أخبـار ابـن نـاصر

لا للتعديلات الدستورية

الثلاثاء، ٣ أبريل ٢٠٠٧

يا جماعه مش تباركوا لجيمي وديجه !؟


سيتم عقد قران جمال مبارك على خطيبته خديجة محمود الجمال سوف يعقد بالقاهرة يوم 28 أبريل الجاري وسط حضور عائلي.
ومن المقرر أن يقام حفل الزفاف يوم 4 مايو المقبل في مدينة شرم الشيخ في حفل عائلي محدود، لن يحضره سوي أفراد العائلتين، وبعض الأصدقاء المقربين،

وتمت خطبة جمال مبارك (43 عاما) وخديجة الجمال (24عاما) في أوائل العام الماضي.

بعد ان قرأت هذا الكلام احسست ان المسافه بدات تقل جد وها هو جمال يقترب من السلطه ,,والسلطه بضم السين ولي بقتحها عشان فين ناس تفتكر انه هيقرب من السلطه هه علي العموم انا شايف ان ادونين مقصرين جدا لازم يهنوا العريس والوريث وسيدة مصر الجديده , وسيدة مصر الجديده مصر كلها يعني مش مر الجيده اه ومدينة نصر لأ ..بقي يال انا اول واحد مبروووك يا جيمي ومبرووك ا ديجه ,,يا ديجه خالي بالك من جمجوم ,,,,وانا مش عارف اقول حاجه بعد ما شوفت تزوير الاستفتاء لاني عرفت ان ممكن في يوم وليله يبقي جمال مبارك الريس وعادي جدا ,الناس هتعمل ايه يعني!! ولا حاجه.. حبيت اقولكم بس ..علي الخبر السار وانا عارف احساس البنات دلوقي غيره رهيبه من ديجه بس هاقولكم حاجه عادي عادي كلوا في نفسكم هههه
وعلي العموم انا خنقتكم قوي بس لازم هو ده احتفالي لجمال مبارك
ابن ناصر





حبيب قلبي والريس الكيراحمد فؤاد نجم في تهنئته للوريث العريس

>>>>>>>>>>>>>>>>>>>>>>>>>>>

تحديث

شعر يشرح شعور المصرين نحو الفرح الجميل

فرح النيلة عالمخفيه

عاملين زيطة وهيصة قويه

ياني ياما حسرة عليا

مصوا دمي وقطعوا فيه

داهية تاخدهم هو وهي

....

من شاعر المدونات

صاحب مدونة قنديل في قلبي

.......

شعر يشرح شعور المصرين نحو الفرح الجميل

دقوا المزاهر يلا يا اهل البيت تعالوا

جمع ووفق واله وصدقوا اللى قالوا

عين الحسود فيها عود

يا حلاوه

عريس قرف وعروسته غباوه

وانا الليلادى كدنا الاعادى

وادى العريس اسم الله على حسنه وجماله

...

من ايمان

صاحبة مدونة جمهورية ايمان

>>>>

واللي عندوا شعر يقولوا عايزين نزفوا يا جماعه

ونفسي اسأل سؤال كل الناس تجاوب عليه

يا تري انت وهي تحبتهدي لجمال وديجه

ايه!؟

ايه الهديه ,,قولوا ماتتكسفوش

ابن ناصر

Ibn-nasser@hotmail.com

هناك ٥٤ تعليقًا:

مصر هى أمى يقول...

ابن ناصر
انا اول واحد يعنى هنبقى زنزانة واحدة فى المعتقل

تفتكر ماما سوزان هتسيب ديجا تبقى سيدة مصر الاولى مغتكرش وانت عارف الحقد بتاع الشعب هنلاقى ابلتك هايدى فاكرها ولا لأ تطلع هيا كمان وتقول انا عايزة اكون سيدة مصر وانا عندى اول حفيد ونبدء ندخل فى مشاكل مين اللى هيورث الحكم بعد جمال
اول حفيد ولا ابن جمال

على العموم ربنا ياخدنا قبل ما نشوف الايام السودة ديه

الف مبروك المهم انهم يوزعوا شهر مكافأة بمناسبة زواج ولى العهد مش كانوا بيعملوا كده زمان ايام الملكية

Iman يقول...

