أخبـار ابـن نـاصر

لا للتعديلات الدستورية

الجمعة، ٢٢ يونيو ٢٠٠٧

الأزمه الفلسطينيه من بدايتها حتي الان


نظره في تطورات القضيه الفلسطينيه

حماس وفتح لغزاً لم يحل منذ تسوية عام 1997 عندما عقدت التصالحات بين الفصائل الفلسطينيه حتي الأن وايضا عندما اتفقت فتح وحماس بعد انسحاب اسرائيل من غزة علي عدم الانفراد بالسلطه فيها وكيف تازم الموقف كذلك وتدمير معظم المؤسسلا الفلسطينيه او اقتحامها وسرقتها ؟ وما اسباب نشوب حرب اهليه –في وقت من الاوقات-بين فتح وحماس؟ ,لكننا يجب لنجيب علي الاسئله ان نلقي نظره للوراء واعادة التذكير بتطورات القضيه حتي يمكننا رؤية الموقف بشكل مختلف .
عندما قامت الانتخابات في فلسطين واشترطت الولايات المتحده الامريكيه "الديموقراطيه والشفافيه" في الانتخابات وبعد أن قال الشارع كلمته واختار حركة المقاومه الاسلاميه "حماس" وتشكلت الحكومه من حماس برئاسة اسماعيل هنيه ,فأصبحت الحكومه من حماس والسلطه من فتح -متمثله في أبو مازن – وبدأت المشكله فرفضت الولايات المتحده واسرائيل حماس وإعتبراها جماعه إرهابيه ومرفوض التعامل معاها نهائيا ,فوقف العالم ضد حماس ووقفت فتح مع العالم! وطبعا مع الحصار علي الشعب الفلسطيني وعدم دفع مرتبات الموظفين والضغط الدولي وانفلات الاوضاع الامنيه كانت فتح تتوقع ان حماس ستترك السلطه لكنها لم تتركها وظلت تتمسك وتتمسك حتي لم تستطع واصبح الضغط عليها من كل ناحية حتي انها لم تترك السلطه -او الحكومه بعني اوضح- فقامت بتشكيل حكومه وطنيه اي تجمع بين الفصائل الفلسطينيه, وتنفسنا الصعداء أن أخيرا حماس وفتح قد اتفقا علي شيء لكن سرعان ما اصبح كل يومٍ ساحه قتال واغتيالات بين حماس وفتح ويظهر قادة حماس وفتح يتصالحان ونري في اليوم التالي تفجيرات واطلاق صواريخ وعمليات اختطاف واغتيالات, حتي اني رأيت محمد دحلان في خطبه له وسط جموع غفيره من فتح وكنت اتخيل ان هذه الخطبه المندده الرهيبه –والتي كان يقول فيها رأس برأس وسنرد الصاع صاعين وهكذا-موجهه الي اسرائيل لكنها كانت موجهه لحماس! .
والان في القضيه الفلسطينيه وبعد سيطرة حماس علي غزه وفتح علي الضفه الغربيه بعد القتال العنيف وموت واصابة الكثير من الطرفين وهروب الاهالي وبعض من حركة فتح في أقوي اشتباكات تمت بين فتح وحماس, كلف أبو مازن الدكتور سلام فياض بتكوين حكومه الطواريء ,وتكونت الحكومه بالفعل وقامت بتأدية اليمين الدستوري في رام الله امام الرئيس ابو مازن وفي هذه الحكومه تولي 11 وزيرا لحكومة الطورايء" وهم سلام فياض لرئاسة الوزراء وزارة الماليه والخارجيه ,وعبد الرازق يحي وزارة الداخليه والشئون المدنيه , وزياد البندك وزيرا للحكم المحلي والزراعه, وخلود دعيبس وزيرا للسياحه وشئون المرأه ,ومحمد كمال حسون وزيرا للإقتصاد والاتصالات ,ولميس العلمي وزيرا للتربيه والتعليم العالي والثقافه ,وشمير عبدالله وزيرا لتخطيط والعمل ,وفتحي عبدالله مغلي وزيرا للصحه ,ورياض المالكي وزيرا للاعلام والعدل ,وجمال بواطنه وزيرا للأوقاف ,وأشرف العجرمي وزيرا لشئون الأسري والشباب والرياضه ,ومشهور ابو دقه وزيرا للعمل والمواصلات" ,ولكن حماس علي لسان متحدثها الرسمي اسماعيل رضوان قالت انها لن تعترف بحكومة فتح وانها حكومه غير قانونيه وغير دستوريه واصبحت المشكله في حماس ليست في عدم إعترافها بالحكومه الصهيونيه بل والحكومه الفلسطينيه ايضا! فيوجد من الفقهاء من يري ان هذا ضد الديموقراطيه ويوجد من يري ان طالما هذا من صلاحيات الرئيس فانه قانوني ودستوري, وبعد قرار ابو مازن بتشكيل الحكومه الجديده اعتبر مليشيات حماس خارجه عن القانون واتهمها بقيامها بالعصيان المسلح علي مؤسسات الدوله وعلي الشرعيه الفلسطينيه وبعدها جاء رد الفعل الدولي بالترحيب من الدول المجتمع الدولي مثل مصر والولايات المتحده الامريكيه معظم الدول الغربيه وهي تقريبا نفس الدول التي كانت معارضه لقدوم حماس للحكم وقال إيهود اولمرت رئيس وزراء إسرائيل انه سيعترف بالحكومه الجديده بشرط عدم وجود اي فرد من حماس فيها !.وقال الرئيس مبارك ان سيطرة حماس علي غزة انقلاب علي الشرعيه وقامت بنقل سفارتها من غزة الي رام الله!! فكان زمان ايام جمال عبدالناصر مصر هي التي تض الاشتباكات وتصلح اي خلافات لكن الان نقدر ان نقول لبتالعبير الشعبي-كل سنه وانت طيب- ينقلوا سفارا ويؤيدو مواقف امريكا واسرائيل.
والان أصبح الموقف متأزم جدا فالطرفين لايعترفون ببعض والمواجه المسلحه هي التي تتم بينهما بدل من التحاور والنقاش -الذي دار ولم يجدي نفعا- فيا تري ماذا ستكون التطورات في المستقبل ؟ وهل هذا العراك وقيام حرب اهليه بالفعل في وقت من الاوقات اساء الي القضيه الفلسطينه بصفه عامه؟ ام هذه لعبه لإذاحة حماس وتصفيتها ؟ فبعد سيطرة حماس علي غزة أعلن باراك ان الجيش الاسرائيلي يحاصر غزة ويستعد لشن هجوم عليها فهل هي مؤامره فعلا –ان جاز التعبير-؟ وكل هذه الاسئله لا يمكن الإجابه عنها ولا نملك سوي الانتظار ورؤية ماذا سيحدث, وندعو الله جميعا ان ينتهي الامر علي خير لان كل هذه النزاعات علي حساب المواطن الفلسطيني .
>>>>>

