موتانا هو انا قلت عن الحشيش وميت ابو الكوم حاجه ولا اتكلمت عن انواع السجاير,,, أه بالنسبه لقائد الثوره فعلا ,, قائد ثورة سجناء طره
ههههههههه
تحياتي

Iman يقول...

والله برده عاشله يوميين حلويين
وراجل صاحب مزاج
هو كان ابن حلال
ومننساش انه فعلا اخد اقوى خطوه فى تاريخ مصر وخاض حرب اكتوبر
انا بس حابه اوضح حاجه للاخ مصر هى امى

مفيش حاجه اسمها اتفاقيه كامب ديفيد ....احنا اللى بيناوبين اسرائيل هى معاهده السلام
كامب ديفيددى كانت مجموعه قرارات بين مصر واسرائيل وهى تخص الشئون المصريه وهى الانسحاب الكامل من سيناء والشان اتانى هى القضيه الفلسطينيه والتزام اسرائيل بحدود 1967
لكن لما ياسر عرفات والحكومه الفسطينيهرفضت مناقشه القضيه والتضامن مع السادات والذهاب معاه الى تل ابيب لمناقشه المواضيع دى ...طبعا كدا اتلغى الشق التانى من كامب ديفيد وبقت مجرد معاهده سلام مصريه اسرائيليه
يعنى مفيش حاجه اسمها كامب ديفيد...فيه معاهده سلام

اشطه

معلش يا ابن ناصر طولت عليك
تحياتى

ibn nasser - ابن ناصر يقول...

ايمان
فعلا فالساداتقاد نصر اكتوبر 73 وانا مع السادات حتي 77 فقط ,,وعلي فكره حسني مبارك برضه كان قائد الضربهالجويه ونفذها 90% صحيحه ومميته للعدو .. ومعلهش بس في حاجه اسمها تفاقية كامب دايفيد لان معاهدة السلام شهدت توقيع الرئيس الامريكي كارتر مع كتابة المكان كامب دايفيد ..ومش فارقه معاهدة كامب دايفد اتفاقية سلام ..المهم احنا والاسرائلين حبايب ..تطبيع بقي !!؟
ولأ تطولي علي زي مانت عايزه طبعا
تحياتي

ذو النون المصري يقول...

اولا انا لا اعتقد ابدا ان فيه شيء مما ذكره هيكل عن السادات صحيح و اعتقد انه متجني لاني ايضا سمعته بيتكلم عنه في الجزيره بكلام غير لائق من كلامه مثلا ان السادات كانمعقد نفسيا بسبب لونه الاسود
و خلافه من الكلام الذي لا ينطلي علي احد
لكن وصفه ليوم من ايام السادات هذا يصدق فقط علي محمد صبحي في مسرحية تخاريف لما كان قايم فيها بدور الرجل شديد الثراء
اظن ان فيه مبالغه في كلام هيكل
تحياتي

david santos يقول...

ibn nasser, My friend, I need that you make me a translation of English for Arab if you will be able to make says in mine coments, you I am very thanked

bentfalestine يقول...

شوف خيي الاشي الوحيد بالسادات انه قالهم انا رح اوقع مع الصهاينه و من فوق الطاوله .. كلهم بوقعو من تحت فهو صريح و الحق يقال ههههه
هو بالمجمل بتحفظ ع الزعما ككل عدا عبد الناصر كزعيم مصري لاني بحترمه و بقدره و مش حقول رايي بالسادات حستتنى الاجزاء الثلاثه عشان ما اتطفلش ع دفعات تكون دفعه واحده بس احييك موضوع رائع و روعته باهميته دمت بسلام

ام هادي يقول...

ابنائي الاعزاء اذا اراد احدكم ان يكون فكره تقريبيه عن اي موضوع وليكن السادات او ناصر او حتي الاهلي
فليقرء للاخوان والشيوعيون والمنافقين والمتملقين ليخلص بوجهه نظره هو
ام هادي

غير معرف يقول...

طبعا ذو النون ده أكيد أخوان كفايه أن السادات حجب أولاده من زوجته الأولى عشان ماكانوش يليقوا بوضعه الجديد وأسلوبه التمثيلى فى كل خطبه وحوارات أخلاق القريه وكبير الغيله والحاجات الجامده دى

صاحب البوابــة يقول...

اتابع معك بكل حرف يا اخي وصديقي

تحياتي

ibn nasser - ابن ناصر يقول...