دقوا المزاهر يلا يا اهل البيت تعالوا
جمع ووفق واله وصدقوا اللى قالوا
عين الحسود فيها عود يا حلاوه
عريس قرف وعروسته غباوه
وانا الليلادى كدنا الاعادى
وادى العريس اسم الله على حسنه وجماله
.......
عقبال ما نفرح فيه وهو مغتال كدا ان شاء الله....البعيد ما يلحق يتهنى ولا يشوف فرح

شهيدة يقول...

ابن ناصر

انا بس عايزة أعقم على نقطنتين هههه

أنا حقول لمحمد عادل ان المشكلة الكبيرة لما يبتدي شغل الحموات يعني ماما سوزان حتغير على ابنها من ديجة وحتلاقي ان بابا حسني بيدلع مرات ابنو أكتر منها
هههههه

مبروك لجيمي يا أهل مصر
لازم تعملولو فرح يكسر الدنيا أوكي

ياريت أقدر أروح أحضر بس للأسف عندي شوية مشاغل

ibn nasser - ابن ناصر يقول...

مصر هي أمي
هههههههه انشاء الله لا نبقي في زنزاناتين وبعدين يارب فعلا نموت قبل الايام السوده دي او نعيش لحد ماتتعدل
تحياتي

ibn nasser - ابن ناصر يقول...

هههههههههه يارب امين
تحياتي

ibn nasser - ابن ناصر يقول...

شهيده
ماشي شكلك فرحانه فينا قوي هههه بكره اولاد السنيوره واحفاد جمبلاط ياهنوكم في الحكم هههههه تخيلي بقي
تحياتي

قنديل يقول...

فرح النيلة عالمخفيه
عاملين زيطة وهيصة قويه
ياني ياما حسرة عليا
مصوا دمي وقطعوا فيه
داهية تاخدهم هو وهي

ibn nasser - ابن ناصر يقول...

قنديل في قلبي ههههههههه
لا بقي حرام عليك ده حتة شعر,, بقولكانت اسمك ايه عشان عايز انشره باسمك

أمــانــى يقول...

الــف الـف الـف مبروك عقبال الحبابيب وعقبال الشباب اللى مش لاقى وكمان البنات وليه ياخد واحدة صغيرة كده يعنى مفيش حد سنها قريب شوية ايه اللعب ده حــــقد مش اكتر
واكــيد الفرح هيتعمل بسرعة طبعا علشان اعلان جمال رئيسا لمــصر قريب انا على العموم اكيد معزومة على الفرح حد عايز يجى اجبله تذكرة اصل مصر كلها افلام دلوقتى ومسرحيات مهرجان القاهرة الدولى
هههههههههههه
ربنا يرحمنا من عنده
يارب كن معانا ولا تكن علينا ياااااااااارب امــين

ibn nasser - ابن ناصر يقول...

هههههه يارب بس اناشايف الاحقاد ايه ماحدش قال بنوته أموره ولا حاجه
ههههههههههههههه
تحياتي

قنديل يقول...

متشكر جدا يا عزيزي إنك أضفت كلماتي عندك.. ده شرف كبير أوي ليه وكفايه أوي انك نوهت لاسم البلوجر بتاعي
اشكرك مرة تانية

ibn nasser - ابن ناصر يقول...

لاتشكرني علي شيء فانت فعلا شاعر المدونات وكلماتك هي التي ترض علي اي شخص عرضها
تحياتي

zenzana يقول...

انا جيت امشي بعد ما قريت لاقيتك بتمسك ف القراء وبتقول لازم اعلق
وبما انى واخدة ع الزنازين قلت اكد ان جيمي مبيعرفش
اه مبيعرفش...
مبيعرفش يعيش من غير مامى وبالتالي الجوازة مش هتعمر بما انه هيبقي ف صف مامي ع طول الخط والست ديجة هتاخد ...هتاخد علي خاطرها وهتهدد بالرحيل من قصر مصر الجديدة
ولان جيمي مبيعرفش
احتمال يكبر دماغه ويبعت لها ورقتها ع قسم الموسكي
او هي هتخلعه

بقولك متاخدش ع كلامي اللي فوق دا
دا مزور اما تعليقي اللى م القلب
لولولوليييي الف مبروك ...اخيرا قلب السبعين مليون مصري هيفرح بسيد الشباب وفلتهم (بضم الفاء وليس كسرها)اخيرا بعد رحلة عذاب تكوين مستقبله وتجهيز تمن الشقة والجهاز
يا ريت والنبي مع البوست غنوة فنان الشعب والجيل والخلاط حمادة هلال انا لا مسطول ولا بطوح
وسمعني تحية للعروسين صلاة العيد

ibn nasser - ابن ناصر يقول...