ابن ناصر - القاهره
http://ibnasser.blogspot.com
ibn-nasser@hotmail.com
.....

هناك ٣٣ تعليقًا:

عاشقة الوطن يقول...

ابن ناصر ازيك وايه أخبارك
أخيرا انا خلصت امتحانات ورجعت من تانى

بالنسبة لموضوع فلسطين وأزمتها والمشاكل اللى هى فيها فبجد الواحد زعلان على اللى بيحصل
مش كفاية انها محتلة ومغتصبة من عدو خسيس لأوكمان الفلسطنين بيموتوا فى بعض وبيضربوا فى بعض

ايه اللى بيحصل الله أعلم

ربنا يستر على ااالفلسطنين
وربنا يستر علينا

سلام ياابن ناصر

اه يا دماغى يقول...

المشكلة يا ابن ناصر صعبة ومعقدة جدا
وكل طرف يعتقد انه على
وياتى بالدليل والبرهان
ربنا يعدى الازمة دى على خير
والصورة اللى بوست الشيخ ياسين مع عرفات هايلة جدا
تحياتى

صاحب البوابــة يقول...

لا أجد سوى

اللهم انا مغلوبون فانتصر

ibn nasser - ابن ناصر يقول...

عااااشقة الوطن
..اخيرا رجعتي والله ليكي وحشه
علينا العوض بقي فينا وفي بلدنا

تحياتي

ibn nasser - ابن ناصر يقول...