ذو النون المصري
يا عزيزي هيكل يقول في اول كتابه انه لا يحمل من السادات أي ضغينهبسبب موضوع السجن لأنه قال انه مجرد اختلاف في الرأي ,لكن انا اعتقد ان مافيش اي مغالاه خالص اصل فين المغالاه الراجل يومه طبيعي في البيت وبعدين ماحنا بنشوف لسادات رايح البحريه يلبس لبس البحريه رايح الشرطه يلبس لبس الشرطهوالجيش يلبس لبس الجيش والباققي انت عارفوا الجلابيه في ميت ابو الكوم وفي الاخر مصمملك اللبس الاملاني والنياشين الماني ومشي العسكري المصري الماني !علي طريقة الاوزه , فكل رئيس عنده حاجات كده وده عادي
تحياتي يا عزيزي

ibn nasser - ابن ناصر يقول...

david santos
i will be able inshaallah to translate what you want
thnks
my best regards

ibn nasser - ابن ناصر يقول...

بنت فلسطين
هههه ماهو كل الرؤساء العرب وقعوا مع اسرائيل من تحت ليه!!؟ عشان اما لاقوا بعد ما السادات وقعلقوا ايه! ايشي جوايز نوبل واوسمه والقاب ومعونات امريكيه !!؟ قاموا ماكدبوش خبر!!
شكرا ليكي
تحياتي

ibn nasser - ابن ناصر يقول...

ام هادي
فعلا أحيكي علي هذا ففعلا يجب علي القاريئ ان يقرأ لكل الاتجهات ليكون وجهة نظره ,ويجب علي القاريء الا يقرأ وجهة نظر واحده اي لكاتب واحد !!
بس في ملاحظه يا ام هادي دلوقتي انتوا بتقورا لواحد ايه نظامه من المنافقين !والمتملقين!!؟
هههههه
ارق تحياتي

ibn nasser - ابن ناصر يقول...

مجهول
فعلا انت تطرقت لموضوع مهم حكاية زوجته واولاده كتير بينسوها .. اما علي زو النون العزيز لأ مش اخوان ,واختلاف وجهة النظر عادي احنا عايزين كده اشخاص مثقفه زيه
تحياتي يا مجهول

ibn nasser - ابن ناصر يقول...

صاحب البوابه
شكرا لك فعلا ..
يا صديقي
تحياتي

الزعيـمة يقول...

اهلا بابن الزعيم الخالد

انا قريت كتاب خريف الغضب
واستغربت لحياة السادات اليومية
التعتبر على النقيض من حياة الزعيم
الكان كل وقتة وجهده للبلد
لا فية وقت للشرب ولا للسينما والتديلك
وانما متعتة الوحيدة كانت السيجارة
وحتي بطلها بامر الاطباء فى النهاية

وكان ما بين وقت عمل واخر
يستمع قليلا لاحد اغانى كوكب الشرق
او يقرأ كتاب جديد

الله يرحم الجميع دا النقدر نقولة

فى انتظار باقي الاجزاء
من ايام السادات

تقبل ارق تحياتي

ibn nasser - ابن ناصر يقول...

الزعيمه
والله معاكي حق لكن ليس معاكي حق في مقارنتك بين الزعيم الزاهد الذي لم يكن يلبس في كل زياره اغلي وافخم الملابس المستورده ففي لندن بداه كالفين كلاين وفي زياره نوع اغلي .. كنا نري ناصر وهو في الطائره وورائه علب الجبن والعيش ..
تحياتي لزيارتك الغاليه

غير معرف يقول...

صديقي ابن ناصر
كله في الليمون يامعلم ولا واحد منهم نافع لانهم جم بطريقه غلط شكرا ليك عاوزك تيجي عندي علشان تجاوب علي موضوعي

micheal يقول...

أحييك بجد ع المعلومات الخفيفه اللي قدمتها في هذا البوست...أنا حقرأ الجزء التاني حالا و أسيبلك رأيي
تحياتي لك

ibn nasser - ابن ناصر يقول...

فارس
شكراوانا جاي

ibn nasser - ابن ناصر يقول...

مايكل
لا شكر علي واجب
تحياتي

BeLiEvEr يقول...

عزيزى إبن ناصر
يا راجل يا مفترى، تجيب رأى واحد متخانق معاه و سجنه، ما هو اكيد هيشتمه.
وبعدين إنت مش شايف إن التفصيلات دى زياده شوية يعنى مين كان بيشوف السادات لما يصحى من النوم و ياكل معلقة العسل؟!!!!!

السادات كان غنسان، اكيد مليان أخطاء و سلبيات، مش ملاك جاى من السما

بس الراجل ليه إجابيات كتير قوى برده

ibn nasser - ابن ناصر يقول...

beliver
ااااااااااااااااه هو انا قلت مش انسان بعدين هيكل كان بيعيش ويبات معاه ساعات ومبيكدبش
تحياتي