ههههههههههههه يعني طلعت الواد فافي حرام عليثك ده القائد بتاعنا مستقبلا ههههههه بس في سؤال ايه الهديه اللي نفسك تديهالو
هه
تحياتي

zenzana يقول...

بلاش اقولك احسن اتحبس رسمي
بس ممكن ادله علي كام محل ف برلين هيظبتوه تمام
وهيبقي تمام بس مش مع ديجه
ههههههههه

ibn nasser - ابن ناصر يقول...

هههههه اللي زاي ده ولا محلات ولا حاجه يا عم نشو علي الست الوالده تودي لحبيبنا العادلي يلففوا جوله في الزنازين ويقعد ام يوم يبقي تمام هههه
تحياتي

zenzana يقول...

اه قصدك مركز شباب امن الجيزة اللي فيه اسلام نبيه معاك حق
الواد اسلام ربرب وحالته المعدنية جات عليه ومقصرش فيه مرواحه عند المدام كل ليلة
كفاية كدة مش عاوزة اتحبس
شكلك ناوي لي

Unknown يقول...

يابني بلاش الحقد الدفين ده, سيبو الراجل في حاله بقي وخلوه يتجوز ويتبسط, وبعدين انا مسمحلكش انك تقول اننا غيرانين, ده انا هنزل بوست بمناسبة الموضوع ده, وهعرفك حاجات مكنتش تعرفها ((:

ibn nasser - ابن ناصر يقول...

ههههههههه اومال زنزانه ايه بقي يا راجل ومتبقاش خواف كده ده الظباط دول احسن ناس بس روح انت وشوف هيعملوك ازاي اخر جمال
تحياتي

ibn nasser - ابن ناصر يقول...

اسراء
ههههههه قشطه جدا ايوه كده عرفينا حاحات ماكنتش اعرفها داحنا هنشوف الاحقاد وياريت بقي مالكيش دعوة بديجه عشان طيبه وزي القمر
نياهههههه
تحياتي

zenzana يقول...

ابن ناصر
انا مش راجل لو سمحت

غير معرف يقول...

اية يا بنى؟؟
انت عندك حول مزمن ولا اية؟؟
دى أبلتك زنزانة ست البنات
تقوم تقولها انت ويا عم وجدع وابصر اية؟؟؟؟؟

ياااد حتشمت جيمى فينا ويقول عننا شوباب أحول ومخه عجين الفلاحة


هو جيمى حيتجوز امتاا؟؟
علشان بقا من حق الشعب المصرى يحضر ليلة الدخلة لامؤاخذة
وتتنقل له بث مباشر
ويشوف الست نظامها اية
والسبع بتاعنا بيصد معاها ولا مخسع وحيرفع راسنا ولا حيخللى رقبتنا قد السمسمة

حقناااااا بقااااااا
هااااااااااااة

ibn nasser - ابن ناصر يقول...

ههههههههه معلهش انا اسف يا راندا والله ماكنتش اعرف سوري
تحياتي
ههههههههههه

ibn nasser - ابن ناصر يقول...

شهروزه
اول حاجه معرفش ان في بنات في الزنزانه اليومين دول بس مش هتكلم كش هاقولكم حاجه غير ولعوا في نفسكم ,,اه ماهي احقاد من ديجه بقي ست البناات ولا ايه!؟
هههههههههه سبع لأ ياستي ببشرك من دلوقتي ضبع ولو جه عيل يبقي انابييب ههههههه ماي سوزي عايزه كده ,,ابن امه هههه
تحياتي

غير معرف يقول...