انا كاتب بحياديه شديده لكن فتح يعني مش معقول اللي بتعمله ده

تحياتي

ibn nasser - ابن ناصر يقول...

صاحب البوابه

"المغلوبون في الارض"
ده شعارنا مفيش بلد مش بنتقتل فيها !!
تحياتي

غير معرف يقول...

السلام عليكم
سألت سؤال فى المدونه عندى ويهمنى جدا اعرف رأى المدونين و ازاى هيجوبوه
عسى ان تعم الافاده
.
.
.
الدعوه عامه

micheal يقول...

ملعون أبو حماس علي ابو فتح في يوم واحد..الاتنين طلعوا مدمني سلطه علي كلاب سلطه و لا فارق معهم قضيه و لا الشعب الفلسطيني....يعني يا ريت يغوروا هما الاتنين في يوم واحد
تحياتي لك

yasmina يقول...

ولا نملك سوي الانتظار ورؤية ماذا سيحدث, وندعو الله جميعا ان ينتهي الامر علي خير لان كل هذه النزاعات علي حساب المواطن الفلسطيني .

هذه هي الجملة المفيدة يا ابن ناصر انه لا نعرف ماذا سيحدث واسمح لي اقول لك ان الاثنان غير ملائمين للشعب
وما قاله مايكل قبلي اؤيده تماما

فلا تأخذ جانبا على جانب مع انك حاولت ان تكون موضوعيا الا انك انحزت قليلا لحماس

والحقيقة هي انهم ايضا محبي سلطة وكراسي
ويتخذون الدين حجة
وفتح ليسوا احسن اذا ظنت اني اناصرهم

بالنسبة لي الشعب وحده يعاني
ومن كان فعلا يمكنه حل ذلك اصبح تحت التراب
اين ايام القائد ابو عمار

سلام

Unknown يقول...

أنا من ساعة مالموضوع ده بدأ وانا شايفه ان اللي هم فيه ده فتنه

لما كان حد بيقولي شايفه بيموتو بعض ازاي؟

مش دول اللي انت كنت بتدافعي عنهم

كنت بقول محدش فينا هناك وسطهم, ومحدش فينا حاسس بالضغوط اللي عليهم

وانا لسه شايفه ان دي فتنه, وربنا ينيجهم منها, ويخرجهم منها بسلام

Monzer يقول...

لغاية كده وكله تمام
وهانقول زي مابيقول المسئولين الكبار هناك تطباق فى وجهات النظر فى القضايا الأساسية وهناك اتساق فى الأفكار والرؤا
لكن محتاج تكمله مهمة

مصر وكل الدول الحمصانية وقفت مه فتح ضد حماس على سبيل المثال لا الحصر
أمريكا بعتت سلاح لحرس الرئاسة الفلسطينية
ومصر دربت عناصر الامن الوقائى دون غيرهم
فأصبح يوجد تسليح لجانب على حساب الآخر
زي برده ما امريكا بتدى سلاح للجيش اللبنانى وهو بيحارب جماعة مكونة من 200 نفر فى الوقت الى كان لبنان كله بيضرب من سادس قوة نووية فى العالم والأمريكان طبعا ماكانوش بيعملوا الحاجة

الخلاص المفروض على دولة زي مصر لو عاوزين يبقى ليها جزء ولو بسيط من كرامة تبقى محايد ولا تغلب على الأقل طرف على الآخر ان لم تقف مع الحق وتساند الشرعية المتمثة فى حماس
تحياتى أخى الكريم وآسف ع الإطالة

غير معرف يقول...

تحية حارة الاخ الكريم ابن ناصر

بماذا ساعدت الظروف الراهنة أو التي سبقت منذ السيد عرفات
لا شيء إلا التقاتل الداخلي والإنفصام والمشاحنات الفارغة التي هوت بالفلسطينيين والعرب ككل إلى الهاوية وإلى ألا شيء
ربنا ينصرنا

شكرا لك

7ntklm يقول...