ههههههههههههههه ايه الجمال ده والله فرحتني اوي انتا عارف انا اول مره احس ان جمال مبارك ادانا امل في بكره اقوللك ازاي اصله هو عنده 42 ولسه خاطب وهيتجوز كمان شهر يعني احنا لينا مستقبل هههههههه ياخساره السن تحياتي ليك اوي وخد ده ده موقعي الجديد ابقي زوره http://www.fareszoom.s5.com

koukawy يقول...

انا اهديهم مفرمه 00
شوف انت ليه بقي

مصر هى أمى يقول...

ابن ناصر

عايزين احنا المدونيين نعمل حملة للتبرع علشان نجيب هدية للعريس وعروستة الراجل برده غلبان فضل لغاية اما بقى اربعين سنة بيكون نفسه ولسه ناقصة شوية حاجات فشوف ناوى تدفع كام علشان نكمل على اللى معانا ونجيبله الهدية المناسبة
طبعا اقل تبرع ممكن ناخدة مليون جنية مهو لازم يليق بالمقام السامى بتاع جنابه


احلى حاجة انا مستنى الجوازة ديه وان جنابه يمسك الحكم عايزين نتفرج على شغل الحموات اما تبقى ديجة سيدة مصر الاولى
ماما سوزان هتعمل ايه
تفتكر هتعمل ايه

david santos يقول...

Have a good day, may friend, Ibn Nasser. Thank you

Bossy يقول...

دا اهداء مني لجمال وخديجة
رب مصيبة تقربك اللي الله
خير من فرحة تبعدك عن ذكر الله
ادعوا بقي ربنا يجعلها اخر الاحزان

شهيدة يقول...

لااااااااااااااااا

انت صدمتني لما قلت كدة يا ابن ناصر

تخيل!!! ابن جنبلاط (تيمور) حفيد السلالة الأميرية يحكمنا هو كمان

آآآآخ
ولا ابن السنيورة

حرام عليك كدة يا ابن ناصر

خلاص انا سحبت تهنأتي بالزواج السعيد ده

يارب يحصل فجيمي زي الفيلم المصري القديم اللي مش فاكرة اسمو..ز المهم يطلع متجوز أربعة تانيين وكل واحدة جايبة منو خمس عيال وييجوا كلهم يبوظوا الفرح
وبعدين يطلعوا حسن يوسف ومحمد عوض والرقاصة.... هههههه

ايه رأيك في الأفكار دي؟

ibn nasser - ابن ناصر يقول...

فارس حبيبي اه معاك مستقبل اهو جاي هنروح فين يعني
وهاجي اشوف موقعك
تحياتي

ibn nasser - ابن ناصر يقول...

koukawy
مفرمه !!!؟ لا مش عارف ليه ,,,اوعه تكون عايز تفرمهم ! يار ااجل حرام عليك ده انا لما دخلت السايت بتاع مركز الشفافيه الراجل بتاع الوطني كان بيقول ف كليب هو عامله بعد ان تغيب الشمس ويحيط العتمه والضلال بالمصريين ---انا قلت يوم القيامه بجد مش بهزر-- قالك ويكون لا أمل في نجاة المصرين الا السيد جمال مباارك ....ليه هتموت الامل ليه!!؟
تحياتي وابقي نورنا

ibn nasser - ابن ناصر يقول...

مصر هي امي
هه تبرعاتاه والله لازم بس انا والله شغوف زيك نفسي اشوف شغل احموات وبعدين ايه مش اي حما دي وليه أرشانه بس برضه ديجه سهله مش سهله وعندها خبث الفلاحين يبني تلاقيها كانت رسما علي جيمي من زمان ..
تحياتي

ibn nasser - ابن ناصر يقول...

david santos
thank you my friend

my best regads

ibn nasser - ابن ناصر يقول...

شهيده
ههههههههههههههه موتيني من الضحك يا عقبال ما تبوا اولاد السنيوره في عزكم وهطلع سنيوره زي بابي بس مش هيعيط بقي ده هيلطم ,,,,وتخيلي بقي لو جم ستات بشلة عيال زي ما قلتي وقالوا انهم ولا جمال هههه يا نهار اسود بس لأ ده جمال فافي جدا يابنتي ومش اجتماعي ,,ده ممكن يفضحنا في الجوازه د
تحياتي

ibn nasser - ابن ناصر يقول...

bossy
ههه مصيبه ترب مين لربنا ههههه احنا بس عايزين مصيبه تقربه من الشعب الاول بعدين يبقي في أمل
تحياتي

غير معرف يقول...

ايه يا شوية حاقدين مالكوا ومال جيمي ده ماما سوزان لسه مقبضتش الجمعيه العاملاها علشان تجيب اودة النوم لجيمي يا جماعه الراجل بيتجوز وهو عنده حاجه واربعين حرام عليكوا الواد ممسكش ايد بنت طول الاربعين سنه دة يا كفره ههههههههههههههههههههههههههههههههههههههههههههههههههههههههههههههههههههه يلا ربنا يستر علينا وعلي البلد لاحسن باين ان جيمي فاجر اكتر من المعلم الكبير يا جماعه والله بجد ده عار علي كل الشباب لازم يبقي في رد فعل علي المهازل ده ورد فعل قوى واشكرك يا صديقي وصديق عمرى بن ناصر علي الموضوع العظيم


نور العظماء

ibn nasser - ابن ناصر يقول...

ههههههه نور حبيب قلبي ,,ازاي برضه ده جمجوم حبيبنا قوي واحنا نقدر علي زعله ,,,
تحياتي

Rania Lelah يقول...

ايه يا جماعة ما الراجل اهو
هيتجوز و هو عندة اتنين و اربعين سنه
مش واخدين بالكوا يعنى
انه كان بيكون نفسة علشان يقدر على مسؤليات الجواز
اله
ما الراجل حاسس بالشعب اهو
انا اعرف انه هيتجوز يوم تقريبا 5 مايو
تيمننا بمولدة السيد الرئيس ابوه
يعنى كمان بار بوالديه
لالالالا ملكمش حق ابدا فى الى بتقولوه
و بالنسبة للتبرع علشان نجيب هديه
انا مكن اتبرع بدمى
ينفع؟؟؟؟؟؟؟؟؟
اهو يتباع بردة و يجيب حاجة
تشارك
مش كدة و لا ايه؟
على راى فؤاد المهندس
و على راى ايهاب توفيق
هى نقصااك انت كماااان
تحياتى
موضوعك حلو يا ابن ناصر

عاشقة الوطن يقول...

ياخويا مش كنت تعرفنا من زمان عشان نعمل حسابنا فى الدعوات ونزودها شوية
فرحتنى ياخويا

قالتلى فرح مين؟؟؟
اااه فرح كبيرنا وحبيبنا وابن بلادنا

لالالالا متقولش فرحتنى اوى اوى اوى
ويابختك ياديجة بجيمى
كده تخطفى الواد مننا
واحنا كنا عاملين حسابنا نكون مكانك
يالا معلش الجايات أكتر من الرايحات

ومبرووووووووك ياجيمى
الواحد فرحلك ياخويا

وعلى فكرة ياابن ناصر حلو اووووى الشعر بتاع اتلم النيلة على المخفية
مش عارفة انتم بتجيبوا الحاجات الحلوة ديه منين

دايما كده مشرفنا قدام الواد وأبوبه

تحياااااااااتى الشديدة ليك ياابن ناصر انك افتكرت عمك الحج جيمى وهنيته كمان
فيك الخير ياابن ناصر

يالا بقي سلام وأشوفك بقي فى الفرح بتاع اخوك وحبيبك جيمى
اوعى متجيش وتقولى الفرح عائلى والكلام ده
انا اللى بعزمك اهه واوعى متجيش بقي
وهات فى ايدك اتنين كيلو قشر موز ولا حاجة عشان ماتدخلش بايدك فاضية

عاشقة الوطن يقول...

نسيت صحيح انا دبستك فى تاج يالا بقي عشان تجاوبه
وأوعى تقلبه
مااااااااااشي

سلااااام

khaled يقول...