موضوع جيد لأنه يسعى للبعد عن المهاترات و الخطاب الأيديولوجي العبثي الذي يفتتن به البعض ، أيضا علينا أن نبتعد عن التفاصيل و نركز على الحقائق الصلبة و هذا أيضا ما نتفق عليه.
لا أعرف مكانا أو مرحلة أصبح اللعب فيه على المكشوف كما يحدث الآن في الشرق الأوسط ، رغم هذا يحاول البعض الهروب إلى الدوجمائية التي اعتادوها غافلين أن ذلك كله أصبح من الماضي
أن فتح الحالية نخرها سوس الفساد و ليست نفسها فتح الرائعة نفسها التي أطلقت شرارة الثورة الفلسطينية في الستينات ....
لا يعني ذلك اننا مع الحملة الاعلامية امليئة بالاكاذيب التي تشنها حماس على فتح و العكس، و إن كان في بعضها شيء من الصحة يعلمه كل الفلسطينيين قبل حتى ما تجري كل هذه الاحداث و قبل هذه الفتنة القذرة.
لولا الفساد المستشري في فتح و انعدام الشفافية لما فازت اصلا حماس حتى باكثر من 15 % في الانتخابات التشريعية

أمــانــى يقول...

أخى الفاضل
كلنا مسؤلون عما حدث فى فلسطين هتقولى ازاى
احنا اللى مازلنا وهنفضل ساكتين وخايفين الحكومات العربية كلها وقفت مع امريكا واسرائيل ضد الشعب افلسطينى اولآ من بداية الانتفاضة حتى لم نسمع كلمات الشجب كانه مكتوب عليهم انهم يعيشوا هكذا
ورجعوا كملوا الكلام ده بعد فوز حماس الكل ادار ظهرهم لهم
هل هذا بعدل
وفى الاخر تسحب السفارة ازاى اللى ما عملتها مع اسرائيل
بس كفاية لانى لو اتكلمت هأعمل زحمة
تحياتى لك يا ابن ناصر

ابو العربى يقول...

والله دى نصيبه سودة انا كنت الاول بقول ان حماس المفروض متدخلش المعترك السياسى القذر وتفضل حركه مقاومه وبس وبعدين قولت لا يدخلو ويحولو يغيرو ومحصلش نصيب بان الحزب الوطنى على حقيقته اه انا قولت الحزب الوطنى لا اقصد فتح وفتح شبه الوطنى
ضاع دور مصر فضاعت القضيه

عمرو المصري يقول...

السلام عليكم ورحمة الله وبركاته

بص ياعم
من غير زعل
التعليقات خنيقة جدا
مش عايز اقول ان انت السبب لانك موضحتش رؤية كاملة للموضوع واكتفيت باللي بيقولوه في الاخبار ع الجزيرة والعربية وغيرهم في اكبر حملة للتضليل الاعلامي اللي ناس كتير قوي مشيت وراها
لكن للاسف ناس كتير اللي المفروض انها عارفة اللي بيحصل مش بتكتب ومش بتنشر وبتكتفي بالفرجة

بصراحة انا مش عارف اكتب ايه واقول ايه
بس قبل ماانسي احب اسجل اعتراضي وبشدة علي الاخ اللي اسمه
micheal
اللي شتم الاتنين وهو اساسا مش عارف ايه الحكاية
انا بصراحة كان هدفي البداية انك تدخل ارض الحرب تقرا اللي مكتوب وتعلق

لكن بعد اللي قريته
انا مش عايزك تعلق
انا عايزك بس تقرا يمكن اكون وضحت جزء ولو بسيط جدا من الحقيقة

تحياتي لك من ارض الحرب

\\\\\\\\\\\\\\\\\
\\\\\\\\\\\\\\\\
\\\\\\\\\\\\\\\

الي اولئك الذين المهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

غير معرف يقول...

ابن ناصر اخي الغالي
انا مش عارف ايه اللي بيحصل ما بين فتح وحماس وايه اللي بيدور بي اللي مزعلني ان الناس دول بيقتلوا في بعضهم وسايبين عدوهم الاصلي يضري يقلب مش مشكله هنعمل ايه يعني
تحياتي

عماد رفعت يقول...

احشنا يابن ناصر
ماتنساش اخر يوم تلقي موضوع الاسبوع الاول باكاديمية شبابيك يوم 1/7
ياتلحق يامتلحقش
ماتنساش
http://www.shbabik.net/forums/forumdisplay.php?f=6

ذو النون المصري يقول...