ربنا يرحمنا جميعا

ibn nasser - ابن ناصر يقول...

rania
ههههههه الحمد لله اهو كون نفسه يا ستي خلاص ,, وياريت عايزينك تتبرعي بحاجه تانيه غير دمك يعني هاتي اباجوره يحطها في اوضيت النوم اني عارفه ازمة الشباب اليومين دول,,,علي رأي حبيبنا الفاجومي .... (((ماحناش كارهيناك لكننا عارفيناك ,,هتكمل دينك وتطلع دينا)))
تحياتي

ibn nasser - ابن ناصر يقول...

عاشقة الوطن
هههه اومال عاريزاني انسي جيمي حبيب قلبي ولا ديجه دي فتاة احلامي ازاي بس ,,والبيموتني من الضحك المدونات بتاعة البنات كلهم مركبين لديجه وشوش وبيتريقوا عليها هيموتوا من الغيظ والغيره هههههههه يا جمااعه خلوها تتهني بشبابها شويه حرام عليكووووو ,اوانا عارف كل البنات هتنام وتحلم انها بتضرب ديجه بتشتمها بتعذبا هههه ,,,, وبالنسبه للتاج حرااااااااام انا جالي كده خمش تيجان ,,بس شكرا والله افتكرتيني..

تحياتي

ibn nasser - ابن ناصر يقول...

ههههههههه ربنا يرجمنا هههه في ايه في الدستور ولا لحريات ولا في جيمي ههههه
تحياتي لخالد

غير معرف يقول...

تحياتى لكل الموجودين وانا بدعوكم لحضور حفل زفاف جيمي يا شوية حاقدين هيبقي علي كوبرى عباس وهياخدوا مركب بعد كده علشان الميزانيه هههههههههههههههههههههه

šσяšαяαα يقول...

بمناسبه اعياد شم الفسيخ انا ههدي للعرسان اتنين كيلو فسيخ متحنط من ايام عمنا خوفو ومعاهم حزمتين بصل اخضر.
وطبعا مش هنسى معاهم ديتول وكلورتس لزوم الهضم.
وسلملى على المأذون:)

barbie girl يقول...

عقبالنا كلنا..ومش مهم نعمل فرحنا فى شرم الشيخ بردو..ومش مهم يكون الفستان باكتر من مليون جنية ..ومش مهم ومش مهم ومش مهم..المهم يا بخت الناس اللى ياكنين فى الزمالك اصلى قرات فى جريدة انه هيعيش فى الزمالك واهو بالمرة الجيران يسمعوا خناقاتهم..ياترى عندهم خناقات على مصروف البيت ذى تلات اربع البيوت هنا فى مصر وللا ايه؟؟

ibn nasser - ابن ناصر يقول...

ماشي يا عم نور نبقي نروح وراهم بلانش هههههههههه
تحياتي يا نور

ibn nasser - ابن ناصر يقول...

هههههههههه اه دي حسن هديه والله يناسبهم اوي
تحياتي لسورساره

ibn nasser - ابن ناصر يقول...

اه مصروف البيت يا حرام بس ده بني نفسه خلاص
تحياتي

غير معرف يقول...

أهدى لهما صورة للذين أحترقوا فى القطارات أو تمزق أجسادهم و غرقى العبارة و أقول لهم عقبال عندكم وصورة أخرى للمعتقلين ظلما و العذبين فى أقسام الشرطةوالمنتهكة أعراضهم و كمان صورةللشباب الملقح على القهاوى و أصبحوا صيع و بلطجية و ذلك نتيجة العبور للمستقبل الأسود على دماغهم
إن شاء الله السميع العليم

غير معرف يقول...

أهدى لهما صورة للذين أحترقوا فى القطارات أو تمزق أجسادهم و غرقى العبارة و أقول لهم عقبال عندكم وصورة أخرى للمعتقلين ظلما و المعذبين فى أقسام الشرطة والمنتهكة أعراضهم و كمان صورةللشباب الملقح على القهاوى و أصبحوا صيع و بلطجية و ذلك نتيجة العبور للمستقبل الأسود على دماغهم
إن شاء الله السميع العليم

ibn nasser - ابن ناصر يقول...

ههههه دلوقتي حسني بيضع اكلي من الزهو علي قبر الجندي امجهول ,,عقبال ما احط له اكليل من الزهور