اعتقد ان المشكله قد يكون لها جزر غير منظور ،!!!فبعض المنتمين لتيارات اسلاميه يعلو الانتماء الاسلامي لديهم علي الانتماء للوطن كانهما متفرقان و لا يمكن الجمع بينهما
و لانهم لا توجد في عقولهم ترتيب للاولويات و عدم تخطيط سليم ممكن يحارب لاعلان دوله اسلاميه في بلد اصلا محتل او ممكن يطالب بالخلافه في بلاد هي اصلا لا تقيم الاسلام و خلافه من التناقضات
جايز يكون فيه شيء من هذه الجزور يلعب في عقول قيادات حماس و فتح في الخفاء"في العقل الباطن"و محتمل يكون الصراع بين القوميه و الاسلاميه

غير معرف يقول...

sorry irrelevent but i like it

الرئيس يخاطب شعبه الحبيب!!
ياشعبي حبيبي ياروحي يابيبي ياحاطك في جيبي ياإبن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله دا حال
أحبك محشش مفرفش مطنش ودايخ مدروخ وآخر انسطال
أحبـك مكبـر دماغـك مخـدر ممشـّي أمورك كـده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبــالع لســانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي مُحبط وشايف محال
واحبك تســـافر وتبعد تهاجــر وتبعت فلوسك دولار أو ريال
واحبك تطبـّل تهـلل تهبـّـل عشان ماتش كورة وفيلم ومقال
واحبـك تأيــّد تعضّـد تمجّــد توافق تنافق وتلحس نعال
تحضّر نشـادر تجـمّع كوادر تلمـّع تقمـّع تظبـّط مجـال
لكن لـو تفكـّر تخـطط تقـرر تشغللـّي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها هاجيبك .. لايمكن أسيبك وراح تبقى عبرة وتصبح مثال
هابهدل جنابك واذل اللي جابك وهيكون عذابك دا فوق الاحتمال
وامرمط سعادتك واهزأ سيادتك واخللي كرامتك في حالة هزال
وتلبس قضية وتصبح رزية وباقي حياتك تعيش في انعزال
هتقبل هاحبك .. هترفض هلبـّك هتطلع هتنزل هاجيبلك جمااااال

ibn nasser - ابن ناصر يقول...

حراس الحقيقه
حاضر انا قادم

ibn nasser - ابن ناصر يقول...

مايكل
انا مقدر بس الغدر من فتح برضه باي
اظن ذلك
تحياتي

ibn nasser - ابن ناصر يقول...

يسمينا
ابو عمار مين بقي صلي علي النبي.. دلوقتي في دحلان
يعني خيانه عيني عنك

تحياتي

ibn nasser - ابن ناصر يقول...

اسراء
هي مش فتنه هي مؤامره دوليه علي حماس
تحياتي

ibn nasser - ابن ناصر يقول...

حباصه
لا اجد ما اقوله بعد كلامك فانا اؤيدك
تحياتي

ibn nasser - ابن ناصر يقول...

س.اومرزوك
كلامك جميل ,,وربنا ينصرنا لكن من نحن ..عرب ..مصرين ...فلسطينين ..فتح ام ..حماس!!؟

تحياتي

ibn nasser - ابن ناصر يقول...

حنتكلم
فعلا فلولا فساد فتح لما فازت حماس
كلام اكثر من رائع
تحياتي

ibn nasser - ابن ناصر يقول...

ضد الظلم فعلا ففتح مثل الوطني لن تترك الحكم حتي بالسلاح او الديموقراطيه
تحياتي

ibn nasser - ابن ناصر يقول...

عمرو المصري
معلشي مابحبش تحيز
بس هوضح ان شاء الله
تحياتي

ibn nasser - ابن ناصر يقول...

أماني
احنا المسئولين طبعا ده رئيس وزرائهم فضلنا سايبينه ووزير خارجيتهم ماحدش قبله .!! عالم خونه بقي عادي

تحياتي

ibn nasser - ابن ناصر يقول...

فارس
السلطه مفيش فايده المرض الازلي
!!
تحياتي

ibn nasser - ابن ناصر يقول...

ذو النون
اه دي مشكله ايضا ..سيد قطب له شعر بيقول علي ماتذكر منه .. ان الغايه هي ديننا اما الوطن فهي حفنة تراب عفن ..عادي
تحياتي

s يقول...

thanks